2015年1月29日 星期四

2014年8月香港遊@片藍造學藍染

又真係幾攰喎今日~雖然我噚日話多野做時間快d過快d收工je~~又真係唔使多到咁既~~~~~~我個膊頭無喇~~~~~今日全部客都奇奇怪怪的(唔止我一個)....其中有一個最經典...以為自己有張xx證唔使俾錢就巴巴閉.......雖然你講英文咋.....但我係唔會驚你架....又串又無禮貌.....大佬呀唔係成個社會都欠左你架!其實好多時我覺得好多人都係呃飯食....都唔緊要.....但係好似你咁招搖都係第一次見.........不過唔會有人收到呢d人...因為佢地係超賴皮的~搞到我今日做完之後超嬲....嬲到又谷番塊面d紅卜卜出黎....嚇得我丫......即刻開大個冷風機吹行我自己....不停叫自己:冷靜d..冷靜d.............其實為左d咁既笨x嬲真係好唔抵的~(唔好問我笨x係咩...我嬲架~)



舊年8月我地又過左香港喇~不過今次唔係行街~係Join左Go-Sees其中一個art tour~就係學藍染喇~~~我都唔記得要幾錢....好似大約係360hkd~~3個小時....哥日超早就起身搭船過香港....因為係大嶼山度學架...學10點....所以要搭7點船過黎~~~仲要搭地鐵去到東涌....再係地鐵站門口搭的士入去~~~(都搭左成$160的士~~).....個工房叫做片藍造(個名好有詩意~)...地址:香港大嶼山南部石壁大浪灣村.....真係幾荒山野嶺~個指示係叫我地同的士司機講:石壁大浪灣村上排盡頭有落~~~~如果搭巴士既話要打俾佢車你入去....因為如果行入去我諗要30分鐘~~~~~~~好彩入面開大個冷氣~因為哥日超熱~




我地哥日有4個人一齊去學~咁仲有其他的同學仔~~等同學仔其間呢就周圍影下~~




d布染得好靚呀~~~~~








上堂喇~共有7個同學仔上堂~~導師Max講解下咩係藍染啦~~原來做藍染既主要工具就係呢d....橡筋??衣夾??小木板???好緊張~




原來呢....想做到白色既圖案....就係靠用頭先所講物夾實...再用橡筋cool實佢.....等因間d染料唔好接觸到佢~咁就做到~0我~原來係咁既~~~~~我地既第一樣實驗品就係面前呢條方巾~




咁如果工具唔夠長既話咁可以摺一摺塊布以放射式原理達到效果~~~就好似咁~~~




自由發揮時間~~~~~呢個係我既作品~整左出黎會係點?因間咪知囉~~~~




毛寶的~~~~依家睇番好似條底褲~~~~




前面的是大比的~~(我地笑左好耐好似滿清十大酷刑夾手指個夾~~~)...後面是阿sam的~




來來來~~~冰島填友與作品來一個合照~~~~




好熱呀~~~跟住要到室外做喇~~~~有手套帶的~將自己個作品放入染料內~~其間要不停的卒卒卒~令染料滲入摺埋左既布~每1分鐘要攞上黎抖抖氣~因為染料接觸左布料係變綠色的...要同空氣作用先會變藍色~~~(用既布都要處理過的)....如是者重覆個工序5-6次~~~(建議夏天黎要噴蚊怕水~~)...巧熱呀~~~




跟住拆番開d工具再攞去過水~




華~~~好簡動呀~~~~~這是我的作品~~~原來個圖案係咁架~~好明顯我係亂砌的~~~




毛寶的~佢話佢自己個作品最靚喎...(自大得你~)




阿sam的~




滿清十大酷刑本身係好明顯想整間條架啦~~點知呀~懶呀~橡筋夾唔實~~~~變左格仔~~~wakakakaka又笑左佢好耐~~~




等小乖乖變乾~




第二樣就教我地整圓形~小格既圖案~




第二件作品係整袋~原來小格就係用衣夾夾住呢~夾住哥個地方就會變格仔~~~我個袋既第一面~




然後圓形就係用橡筋紮紮紮~~我個袋既第二面~




圓形圖案好美呀~~點解我咁叻既?




