唉~塊面時好時唔好~我自己都頂唔順喇囉.....成塊面紅架喎....而且極熱...火燙的!!!!....我諗我聽日一放工就要即刻衝去睇中醫!!!!!!!!!咁橫掂都係喇....頭痛生理痛我今次一次過睇埋佢!!!!真係丫..........(你就真係丫呀....唔辣到塊面你都唔死去睇醫生調理下.....火都黎....你話我鬧得佢岩唔岩喇..........我成日都角色分裂)
聽講呢度有得打小鍋邊爐~咁咪黎試下囉~叫李家菜...地址:澳門新馬路十月初五街18A號信鴻大廈地下....電話:2895 3377
地方都ok唔算迫..但係就唔係幾乾淨~
我地叫左個小煲....花甲煲 $148......咁細個煲喎!!!!同埋我認知既呢d...唔係叫蜆咩??花甲唔係個肚係橙色既咩????除左個面你見到既"花甲"之外....下面係絕對無....個湯底既味係極重既胡椒味....wow......好嗆喉~~~~湯入面係雞件...同花甲煲係扯唔上關係.......唯一可讚既係佢跟個煲既d肥牛係幾好食!!!!!!但花甲煲就.................................
自制墨魚滑 $78......er...咁我只可以講...佢自制得好差....落粉多得滯.....好硬....亦無墨魚味...好似咬緊舊硬膠咁......好辛苦食左好多舊................
新鮮鯇魚片 $68........我地叫錯左...其實我地係想食脆肉鯇....但係.....呢碟鯇魚好腥好腥...我平時都食魚架....咁係咪即係唔新鮮定本身鯇魚就係咁....而且好泥味...不停用辣椒豉油黎麻醉我自己..........
椒鹽粟米 $(不詳)..餐牌無的...係關同學既instagram睇到所以叫的..........因為實在新屎坑....食咁耐椒鹽真係未食過粟米~~~~不過可能佢本身個粟米唔靚.....好乾唔夠甜....淨係食到椒鹽.....................不過算係呢晚食到既最正常既野
總括:有好多浪費食物係因為廚師整得唔好食....通哂天我平時唔鐘意浪費~叫得都食哂...呢間真係又貴又唔好食...不推薦~浪費我肚皮quota~
噚晚睇都教授又發花癲啦..
不過噚晚哥集唔去欣賞都敏俊既美態...
係用平常心去睇既話....根本呢集係好煩悶既...
又要又唔要....叫人走又唔俾人走哥種...
不過我同W小姐照係whatsapp發癲....
其中最癲語錄......
我:你睇到嘛??佢喊呀!!好心痛呀!!
W:係囉...喊都咁可愛既!!
我:華~如果我識得佢我一定用樽一路錄片一路入起佢..然後放上網賣..
W:華.....實好好賺~
我:仲有呀...佢咁多眼淚我分十支入...一支賣$1000都賺成皮...我地識佢架嘛...梗唔要眼淚..梗係要合照(肯定狀)
(當我以為W小姐會話我衰既時候...點知佢又..)
W:唔係呀下..哥個叫金秀賢呀...賣一萬一滴都有人買啦!!
我:我地講到幾愛幾愛佢...咪又係當佢係搖錢樹...
W:咁我地好愛佢之餘都要識得做個搵錢既女人先得架...係啦話時話點解佢一滴眼淚可以咁大滴既?
我:可能佢人高呀~唔知佢d鼻x......會唔會...都大d?
W:唔知有無人想買金秀賢既鼻x..................
我:...........................................
W:拿....我負責入眼淚..你錄影放上網...
我:我入你錄唔好.....
hehe哈哈之中.....結束了一集星星..........................
呢d咁癲既對話...我諗睇到下星期三架咋~
因為星期二會做完架喇~
報時:距離公子新加坡喪吃自由行之旅2015仲有---70日~
報時:距離冰島格陵蘭自由行之旅2015仲有---247日~
富來啲椒監粟米好好味
回覆刪除真的嗎~~~下次有機會去試試先~~
刪除佢D粟米太老了, 要用那剛長出來幾天的, 那些不用加糖也會很甜, 我常常用這些嫩粟米來滾魚肉豆腐湯, 我父母勁喜歡飲我這些湯水.
