2015年2月5日 星期四

Mr.走在路上演唱會On The Road Live Concert

今日真係真係好凍呢~~~~所以呢~中午梗係要食多d野啦~~如果唔係下午點做野呀~~~食左個雞扒煎魚餅菜撈伊麵~~華~~好正呀~~~~~~好開心呀~~~~星期五六日安排左好多有關於食既節目呀~~~~~諗起都流口水呀!!!!本身諗住乖乖地咁食得清d...新年再大咬過....但係...下個禮拜就到團年飯埋身~~~~好緊張~~~



哈哈~舊年8月16日Mr.黎澳門開演唱會呀~~~口說唔會再鐘意佢地.....實際上我係仆去打電話買飛的........咁佢地成兩年無開過演唱會嘛....一開就黎澳門開....咁我有d感動嘛(其實唔使解釋咁多架)..........但我太傻仔了....我一個勁的打去訂位...點知最貴哥隻電腦抽飛係近台斜邊位....我番屋企自己上網再睇係有地下飛買的...我傻仔...(因為心急會好多人買...)...大佬....我真金白銀俾880買的....真係少可




事實上我既擔心...係極級多餘的................上面哥層全層無開............之下....仲要賣左我諗只有6成既飛....我後面本身有幾個人坐.....睇睇下走埋...後面幾行全行無人坐....我點企都得~票房似乎..有d差....不過仲好~~~我任企無人話~




開場~~好high呀~~~~不過我認為...佢地d衫...仍然很醜....第一次個演唱會d衫係最型的!!!(無人贊助哥時)







不過還是要說~好感動呀原來佢都有點點重視澳門粉架佢有落黎握手呀~(不過我無份.........)




咁佢都唱左好多首歌呀~第一首出場我以為佢會唱快歌架嘛~點知係昨天!!我最鐘意哥句:曾挽著要好的情人..那聲線還耳邊..........感覺好唏噓




仲有多首我超喜愛的....尋找一千遍~~想太多~~遇到了~~小傳奇~~現在~~~

講真.....雖然布志綸哥日有好多個走音位...但係佢地以前d歌真係真係好好聽!!!!!!真心聽完覺得好正!!!好想再跑番屋企再聽!!



佢仲要話呢首一句...係新歌...仲要第一次live..就係澳門...又冧番哂~




最後佢梗係要唱最重要做Ending啦~呢首寫俾佢地既歌迷嘛~(不過好多時都係想太多做Ending的)




完哥時我都有好唔捨得架.......諗諗下點解無咁鐘意...可能係因為佢地去台灣錄國語碟.....走左好耐....然後不停開拓內地市場...淨係掛住內地粉....忘了澳門粉(可能根本無記得過)..又加上佢地隻國語碟我真係覺得...得一首好聽(就係目的地...因為幾有意思....硬係覺得布志綸唱普通話歌...有點怪怪的).....睇完演唱會.....又激起番我幾鐘意佢地~~希望佢地出多d廣東話歌啦~~~~~~~~~~~好嘛~話哂....我一共睇過你5次演唱會(3香港2澳門)~~~~樂隊中我最撐你~都唔知你地幾時再黎澳門................







原來噚日已經立左春...
係咪已經係羊年??!?!?!!
好神奇呢!!!!!



唉.....
又有一單空難...
睇完新聞真係令人好難過...
希望遇難者安息;[



2015/02/05的開心事:
hehe~明天到星期五了~~~~
好~開~心~(每個禮拜一都係最期待呢日~)



報時:距離東京媽媽慶生之旅2015仲有---27日~~~
報時:距離公子新加坡喪吃自由行之旅2015仲有---56日~
報時:距離冰島格陵蘭自由行之旅2015仲有---233日~
日本個行程大致上寫好架喇~
差在諗埋d鐵路點搭~
好開心呀~~~~
我要好好準備我個身體去食野喇~~~

25 則留言:

  1. 好好準備個身體去食野,你都得架啦!五六日食事重重,跟住少不免又話食年夜飯,再過年大食會一浪接一浪,然後又飛。不如好好計劃下重塑身材既plan 把啦。

    回覆刪除
    回覆
    1. 唉呀...你真係清楚我喇~好衰架~了解人既~
      去埋新加坡先算囉~

      刪除
  2. 期待睇你那連串飲食節目^^

    回覆刪除
    回覆
    1. 哈哈~~我又衰左啦~食得太多邊爐....塊面又衰左~

      刪除
  3. 嘩~~~~妳又食食食,咁就肥肥肥,哈哈哈

    回覆刪除
  4. 真係頭號粉C呀,仲有無去送船呀?(我記得架)

    回覆刪除
    回覆
    1. er...唔...呀.......我有去睇已經好俾面喇~~~~~~

      刪除
  5. 我都好鐘意MR既舊歌呀~~~

    不過真係太耐太耐無聽過佢地唱廣東歌喇......而家提唔起勁去聽佢地啲歌~~

    我仲好記得N年前我好鐘意佢地首"如果我係陳奕迅"

    回覆刪除
    回覆
    1. 係呀~舊歌真正~~~
      唉~佢地好耐無出廣東歌喇....依家直頭俾其他樂隊追過

      刪除
  6. 逝去感情如何留得住,半點痴情遺忘殊不易,更多悽悽慘慘的遭遇,我不知道......見到以前鍾意的,冇"點解我會鍾意啲咁嘅嘢"嘅念頭已經好好......
    我仲等緊部電話響起小傳奇"煙草"......

    回覆刪除
    回覆
    1. 唔好嘈~(必理痛媽媽腔)
      華...好彩我悟性高~如果唔係我都唔知你講緊既煙草係咩~~~

      刪除
  7. Mr.,您好長情喎~~~~~~~
    時間真的過得好快!

    回覆刪除
    回覆
    1. 都算係咁啦~話哂佢係港澳既演唱會我咁多場都有睇喎~

      刪除
  8. 本來就係今天...入住安老院...不過
    大家姐話...醫生說...媽媽唔食野...身體又出毛病了
    晚安安✫º★⊹☾°⊹我有時間才上網探探大家呢☆♦°¨✬☁

    回覆刪除
    回覆
    1. 係咪天氣凍媽媽唔舒服呀?
      大家小心身體呀

      刪除
  9. 我一次演唱會都未去過, 都唔知道有乜感受?

    回覆刪除
    回覆
    1. 如果睇哥個演唱會係你鐘意既偶像..真係會high翻天架~

      刪除
  10. 咪開心c嚟!週日愉快!

    回覆刪除
  11. 可以現場睇到佢哋 真係好high呀!!! 仲要唱咗多首你鍾意嘅歌 真開心 ^^

    回覆刪除
    回覆
    1. 係呀係呀~~咁我都算係咁啦~話哂佢係港澳既演唱會我咁多場都有睇喎~

      刪除