2015年1月6日 星期二

台北聖誕節自由行之旅2014-12-22第一天Part 3(晴天)

bb慘慘呀....個頭痛左幾日仲係痛~~~~呢幾日我已經食左8粒必理痛~~~~~~可否快d唔再痛痛~~~



2014-12-22
Day 1---Part 3(澳門 Macao->台灣,台北 Taiwan,Taipei)
放低哂d野之後....我地又再出發~~~~~~做咩??又肚餓啦嘛~~~去麥公子同埋Chlo子都很推介的饒河街夜市食個宵夜~地址:台北市松山區八德路四段與松河街間且與之平行的饒河街上(台北旅遊網係咁寫的~)....台北旅遊網網址.....之前去既話應該係好麻煩的....捷運又唔到...我記得我之前去過一次...但係搭的士去~依家好方便喇!!!因為新開既哥條捷運線(松山新店線)....係松山站(總站來的)落就去到...超級非常方便!!!!...不過我要報告一下....個台北旅遊網以及捷運指示牌都係話係1號出口出....但係我地自己發現...其實係5號出口出會更佳!!!!!因為一出你就會見到呢個牌坊!!(雖然係街尾...但其實係街頭街尾都無所謂!!因為你都係圍住個圈行番出呢度搭捷運走!!).....如果你出1號出口...只會見到黑漆漆既街..你要自己貢入內街先會見到饒河街夜市!!!!強烈建議5號出口!!營業時間係18:00-00:00~~我地哥日好似差唔多22:00到~




我第一次去既時候又落雨又凍又多人...所以都唔係幾鐘意呢個夜市~但係今次可能係星期一黎~無咁多人又無落雨~感覺唔同哂~好喇~~~要衝入去殺呀~~~~~~~~~~~我地係由街尾個入口(即松山慈祐宮哥個入口)既右手邊條街開始行~




第一檔:第一檔俾我寵幸既係阿文冬瓜茶~大約係街尾哥個入口右邊行200m左右就會見到.....大杯NT$25=6.4hkd....好好味~~~~~我實在太鐘意飲冬瓜茶~但只會飲冰的~






第二檔:爆漿玉子燒~位於饒河街221巷巷口~玉子燒我是很難去拒絕喇~~~我地點左明太子口味...NT$70=18.1hkd...wow~~好似好吸引喎~~~但係點望都係似蟹籽喎大佬~~~(其實食落都好似蟹籽~)




但係我真係覺得幾好食喎~~但為佢既玉子嫩嫩的~~果然係爆漿~~仲有蛋汁的~~~而且玉子燒入面仲有香甜的玉米~~我反而覺得叫咩口味都唔緊要~~~~毛寶話佢覺得麻麻(因為其實佢平日都唔係咁鐘意玉子燒~)...由於佢係現叫現燒的...食既時候很熱辣辣~我同麥公子都覺得好食~




第三檔:行前少少見到有點吸睛檔霸王魚姬




原因係見到個牌寫....唔...臭薯條???薯條..但臭的???但睇英文...係臭豆腐喎~咁相信係薯條狀的臭豆腐~好啦~試下啦~




NT$50=12.9hkd....揀左個甜酸辣汁~麥公子揀的~又幾襯幾好食喎~~~~而且食得好方便!!!不過好食度還不及台中個逢甲夜市個臭豆腐~懷念中~






第四檔:食既原因係食完臭豆腐感覺好熱氣...想清清個口~所以揀左求其一檔既蓮霧食食...都幾貴....切開哂一袋袋咁....成NT$120=31hkd....但又唔算好食喎~




第五檔:跟住轉過另一邊行既時候見到叔叔在努力的燒台中新社菇(那是我們的雞脾菇嗎??)....




要了一份試試~大份NT$80=20.6hkd....等了好久好久的!!!而且對住佢個爐超級超級的熱!!!我地排第二都等左接近10分鐘!!!!!要了檸檬椒鹽口味......唔~d菇菇燒得好好味呀~唯一要彈既係佢d椒鹽唔使錢咁...有機會食既話叫佢唔好落咁多!!真係多得滯變左重口味!!




