2015年2月24日 星期二

素茶舍Veggie Macau

羊年第一個工作日~~~爆多野做呢~~~不過預左~~~真係好攰~~~~咁多野做應該時間過得好快先係...但係偏偏今日d時間過得好慢......尤其朝早.....真係.....的答的答行快d啦~~~~~~聽日都要ot呀~不過算啦~人地下個禮拜都去旅行咯~(我係咁樣安慰我自己的)



之前見到有人係fb度post話去有一間素食既cafe~見幾新穎所以就去試下~叫素茶舍Veggie Macau...地址:澳門塔石街朗晴軒地下G座....電話:2836 6891...逢周二休息...係正Tree Cafe隔離....




鋪頭細細...樓下有一張..定兩張二人枱.....樓上都係5..6張二人枱......坐就...真係坐得好迫的...(因為我地哥日3個人要坐二人枱)




綠茶 $38......er...普通啦...勝在係用茶葉囉(諗起新葡京既水晶廊真係好抵...)




榛子咖啡(熱) $36......一般...唔係好熱......




焦糖咖啡(凍) $38......華...你有無過份左d呀?收我Starbucks既價錢...但俾double expresso既份量我???????好誇張!!!!而且.....飲唔到咖啡味囉...好奇怪!!!!




野食就叫左迷你沙律 $55...兩款自選沙律配田園青菜.....我地揀左經典通心粉沙律同埋青草醬沙律......呢個唔錯~幾好味~但係田園青菜...就係得幾塊生菜墊底咋喎.....




素茶舍素漢堡包 $75.....er......我開始見到個樣..好不安....(哥舊扮肉既素漢堡呢.......一粒粒我覺得..好恐怖...)




原來舊素既漢堡餅係由白菌..扁豆..洋蔥..青椒..粟米..核桃整成.....個口感就係......林pat pat.......打冷震~(個人感覺咋)




墨西哥餡餅 $68.....呢個好味...因為裏面有菠蘿芝士..素肉餅...好似食緊pizza.....但價錢唔平呢...




藍芝士菠菜意大利燴飯 $88....一攞到黎好香...但食落又無咩味...好奇怪...............仲收餐廳價........

呢間野d野飲唔掂......而且仲鬼鬼祟祟.....明明佢哥時叫哥幾個主菜係試業期間係會有咖啡或茶送...我地唔知...叫左野飲.....都算....仲要我地叫左野飲代表你就可以唔送咩????咁姑寒就唔好寫出黎話送啦..........真金白銀俾$38一杯凍啡真係堅唔抵飲.........





2015/02/24的開心事:
野~新年第一日番做得最多係咩呀~
梗係逗利是啦~
一番工d恭喜發財身體健康聲此起彼落~甚是熱鬧~
今日單日淨係同事就逗左55封~~~~
好開心呀~~~因為舊年有好多同事結左婚~~~
真係好正~~~~~~
有d同事就派得好大方...仲要今朝一早番工係街已經追住我派~
有d就閃閃縮縮以為大家唔記得佢結左婚(唔使驚~我會恭喜你發財提你的~~)
總之好多謝大家既利是~~~~
祝大家新一年開開心心~身體健康~~~~



報時:距離東京媽媽慶生之旅2015仲有---9日~~~
報時:距離公子新加坡喪吃自由行之旅2015仲有---38日~
報時:距離關西哈利波特之旅2015仲有---116日
報時:距離冰島格陵蘭自由行之旅2015仲有---215日~
華~~~~單位數喇~~~
好驚呀~~~今年第一個旅行就黎要出發喇~~~~
有點抖不過氣來~~~~~~

24 則留言:

  1. 焦糖咖啡就係你影相咁大杯呀?
    我去過買螺絲粉食,幾好食,不過好貴呀

    回覆刪除
    回覆
    1. 係呀..你無睇錯呀就係得咁大杯咋!!!我一啖都未飲呀...佢拎黎已經係咁細杯呀
      我都覺得d沙律通粉撈得幾好食但真係太貴...