回覆刪除你塊面紅+頭痛, 我諗係冬天乾燥, 再加你體內燥火. 不如你暫食少D味濃煎炸炒和辣酸的食物, 一1-2個星期後, 你會舒服好多
都可能係粟米太老....華~你咁叻識煲湯俾爸媽~
刪除哈哈~~中醫都係咁講~~~~~我會戒一排口架喇~
我以為係妳開添~~~妳都係姓李麻~~哈哈
回覆刪除妳哋真係傻儍地呀,一滳眼淚都可以想都咁,如果佢放屁唔知妳哋點裝呢~~~哈哈
妳塊面又紅又燙,係咪食物敏感呀。小心保重。
刪除皮膚是最佳身體警號, 妳要吃健康食物, 不要HOTPOT,SPICY HOT FOODS,
刪除嚴重會全物發紅的. 不能吃太多化學物添加劑食物,吃生果,蔬菜, 運動最佳方法. 保重!
哈哈~~如果係我開就要喊啦~~~都唔好食~~
刪除無錯~我地個腦係傻的~
唔係呀~中醫話....er...我唔記得喇....燥呀....哥d之類~~~
刪除我知道喇~~~~我唔敢喇~~~
刪除我依家戒緊口喇~~~~
哈哈,就算我真係儍咗,都係因為你,有時睇你寫的傻事傻語,真係睇到我儍笑^^
回覆刪除打邊爐都難食,真係去邊度揾,但咁都俾你揾到,哈哈
睇中醫調理都好,不過你要有恆心,飲中藥真係要長時間先有效
Melvita 係法國牌子,都出名架,不過澳門又真係好似無得賣喎
無計~你識左個傻朋友~
刪除無錯~我都成日中伏架~~好神奇呀~~~~~~~~
我知道喇~~我聽日去覆診喇~不過真係好左好多~~~
澳門無呀~唔緊要啦~睇中醫真係有效~~
椒鹽粟米??第1次聽,第1次見^^
回覆刪除塊面做咩呀,時好時唔好,平時見你好白好滑啵
其實我之前係人地個instagram度睇到都覺得好神奇~~哈哈~
刪除哈哈~~食得太多垃圾~~~報應係塊面度~
啲對話......青山走犯呀喂))))))))))))
回覆刪除哈哈~~哈哈~~~你又唔抵得男神多粉絲喇~
刪除哈哈……前幾曰西洋菜、今日李家菜。
回覆刪除哩啲名好大陸,不過好食就得喇,
星星好快就……完,全自然真喺做得幾好,
前曰個集金秀賢遇上智秀,對白中重現佢地喺"星夢高飛"情侣feel,重要講番"星夢"金秀賢劇中"森動"個名。
金秀賢喺簽裴勇進經理人公司,
刪除裴勇進真喺識捧新人*^O^*
wakakakkaka~~~西洋菜都ok既~
刪除係呀!!!真係好正~~好放~~~
係呀係呀!!!我都有睇呀~~~但我太代入呢套劇~~所以都唔抵得佢問都敏俊電話~~~
裴勇進真係有眼光!!!!!!!!!!!!!!!!!!!!!!
刪除去睇中醫,好啊!好的中醫,可以養生,可以令您的帥樣出返晒來。
回覆刪除真係唔認分花甲和蜆喎~~~~
它的材料可能唔夠新鮮。
係呀~我依家知中醫好喇~~~~
刪除花甲d肉既色好似唔係咁架喎~~~
我都覺得係~
⊹☾°☆♦晚安安✫º★°¨✬☁我有時間才上網見呢
回覆刪除有時間要多休息呢~
刪除而家呢D天氣真係好傷皮膚!
回覆刪除係呀~~~~不過前提都係因為我對我身體太差~~~
刪除會唔會係食物敏感呢?記唔記得塊面紅燙之前食過咩野呢?
回覆刪除唔係呀~~係因為我食得太多垃圾了~~~
刪除星星真的就黎播完,好唔捨得...
回覆刪除我都係呀!!!!!好唔捨得~~~~好想重新又再睇一次~
刪除你地啲幻想好搞笑呀~~
回覆刪除係好核突先岩~
刪除咁真係要先拿拿林調理下身體好D,下半年你仲有好多埠要出架嘛^^
回覆刪除廚師唔夠班真係有D浪費食物,當然食材唔好都有影響!!!
咁不如索性買碟,可以繼續慢慢重溫hahahaha...不過我都覺尾段有D拖拉有D悶場!!!
千頌伊吹膠手套笑到我碌地XXD
係呀....我知架喇~~~~~我要勤力d先得~
刪除無錯!!!係佢令我浪費食物...真係慘~~~
我...其實...有碟呀~~~~~~~~~~不過我想睇左配音先~係呀...尾三四集唔知搞咩....搵野黎做
我都有笑~~~~