工作順利~無咩特別~~~噚日呀....有同事向我報料呀...話金秀賢星期日黎澳門呀!!!!!!!不過係哥d頒獎禮亮一亮相哥種....好想睇~但佢話係派既飛.....有人放出黎賣400幾蚊...以...咁貴架.....跟住我又係度諗....如果我做機場既海關仲要係坐入境哥邊...仲要係坐外國人入境個counter......咁我咪唔使錢面對面咁同佢對望囉?????做完佢之後9秒9收工除制服出禁區然後同佢影相.....華...完美~~(花痴mode)
2014-12-24
Day 3---Part 1(台灣,台北 Taiwan,Taipei->澳門 Macau)
起身Check out左之後就梗係去食早餐先啦~~天天吃麵線~~算啦~雖然顏家麵線係好食d~但近近地阿宗都殺住先啦~~~今次每人叫左個細既NT$50=12.9hkd....小小的~好可愛~
好喇~食飽早餐~我地要去食中午飯喇~~(你班人真係痴線架!!!!!不過都唔算係..因為我地知即刻要食中午飯已經特登個麵線無叫大架喇~~~~)..哈哈~好啦~~我地中午飯要食馬辣頂級麻辣鴛鴦鍋....地址:台北市萬華區西寧南路62號2樓....無得線上訂位~我直接打去訂的早一個月....因為真係好多人食~所以揀左中午時段食~電話:2-2314-6528(西門店)...咁我地住西門町呀嘛~梗係去西門店啦~有其他分店可去佢地網址看看
中午時段成人每位NT$498=128.5hkd....夜晚時段NT$598=154.3hkd.....以任食黎講....無論早上定中午都係...好平...........................
每一次都講回本之作一定係Movenpick!!!!!但好可惜今次無焦糖味!!!!!
不過柳暗花明呀~~~今次Haagen Dazs有焦糖味不特止..仲要係有脆焦糖係入面架!!!!!!!!!真係好好好味~~仲要Movenpick同埋Haagen Dazs每個牌子有8隻味揀!!!真心正!!...好開心佢Haagen Dazs有我最愛既綠茶味~
食番d雪芭開開胃先啦~頭先食左麵線呀嘛~
雖然係任食~但有d都係要搵店員落單架~(但都係任叫~其他就自助區度攞)....好似肉類同埋呢個蝦滑呀花枝滑咁~~~~~蝦滑真係有一大隻蝦係度架~不過唔夠花枝滑好食~~~~~~唔知點解台灣d花枝真係好食d!!!!呢個我地有翻叫~
由於中午時段佢岩岩開門~大家都係一齊入座~所以自助區不停出現小人龍~不過唔緊要啦你地慢慢啦~我食住雪糕先~雪糕區完全無人~(閃閃眼)
牛肉我地叫左呢兩隻~肥牛好食過黑牛~
其實台灣d豬肉真係不錯吃!!!呢隻豬肉捲薄薄的~豬味濃~
自助生果甜品區....我依家睇番先記得無食芭樂加話梅粉呀(哭)
湯底一定要食佢個麻辣湯!!真的超正!!!!不過一路食就唔好再一路加辣湯喇...加番清湯會好d..如果唔係會越食越咸同辣~仲有值得一提係...佢個麻辣湯d鴨血真的超!!好!!吃!!!可以叫佢無限加!!!!好食過無老鍋哥d!!(我同i子都有同感).....另外一個湯我地叫左蔬菜精力鍋(係咪叫呢個名呢~~我忘了~)
自助區自己攞番黎的~上次試過另外一間瘋麻辣...d料完全唔掂!!!!!都係馬辣哥d正d~~~~最欣賞佢有白色哥d蘑菇!!因為澳門d街市唔係成日有..有都賣好貴~~~(好似成日行街市咁~)...海鮮方面都好正~~三點蟹有好多蟹膏~~~蛤蜊就小小的但身脹脹多汁!!正!!!!!蟹柳都好味~
好無聊~~毛寶整的小雪糕~~~第一次去食任食係用盡到最後一秒鐘(前一秒我先放低雪糕匙)....今次我食左超多個焦糖味雪糕~~好好味好滿足好開心~馬辣真係又抵又好食~~~
食飽飽今次我真係可以講我飽了~係西門町假逛~去左毛寶買開哥間相機鋪買菲林~(要去冰島影靚靚呀嘛~)....得佢一間有用雪櫃入住菲林~易認~好多菲林...即影即有都有~叫宇利影音照相材料有限公司...地址:台北市漢口街一段69號一樓....其實就係Just Sleep條街行入去過兩個街口左手邊條街就係~
又行番過去天仁茗茶飲飲珍珠奶茶 NT$90=23.2hkd(大)...不過個店員一路沖一路個樣好唔開心..唔知係咪因為咁....杯野沖得好難飲...無甜味的......................失望~不過換左聖誕版杯~好靚~(你地又話好飽既)
再行左陣西門紅樓入面d鋪仔...地址:台北市萬華區成都路10號.....網址...不過無收獲~
呢個幾兩個禮拜既生活..
