2015年2月9日 星期一

淥鼎記

今日查實過的蠻好呀~除左我那爆開了的面部皮膚~星期五:放左工跑左去睇中醫...睇黎我身體有排先睇番好...->去左打邊邊~因為有人高呼:好想食象拔蚌~..咁就4個女仔跟左佢一齊食喇~(好彩問左醫生話可以食je~)........星期六:食左好耐無食既華星冰室->呢晚去左麥公子食公子團年飯~~~好開心~~次次去親麥公子屋企開大食會都好開心的~又free~食得又多野~.....星期日:中午試左后座咖啡->去睇下旅遊書->去買清潔用品...就黎新年嘛~..->夜晚試左新開既一鍋風......呢個周末食左兩次邊爐同埋一次大食會....好癲...下個禮拜都會繼續吃吃吃~~~~~



牛年馬月(即係唔知幾時).....夏天的時候總想吃火鍋~(調轉哂).....於是問Chlo子邊度有好食邊爐...咁佢就推介淥鼎記試試~佢有兩間的...一間係筷子基...咁我地就去左另一間係氹仔鄭中記隔離的....地址:氹仔大連街至尊花城綠楊花園第三座449號...電話:2883 0678.....哥日有訂枱佢俾左張圓枱我地坐~幾好~同埋勝在氹仔呢間隔離有個收費停車場~係佢度食飯唔記得好似免兩小時泊車






Chlo子推介的椰子清雞湯 $38.....咩料都無落時飲一啖...華...好淡~




墨魚滑 $48...豬肉滑 $38.....兩樣都唔錯~咁墨魚滑又真係無台灣d花枝咁好味~~




極品牛肉粒 $88.....幾正喎呢個~~~重牛味~~~整耐左又唔怕老老鞋鞋~我地仲講笑話會唔會係隔離鄭中記買過黎~~




特級雪花牛 $88....d紋望落都幾靚~~不過我覺得牛肉粒個牛味好味d~




鮮雞件 $33......幾滑d雞~(定係關我地灼既時間剛剛好事?)




脆鯇片 $38.....又再挑戰.....但我地明明唔食得腥野...唔知點解一次又一次咁挑戰....痴左線~~~唯一好係呢度既脆鯇片幾平~~~~




豬爽肉 $38.....無咩記憶~




竹苼 $33....其實呢樣野打邊爐真係幾好食~~~吸哂湯汁~




仲有一系列既豆腐白蘿蔔同埋冬瓜....都係三十幾有交易(擺明懶想收工~)





其實呢次出黎食飯係為左見下呢個小朋友呀~~小青蛙~好耐無出過場~~~呢晚好難影到佢一張正常既相~~~

其實呢間野又係咩話特別好好食...但係我覺得呢真係幾好坐...好乾淨好適合同朋友聚會坐得舒舒服服仲有得得泊車.....而且我覺得以佢既裝修....d野食既價錢真係唔貴囉~都值得一去既~





雖然...

我知我呢個禮拜打左兩次邊爐真係我衰...
但我都無食過熱氣野.......又無食辣湯~
跟住我今日同同事申冤...無人可憐我~
仲話:打邊好熱氣架!!!
我:用水整熟野食都算熱氣?
原來大家既解釋係....
唔係真係煎炸野哥d先為之熱氣...
係打邊爐d野整到熱辣辣咁即刻食既哥種熱...
都係熱氣既一種喎...
0我~我明了.....
咁我應該吃壽司嗎這個冬天?



2015/02/09的開心事:
今日呀~
今日無咩人呀~
0殊~~~~~~~~~~~~~~~~~~~~~~~~



報時:距離東京媽媽慶生之旅2015仲有---23日~~~

報時:距離公子新加坡喪吃自由行之旅2015仲有---52日~
報時:距離冰島格陵蘭自由行之旅2015仲有---229日~
仲有3個禮拜左右就今年第一次旅行出發了~~
噚日去睇旅遊書呀~
因為我想睇下2015-2016既新版日本書有無咩唔同~
最望要係想睇下築地搬左未~~~
我見旅遊書就仲有囉...
有無人知呀???

22 則留言:

  1. 學識左牛年馬月點解?晩安呀!

    回覆刪除
  2. 妳都唔算多吖,我打邊爐仲多過妳喎。
    不過妳身體咁差唔好食咁多好嘢,等好番先食過啦

    回覆刪除
    回覆
    1. 連Terry哥哥都要開聲勸你咪亂食野啦,真係要守下行為至得架。

      刪除
    2. 係囉..你成日打都無咩野既....可能我真係食得太急了...

      刪除
    3. 哈哈~~周末真係好難守~~

      刪除
  3. 塊面快D好返啦))))
    牛年馬月完全唔明~~可能我比較年輕~~嘿嘿^^

    回覆刪除
    回覆
    1. 依家好番好多喇~~~好多謝你~~~
      係~真~既~真係唔明~~~~

      刪除
  4. ♦°¨☆晚安★⊹☾°我有時間才上網探探大家呢✬☁✫

    回覆刪除
  5. 對呢...睇中醫...睇番好好身體先...最重要...你後生女...有排睇都冇問題呢

    回覆刪除
    回覆
    1. 哈哈~唯有係咁啦~乖d睇多d中醫~

      刪除
  6. 打邊爐確實係熱氣架,所以有啲地方會提供涼茶或者蔗水.

    回覆刪除
    回覆
    1. 唉~我依家知衰喇~
      一係下次試下放凍d先食~

      刪除
  7. 咁飲多啲酸梅湯竹蔗水之類降下火囉
    喱間睇D餸嘅價錢好似都唔貴,幾抵食喎
    築地上網睇過好似話推遲至2016才搬

    回覆刪除
    回覆
    1. 哈哈~我依家有飲中藥~~~唔知得唔得~
      係呀都幾抵~
      真架!??!唔該哂呀~~~因為我上網d人淨係話2014推遲左咋~但唔知推遲到幾時~

      刪除
  8. 問西醫會答你冇熱氣呢樣嘢!!咁炸嘢攤凍仲熱唔熱氣?你問嗰句福天食壽司寸得嚟好鬼死有型嘅啫
    而家先講到夏天咁哭福袋咪要暑假完先有得睇?

    回覆刪除
    回覆
    1. 下~煎炸野都唔叫熱氣咩~~~~其實我都想咁出貓....將炸野放涼d食...咁無咁熱氣囉????
      無計啦....因為真係我試過食湯麵都起.....
      唔使既....今日哥篇已經係8月尾喇~開始講9月喇~

      刪除
  9. 希望你身子越黎越好呀~~咁就可以食乜都唔洗顧忌啦~~

    而家啲食巿好少有啲食物OK, 又坐得舒服, 最緊要係價錢都OK嘛~~~
    記得要多啲去幫襯喇~~

    回覆刪除
    回覆
    1. 係呀係呀~~~我都想呀~~~~~我好想番去食咩都得既體"拍"
      哈哈~近排都唔可以幫襯住LU~因為我太熱氣~

      刪除
  10. 爆面,好慘囉!
    團年飯?好早喎~~~
    脆鯇片看落都好正。
    打邊爐唔立刻在高溫時候食,應該無噉熱氣的!

    回覆刪除
    回覆
    1. 好番D喇~~
      差唔多啦~下個禮拜都年初一喇~
      我下次都諗住唔咁熱辣辣哥時食..咁應該無事喇卦~

      刪除