2015年2月17日 星期二

毛寶生日會2014@比薩薄餅店Pizzeria Toscana

呢兩日都好多野做呀...不過都預左~但係唔知係咪呢幾日都食得太多野.....搞到我呢幾日個胃都唔舒服....漲住漲住...想吐想吐咁款....希望快d好番過新年.......星期五:放工跑去覆診...飲左差唔多廿劑藥好似都無咩改善咁既?!->同媽媽去食Quick意大利快餐....星期六:一起身塊面超紅...又紅又腫->食左新口岸哥間咩濠庭xx緬甸野..好難食->下午好努力的篇寫東京行程...終於搞掂.....期間塊面紅腫到變紫->情人節大餐係食牛肉刺身+火鍋...不過我無去盡咁食....都係食左少少咋....好驚塊面又唔知想點....星期日:去左食盛記..好耐無食->同表妹佢地團年~食左MGM自助餐~MGM真係幾正~今次係法國生蠔~芝士正~火腿正~雪糕正~今次我乖~食左好多菜~...星期一:放左工同左姑媽佢地一齊食團年飯~有椒鹽瀨尿蝦~蒸蟶子~薑蔥蠔~蜆蚧鯪魚球~金錢蟹盒之類之類~瀨尿蝦我好克制食左半隻咋~~



舊年七公子為毛寶慶生既地點就係比薩薄餅店Pizzeria Toscana喇~食呢次之前都好耐無食過~~~地址:澳門下環媽閣斜巷2號A長城大廈地下及地庫...電話:2872 6637....記得要訂位~很多人的~附近好難泊位~但佢有個好細既停車場可以泊10架車度~如果想泊就早d去啦~~~~一坐低就有野食~





蔬菜湯 $40.....都幾貴~個個坐低都鐘意叫湯飲~我就鐘意痴人地d黎飲~痴下痴下就飲左一個架喇~~~~其實係如果我飲哂一個湯...咁我會食唔落之後d野~




生牛肉片﹑檸檬汁及沙律 $100....呢個係每次去必點!!超好食!!生牛肉加埋檸檬汁真係絕配~~~仲有少少黑椒~連埋蕃茄生菜~絕~




生三文魚片﹑檸檬汁及沙律 $95.....呢個都好正~




頭盤紅紅橙橙咁~幾吸引~~~~~~而且襯埋熱辣辣既包或薄餅一齊食真係超好食~




混合沙律 $60....個汁撈得好好味~~~應該都係橄欖油加白醋~~




意大利特色薄餅(24cm) $85....呢個pizza好好味~有香腸好香口~我好鐘意食佢d薄餅~因為我鐘意食薄批~佢做得夠薄~




四式芝士薄餅(24cm) $85.....有4種芝士係度~都好香~但係比起之前哥個呢個可能會漏d~~~我鐘意上面哥個多d~




白汁三文魚意大利粉 $95..好味~




白烚雜菜 $65.....拿~公子有叫菜食架!!不過我都係認為烚菜還是在家食好了~$65得少少~




香蒜檸汁T骨扒 $125....呢個真係堅正!!!又係次次去都叫的!!!!!塊扒切薄片...燒到半生熟~~~加埋蒜檸汁簡直完美配搭~~~~~~~~~很可愛的粉紅粉紅~




生日快樂呀毛寶寶~~~~~~~~~~~~~~要願望成真呀~~~(定成左真喇??).....好少女的五層脆草莓甜心~同你真係襯喇甜心~






華~你邊似廿九呀~講都無人信啦~講番以前件搞笑野俾大家知~想當年4年前去北歐旅行....好似係赫爾辛基搭飛機去羅凡尼米哥時......神秘團友指住毛寶然後同個空姐講話呢度有個8歲小朋友時....個空姐真係俾左包填色玩具俾毛寶呀頂~~~~~~~笑死我~童顏寶~




哈哈~又到禮物時間~張鼻窿卡好出位~




我之前成日講話星期日砌lego..就係砌緊呢個The Simpsons間屋喇~~~~~好靚呀~~~~~這是5位公子送的~




我就送左呢個俾毛寶~




祝~你~生~日~快~樂~




就是你!




哎呀~我地真係好溫馨呀~~~~~~呢張相望望下我就想笑....明明就係毛寶揸神棍.....但係點解毛寶隻手搞到好似連埋落我膊頭咁既~~我隻手好長呀~~~~好好笑~




又完成一位公子生日~好野~




你吹蠟燭個樣真係好搞笑....成隻小猩猩咁~~~~~







唉~星期六晚上網搵左呀...

