2015年1月14日 星期三

台北聖誕節自由行之旅2014-12-23第二天Part 4(陰天及後轉晴)

今日真係峰迴路轉~1月要做咩?相信係我公司做就知架喇~~~不能係呢度形容太多~我只能細細回味在心頭~~~~~~(形容得令人好想嘔~~~).......華~我幾乖呀~~~~~連續3日寫blog呀~~~最凍3日喎~值得加獎同獲得肯定啦下話~~~~



2014-12-23
Day 2---Part 4(台灣,台北 Taiwan,Taipei)
哈哈~~我食第三次喇~~就係胡同燒肉喇~我地去既係一號店~地址:台北市大安區敦化南路一段161巷17號....電話:2-2776-1575.....網址....我之前都係直接打去訂位的!!但係依家有得線上訂位!!方便!!....訂位請按我.....你留低資料之後...咁樣係未完成訂位架...咁我之後佢地會send個confirm e-mail俾我架嘛...點知原來佢地係會直接打電話黎我手提度同我confirm的!!!驚喜!!!




濃濃中國風搭配西式聖誕樹~~




第三次都係坐吧枱~不過唔使驚坐得唔舒服..唔知d野擺係邊~因為佢有locker俾你放野~




沒有任何醬料~~只有青檸~~




我都係叫我既例牌蜜李酒 NT$190=49hkd....毛寶叫左紫蘇梅酒 NT$210=54.2hkd~球體冰~特別好飲~




麥公子本身叫左杯三分醉意 NT$250=64.5hkd....飲左啖...華~咁都叫三分醉意??都幾勁喎~~~~點知後尾睇單佢黎哥杯原來係五分醉意 NT$300=77.4hkd...wow~好勁~




泡菜 NT60=15.5hkd...估唔到又幾抵喎...呢個價錢但有咁大碗而且仲幾好味~




蟹膏生干貝 NT$230=59.3hkd(兩個)....呢度有兩碟係度架~所以麻煩自己加番兩碟錢喇~.....天呀!!!!呢個真係好好味~~鐘意食既人會好鐘意~唔鐘意既會覺得好恐怖或者覺得好腥~我就係好鐘意哥個~毛寶都係~




椒鹽霜降松阪豬 NT$220=56.8hkd....這個好好吃呢~~~加上有店員幫我地照料d烤肉~唔會唔好食~以前都唔會叫豬食架~但原來真係幾好味~





澳洲和牛厚切牛舌 NT$680=175.4hkd....黎3次3次有叫!!今次個哥哥同我地講話燒得熟d會好食d!!開頭仲唔信佢~咁熟咪好鞋囉~點知佢燒完俾我地食一食之下....wow...好彩有信你~




椒鹽上等豬五花 NT$190=49hkd....呢個比頭先個豬厚身d~但都好好味~





我地都有叫蔬菜食架~有椒鹽杏鮑菇 NT$120=31hkd...又係次次叫~我覺得燒杏鮑菇幾得意~因為燒左佢之後會有d出水~食落又唔怕乾~......山藥 NT$120=31hkd....侍應哥哥放低後話:不用烤太久呀~因為可以生吃的~....之後我放一舊生既入口...華~~~同沖繩哥時食既一樣爽爽黏黏的~~~好好味~~~之後侍應哥哥問:怎麼都生吃啦?....我:因為生吃很好吃~~




澳洲和牛菲力 NT$580=149.6hkd....唔....呢個麻麻...個牛質好似好唔實咁既~~又唔似平時食開哥d和牛咁~




野生大草蝦 NT$440=113.5hkd.....我地本身想叫普通草蝦架..不過佢推介話呢個好正~咁咪試下囉~係佢燒好先攞過黎俾我地食的~確係幾唔錯~好大隻+肉質超彈牙食得出超新鮮~而且佢烤得好好味呢~~3個人一隻都ok~




個蝦頭仲要有超多橙色膏~~~好驚喜~~~




澎湖冰捲 NT$250=64.5hkd.......輕輕烤7-10秒就可以吃~正~




奶油去骨土雞腿肉 NT$180=46.4hkd...又估唔到佢幾好味喎~~~~~燒好後直接點牛油食~~~牛油有d蒸蓉味~~好香口~~





鯖魚 NT$320=82.6hkd......隻色燒到好衰呀可??但係我覺得唔錯喎~佢仲兩邊都燒得好脆~~毛寶唔知會唔會嫌佢燒得太乾呢~今次食胡同3個人食左NT$4,785=1,234.5hkd~下次試下另一間叫大碗既先~




hehe~我要去買我媽媽指明的伴手禮老天祿鴨舌~~~地址:台北市武昌街二段55號....網址.....我買兩盒禮盒裝~每盒NT$550=141.9hkd...每盒有300克鴨舌~





