2015年2月11日 星期三

毛寶生日會2014@良辰La Bonne Heure

今日塊面一起身唔紅....但出左5粒點點....但齋有紅點....又無突出黎喎...咁即係點呢?!?!?!聽日又出咩新招我嘆呢~今晚我食左好多肉~好~開~心~



哈哈~~好野~~出到舊年9月既事喇~~~毛寶生日前呀~~約左我地唯二有聯絡既大學同學仔食飯呀~~~揀左之前咁多人食過都一致好評既良辰La Bonne Heure......不過唔使寫地址喇......因為呢次係我地最後一次食!!!!!!!!!!!因為佢個鋪位俾人瘋狂加租收番........之後依家開左做...大利豬扒包@@......點解又係俾遊客野入侵....堅心痛....呢間法國餐開左10年以上....初頭聽到佢執我都唔信.....直至食飽呢餐飯我鼓起勇氣問侍應哥哥...........真係....其實我真係.........食大利豬扒包既次數一定少過食呢間法國餐.........(原因唔係我唔食平野哥d串串貢...而係....如果食豬扒包.....可以有好多選擇....唔一定食哥間.........而且哥間我唔覺得特別好吃...).....平時去食法國餐一係酒店食...但個氣氛我覺得好拘緊.....好少有良辰價錢咁大眾化又氣氛輕輕鬆的~(下刪一萬字我對佢既懷念)



蘑菇燴蝸牛,伴烤蒜蓉多士 $92.....跟我前兩年在法國吃的一樣好味!!!我記得i子之前問過當時岩岩去完法國的我良辰好食d定法國好食d....一吃之下我只能說:真的一樣咁好吃!!......好多謝i子當初帶我食呢間法國餐!!(呢間餐廳既燈光比較暗~請見諒d相起哂粗粒~)





巴馬火腿煮時令素菜暖沙律,輕牛油湯汁 $126....我從來未試過暖沙律呢~好得意~不過d蔬菜都係熟哂既~個湯汁又襯埋巴馬火腿既咸香~好正~




洋蔥湯 $68....比較無咁漏~但都係兩個人share之選~




法國油封鴨腿伴小扁豆,沙律及薯蓉 $168....呢個主菜堅抵食~~~~好好味呀~~~唔怕d肉過乾....皮脆脆的很好吃~~鴨肉點d法式芥末食好正呀~~~~~




低溫慢煮煙三文魚(半熟),伴西洋菜茸 $168....呢個又係極度推薦的!!!!!!!!!低溫慢煮方式令到煙三文魚超超超嫩滑...第一次食哥時已經驚為天人!!!!!!!!!!!!!!!!!!!超好食!!!!!呢次推介毛寶一起吃佢都覺得好!好!食!!!!!!!又係極抵!!!!兩大條!!!




澳洲純黑安格斯牛柳扒配紅酒汁(+$50可伴香煎鵝肝) $388....好..好..味........牛柳完全做到5成熟既境界~~而且牛味濃~~~~鵝肝都好好吃呀~~~~~




墨魚汁意粉 $108..好食~




真係無一樣唔好食呢~(不過我承認4個人叫4個主菜真係太多~幸好都食哂~)




生日快樂呀~~~祝你心想事成身體健康呢~~~~29歲大快樂~~~~(今年到你奔三喇~~~快d加入我個30大本營啦~)






用Creme Brulee($38)黎做生日蛋糕~幾特別~




熱軟心朱古力蛋糕伴雪糕 $58....我諗最衰係呢道喇..因為黎到個雪糕已經溶哂~

講講下...真係好掛住呢間餐廳呀~好彩毛寶生日哥時有食到...因為之後一個禮拜就結業了~我諗我永遠都唔會忘記呢間氣氛輕鬆食物水準高價錢又非常合理既法國餐廳~





2015/02/11的開心事:
今日呀~~~
毛寶請左我同媽媽食好多好多靚生果!!!!
兩大袋~~~係果欄買的~~
有日本士多啤梨~~~超大粒~~
有日本一~大蘋果~
有藍莓~仲有兩個大橙~
好開心呀~~因為睇電視食靚水果~~
多謝寶寶~
xxxxxxxxxxxxxxxxxxxxxxxxxxxxxxxxxx
除左毛寶請我食生果好開心之外...
就係....我今日食燒肉呀夜晚...
咁呢...我同媽媽食燒肉慣左點法式芥末
(試下啦..真係好好味架!!!記得係"法式芥末"..唔係熱狗哥隻)
但係樽芥末......係新既...但係我地一直..
都扭唔開個蓋......所以之前食左3..4次..
都無得點...真係好失望.......
今晚碟燒肉真係好吸引....
我心諗:唔得!我今晚一定要點芥末!!!!!!!!!!!!!!!!!!!!!!!
經過我努力不懈之下.........我終於開到喇!!!!!!!!!!!!!
開到"卜"一聲既哥一刻
我和媽媽對望~會心微笑了~
終於我地同樽法式芥末有個happy ending喇~
(你兩母女好無聊呀~)