第六檔:上網見有人post出黎有原個情人果(熱情果)飲!!好得意~見到於是買黎試下~一個NT$30=7.7hkd........一飲....華(諗起都瞇眼中)....好x酸呀(我認我飲哥時堅有爆粗).....而且熱情果入面實在太多恐怖的籽要咬...都係買黎影下相開心下就算喇~~~~呀哈哈哈哈哈哈~






第七檔:黎到我地既終極目標...生蠔哥~又係上網有人介紹~要黎會一會佢~有得坐的~不過都幾多人下~




wow~好吸引~~呀~~~睇岩咩就叫咩啦~




乾燒蛤蜊 NT$100=25.8hkd(每盤)...wow~價錢好吸引呀~~唔知點解台灣d蜆真係好好食~~隻隻都脹卜卜~~~超鮮甜~~~而且蛤蜊的湯汁也超好飲~~~~~~~




烤蝦 NT$100=25.8hkd(每盤)...佢有d貴d大隻d既蝦..但我地話要普通的試試....廿幾蚊有六隻查實係幾抵的...但係佢又係落一大pat淮鹽落去.....無哂蝦既真味...得過鹽既味~




蒜香貴妃鮑 NT$200=51.6hkd(一份)....剛好有3隻~而且黎到既時候超驚喜~~因為都幾大隻下~~我覺得幾抵~~鮑魚食得出好新鮮~不過我就唔係幾鐘意佢落哥種醬料去燒(但可以接受)...毛寶和麥公子都認為醬料好吃~




烤生蠔 NT$100=25.8hkd(每盤).....wow~好抵呀~~~一盤有成8隻~~~雖然.....牠的肉肉很細小~~




但偶爾都會開到比較大隻的~~~~又係廿幾蚊咋喎...8隻喎!!!!而且超鮮美~~~很海水味~~~很新鮮~~~~




烤螺 NT$100=25.8hkd(每盤).....呢個都好食~但性價比就無咁高~因為好細粒~




我地最後決定encore多次烤生蠔和乾燒蛤蜊~~~實在太平太好食~~~~~

係生蠔哥我地食左NT$800=206.4hkd.....但我真係覺得好抵~~~2碟蠔2碟蛤蜊1碟鮑魚1碟蝦1碟螺喎~~~~~~



第八檔:食埋個甜品先~~~揀左菓匠銅鑼燒~




叔叔很cool的在努力整整整~




佢有大有小的~我地揀左一盒六入(小)...NT$50=12.9hkd....我揀左奶油起士同埋抹茶口味的....奶油起士淡淡的無咩感覺..反而抹茶我覺得好好味呢~~~~~~~~毛寶話佢個餅皮好好食~~而且都幾抵食~




因為我一句話唔飽...公子行番去爆漿玉子燒度再買~今次試左龍蝦沙拉...NT$65=16.8hkd...好味~~

好喇~呢日完左喇終於~大家飽了沒?下午黎都食到咁多...俾我朝早黎到真係不得之了.....(其實我當時食完仲係唔飽...諗住番到西門町隊大個7仔飯團....點知...........被搶購一空了..呢d叫被忍口)





2015/01/06的開心事:
今日雖然頭痛...但可幸既係...
咁岩線提前左今日去覆診..
我下午只係番左個半鐘..
等個腦可以咩都唔使諗休息下



死啦.....睇左個幾禮拜既J2台來自星星的你..
(我知我好老土呀依家先睇)
好像對都敏俊有點點特別的感覺...
尤其睇到佢預知到千頌伊有危險而奮不顧身咁去保護佢..
(但把口又唔認鐘意佢喎)
覺得佢有d可愛~
講明呀係都敏俊呀...唔係金秀賢呀



報時:距離公子新加坡喪吃自由行之旅2015仲有---86日~
哈哈~我好開心呀~~~~
同公子喪吃是最開心的事情~~~

48 則留言:

  1. 乜你去饒河都唔食元祖胡椒餅既?蝕啦!

    回覆刪除
  2. 小tt o~慘豬豬~頭痛痛~好快快會痊癒癒的~~~

    回覆刪除
    回覆
    1. 多謝謝小貞貞~我本身無咁頭痛喇本身..但係因為今日收工俾人地個廢柴老公激到我有少少頭痛番...

      刪除
  3. 真係好佩服你們,食完火煱都可以再食咁多街頭小吃﹗

    回覆刪除
  4. 真係好擦得)))))一個字-勁))))))
    D燒菇真係燒得好靚,好似好美味

    回覆刪除
    回覆
    1. wakakkka~我地喎~公子喎~
      係幾唔錯的~~~想念中~

      刪除
  5. 嘩,我齋睇都飽晒,你.......................仲話唔飽!!!!!!!!!!
    不過咁,去旅行真係比平時食得更多。檔海鮮真係超吸引,睇到流晒口水^^
    都manager好睇,不過千頌伊d衫仲好睇^^
    䨱完診,有無好d呀,保重呀,休息多d,relax...........

