2015年1月19日 星期一

台北聖誕節自由行之旅2014-12-24第三天Part 2(晴天)

今日無咩特別事~除了下午塊面爆拆到就黎爆炸咁款之外~~~星期五:又有貞探班~~放工前仲要請我同i吃乳豬~~...->去左食榮江~食飽去左買立立雜雜野~.....星期六:中午跑起身睇重播都教授(但我之前哥晚已經睇左)->直接跳去晚餐..午餐都無食過~~~呢晚為朗公子開生日P~~有一位公子未能出席..去食泰國野~6個人.....叫左.....14個餸...............仲要碟碟清(樣樣都好味)...好恐怖..最不滿係唔夠隔離枱笑得大聲...但其實呢晚都好好笑~~哈哈~~凱公子那個無聲拍手既動作笑到我標哂眼水~~(就係因為咁..我無去機場接都教授18:20班機)....->星期日:晨早講左一大輪電話..討論去唔去睇華鼎獎既紅地毯..我個人決定唔去->去左陪毛寶換衫唔知點解我自己順便買左件(見減價先買咋~)->食左MacTim->回家抖抖..然後得知W小姐去左紅地毯現場dum心中->夜晚食左德興任食邊爐~~



2014-12-24

Day 3---Part 2(台灣,台北 Taiwan,Taipei->澳門 Macau)
er...er....行完西門紅樓之後我地....就坐的士去食我地既聖誕大餐喇~~~~~~~(真係好痴線~當時只係下午4點)~~我地既晚飯地點就係暪著爹~~~呢間係3店...主要係食丼飯的~地址:台北市松山區八德路二段346巷9弄17號......電話:2-2751-7345.....呢間3店係開11:30-21:30直落的...其他兩間有下午休息時間~所以我地揀左呢間~(記得嘛我地前一日訂哥間無開無得食日本野...呢日要食番~)





係先睇餐牌點餐先既~~~~好靚呀好多丼飯呀~~~~而且價錢都唔貴呢~~





諗好既話就先係門口點餐俾錢先~俾左錢佢就安排你入座的~




點餐個收銀處會有餐牌以外當日推介~不妨叫下~都幾吸引~我地都叫左好幾樣~~~




一樓就就得咁多位~仲有二樓的~(當日無開)....不過如果係食飯時間應該會好爆~好日式食堂feel呢~




d野食黎得超快的~~~大根味噌煮 NT$60=15.5hkd...大根即係蘿蔔啦~~~兩大舊$15唔貴呀~而且蘿蔔煮得超超超林超入味!!!!!一流!!!




馬蹄蟹味噌湯 NT$130=33.5hkd....華~三十幾蚊一個味噌湯又幾抵喎成隻蟹喎~~~~~




都幾多膏而且飲落好鮮甜~~~~~




炸玉米筍 NT$50=12.9hkd....玉米筍即係我地食既粟米仔呀~~~都幾好味~因為外面脆脆的內裏都係爽爽多汁的~好味~




明太子過貓沙拉 NT$80=20.6hkd....咩叫過貓??我都唔知~但係呢隻菜好似以前食過...類似d蕃薯藤哥d物體~而且配埋酸酸的汁食好好味~價錢平量也大~抵~




主角出黎喇~~~~~我地叫左北海道干貝丼 NT$580=149.6hkd.....好大粒干貝呀~~~~~~~好新鮮好好味好多粒~~~~有成7大粒!!!!!百五蚊都唔使澳門真係搵唔到~~~~




豪快盛海膽丼 NT$580=149.6hkd......係大大塊既海膽呀~~有3大塊(真好~剛一人一塊~~~~).....而且有很多很多的三文魚籽呢~~~~每啖飯都鋪滿三文魚籽~~~好幸福~~~~




食左咁多野先NT$1,628=420hkd....每人先$140....真係好抵~~~~




出到門口先見到....原來有檔車仔係度...有熱熱的蕃薯糖水可以任飲~~~~番到黎我問Chlo子:塊板寫甲己來..0麥歹勢.....係咪解--自己黎唔好客氣呀?.........Chlo子說:你好叻呀~~~你識台語喎~~~.......我:(認屎認屁狀)梗係~我不是俗辣~(亂up~)