我塊面原來如果持續係咁發紅發熱...
有可能永遠都唔退架...我好驚呀...
依家搵左隻抗紅既護膚試下...希望有救!!!
好想快d好番呀....



下~

原來番埋聽日半日就放新年假喇?!
過得咁快既?!
好啦~提早同大家拜個早年先!!!!
祝大家羊年行大運~身體健康~
要咩有咩~心想事成~
事事順景~羊羊得意~
恭喜恭喜!!!!!!!!!!
今年我地新年同舊年一樣放5日半~
諗起都開心~~~~~好野~~~~
用呢一篇黎迎接新年真係夠哂喜氣羊羊喇~~~
好喇~個blog提早收爐喇~(今個禮拜只寫了一篇..有夠懶的)



我噚晚發左個超癲既夢....
我發夢愛回家就黎做完......
咁我去現場睇拍戲......
個場景係話馬壯因感情問題....要去外國療傷...
佢坐係張櫈度隔離有件行李......
馬壯個結局就係要佢去外國流浪?!我心頭一酸
導演一叫cut....我即刻衝埋去攬住馬壯...
我:(一路喊一路講)馬壯!!你要去外國??我好唔捨得你呀!!所有家庭觀眾都唔捨得你呀!!
馬壯:(輕拍我膊頭)乖啦..唔好喊
之後我地仲一齊手牽手唱出:
你說人生豔麗我沒有意義....你說人生憂鬱我不言~語~
跟住......我就自己笑醒左...........
你係咪痴線架小姐.................................



2015/02/17的開心事:

最開心梗係聽日番半日啦~~~放點半~
跟住大叫:收爐!!!!!!


報時:距離東京媽媽慶生之旅2015仲有---16日~~~

報時:距離公子新加坡喪吃自由行之旅2015仲有---45日~
報時:距離關西哈利波特之旅2015仲有---123日
報時:距離冰島格陵蘭自由行之旅2015仲有---222日~
仲有兩個禮拜就出發喇~~~
好緊張呀~~~~~身體可否快快好?

38 則留言:

  1. 我都唔想馬壯去外國丫~~~~>.<
    你就好啦~~~有得攬住佢~~羨慕死人咩~
    好快好!唔好擔心:)

    回覆刪除
    回覆
    1. 哈哈~~我真係好白痴呀d夢~~~~
      我想攬住ozil bb或者金秀賢多d喎~~~~
      新年不停出粒粒一係發紅...我忍唔住睇左巢佬喇~

      刪除
  2. 你隻手加長咗幅相好笑,執到冇咁正......神棍又入鏡啦
    你嘅夢真係傻傻哋......
    祝你身體健康 龍馬精神,恭喜恭喜

    回覆刪除
    回覆
    1. 哈哈~~我係依家寫blog先發現咋~之前係電話度都睇唔到~
      我成日發夢都好癲架~~~ 大家都睇唔少我d癲夢啦~
      多謝呀~~~我都祝你龍馬精神..想哥樣得哥樣~

      刪除
  3. Pizza我至愛,呢間唔錯又唔貴。
    妳可能同我一樣食滯咗啦。
    祝妳羊年快樂,心想事成,羊羊得意。恭喜,恭喜。

    回覆刪除
    回覆
    1. 呢間正呀!!好味~
      我依家個胃無哂事喇~~~
      多謝你呀~我祝你身體健康~事事順利~

      刪除
  4. 我聽日放4點~~~~
    baby~~~祝你羊年行大運~心想事成~~~身體健康~~~^^

    回覆刪除
    回覆
    1. 年三十晚梗要放長d俾大家同屋企人歡聚啦~~~~~
      我都祝你身體健康~~~~羊年想要咩有咩~~~~

      刪除
  5. 2Ѽ15*¨ღ大家新年快樂❤º°¨♡¨✫。*♦°¨☆晚安安★⊹☾°✬☁

    回覆刪除
    回覆
    1. 祝你同你媽媽都身體健康呀!!!事事順利!!!

