2015年2月10日 星期二

麥公子生日會2014@權昌新順發海鮮火鍋飯店

今日塊面好番好多喇~~~~我好開心呀~~~~~不過呢.....到我個喉嚨開始...有少少.....痛~~~~不過唔緊要~~及早發現...開始用喉痛露噴劑......會好快好~~~~~(快d好番呀~~~周末好多野等住我食架~~~~)



見到麥公子生日會~證明我寫到去舊年8月的事了~~~(真係新聞都俾我變舊聞喇~~~~~~~~)...即係吃貨公子們又再出動~~~今次慶生既地點我地之前淨係買過外賣去麥公子家吃~呢次就直情現場吃~叫權昌新順發海鮮火鍋飯店~地址:澳門美副將大馬路41B怡富大廈地下B/C...電話:2855 1117...2852 5238.....記得打去訂位..超多人食......冰鎮鮑魚片 $58....公子最愛....雖然知道係假鮑...但我地就係鐘意食假鮑味~~(好奇怪的一群人~~)




冰鎮豬手(隻) $98.....好好味~好大隻~好抵~個汁有少少泰式味~好襯冰鎮豬手~~




海蜇手撕雞(半隻) $68....撈得好好味~~正~~




拍青瓜豬耳仔 $48....好食~又夠大碟~




泰式炸蝦餅 $73.......唔使錢咁有成10塊...好恐怖~~~不過肉質一般般..有d梅梅地咁~不推薦~




椒鹽芋片 $48.....呢個係我既最愛~~~我第一次食咋~~就係呢度食~~~芋片薄薄的炸得香脆~~~加埋椒鹽.....好正~送酒良伴~




甜蜜咕嚕肉 $52....麥公子黎呢度既至愛~超大碟地好抵食~




未完架...未完架...七公子點會咁快完?梗係再黎個淮山杞子滋補湯 $40....黎打打邊爐先啦~




一系列既邊爐配料不能盡錄.....竹笙 $48...鮮枝竹 $30...精選黃牛肉 $65....生根 $30....仲有一大堆既冬瓜墨魚滑花枝片金菇菜豆腐之類......已不能盡錄




特別一讚係精選雪花大肥牛 $148....好好味~

我在寫blog的時候睇番當時張收據......叫左咁多野食..仲有人叫左個白飯??????????????????我已經諗起係邊個人叫的.......你真係....飯癡.....(唔係我).......不過可惜既係...第一次去食頂瓜瓜....第二次去食既時候食物份量同水準都下降不少....尤其係服務...衰到無人有!!!!!!!!!!!!!!!!第三次同屋企人去既時候又好番少少喎....水準有d參差..........



食飽飽又係時候食甜品喇~~~~今次我地訂左當時很人氣的CACAO.......當時剛開....有20幾人排隊等佢開門...仲要每人限買6件之類....仲要件件差唔多成$40.....仲要開左門1~2個鐘度就會賣哂之類之類既紀錄......我地由於唔想排隊買黎試....所以就直接訂生日蛋糕食囉~(因唔使排隊~可預訂)....貪佢未試過又靚靚~~都唔平呢個蛋糕小小的就索價$3xx




生日快樂呀~~~~~~麥公子~~~~~祝你生日快樂身體健康~~~~








我發現原來我舊年8月塊面都有少少咁多尖架喎...依家係圓面.....




哈哈~~~瘋合照又要來了~~哥時毛寶岩岩買左自拍神棍....第一次攞出黎用....你知啦...第一次用....梗係有d蝦碌既~影得我真係好靚女呀~




之後好少少喇~~~睇下個蛋糕細到......................揸棍人是我~




其實我地真係好唔知醜......我地張枱附近係有好多枱都係麻甩佬叔叔.......唔知佢對我地呢枱做出帥帥的就是你...有咩反應???