我地去哥間專食丼飯既係平價之選~佢仲有一店同埋二店係唔同類型既野~一店係壽司店....地址:台北市八德路二段346巷7弄15號1樓....電話:2-2752-9861.....二店係食爐端燒無菜單料理~地址:台北市八德路二段366巷38號1樓....電話:2-2752-9857i子早我地少少過台灣~佢食左無菜單哥間呀佢話好正~~~我下次一定要去試試無菜單的~~~~不過一店同二店都要預約~請留意~其實佢地3間店都相隔不遠的~可以睇睇佢個地圖仔~




跟住我地就番酒店喇~麥公子買埋Mister Donut咁我地就搭的士出機場.....通常同佢講好價先上車...因為之前都係講NT$1000=258hkd出機場的....點知...我地最後發現呢..依家因為佢起左條新既高架橋由市區去機場...唔使塞車...又超快咁去到機場...又係35分鐘左右到...只需NT$8XX左右....蝕!!!不過如果計跳錶佢兜路咪仲衰~~~建議依家上車前一口價試下佢NT$900去機場~下次我識做~~~不過值得一讚係台灣的士大哥全部都好有禮貌!!!!我好希望澳門作為一個旅遊城市都可以係咁!!俾錢搭車唔緊要....要受你氣先難頂!!!(依家應該係有錢都搭唔到喇應該)..成個行業都在不正常的發展!!!!!其實我好耐無搭過的士喇.....因為我覺得澳門d的士唔係澳門人亦唔係一般旅客搭.....除非你係單身男士而且想去桑拿浴~




到左機場....好彩佢個counter都有少少手鬆...因為我地個gip買左20kg行李....好似超左差唔多變21kg的...但佢當睇唔到~~~好彩唔使執野出黎~~check完in就入禁區搵野咬~我地本身有公數淨左...諗住可以食好d...但係得番45分鐘入閘..怕好既餐廳食唔切...所以就去食food court喇~毛寶叫左個傳統麵線糊餐 NT$170=43.9hkd~個餐仲有個紅糟肉飯.....個麵糊唔好味...無味既....反而個飯我覺得幾好食~~~




我的清燉牛腩麵 NT$260=67.1hkd...點解我個麵會貴過你個餐既~~~不過我哥個都係無味~~.....無味好過過咸~起碼我可以自己再落調味~




回程了~我地搭台灣虎航IT303既21:55班機...由台北直飛番澳門喇.....正當佢搞掂哂d要俾錢既派餐呀免稅商品之後....無啦啦開咪講野喎.....我以後要報告下天氣呀之類之類....點知.....佢地話由於呢日係12月24日就黎到聖誕節....公司決定係呢班航機上抽獎!!!!!!抽兩位幸運兒...每人可以有一套來回機票..只係要虎航去到既航點都可以兌換到...即時全機人興奮又熱烈的叫囂!!!!!(佢地仲要帶哂聖誕帽去抽).....咁當然....我梗係唔係被抽中哥個啦..如果唔係我認叻左好耐啦~但見到其他乘客抽中我都鄧佢好開心~~真係要讚下台灣虎航!!兩程都準時起飛~空服員都有笑容有禮貌~而且哥下聖誕抽獎真係神來之筆~估你唔到~




總結:

1.使費:512hkd(機票)+554(酒店)+4,000hkd(大約食+買+交通)=5,066hkd....好抵呀~~~~如果無食貴野仲抵~~~不過食下又無妨既~你知啦~做冬喎~平安夜大餐喎~
2.台灣d野食真係又平又大件又好食~我真係好掛住夜市個胡椒餅~
3.服務業真係一流~~尤其餐飲業既服務~令人舒服~
4.今次真係好難得既一次平機票...但係缺點係:以後我去台灣如果買機票貴過512hkd我就會覺得貴(不合理呀我~)
5.但係如果我搶到平機票既話我會再去食野囉~
~The End~
~多謝收看~





金秀賢星期六下午6點20分機黎到澳門..