      刪除
  6. 你真夠傻,仲發啲咁夢,難得你咁既對白都講得出嘛。擺到明仲係無知少女心,祝你地七個十年後仲可以keep 住今日既情懷,只要你地聚埋一齊,無論經歷過咩人生起跌,都可以回到少女時。

    回覆刪除
    回覆
    1. 我話你知,真係得架,早幾個月見返班幾十年前既中學同學,仲可以玩到好傻。

      刪除
    2. 係呀我成日發d夢都好搞笑架~~~~我傻的~
      哈哈我都好希望我地既傻勁不變~~~~~

      刪除
    3. 正呀~呢d朋友聚會先係最開心~

      刪除
  7. 我成日都唔記得左發左乜夢.

    回覆刪除
    回覆
    1. 我都成日唔記得架~但係近醒哥時既夢就會記得好清楚~

      刪除

  8. 恭賀新禧!
    新年進步!
    身體健康!
    財源滾滾!

    回覆刪除
  9. 期間塊面紅腫到變紫,好恐怖喎,不過都有可能是開始好的表現!加油!
    喜歡生三文魚片沙律多些!
    小朋友毛寶大個女啦!哈哈哈

    回覆刪除
    回覆
    1. 我去睇左西醫囉...希望快d好啦~~~~
      兩個沙律我都鐘意~~~~
      係呀~大個喇~

      刪除
  10. 你塊面腫可能係過敏,你真係要介吓口,唔好亂食野!

    回覆刪除
    回覆
    1. 我知喇~我睇左西醫喇~頂唔順~~我會乖架喇~~~

      刪除
  11. 哈哈 唔係懶啦 新年嘛 梗係多啲節目㗎啦 玩多啲 玩開心啲!!! ^^
    小t 祝你同家人都笑口常開 日日都開心 :)

    回覆刪除
    回覆
    1. 又唔算好多節目~不過多d休息咁解~~~~
      我都祝你同你家人(仲有kylie)都身體健康!!!!羊年行大運~~

      刪除
  12. 恭喜你和毛寶萬事如意!身體健康!環遊世界!

    回覆刪除
    回覆
    1. 多謝你呀~~我都祝你身體健康~~羊年行大運~~

      刪除
  13. 恭喜發財新年快樂呀:)
    見到你分享pizza
    我都忍唔住好想分享我今早同阿媽整嘅PIZZA哈哈哈
    https://www.facebook.com/travelwithpopcorn/photos/a.635297056491740.1073741835.616803365007776/911902202164556/?type=1&theater

    回覆刪除
    回覆
    1. 新年快樂身體健康呀~
      華!!!!好正呀~~~~媽媽好叻叻~~~

      刪除
  14. 小t, 祝妳身體健康, 萬事如意 ^0^

    回覆刪除
    回覆
    1. 多謝你呀~~~
      我都祝你身體健康~~羊年行大運~~

      刪除
  15. 補祝毛公子(嘻嘻)happy birthday, 佢大個左好多呀, 盒lego要12+先玩得架 ^.*

    回覆刪除
    回覆
    1. 係呀~~~大個左4歲~~~~~~多謝你既祝福~

      刪除
  16. 祝你新年快樂~ 恭喜發財~財源廣進~~最緊要身體健康~~

    我咁大個人都未食過生牛肉架~~但我又見你成日食~~搞到我心思思都想食下呢~~

    新一年希望你餐餐都食到好野呀~~

    回覆刪除
    回覆
    1. 多謝你呀~~~我都祝你身體健康~~羊年行大運~~
      真架~~咁試下啦~~~好好味架~~~~
      好呀好呀~不過依家睇緊西醫皮膚~要戒一陣口先~

      刪除
  17. 喱間Dpizza好似都唔錯喎~~~!!
    其實個個都好童顏,似中學生生日會hahaha
    睇來你都係要襯新年假期多啲休息,食清啲,塊面才有機會好返,要忍下口了^^
    馬壯你都啱?!!!咁如果發夢見到都教授也來客串一集,咁兩個中揀一個你會同邊去流浪先XXXD

    回覆刪除
    回覆
    1. 係呀好正呀~~~
      真既真既好衰架~
      我有休息多d架~同埋新年我都係食齋多~我知衰lu~
      我其實又唔係話鐘意馬壯既..咁岩夢到咋~~梗係同都教授流浪啦~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

      刪除
  18. 祝羊年身體建康,
    原來妳也快去東京啦.

    回覆刪除
    回覆
    1. 係呀下個禮拜就係喇~~~~
      多謝你先~我都祝你新年快樂事事順利~

      刪除