傻仔~




好喇~正經喇~主角要切蛋糕了~~~~~~~




我地平時都好苦惱點樣分7個人既蛋糕架喇~原來可以咁分架喎~~~wakakakka~~~~不過個蛋糕......如果漏既程度係10分...我會俾100分佢.....................得個漏字.....係又酸又漏....夾唔到一齊咁.....食呢舊蛋糕真係一d享受都無.....可以話係貴字得個樣既典範....CACAO真係只此一次下不為例了...拜拜~




歡樂的七公子生日P完滿結束~








麥公子的生日禮物~




蛋糕好不好吃不重要~最重要係大家聚在一起為公子慶生嘛~*3*(瘋夠了沒有?大街來的~)







2015/02/10的開心事:
今日毛寶落黎請左個綠茶小食...
同埋一隻糯米雞俾我食呀~~
糯米雞仲要係我好耐無食既何漢記呀~~~
好好味~~~~~



報時:距離東京媽媽慶生之旅2015仲有---22日~~~
報時:距離公子新加坡喪吃自由行之旅2015仲有---51日~
報時:距離冰島格陵蘭自由行之旅2015仲有---228日~
東京其實我差唔多plan好~
仲差寫番好少少咋~~~~~
加油~

23 則留言:

  1. 呢度既取價都好奇怪下,好似倒包薯片咁俾你地食既芋片同一大碟咕嚕肉只差四蚊雞?
    難得你地咁多年黎仲可以KEEP住呢鼓傻勁,好羡慕你地呀~~

    回覆刪除
    回覆
    1. 都唔係呀~~~都整得好大兜好好味呀~~~~hehe~~~
      係呀我地真係好傻~~~

      刪除
  2. 妳哋真係勁,食咗咁多前菜,仲可以打邊爐佩服。
    巧聰明咁樣分蛋糕。

    回覆刪除
    回覆
    1. 哈哈~~~咕嚕肉都係前菜~~~
      係呀好似係朗公子咁叻~~

      刪除
  3. 你要保重呀
    流感好厲害 要吸收多D維他命C呀

    回覆刪除
  4. 你地切蛋糕既方法真係好得!

    回覆刪除
  5. 係呢...今個周末14-15-16號...我出發同朋友和契仔番大陸玩呀
    今天...明天...和星期五也去屯門康復醫院。*¨照顧媽媽她啦
    ♦°¨☆晚安★⊹☾°我有時間才上網探探大家呢✬☁✫

    回覆刪除
    回覆
    1. 玩得開心d喇~~~~~~
      希望媽媽平平安安身體健康~

      刪除
  6. 權昌新順發海鮮火鍋飯店...幾好味咁呀
    由其...拍青瓜豬耳仔...甜蜜咕嚕肉...平靚正呀...超大碟.........好抵食

    回覆刪除
    回覆
    1. 係呀d野食幾大碟~同埋好好味~

      刪除
  7. 乖乖地...睇中醫...睇番好身體...想點靚都得呢

    回覆刪除
  8. 你咁樣食法,塊面何止會變圓,會發漲添呀!

    回覆刪除
    回覆
    1. hehe~我真係.....嗜好就是吃~食野真係好開心的~

      刪除
  9. 嘢食全部勁惹味,你哋唔好清淡嘢,good!!叫白飯位公子真識食,要向你致敬(我都係會叫白飯)......最鍾意睇人用神棍影相影埋支棍......麥公子許願幅相個樣好用力咁諗好多願望咁款.......傻仔幅相真係好傻仔......諗到咁分蛋糕嗰位係天才!!......呢篇特別好睇耐看,讚.

    回覆刪除
    回覆
    1. 都唔係既~我都鐘意食沙律架~但係呢間無沙律嘛~同埋出去食野梗係食重口味啦~~~食清淡野番屋企食嘛~
      哈哈~~穿崩位~
      咁有得許願梗係有幾多許幾多啦~
      我地太多傻勁~
      分蛋糕既係朗公子~

      刪除
  10. 冰鎮豬手、椒鹽芋片係好吸引~~~~
    何漢記糯米雞,我都想試呢!

    回覆刪除
    回覆
    1. 係呀好好味的~~
      我有成6..7年未食過....仲係咁好味~~~

      刪除
  11. 小T你好呀...有個唐突0既問題想問一問
    麥公子全名係咪麥倩X呢?

    回覆刪除