報時:距離東京媽媽慶生之旅2015仲有---21日~~~
報時:距離公子新加坡喪吃自由行之旅2015仲有---50日~
報時:距離冰島格陵蘭自由行之旅2015仲有---227日~

31 則留言:

  1. 好似唔錯喎,法國菜。但可惜執咗
    燒肉巧想食

    回覆刪除
    回覆
    1. 係囉...我都好掛住佢d野食...
      記得下次要配法式芥末喎~

      刪除
  2. 樣樣都講到咁好食,好彩我吃飽飯先過嚟坐~~^^~~

    回覆刪除
  3. 難得你地兩母女咁夾,可以一齊分享美食同心意互通,真係羡煞旁人。

    回覆刪除
    回覆
    1. 哈哈~~因為我有好多對野食既奇怪食法...都係我媽教我的~

      刪除
  4. 以你而家嘅麒麟臂有咩會開唔到先得架?
    餐生日飯明明開開心心,但你寫到帶點點愁緒,你好高呀

    回覆刪除
    回覆
    1. 真係開唔到呀開左好多次都開唔到
      係咩....但我想寫出開心架喎...我失敗了

      刪除
  5. 上次見到執左笠既良辰
    睇左毛寶instagram 個蘋果蘋果好大呀
    好想食呀 hehee

    回覆刪除
    回覆
    1. 依家已經開左大利....真係...無眼睇~
      係呀我噚晚已經放左個蘋果入口喇~~~好好味~~

      刪除
  6. 我照顧完媽媽回家啦¨✫。*♦°¨☆晚安安★⊹☾°✬☁
    對呢...媽媽慢慢食番D野...康復D喇...咁就好喇

    回覆刪除
    回覆
    1. 好乖呀好乖呀~番到屋企休息下啦~

      刪除
  7. 法國菜...超正呀...Creme Brulee黎做生日蛋糕...真係特別...好滋味呢

    回覆刪除
  8. 你哋4個人張合照 完全就係4個少女嘅合照啦 ~~~
    下次你試吓用橡根cool住個樽蓋 會容易開啲㗎 或者用洗碗啲膠手套都得 我睇電視學的 ^^

    回覆刪除
    回覆
    1. 我都係戴膠手套開樽蓋 嘅!

      刪除
    2. 真架....以~~~~
      真架?!我下次試下先~~希望唔好有下次啦其實~~哈哈~~~

      刪除
    3. 你地兩個都好醒呀~~~~

      刪除
  9. 搞笑呢!開樽芥末都成為當日嘅開心位,你地兩母女真係sweet!

    回覆刪除
    回覆
    1. 哈哈~~因為真係有樣野做左好耐都做唔到....(雖然係小事)...但當你無放棄有一日做到既時候....哥種開心真係難以形容~~~~~

      刪除
  10. 補祝毛寶生日快樂 !
    真心覺得大利好普通,不過依家咩都係自由行話事,香港都有好多小舖無晒Lu ~~

    回覆刪除
    回覆
    1. 多謝你呀~代佢同你講~
      係囉...我都覺得麻麻.....其實我由細到大真係唔係食過好多次.....

      刪除
  11. 法國油封鴨腿伴小扁豆,唔錯喎!
    低溫慢煮煙三文魚,好吸引!
    其實您們都唔似三字頭!
    食燒肉?好韓風囉~~~哈哈哈~~~

    回覆刪除
    回覆
    1. 係呀...好香口~~~~
      呢個三交魚真係好正~超嫩滑~
      哈哈...但事實我已經3字頭了~~~~
      唔係呀係中式斬料哥d燒肉呀~

      刪除
  12. 好可惜, 間店執左, 唔係既話, 我下次黎澳門可以食嘛><

    而家周街都只係剩返啲連鎖店....其他小店好多都交唔起租....真係好可惜><


    嘻嘻, 點解你地可以忍到個樽開唔到咁耐, 之前, 我試過有樽醬開唔到...我第二日扔左喇...

    回覆刪除
    回覆
    1. 無lu~依家已經執左成4個幾月~
      係啦...全部都係連鎖店...一係遊客野...真係無哂特色~~
      哈哈~因為哥樽野係新架~就咁唔要好浪費~~~

      刪除
    2. 嘻嘻, 我個樽都係新架, 不過係十幾蚊, 我試過N個方法都開唔到.....結果我放棄喇~

      係呀, 而家成街都係賣金莎, 奶粉.......><

      刪除
  13. 補祝毛寶生日快樂!去多d旅行!
    又有鋪頭因租貴要執粒,唉!好彩最後都食番一餐記念喇!

    回覆刪除
    回覆
    1. 華~代佢多謝你~~~~
      係呀..真係好彩哥餐提議去哥度食咋..如果唔係都無機會

      刪除
  14. 補祝你老友生日快樂啊!祝你地日日都咁開心!

    回覆刪除