真係離唔開都教授....
原來W小姐話J2 cut左好多架..
所以應該會好快完....
我想像唔到無左都教授既生活...
嗚嗚嗚嗚....................
噚晚佢發夢同左千頌伊一齊哥度又係甜到漏..
千頌伊問佢:你都覺得我肥左呀?
都敏俊:你肥左係正常啦你陀住bb嘛
千頌伊:咁我依家一定好醜樣
都敏俊:你肥左仲好睇呀~
甜到.........................................
依家已經想重睇一次.......................
2015/01/15的開心事:
我今日超有食神....
早上:i子請我食肥仔記...多謝~
下午:毛寶請我食世記....多謝~
換黎貞公子落黎探班時說:華..你好似大隻左...
嗚嗚...我個都敏俊快d出黎同我講番上面句說話啦!!!!
報時:距離公子新加坡喪吃自由行之旅2015仲有---77日~
報時:距離冰島格陵蘭自由行之旅2015仲有---254日~
嘩..你好似大隻咗......係咪呢句?
回覆刪除唔係!!!!係話"你肥左仲好睇呀"
刪除嘩...你好似大隻咗
刪除@@
刪除he....hehe.....周六見~~~~^^
回覆刪除你明明話唔係中意金秀賢。。。。係中意都敏俊架。。*3*?
刪除星期六食得好開心呀~
刪除好啦...我今日篇blog認了....我係喜歡金秀賢呀
刪除我上次都有去呢間,仲係夜晚去,真係又平又正,淨係Movenpick同Haagen Dazs每樣有八款仲有大量生果甜品,抵到無嘢講,下次都會再去^^
回覆刪除係呢,今次再去冰島係咪原班人馬呀,你地上次d搞鬼相真係好好笑架!!
係呀~~~我之前幾次去都係夜晚去~以港澳黎講呢間係超值!!!!!我食過咁多我之後都會再去~~
刪除係呀~~~又係天團一齊去呀~~大家等睇白痴相啦~~
好掛住馬辣呀我都....
回覆刪除Movenpick 野莓味呀我想食
哈哈~~張相就是野味喇~~~
刪除我依家都好想食呀~~
幾正喎,但要打電話嚟先訂到麻煩d喎,有冇walk in呢。
回覆刪除冇人同妳講呀,代妳男神同妳講。
妳肥咗又靚咗喎~~~哈哈哈
有walk in啦當然~~但不知等到何年何月何日~~長龍店~如果想walk in就食中午會好d~如果夜晚食就一定要book啦~
刪除我聽得出你笑我呀~~~~~
唔係麻咁都聽到~~|哈哈哈
刪除係feel到~~~
刪除天仁茗茶果隻杯係可以重用架?
