2015年1月13日 星期二

台北聖誕節自由行之旅2014-12-23第二天Part 3(陰天及後轉晴)

話就話今日凍左...但我覺得今日暖過噚日喎~~~可能今日無再落雨啦~~~~



2014-12-23
Day 2---Part 3(台灣,台北 Taiwan,Taipei)
仲有另一個米老屎展覽~不過我地無睇~(公數唔夠錢喇~~~)




咁我地就行黎行去咁搵我地另外一個黎松山文創園區既目標~




就係松菸小賣所喇~~但有點難找~~~係東向製菸工廠地下~~~(因為睇到唔知邊本旅遊雜誌有介紹~~)




地方超大~改建做文創區真係唔錯~唔知澳門幾時先有(不過有地都用黎起賭場酒店lu~)






其實我覺得佢d裝修擺設幾靚~~~~~但係賣既野太貴了~~~~毛寶係度買左幾包貼紙~












我望呢個裝置望左好耐~~幾架識自己走黎走去既車仔~~之後係澳門八佰伴見過~不過無咁大型的~(其後係誠品見過比呢個更大型的~不過唔俾影相~)




呢度仲有間cafe既~不過我地無留低飲下午茶喇~(唔係仲食下嘛~岩岩先食完中午飯喎~)...反而買左支手工雪條試試~




黃色袋係麥公子既熱情果味~NT$50=12.9hkd....我的綠色包裝番石榴味...NT$40=10.3hkd....佢地話熱情果味好食d...因為我哥支好淡~但係我就係鐘意呢種淡淡的味道~






跟住~我地係文創園區徒步行過去誠品信義店~原來唔係好遠咋喎~地址:台北市信義區松高路11號.....網址




最鐘意係呢度望過對面就係台北101~這次終於拍到藍天的101~




哈哈~我今次黎係有目標架~~因為地方太大...所以係第一層搵唔到我就即刻去information問我想要既書係邊~(點解唔即刻唔搵就去問?因為總想係憑自己搵到咁會有成功感d~)....我想要的書在科普類~




呀~~~好開心呀~係澳門搵左好耐都話無貨~~~終於係台灣買到~就是你~新時間簡史~




各自買左心頭好之後就去第度喇~有點點日落的天色了~(舊雲搞到101好像在冒煙中~~)




就係信義誠品既斜對面就係我地既下一個景點喇~睇雜誌話呢個微風松高商場超巴閉....岩岩開既時候仲有人潮管制...華..唔係呀下...商場都有?地址:台北市信義區松高路16號....網址....最搶應該係呢棵Agnis b既聖誕樹~




不過我行又無咩岩我買喎~係有間Line既專門店囉...但貨品既實用度吸引唔到我買...我依家叻架喇~無實際用途唔買~








同埋B1有一間係專賣日式風格廚具既Natural Kitchen囉~賣d野都幾得意~大部份都係賣13hkd左右~



行完我地就走左喇~~~~



之後又坐的士去到忠孝敦化~~去有人好鐘意既Stussy望望~地址:台北市大安區敦化南路一段161巷69弄7號.....可惜...無野岩買~




距離我地訂枱食飯既時間仲有一個鐘頭多少少....我地又唔想再行黎行去喎~咪求其係食飯哥條街搵間cafe坐低飲杯野囉~(又食)






麥公子叫既凍水果茶 NT$120=31hkd....以~~~同我呢日中午飲哥杯差好遠!!!超級淡味.....仲要成$31杯...唔抵!!




草莓冰沙 NT$140=36.1hkd.....味道唔錯~幾正常~仲飲極都飲唔哂...飲到我走都未飲哂........右邊既係法式雙色莓果千層派 NT$198=51.1hkd......呢個千層派真係幾鬆脆!!正喎!!!....食個甜品抵過飲杯野~




毛寶的現榨柳橙汁 NT$140=36.1hkd....隻色非常的唔討好..但係真係飲到係現榨喎~




法式馬卡龍 NT$60=15.5hkd(個)......叫左京都抹茶同埋焦糖海鹽味.....er.....又細粒又薄....仲學人收我咁既價....去食番Laduree算啦~







我今日中午臨訓晏覺時...
我:好掛住都教授呀~
媽媽:但係佢唔掛住你呢~
我:你又知...你又唔係佢肚入面哥條蟲...佢掛我唔使話你知架喎~
媽媽:係喎..對唔住呀(誤)
我諗我逼得我媽好緊....頭先一放工入屋企門口
媽媽:歡迎你呀都敏俊女朋友~
咦~有人買我怕喎~~~~~~~~~~
痴線架呢兩母女~~~~~~~~