      刪除
  2. 素茶舍素漢堡包,看落都恐怖喎!墨西哥菠蘿芝士餡餅,吸引!
    我都遇過D試業時古古惑惑,不過都做唔長!
    淨係同事就逗左55封?大公司的好處,哈哈哈
    好快又和媽媽去旅行啦!

    回覆刪除
    回覆
    1. 係呀...d一粒粒好恐怖...
      我近排無行過唔知仲有無開添呢~~
      哈哈...今日已增至79封~~
      係呀~~~我好緊張~~

      刪除
  3. 素漢堡,真係好醜樣,我實在無勇氣放入口!!!!!! 呢間嘢又真係貴喎,咖啡最忌唔熱,我一定叫佢換過。
    嘩,真係恭喜發財喇,就算係十蚊封都成五佰幾蚊,nice^^
    其實每次去旅行我都又興奮又緊張,hehe!!!!!!!!!!

    回覆刪除
    回覆
    1. 係呀...d一粒粒好恐怖...
      好彩我係飲凍咖啡咋~~~~
      係呀~~我偷睇過有d唔係10蚊架~~
      我都係呀~~無論去邊都好~~(但上次去馬拉真係無.....哈哈)

      刪除
  4. 嘩~~~呢間唔掂啦,又貴又好似麻麻地喎
    𢭃咗咁多利是,我係公司𢭃得17封。

    回覆刪除
    回覆
    1. 祝妳生日快樂,身體健康,心想事成,恭喜,恭喜。

      刪除
    2. 係呀...得個撈通粉沙律好食
      係囉我都覺得今年真係多左~

      刪除
    3. 我都祝你生日快樂呀~~~~~~~

      刪除
  5. 呀~~今年要早返台灣
    D利是逗得好少咋T__T
    結婚唯一壞處就係要派利是XD
    但係對人既工作又有得收利是...好正@V@

    回覆刪除
    回覆
    1. 係呀點解要早番既?要早開學?
      哈哈~~一年一次人人開心~~~~
      無啦我地唔會收d客既利是架~

      刪除
  6. 嘩﹗無睇你幾遍blog,又多左,距離關西哈利波特之旅2015仲有---116日,哎呀,你真開心,工作旅行,又工作又去旅行,我相信旅行是你工作的最大推動力,我都祝你羊年心想事成,繼續開開心心,身體健康,係噃,你的頭痛近來有無好到?

    回覆刪除
    回覆
    1. 哈哈~咁又真係....我成日諗....做多幾幾幾日我就可以去旅行啦~~~咁樣做野會開心d~
      近呀一時時啦~有試過好痛呀....不過呢個禮拜又好地地~

      刪除
  7. 收好多封利是......我便今日開工,本是年初八的.但提早開.

    回覆刪除
    回覆
    1. 下...咁慘既?!?!明明初八先開工喎...點解既~

      刪除
    2. 叫我先返工,或可能有野做,不過,返左半日後,話沒野做,下午就叫我收工.

      刪除
  8. 小t祝你同媽媽羊年得意,身體健康!

    回覆刪除
    回覆
    1. 我都祝你同你家人(包括貓咪們)身體健康~事事順利~

      刪除
  9. 呢間真係有啲貴喎~~~同埋我好驚咖啡淡味架..............超難飲!!
    佢碟意大利飯好細碟呀, 點夠飽呢~~

    我公司都算大架, 不過啲人唔派利是, 所以十封都無><

    你下個禮拜就去旅行喇~~我會好掛住你架~~~~玩得開心啲呀~

    回覆刪除
    回覆
    1. 係好貴呀.....我哥杯仲要得咁少真係唔知講咩好
      不過唔好食既野又真係唔使俾咁多我~
      下?!?!?1咁慘?!?!咁我真係好你好多喇~~~~
      真既~~~錫哂你~~~~

      刪除
  10. 我得十封內渣 冇咩人派 hahaha 羨慕baby :)

    回覆刪除
  11. 乜你咁多同事架!! 我連埋阿仔果D,係公司先派咗百幾封咋喎。
    你羊年一定旺足全年,888!

    回覆刪除
  12. 果個素肉真係睇到都打冷震呀!

    回覆刪除