同埋買左d雞蛋番澳門~呢次發現超難搵到...唔知關唔關我地住西門町而西門町又有好多遊客事~~~好辛苦先搵到每人3包呢~~~~(不過哥幾包都超快到期~)...原來澳門都有得買...不過要成廿幾蚊一包~我記得台灣好似賣$7一包咋喎~




哈哈~~~我地再次登陸饒河街夜市~~~~想知點去最快?睇番前幾日既網誌啦~~~




我今次實在忍唔住喇~~~因為之前哥晚黎超多的人排隊~~今日黎係無人呀~~我唔係唔把握時機試下Chlo子推介我食既胡椒餅下嘛~~~~就係松山慈祐宮哥面個入口一入就會見到~~~




NT$50=12.9hkd一個~~~我買既時候係岩岩出爐的!!!!wow~~~~超級的熱辣辣~~~~~~其實我本身對胡椒餅無咩好感!!!因為可能係澳門食過唔正宗既....又油..又重胡椒味..我記得哥次食完係喉嚨唔舒服的!!!但係呢個........................

我平時就係食野咁心急架喇.....



大佬~~~~~超級的好食!!!!!外面超級香脆!!!!!!內裏超多的肉汁!!!!!!其實我超憎食蔥的.....但係佢裏面既蔥同肉汁夾埋一齊超好食!!!舊肉又嫩嫩的!!!!!!!!呢個係我番到澳門最掛住既一樣野!!!!!Chlo子告訴我....佢地既蔥係用宜蘭既三星蔥整...所以特別的好吃!!!!




之後又係邊行邊食啦~~~不過呢個麻麻...林哂既






唔知點解呢好似兩晚行d野好唔同咁既?????我地呢晚行既大多數係賣物品喎!!(例如衫呀..野玩...電話配件)......同之前一晚差唔多全部小食檔差好遠喎!!所以行左一陣就無咩心機行求其搵左檔滷味買番酒店食~



同埋麥公子要去到松山慈祐宮隔離哥間7-11先搵到幾盒飲冰室買囉......



同埋係西門町入左夜有好多小食檔...麥公子話想食大腸包小腸~NT$55=14.2hkd.....呢檔超鬼祟~無開小檔既燈~




大腸其實係腸衣加d糯米.....包住既小腸就係豬肉腸~其實糯米我麻麻咋~但係發現條香腸烤得超出色!!!!!!(黑椒味的!!好香!!)....如果有多一晚我經過一定會買條齋腸咬~~~~




夜市哥檔滷味...買左NT$180=46.4hkd....可惜唔係滷得太好味....好掛住台中d滷味~~~~~







2015/01/14的開心事:
絕對同都教授有關......我完全hold不住......
人地又要分享下呀~~~兩個瘋癲少女既對話
噚晚哥集呀...
佢係外星人唔會覺凍架嘛.....點知佢噚日話覺凍呀...
然後W小姐話在whatsapp中話:我要俾d溫暖佢
我:我又俾...(舉手公仔)....我報名
W小姐:聽日好拿拿林報名
我:咁邊個係評審?
W小姐:我
我:求下你,俾我俾溫暖佢..求下你啦我好想攬住佢呀!
W小姐:不獲批准,請過主....
咦~~~~~~~好衰架~~~
去到最尾呀.....講番佢係雪地同千頌伊講唔鐘意佢...
千頌伊轉身走.....
原來佢有停止時間....行去千頌伊前面...
錫左佢一啖........頂~~~~~
使唔使咁甜呀????????????????????????
我終於知道舊年d男仔點解咁唔想自己女朋友睇呢套劇..
因為mission impossible的............
都教授...............................你真的能緊緊扣住少女的心



報時:距離公子新加坡喪吃自由行之旅2015仲有---78日~
報時:距離冰島格陵蘭自由行之旅2015仲有---255日~

24 則留言:

  1. 喂喂喂,你懶唔寫blog,你d粉絲會嬲你架......不過咁,讚下你乖啦,繼續乖喇:)
    計落每人四佰零蚊,咁多嘢食都好抵喎,台灣d嘢真係超抵食^^
    老天祿鴨舌....好味........但超貴囉
    星星.....真係迷死好多女子

    回覆刪除
    回覆
    1. 其實有人嬲代表有人想睇~真係我福氣....好多謝想睇我既人~~~~知啦~~我呢個禮拜真係堅乖女~~~
      我都覺呀...我真係堅終意食台灣d野...但係景點就....可能我自己發掘唔到...
      鴨舌係貴過其他的....不過....難得去一次...而且我媽......同我都想食~~~咁梗係買啦~~
      係呀....我依家好失落...因為我諗到如果無左佢(套劇播完)...我會點...