出席星期日的華鼎獎頒獎禮.........
我去唔到接機....我覺得自己好無用...嗚嗚嗚...
聽在場的P小姐說:在場有百幾人...
聽完又覺得好彩..好彩無去~~咁多人~~~
但後尾睇fb有個以前既中學同學..
係禁區影到清清秀秀的金秀賢...
羨慕度.....去到10000%(滿分是100%)
我不敢想像J2做完星星後我有幾寂寞(淚奔)
但另一方面我同W小姐都希望快d做完等我地唔好再發癩~
我想不停的說:都教授...你很帥
然後其實星期日個紅地毯我真係好想去的!!
紅地毯在16:40開始....
但係我12點問P小姐去唔去時....
佢竟然話我知佢已經係現場......咁...
咁咪要企係度等5個鐘?!?!?!?!?!?!?
之後連話唔去既W小姐都去到現場....佔到有利位置..
最後兩位....都睇到金秀賢!!!!!!!!!
只有我..........沒有去....
我哥種失落......應該無人明....
個心唔舒服到要你"初"我心肝仔先平伏到.......
然後你迫問我:你又話你係鐘意都敏俊唔係金秀賢?
我不得不承認....經過呢日後..原來我喜歡上金秀賢了.......
謝謝P小姐借佢相機既圖我post出黎~~~~太可愛了~~
金秀賢~~~~~~~~~~~(雖然我遲左一年鐘意你)
不過我男神近兩年都變得好快...希望我今次都快d轉...
因為你好難接觸又好多人鐘意你.....

下面哥張真係巨可愛!!!!!有笑的~~~~~



2015/01/19的開心事:

最後原來睇後援團先知金秀賢岩岩今日下午6點幾先走..
頒獎禮後足足留多一日先走(Super Junior噚晚走了~)
令人無限暇想~
不過佢終於都走左我好開心~~
因為佢係澳門而好多人見到佢我見唔到佢....
其實我內心仲難受...
所以.....金秀賢你快d離開澳門啦~~
拜拜~~(變態)



報時:距離公子新加坡喪吃自由行之旅2015仲有---73日~

報時:距離冰島格陵蘭自由行之旅2015仲有---250日~

32 則留言:

  1. 六個人十四個餸...........嚇到我無言.............
    嘩,淨睇餐牌都流口水,實物同餐牌個樣都差無幾,讚,下次一定要去試下
    爆拆,又嚟,係咪你d skincare 唔啱用呀......飲多d水啦
    我明架,我睇星星果時都勁冧金秀賢架,所以我唔敢番睇,我唔想再泥足深陷........但你又係太過花心

    回覆刪除
    回覆
    1. 你睇埋今日哥篇先啦~...唔好驚住...
      係呀!!!我覺得都唔錯~而且真係幾抵~~~
      我一直用開架喎~~都無轉過~~~~~
      係呀...w小姐其實係第二次睇架喇...但佢依家咪同我一齊發緊癲囉.................你唔好再睇呀

      刪除
  2. 見到你咁失落。。。我真係。。。頂你唔順丫XDXDXDXDXDXD
    我可以想像你係鮑羮發金秀賢癲哥個開花樣係幾咁。。幾咁。。。攞命X D
    昨天睇勁歌。。發覺。。林iek hong望落順眼左~~我依家又情願你。。中意佢了.....^3^

    回覆刪除
    回覆
    1. 唔好咁啦...有偶像真係好慘架...甜蜜的負擔~
      野~~~~~點解你可以將鮑羮用中文表達得咁好架~~~~~好叻呀~~~~
      哈哈~~~~我都仲有少少鐘意佢既~只要似佢哥個人唔好係戲入面蝦都敏俊就好了

      刪除
  3. 日本餐又正又抵喎~~~
    妳成日換男神啦,好快又有新目標。

    回覆刪除
    回覆
    1. 抵呀~下次你去台灣試下啦~好味~
      希望啦....金秀賢太難追喇....追唔到星

      刪除
  4. °♦真係❤感恩ღ♥*謝謝大家衷心祝福無限。*❣
    ☾º°¨✫晚安安★º°¨☁我有小時間才上網見大家呢

    回覆刪除
  5. 呀~~~~我想問下你呢~~~
    D温泉蛋點帶上機架?係咪HAND-CARRY就OK架啦?@@
    我都想食到咁豪呀...不過得我自己一個,我又係學生...好似好浪費咁030

    回覆刪除
    回覆
    1. 唔係呀我用保鮮袋入住然後放入gip~唔想手拎~
      都ok唔算太貴啦呢間~~不過498吃到飽哥d係抵d既~

      刪除
  6. 咁快寫完^_^台灣好多嘢都平,可以再去﹗

    回覆刪除
  7. 暪著爹..... 是什麼意思?

