2015年2月2日 星期一

2014年8月香港遊@大澳兩小時遊

今日虧左.....頭背面一齊虧....休息一天.....星期五:唔知係邊度搵咁多人黎..超多野做...放工番到屋企坐係梳化呆左半個鐘先至可以返回現實->食禾花亭....星期六:臨訓前頭痛....訓到9點幾責醒左仍然頭痛...膊頭也很痛...食左兩粒止痛藥.....去睇中醫...佢話我d氣唔通問我呢幾日係咪腰痛膊頭痛...中哂...所以搞到頭痛....仲有d外感......->食左新明記~第一次食都幾好食->夜晚食左水晶廊->跑番屋企睇超級巨聲4冠軍戰~好開心係Eric贏~正~.....星期日:一起身個背超痛...可能之前哥日按摩太多~...->去左試一間叫Lemon Lemon既cafe....又觸礁....->下午又在看都教授~可愛~..->無呀...食左一舊KFC同埋煮左韓國辣麵食~



學完之後老師車我地去巴士站~咁我地就一早諗左學完野要去大澳走走~我真係未去過喎~~~~估唔到大嶼山既巴士係咁的~好似d旅遊巴咁~去喇~去到~~哥日係星期六所以超多人~





巧熱鬧呀~周圍有好多野食好多野賣~




唔理喇~~食下雞蛋仔先~~~都幾好食~話哂人地係炭燒嘛~幾有特色~





華~~~竟然有滷水墨魚賣呀!!!!我媽媽以前都有係屋企整的~~~~好耐無食過~~~買左一碗黎食~$35碗~可惜唔夠入味!!但係墨魚既新鮮度無野講!!好新鮮彈牙~




行過有好多檔燒乜乾物乾咁樣...燒到鬼死咁香~~~




我既目標係佢~~~~左邊的瀨尿蝦乾~要食蝦乾梗係要食霸氣一點的瀨尿蝦啦~(有幾霸氣~)




華~~~睇落真係好似食緊異形呀~~~~~或者好似食緊曱甴咁........但真係幾好味喎!!!!!不過後尾行過有一檔唔係正街的...賣得更平!!!!!!仲有辣同唔辣揀....燒得超有心機超好食!!!!!燒瀨尿蝦乾真係好好味..好適合做送酒小食~




仲有~藍染老師和同學仔都極力推介....全香港最好食的糯米糍!!就在大澳!!!!!!我地哥日去到...淨番豆沙~我想試花生的呢~~~不過算啦~~都殺~~~$5粒好平~~~




我平時唔鐘意食豆沙野的...但係咦~又真係幾好食喎!!!個皮好軟熟~~~同個餡夾埋一齊食好好味呀~~~~~哀c~


我地食完野之後就走lu~本身有巴士可以到東涌站...但係..你知我地啦....咁懶....又熱又攰(好多人排隊~)...梗係坐的士出番去啦~~~好似都搭左百幾兩百蚊~~~





2015/02/02的開心事:

er.......今天病了...真係無咩好事喎.... 



報時:距離東京媽媽慶生之旅2015仲有---30日~~~

報時:距離公子新加坡喪吃自由行之旅2015仲有---59日~
報時:距離冰島格陵蘭自由行之旅2015仲有---236日~

36 則留言:

  1. 回覆
    1. 我好乖呀呢兩日都~~我會乖落去~

      刪除
  2. 果啲墨魚咁厚肉,卅幾蚊真係好抵食架啦,就當佢係白灼都抵啦。舊糯米糍咁大,唔係粒進制啦掛?勁抵,做遊客生意收得咁平,好老實。

    回覆刪除
    回覆
    1. 我都覺得ok呀~而且食得出係新鮮野~
      真係幾好味~希望下次食到花生味~真係賣得好平!!!

      刪除
  3. 識食梗係食瀨尿蝦干, 我都好鍾意架, 睇到流口水添

    回覆刪除
    回覆
    1. 係呀~~尤其係佢用d辣辣地既汁一齊燒....好正!!!

