2015年2月26日 星期四

與Kapo Baby相聚~

好野~今日終於都唔使ot~~~雖然都好多野做~但放早番到屋企可以行黎行去都好開心~~~~今日d客全部都奇奇怪怪...又好火喎....今朝個叔對住我d火係由零無啦啦去到100...勁過法拉利.....最尾個客係依家典型既客.....就係明明一早知自己要用哥樣野架喇喎...但佢自己唔去著緊喎...到要用哥時走黎我地哥度:我今日要攞!!....人地同佢講話要幾幾幾個工作日時....佢唔怪佢自己無去留意d佢自己要留意既野喎...反而怪個機構:點解你今日俾唔到我?!..........咩人黎架?



野~~~我真係好叻呀~~~終於寫到10月喇~(灑紙花)~~~10月頭~我約定了kapo baby過黎澳門相見呢~~~~~~~~好開心由blog友變朋友仔呢~~~~~好搞笑~哥日約左係氹仔碼頭接佢船~~~企係禁區接佢哥時我個心仔不停跳~~好緊張~~佢一出黎我就認到佢啦~~~~之前都知佢高過我~~估唔到佢係高我咁多~~~~~好衰架~~高過姐姐既~~~~我們倆攝於大名鼎鼎的噴水池議事亭前地~




係氹仔接左佢之後直衝番澳門開餐先~~kapo說很想吃issac~(韓國哥間街頭多士).....澳門有得坐的~係龍嵩街....依物選擇超少.....飲品選擇卻多得不合比例~






我叫了凍焦糖瑪其朵12oz $36(右)...好味~....kapo叫了凍朱古力12oz $24(中)...幾抵飲喎又~毛寶叫了草莓特飲12oz $24(左)....永遠都係你叫既野飲最少女~




我地分別叫左3個唔同既吐司吃...有火腿芝士吐司 $29...脆辣雞吐司 $40.....同埋鮮蝦堡吐司 $40....明明係3樣唔同既吐司黎架喎...但係你食落會係一樣味囉.............好奇怪~而且每人一份感覺好漏呀..................蜜香焗雞翼 $25..一般般~




食飽飽就周圍行下~走左上大堂影相~~~~毛寶你真利害~~~~影到我地咁高條腿咁長既~~~影到一個似米八一個似米七~~~好勁~~~~我同kapo都好鐘意呢張相~~~




跟住就同kapo上左觀光塔睇風景呢~~~~(我好似...都係第一次上觀光層...哈哈~之前淨係去過食自助餐)...如果有畏高企係呢度都幾驚喎~~~~~




咁樣影澳門都幾靚~




0我~呢兩張都影得好好呢~






個傻豬仲送左隻sony angel俾我做見面禮物~多謝~




唔知我幾時先會玩呢個呢~




參觀完觀光塔我地就直駛架車去路環逛逛~~呢段路我成日覺得好有外國feel的~~~




hehe~頭先趁佢唔為意買左個生日小蛋糕俾佢吹蠟燭許願~講落真係岩喇~我地大家原來都係10月生的小寶寶~~唔怪得咁岩傾~~~~~~我地去左海邊吹蠟燭~(好浪漫)






0我~好靚呀小蛋糕同sonny angel~好舒服呀~我地坐係度傾左好耐計~




之後仲有跑落沙灘影相~




仲走埋去情侶睇日出勝地龍爪角~日落睇都幾靚呀~





我地d行程係咪好特別呀~~因為我地問kapo想去邊度玩~佢話想去我地平時都會去既地方悠悠閒咁過一日喎~(跟我真相近~~我成日都想悠悠閒的~)



夜晚我地就去左路環間澳門海景正宗葡國餐miramar食~




好開心呀~同你玩左成日~~~~希望我地今年會再有時間聚埋一齊悠悠閒咁開個小型生日會啦~love you~由blog友變朋友真的不易呢~感激遇上你~~~~(仲有唔好嫌姐姐年紀老邁;目)







2015/02/25的開心事:
hehe~梗係唔使開ot啦~
同埋.....唔講唔覺....
聽日已經係星期五喇~~~~~
好野~~~~~
又放兩日假~~~~然後番3日工~~
就去旅行喇~~~~~~~~~~



報告利是:
今日多7封...同事利是有86封
總數依家有117封



報時:距離東京媽媽慶生之旅2015仲有---7日~~~
報時:距離公子新加坡喪吃自由行之旅2015仲有---36日~
報時:距離關西哈利波特之旅2015仲有---114日
報時:距離冰島格陵蘭自由行之旅2015仲有---213日~
今次我仲未開始執野~~懶~~~~

35 則留言:

  1. 而家d人係咁家喇,歪理當真理..............
    好開心喎,由blog友变朋友,真係好難得^^
    如果我有機會撞到你,我一定會上前相認,我覺得你會係個好好玩嘅人,我最鐘意你夠crazy!!!!!!!!!!!!