回覆刪除其實..............係唔可以架~~~~~覺得靚靚咋~~
刪除人中人個樣好正呀^^似我~~~哈
回覆刪除我覺得好似朗公子呀~~~
刪除這間馬辣真係好抵呀 食物選擇多 靜係雪糕都有咁多揀就夠開心啦 重點係仲要好食嘛 多謝你嘅介紹呀 :)
回覆刪除真係好抵食呀你下次去台灣真係要試試呢~~~正~
刪除其實我麻麻地台灣麵線,麵線太淋呀╮(╯_╰)╭
回覆刪除反而另一樣街邊小食,地瓜甜餅,我好like
個聖誕杯好靚,但攞返嚟有難度*^O^*
星星入面的"全自然"真喺做得幾好,抵佢攞獎\(^o^)/
我就係鐘意佢林呢~~~~
刪除咦~我未食過喎~~不過聽個名就知好味~~~~~
其實係紙杯~~帶唔到番黎~~~
係呀佢做得好放好好笑~
小t看到妳在台灣電視上出現
回覆刪除youtube裡的 ``北成空氣砲上電視了``
妳看看 ^_^
https://www.youtube.com/watch?v=ce8-QJS5JPY
刪除點會~呀~你會唔會認錯人了~
刪除我睇左呀無喎~~~你認錯人了~~哈哈~~~
刪除哈哈女主持似嗎
刪除唔似~~~~~~~~~~
刪除中左毒呀你!
回覆刪除中哂毒...佢仲星期六至一係澳門..令我無限暇想
刪除我覺得分析「分手五步曲」病徵果段戲都好好笑!!
回覆刪除千頌伊在北漢山山崖上嗌救命,我都估到其實都教授係有去嘅,只是匿埋咗而已!!
星星我覺得最好睇係片尾果段加插戲,和都教授一路上課講書一路加插生活片段嘅戲份,通常都好好笑!!
btw,喱間火鍋好正,但可惜我唔太食得辣~~~~;同埋如果食buffet我都係鍾意食甜品先,通常一開始無乜人食甜品,唔駛同人逼^^
係呀!!!!!!!超好笑呀!!!!!!!千頌伊仲以為做緊真人show哥度笑到我抽筋!!!!!!
刪除我都有估過呀~~~~咁岩呀~~~~其實成套都好睇~~~片尾係精華~~我通常都期待~~~~
咁唔緊要喎~~佢有唔辣湯底嘛~都好味~
雪糕筒好迷你,要食好多個囉!百幾蚊任食,抵到呢.....食完先減肥啦(俾我實係咁講)!哈!
回覆刪除哈哈~~~我地無無聊整的~~~~
刪除梗係食啦~~~~~~~唔理得咁多架喇~~~
好抵呀,有兩大牌子正雪糕食,個價錢又吾貴﹗
回覆刪除係港澳黎講淨食雪糕都抵!
刪除♥*¨謝謝。*❣好友❤ღ問好•♦*¨\(◕ヮ◕)/
回覆刪除我都要長時間去照顧媽媽喇°¨*冇時間上網喇
☾º°¨大家都保重✬*¨小心身體✫☁°晚安喇喂☆º°★
你都要保重身體呀!!!!好快媽媽無事架喇!!!
刪除台灣d豬肉都好吸引。
回覆刪除馬辣頂級麻辣鴛鴦鍋真系好底喎。
不過沖繩d豬仲吸引!!!!
刪除係呀下次有機會去台灣試下啦~~~
呢間馬辣好似唔錯喎~~~ 我好鐘意食滑同雪糕, 等我下次去台灣試下呢間先~~
回覆刪除都敏俊梗係正啦, 可惜現實無乜可能有個外星人><
好正呀好正呀~~~~一定要試試呀~~~~
刪除係有可能有外星人但唔係咁既樣!!!!
現在我都唔知去邊度買菲林了, 不過, 沖仲麻煩, 真係要搵舖頭來沖了, 毛寶睇落好PRO咁喎, 佢係咪自己識沖咖?
回覆刪除佢無呀都係攞出去曬咋~
刪除