      刪除
  4. 唉.....病好辛苦,
    要好好休息下,
    大澳經常去,
    好多零食都好好味,妳都食咗好多款
    艾草餅..都好味,但唔喺個個人啱


    回覆刪除
    回覆
    1. 我有呀~多謝你既慰問呢~~~
      哈哈~~仲未夠多~如果唔係咁熱我地會行多陣~~~
      艾草餅..好特別呢~~好想試下~

      刪除
  5. 妳頭又痛,真係好好休息下,唔好夜訓。
    瀨㳮蝦乾未食過喎,下次去要試下先

    回覆刪除
    回覆
    1. 我有乖呀呢幾日都~我會乖落去~
      真係好好味~~記得試~

      刪除
    2. 我茅事呀~多謝慰問~

      刪除
  6. 糯米糍當然好味
    下次試花生餡
    一定食到 lam lam 利
    不過病好先食唷 ^_^

    回覆刪除
    回覆
    1. 好想試呀~~可惜我地哥日太遲~~俾人買哂~~~
      我病好喇~~~

      刪除
  7. 大澳真係幾舒服, 入去行下坐下, 搭車都算方便

    回覆刪除
    回覆
    1. 都係呀不過今次我無觀光~~哈哈~~齋食~

      刪除
  8. 坐的士出番去>>>>>哩個先有霸氣呀)))))

    回覆刪除
  9. 我未去過大澳......你哋都係去食嘢冇乜點影相?有咩嘢行?

    回覆刪除
    回覆
    1. 係呀~~無行過任何野~~淨係食野~食完快閃~

      刪除
  10. 喱排真係好多人病呀,尤其感冒,要小心身體
    贏果個男仔唱粵曲出奇招kakakakaka~~~~~其實個澳門女仔輸都無所謂,佢唱歌拍劇做司儀都掂丫!!
    下次去大澳試下行出去海堤果邊坐下,風景幾靚架,好天時好多人去影日落

    回覆刪除
    回覆
    1. 多謝你既慰問呀~~~
      又真係幾特別喎我覺得~~同埋佢平時參賽d歌都改得幾好聽呀~~~~~我都覺得係呀josie實有出路~
      我地熱呀哥日~又懶~食完野就走左~下次行下先~

      刪除
  11. 看來中醫可能可以幫到您!
    大澳,我都很久未去!燒瀨尿蝦乾?全香港最好食的糯米糍?好吸引~~~~~~
    多些休息,過後又可以去玩囉!

    回覆刪除
    回覆
    1. 都係架~我依家好努力咁睇~
      燒瀨尿蝦乾真係好正~因為我依家諗番起都有流口水~....下次你都去試下糯米糍啦真係好正~
      知道~多謝慰問~

      刪除
  12. Hi小T,有成個禮拜冇留言比妳喇!因我打败仗!病咗成個禮拜呀!今日先有精神回覆妳!妳去大澳徐咗有好多嘢食外!仲有好多地方行㗎!有大澳差館改建成酒店!同出海睇白海豚等行程!都好多人去㗎!妳病好番d未呀?take care!!! Bye!

    回覆刪除
    回覆
    1. 你都病左呀咁要多多休息喇
      我地無行呀因為哥日好熱

      刪除
  13. 大澳都幾休閒 令人放鬆的好地方 haha
    仲有一個月就去旅行呢 好開心呀
    今日係ot day 好眼訓呀baby
    小心身體呀 miss you

    回覆刪除
    回覆
    1. 你都去過啦同男朋友~
      係呀~~真係有少少興奮~
      咁慘...我記得喇因為係月頭!!
      謝謝baby~

      刪除
  14. 晚安安✫º★⊹☾°⊹我有時間才上網探探大家呢☆♦°¨✬☁

    回覆刪除
    回覆
    1. 多謝你黎探我呀~多多休息呀你~

      刪除
  15. 滷水墨魚真係好鮮甜,仲有咖哩魚肚同燒蠔,每次去都食,不過真係無食過曱甴喎 (≧∇≦)

    Take care

    回覆刪除
    回覆
    1. 華....咖哩魚肚!!!!我好想試~~~~~~燒蠔今次都無試....蝕哂~
      咁你下次去試下曱甴啦~~~~

      刪除
  16. 小t而家有無好啲呀 食完啲中藥 要乖乖哋休息多啲啦~~~

    回覆刪除
    回覆
    1. 有呀好番好多喇~~~~~
      知道~~多謝慰問~~

      刪除
  17. 瀨尿蝦乾就咁食?我以為煮餸食嘅!

    回覆刪除
    回覆
    1. 係呀佢好似燒烤咁燒~~用d辣辣地既汁~好正~

      刪除