      刪除
  2. 啲對話好好笑......
    兩日都去同一個夜市?

    回覆刪除
    回覆
    1. 因為又係兩個傻的人....
      係呀~~~~~~~因為我地覺得好食所以翻食~

      刪除
  3. 越睇越想去台灣食嘢(>-<)
    妳十月芥菜呀~~~不過妳好似過喎
    咁應該30月芥蘭啦~~哈哈哈

    回覆刪除
    回覆
    1. 台灣d野食又抵又好食~
      我係十月芥菜呀...我係十月生日嘛~
      唔關歲數事架~

      刪除
    2. 你都係10月芥菜啦咁~~~

      刪除
  4. 係杯墊上的中文名字, 好似寫到胡咸咁, 為何同字上邊有一點咖?

    個蟹膏生干貝, 賣相好差.

    你食野個樣, 好得意, 有點似小朋友.

    我都食過這些台灣美食, 不過凍食的滷水鴨舌, 我就唔敢食了, 有團友食完要入醫院, 台灣街頭美真是可以有點風險.

    大腸包小腸, 有點像熱狗, 只是條腸係中國腸, 麵包係中國糯米團.



    回覆刪除
    回覆
    1. 哈哈~唔知呢~你咁講我先望一望咋~~~

      係咩~~係我眼中碟野係一個靚女~~

      無計...因為我同d小朋友一樣咁心急想食野...呢張係俾人無意中捕捉到....唔係扮野...真實食相~

      華.....咁嚴重~~~不過呢個鴨舌有鋪既...而且食左好多次~所以我唔驚~

      都係架~~幾似~

      刪除
  5. 演男主角都很辛苦, 平常角式可以跟天氣著衫, 但佢就唔得

    回覆刪除
    回覆
    1. 都唔係呀~佢都有跟天氣著架~~~不過佢唔覺凍je~

      刪除
  6. 好想試個蟹膏生干貝同水捲!嘩!個餅好足料呀!食一個已經可以當一餐!

    回覆刪除
    回覆
    1. 生干貝真係次次點~~~
      無錯~~~~~好好味~~

      刪除
  7. 哈哈,我尋日都有番睇呢一埸,真係殺死人咁感動!

    回覆刪除
    回覆
    1. 係呀!!!!!!!!!!!!!!!!!!!!!!!!!!!!!!!!
      真係好攞命囉!!!!!!!!!!無敵冧女...我已敗在都教授手中

      刪除
  8. 小t真係乖, 抵^3^ ^3^ 請今晚繼續!! mi

    回覆刪除
    回覆
    1. 睇下我幾乖~~~我今日都有出架~~

      刪除
  9. 雪地果幕好明顯係個電人位kakakaka
    發夢果場戲都好睇^^
    千頌伊偷聽隔籬屋講野好卡通feel

    間燒肉店真係幾豐富幾多野食喎,400幾依家去食buffet都唔得啦,即燒即食筍呀!!!

    回覆刪除
    回覆
    1. 係呀!!!!!!!!!!!!!!!!!!!!!!!!!!!!!估唔到男仔都覺~~以為男仔好憎呢套劇添!!!
      有呀有呀我有睇呀!!!!!!真係好甜~~~~殺死女仔!!!!!
      我同我fd笑到痴左線~~~~~~~~~~~~~

      哥間真係好味~去3次都咁好味~
      不過下次再去就想試新野~

      刪除
  10. 最凍3日都寫Blog,要有勤功獎啦,哈哈哈~~~~~
    蟹膏生干貝、椒鹽霜降松阪豬、澳洲和牛菲力、野生大草蝦、澎湖冰捲,都吸引喎!

    回覆刪除
    回覆
    1. 我要攞勤功獎~~~~
      全部都正正的~~~下次要再試其他的~

      刪除