我個袋既第二面~小格都好美~




我連條帶都有整架~




我和我的乖小袋~




毛寶的~佢個圓形都整得好靚~






大比的~






阿sam的~






有無睇到我地個袋深色好多呢~因為個袋係染色哥個工序做多左幾次~~~




3個小時好快就過~我覺得好好玩呀~從來未學呢方面既野呢~覺得好靚同埋好有趣~希望再上個進階班呢~團友們~幾時再學?好羨慕香港有咁多唔同既野學呢~









救命~~~

我媽媽超好笑~~~
噚日中午我番到屋企...
坐坐下係梳化諗住食中午飯既時候...
見到旁邊訓左個金秀賢既folder訓左係度...
(我重申係金秀賢..唔係都敏俊...因為個髮型唔知搞咩)
我:wakakaka(笑得勁大聲)..咩事?!點解會有個金秀賢係度?
媽:俾你架(含羞狀)
我:邊個俾你架~你問人攞架?
媽:咩呀!!!我見你鐘意金秀賢我特登係7-11買本K-POP韓風先有得送架!!!!
媽~我已經過了要用金秀賢folder的年紀喇~~~
你真係好可愛~~~~~~~~~~~~~~~~~~~



呀~~~~~~~

原來我呢個blog瀏覽總量已經過左500,000人次喇~~
可喜可賀~~~~~~~
多謝你們來看~



2015/01/29的開心事:

今日呀....唔...er.....呀...........
真係得一樣.....就係好忙既時候..
見過你一面~
呀~原來仲有~
朗仔今日請食下午茶~多謝~好好味~



報時:距離東京媽媽慶生之旅2015仲有---34日~~~

報時:距離公子新加坡喪吃自由行之旅2015仲有---63日~
報時:距離冰島格陵蘭自由行之旅2015仲有---240日~

38 則留言:

  1. 個folder唔會係今年哭袋度見到牙下~~

    回覆刪除
  2. 原來大嶼山有D咁既野玩架~

    回覆刪除
  3. 媽媽好可愛呀 好心甜:)

    回覆刪除
  4. 這個世界無禮貌的多的是要嬲的實在太浪費資源 ( 好唔Organic)
    真係慳番啖氣好過.......
    sam 的方巾最喜歡好似太空基地
    小t妳的也不錯唷 ^_^

    回覆刪除
    回覆
    1. 係呀真係好唔organic呀
      所以後尾放左工就唔嬲喇~
      哈哈~~真既~多謝你呢~

      刪除
  5. 妳隨時都可以過嚟香港玩啦
    妳唔好嬲啦~~~嬲得多皮膚唔靚呀

    回覆刪除
  6. 難得你地咁有誠意,山長水遠黎學,去到咁遠就咪搞我啦。

    回覆刪除
    回覆
    1. 如果澳門有~我都唔使搭咁早船黎香港~

      刪除
  7. 點解...點解..我係香港都唔知有咁多野玩~~
    睇落好似幾靚~~~你地有冇用呀~~

    條方巾我鐘意你個張, 我覺得好靚~~~
    個袋我鐘意SAM哥既第一面~~~

    你媽咪好趣緻呀~~你就用下個FILE啦~~~夾下去旅行既野, 記得去東京時用喎~~

    回覆刪除
    回覆
    1. 我未用咋~我驚甩色~不過人地講左係唔會的~係啦好羨慕你地咁多野玩~~
      竟然有人欣賞我哥塊..我真係好感動~
      藍染真係好好玩~~
      華~~唔係呀下~~~好驚嚇呀去旅行用~~~

      刪除
  8. Hi, 小t! 追看你的Blog有一段很長的時間;特別愛在辨公時間偷一下懶,想像一下在下次的目的地食d咩玩d咩...想想便開心!
    今日見你寫藍染玩得開心,忍不住想介紹臺中三義縣這間民宿...放心,間民宿我冇份架..推薦原因純粹是因為它也有藍染學;有興趣可參觀它的網站.
    http://www.joye.com.tw/index-1.html