    回覆刪除
    回覆
    1. 放左工就當佢耳邊風~~~yeah~~~~~
      係呀~真架~由yahoo識到依家~真係好開心~~~
      wakakaakakka~~~你見到我記得同我say hi喎~~~~你講你個名我就知你你邊個架喇~~~~~喂喂喂....我係一d都唔crazy架...因為我係一個淑女~:]

      刪除
  2. D相影得好好呀!
    我同你都係由blog友變做朋友

    回覆刪除
    回覆
    1. 野~又讚毛寶既~
      唔係呀~我地係小學同學仔喎~~~~~~好衰架~~~人地小學咪識你囉~

      刪除
  3. 那天真的很開心 希望我地唔洗十月先一年一聚 可以再見多d啦
    你不要嫌我低低bb細路女至真 haha
    我都好感恩識到你 <3
    真係好鍾意毛寶幫我地影果張相呀 hehehe

    回覆刪除
    回覆
    1. hehe~係囉~~~~~不過見到d船飛越升越高...真係好貴~~~~~
      點會呀~我呢~我既心智都係好細路女架~~以~~~~~~~~~~好怕醜~
      係呀好開心我地會成為朋友仔~
      無錯!!簡直係神來之筆呀哥張相~~~

      刪除
  4. 嘩~~~~佢真係幾高喎,可能都高過我。
    我都係10月喎~~~~哈哈

    回覆刪除
    回覆
    1. 佢真係好高~~~~
      係呀~~~我地有好多個blog友仔都係10月生的~好熱鬧~

      刪除
  5. ✬*✫☾º°¨✫晚安安..✫☁° ♦★º°¨☁
    ❤感恩♥*¨ 2Ѽ15羊年。*❣ღ•天天都是希望在明天

    回覆刪除
    回覆
    1. 依家呢個禮拜既工作天我相信我都係好開心既~~~

      刪除
  6. 悠悠閒咁行下澳門...都幾多靚景呀...好舒服呀

    回覆刪除
    回覆
    1. 哈哈~~因為其實澳門都無咩野玩的~所以悠悠閒咁係最舒服的~

      刪除
  7. D相影得好好呀!
    我同你都係由blog友變做朋友

    回覆刪除
    回覆
    1. 唔係唔係唔係~~~我和你已認識良久~~~我唔制~

      刪除
  8. 你個朋友看來好高,我估都有170米以上.....
    我都係10月份生日...

    回覆刪除
    回覆
    1. 我估應該差唔多170~~真係好高~~
      果然好多blog友仔都係10月生~好熱鬧~

      刪除
  9. 可以由blog友變做朋友 個感覺真係好開心㗎!!! 祝你哋友誼永固~~~~~
    p.s : 啲相真係影得好靚呀!!! 叻!!!!!

    回覆刪除
    回覆
    1. 多謝你呀~~~~我都好開心~~~
      哈哈~~要多謝毛寶喇又~

      刪除
  10. Blog友仔又好有心喎,專程過大海搵你地,相識係緣份,好好珍惜!

    回覆刪除
  11. 回覆
    1. 係呀~~好多人去睇日出架哥度~~~
      之前有d螢光海藻添呀~~不過依家好似無喇~

      刪除
  12. 姐姐姐姐?唔嬸嬸都姨姨啦吓嘩?
    做乜唔約我呀?你最好可以搵高過你那位公子代你去......嘿嘿......
    你都唔矮架啦,乜kapo仲可以高過你咁多?......毛寶車你哋行勻澳門咁滯喎

    回覆刪除
    回覆
    1. 華~你行出街咪叫你旭伯?你怕唔怕骨頭脆出唔到街喇旭伯~
      我約你...然後叫高哥個代我去................你咁夠吉士咪自己約佢睇下人地出唔出黎
      係呀佢真係超高~哈哈..哥日辛苦毛寶~

      刪除
    2. 叫旭哥哥就得!!
      ......諗到大段嘢駁你但唔講,呢度你主場講驚佢睇到就唔係幾好.......癡漢唔會約,喺樓下等架嘛,係咪好驚驚呢?

      刪除
  13. 龍爪角要駕車先去到?有冇其他交通工具去嘅?

    回覆刪除
    回覆
    1. 有架~其實坐25同26號車係黑沙海灘總站落就會到架喇~唔難去~就係黑沙海灘旁邊咋~
      如果你坐到車去黑沙灘問人都可以話到俾你知~

      刪除
  14. 現在的客是奇奇怪怪的!
    是小 t 嬌小!
    您哋兩個都好有心思喎!

    回覆刪除
    回覆
    1. 係呀不過收左工就話之佢囉~~~
      華~~~我都叫嬌小~~~~~哈哈~~~
      係呀~~哥日大家都好開心~

      刪除
  15. 小T, 如果你年紀老邁, 我要入老人院了, 哈哈

    有時見BLOG友有心理壓力, 怕未能俾到對方一個美好時刻呀.

    回覆刪除
    回覆
    1. 哈哈~~講下je~~點會呀~男仔係越大越有男人味嘛..點同女仔~
      咁哥次都ok呀~~~可能因為兩個女仔啦~

      刪除
  16. 我都係yahoo 年代識左好多朋友,間中會出黎聚下同whatsapp既,都幾開心架。之前大家成日msn,跟住fb,然後又轉左whatsapp。啲朋友仔有小學生同長者,咁多年啦,有啲由學生到畢業出黎做野,再結左婚,生埋添啦。

    回覆刪除
    回覆
    1. 係囉~我都覺得yahoo年代真係識到好多人~不過有d失聯囉~因為無再寫blog~
      無你地咁勁~

      刪除