2015/01/13的開心事:
今晚我阿媽又煮電飯煲哥隻粟米飯呀~
今次仲加入了....->罐頭鮑魚
連埋d汁一齊煮...好正~~~~



報時:距離公子新加坡喪吃自由行之旅2015仲有---79日~
報時:距離冰島格陵蘭自由行之旅2015仲有---256日~

22 則留言:

  1. .................食飯前仲要食甜品.............果然係食力派!!
    個千層派我靚喎
    估唔到你咁有書卷味^^
    你兩母女確實難得^^

    回覆刪除
    回覆
    1. 其實係太攰(但明明無咩做過~)...所以搵個地方坐下咋~~~~~
      靚呀~有外貌又有內涵...像我....~~~~~~
      但個問題係...我仲未得閒睇~
      我同佢都傻架嘛~

      刪除
  2. 嘩, 勁like auntie句"佢唔掛住妳呢", 估唔到最終妳又贏番喎 ^^
    想叫auntie請埋我食, 聽到都覺得正!
    已經期待緊妳o既greenland trip, 妳地o既介紹咁生鬼, 肯定好好睇! 淨係超市都有排玩, 好多新奇野, 仲有李錦記, 嚇傻 ^.*

    回覆刪除
    回覆
    1. 梗係~我後生轉數快過佢呀嘛~~~~
      哈哈~~噚晚真係好味喇~~
      華..支李錦記都唔知係哥度賣幾錢...我帶支過去賣佢佢算喇~~~哈哈~~~
      我都好期待呀~~~我好想睇到北極光呀~~~~~

      刪除
  3. 有定力喎唔亂買嘢,食落自己肚才最實際,物件有d得三分鐘鐘意過後又放埋一邊。

    回覆刪除
    回覆
    1. 我叻呀~我依家少亂買野~
      無錯...我以前就係咁....所以哭袋有好多野囉~

      刪除
  4. 喂喂, 我呀, 我有嚟探你架, 不過無留言啫, 太忙嘞, 人都癲。不過見你報時咁開心, 唔抵得, 我又要報:距離首爾東京喪食喪買之旅仲有 18日。希望遲啲可以寫返 blog 啦。

    回覆刪除
    回覆
    1. 係囉好耐無見你係我blog出現喇~唔緊要啦~咁忙最緊要休息多d~橫掂我可以係你fb探你~
      wow~~~~~你就好啦~~咁快就今年第一撃喇~~~

      刪除
  5. 加入了罐頭鮑魚===>單單諗下都覺得正XXD
    無實際用途唔買===>絕對正確,依家手機影相方便,好多時我都係影咗當買咗算了kakakakak,一來唔駛買返屋企阻掟,二來慳返D錢去食下野好過啦:P

    回覆刪除
    回覆
    1. 哈哈~~~我媽真係難以理解的~~~~
      係呀我好多時都係咁架....鐘意既影左當擁有喇...如果我真係要買...即係證明我好鐘意到放唔到手~~~~唔好阻我~~~

      刪除
  6. 你話你呀,伯有都買你怕.......

    回覆刪除
    回覆
    1. 呀哈哈~我媽成日都買我怕架喎~

      刪除
  7. 我對個LINE 館好有興趣, 好鐘意隻LINE 熊~~雖然好多野買黎都無用...不過見到都好開心嘛~~我都仲係好鐘意買(HEHE) ==''

    我好有興趣睇你個罐頭飯呀, 有冇影相呀?? 好似好正喎~~

    回覆刪除
    回覆
    1. 哈哈~咁你去到實好開心~因為我鐘意哥隻(老闆阿叔)無咩佢既野....所以我無收獲~
      無影呀超肚餓見到即刻放入口~

      刪除
  8. 文創區真係幾特別!
    日式風格廚具又平有靚喎~~~
    都教授可能都掛住您媽媽,所以您有罐頭鮑魚囉,哈哈哈

    回覆刪除
    回覆
    1. 都ok呀~~~
      如果唔怕重其實我都會買~~~哈哈~~
      唔會~佢掛住我的~

      刪除
    2. 我記得宇文公子唔係好煮飯架喎,您買回去!?!?!
      哈哈哈~~~

      刪除
  9. 上年我由香港回來, 阿爸問我做乜買到咁多野返來, 前幾天有網友問我, 為何買左$600元東西咁多, 佢話佢每次回港都只帶200元東西回來. 我發現樣野, 我屋企越來越多唔等洗野, 好睇唔好洗, 我諗我都係學你好了, 下次去齋睇唔買了. 其實, D飲品淡而無味, 可能係因為無乜落糖, 咁樣係健康D咖, 日日飲咁多糖, 好傷身體呀.

    回覆刪除
  10. 去Line專門店都忍到手唔血拼,好叻!XDXDXD~

    回覆刪除
  11. 我一早睇晒D星星,配音就冇心機睇啦。

    回覆刪除