    回覆刪除
    回覆
    1. wow~好多謝你呀~~~~希望我個blog帶黎少少歡樂和放鬆俾你~~~~~多多來看我呢~
      我有去你俾我條link看看呢~幾好喎!!!!!有民宿又有藍染玩幾新穎既結合~~~如果去台中既話我會去去看~~~
      謝謝推介呢~~~~~~

      刪除
  9. 咁依家仲有冇拎個袋出來用?
    好似滿清十大酷刑夾手指===>又真係幾似喎XXD
    下次有機會影個folder來看看kakaka

    回覆刪除
    回覆
    1. 我未用咋~我驚甩色~不過人地講左係唔會的~
      哈哈我係咪好衰呀~~~
      好呀~~等我搵個機會影影看~

      刪除
  10. 可愛嘅媽媽,你個一刻係咪好簡動呀!

    回覆刪除
    回覆
    1. 都有架~因為覺得佢有傻勁~好可愛~

      刪除
  11. 你過咗用金秀賢folder的年紀但心智未呢
    感同身受,係咪夠賴皮無恥就冇嘢收到佢哋而要軟弱無力咁嗌等天收呢?

    回覆刪除
    回覆
    1. 但我個心智都唔容許我用喇.....
      真係唔明d人既心態...我真係好難理解~

      刪除
  12. 幾好玩喎!我都想玩吓呢!
    毛寶做的最好,做得平均所以線條好清晰。
    你的袋就做得有創意。

    回覆刪除
    回覆
    1. 你地就好啦~~~香港有好多野學呀~~~得閒去玩下啦~~
      哈哈佢都話佢自己做得最好架~

      刪除
  13. 我今天舒服好多呢...神公也開始忙收埋下家務事...大掃除
    好彩有哥哥和大細家姐忙著媽媽入安老院的事...他們會搞掂晒呢
    我最細...只限於隔天到醫院探望她...煮媽媽喜歡食的...咋
    ⊹☾°☆♦晚安安✫º★°¨✬☁我有時間才上網探探大家呢

    回覆刪除
    回覆
    1. 咁安排好就好啦~等你都有d時間去休息下喇~
      希望你地全家都平安幸福

      刪除
  14. 都唔知大嶼山有甘架野,
    K-POP我之前都有買過三本黎看....但跟住都沒再買........

    回覆刪除
    回覆
    1. 係呀我平黎都唔知架~
      哈哈~~~我完全唔知有呢本野添呀~

      刪除
  15. 超喜歡藍染!!!
    完全唔知大嶼山有得玩
    多謝你分享呢

    回覆刪除
    回覆
    1. 不客氣~~~~你都常常分享好多好野俾大家架~

      刪除
  16. 學藍染?我以為雲南才有得學染色!
    您都好好學囉,造岀來都靚,但有沒有用呢?
    您媽媽都好細心喎,哈哈哈

    回覆刪除
    回覆
    1. 我覺得幾好玩~
      可以一試~~~~~
      如果可以染其他野會有用d~不過袋都ok~

      刪除
  17. 乜大嶼山有哩D野玩,都唔知~~好勁呀你地~
    亂打亂撞又整得幾靚^^

    回覆刪除
    回覆
    1. 哈哈係毛寶勁咋~~~
      都幾好玩架~因為唔知出黎個效果係點~

      刪除
  18. 這是貴州小數民族的玩意, 佢地有無蠟染學, 我想學呀.

    回覆刪除
    回覆
    1. 佢應該得藍染咋~我覺得幾好玩~

      刪除
    2. 蠋染都是用同一染料, 只是先用蠋來畫上去, 唔俾那地方染到藍色, 之後, 再沖走D蠋佢.

      刪除
    3. 下~~幾好玩喎~~~如果有我都想試下~~

      刪除