    見到明星相, 我只能說, 年青真好, 我也年青過..... 哈.....

    回覆刪除
    回覆
    1. 話說佢當初開呢間鋪既時候係瞞住佢爸爸開架~所以叫瞞著爹~

      有偶像是甜蜜的負擔~

      刪除
    2. 因為諗起佢就開心...但係好似今次咁佢黎澳門我好想見佢但見唔到就會好失落~~

      刪除
  8. 唔驚啦,在新加坡和冰島中間加插多個南韓追星報時倒數咪得囉XXXD
    要就返上機時間,4點食dinner都唔怪得嘅~~~~不過食完去到機場又食就勁D,仲食得落咩?kakaka...
    暪著爹學你講真係堅抵!!!馬蹄蟹味噌湯和干貝丼最吸引!!@@

    回覆刪除
    回覆
    1. 其實.........我都好想....但係今年安排好哂去地方~未有時間去韓國~~~~~哈哈~~
      係呀哥日提早食都ok...因為班機無野食架我地驚肚餓咪食定先囉~~~~
      抵呀~~如果下次去我會再食~~

      刪除
  9. 512又的確係無敵價,無下次喇小姐....

    回覆刪除
    回覆
    1. 下~~我諗再有咁平我先會再去喎~~~~

      刪除
  10. 你失落嗰段真係有血有淚......祝你遲吓有機會同都敏俊頭貼頭合照.
    我唔明點解你會忍到唔去見都教授?你唔去都教授會好傷心架嘛...

    回覆刪除
    回覆
    1. 係咪feel到我有幾唔開心先~~~~真架~~~我都好想呀~~如果咁都影到......我真係勁!!(但係佢都唔俾人埋身...........我覺得同佢影相仲難過同ozil....)
      無計啦~~有朋友生日一早約左嘛.....雖然我都知都教授會唔開心..但佢會明我既

      刪除
    2. 同oce影相其實唔難,去倫敦撞到包你又攬又錫都得.

      刪除
    3. 我覺得佢親民d喎....如果我真係撞到既話...
      但係金秀賢係超多保標...見到都唔會俾你埋佢身....就算齋影單人都可能俾dum爛手機哥種

      刪除
  11. 6個人叫左14個餸?仲要碟碟清?好勁~~~~~
    那間餐廳好日本 feel!最想試炸玉米筍和北海道干貝丼,好味道!
    明年去見男神囉!

    回覆刪除
    回覆
    1. 睇埋我地噚晚戰績再講~~~
      好好味呀~~~有機會去台灣玩試下啦~~~~
      我都好想呀但係男神好難見到的....

      刪除
  12. 喜歡上金秀賢呢,明既明既,繼李敏鋯之後既最愛,偉大的隱藏者都好好睇,你搵下

    好想旅行。。。(玩手指中)

    回覆刪除
    回覆
    1. 我唔敢睇韓劇喇...好毒呀...........

      刪除
  13. 小t真係好叻呀 連台語都識 真係無嘢難到你~~~~~
    為咗唔想見你唔開心 祝你快啲有新男神 ^^

    回覆刪除
    回覆
    1. wakakakak~~其實我係亂估的~~~~
      哈哈~~可能套劇完我就會忘記佢~~~

      刪除
  14. 暪著爹的野食好吸引又抵食喎!飛機上抽獎個個都開心,識做生意呀!
    有新男神,開心就得啦!

    回覆刪除
    回覆
    1. 抵食呀~~~台灣真係度度有好野平野食~~~真係幾驚喜~雖然唔係抽中我~~
      哈哈~~咁又係~~

      刪除