    回覆刪除
    回覆
    1. 哥個時候我真係覺得未飽~~~
      夜市黎講幾唔錯呀~~~又有風味~~~
      哈哈~我個fd都有叫我留意佢d衫~~~
      我有想relax的..但係份工太多怪人同埋有d衰同事

      刪除
  6. 成日頭痛係咪有蟲入腦呀,快d攪掂佢。我都有去過繞河夜市都唔見有海鮮食,唔通我錯過咗。
    來自星星我到冇睇過喎,我仲老餅呀

    回覆刪除
    回覆
    1. 之前有照過應該唔係啦~
      有呀我去哥時有成3..4檔~~~~
      哈哈~~可能男仔共鳴無咁深~

      刪除
  7. ✬•*☁快樂時間過得好快又係時候講晚安喇喂☆º°★☾*¨

    回覆刪除
  8. 臭薯條...蒜香貴妃鮑...好滋味咁呢...我都想吃呢

    回覆刪除
  9. 點解...小t...成日頭痛...好心你看醫生...問清楚D啦...西醫唔得就看中醫
    細路女時唔愛護自己身體...到左40歲後就唔容易打理到呢

    回覆刪除
    回覆
    1. 唔係我唔想問..係醫生都答我唔到~

      刪除
  10. 成日頭痛真係要check check佢呀

    ( 居然未睇星星( ̄∇ ̄) )

    回覆刪除
    回覆
    1. 知道喇...都有去睇的~
      哈哈..我之前懶追劇呀

      刪除
  11. 哈哈哈哈
    我快你少少,係元旦果日煲左來自星星的你~~~

    回覆刪除
  12. 睇見你哋行夜市啲食物相 越睇越開心 :) 多人啲可以試多幾樣真好~~~
    哈哈 我都係咁話 都敏俊OK, 金秀賢就......^^

    回覆刪除
    回覆
    1. 係呀好好味呀~~~下次你都去下台灣食野啦~好開心~~~
      但我俾同事笑我佢地係同一個人~~

      刪除
  13. 小T, 你又頭痛呀? 等我同你按按頭上的穴道佢...... 摙摙佢先下, 舒服嗎? 乖啦, 今晚早D覺豬, 明天你個頭就會唔痛咖啦

    回覆刪除
  14. 看了醫生沒大礙吧
    我都係依家先睇星星咋
    生蠔哥果檔真係幾抵食喎
    閩南口味係咪通常都好多醬撈埋?

    回覆刪除
    回覆
    1. 其實覆診唔係哥樣~~
      以~大家都係依家先睇喎~~哈哈~~俾個5我~~~
      係呀....澳門一定食唔到~~~
      又唔係...不過佢地好鐘意食淮鹽咁~~

      刪除
  15. 睇完好肚餓添.....
    最搞笑係我honey早排好似你咁第一次睇'星星..',話想知點解我同囡囡咁鍾意金秀賢,睇吓睇吓放工返黎就係煲劇,睇到食飯都唔知時間呢!

    回覆刪除
    回覆
    1. 夜市真係好抵食~~
      wow~~~原來男性都會對星星著迷架???死啦~~好驚會越黎越鐘意都敏俊添~~

      刪除
  16. 唔見你粒唇瘡嘅?
    啲嘢食真係平......
    睇落去你只有更加鍾意都min尊先,你又有新寵,唔知要同人夫定陳友講88呢吓?

    回覆刪除
    回覆
    1. 係咀角..笑哥時影相會見唔到...如果見到呢批相唔會出街
      係呀又好味喎~~~
      唔...但係鐘意都敏俊唔係鐘意金秀賢喎...所以唔會唔要布志綸同埋OZIL bb~~如果真係要揀就揀人夫啦~

      刪除
    2. 咩呀不嬲都叫佢ozil bb架啦~

      刪除
  17. 小心身體!
    阿文冬瓜茶6.4hkd,超級正。
    爆漿玉子燒、燒台中新社菇和生蠔哥的海鮮都好吸引。

    回覆刪除
    回覆
    1. 多謝你呀~~
      好好味~好想再飲~
      夜市真係超推介~~

      刪除
  18. 海鮮隻隻都細細件,又真係唔飽嘅!爆漿玉子燒我都想食喎!

    回覆刪除
    回覆
    1. 頭痛咁多次,要睇醫生了解多d啦!

      刪除
    2. 係呀~~玉子燒真係唔錯~~好嫩~~

      刪除
    3. 我有架一直有睇緊~

      刪除
  19. Hi小丅,頭痛好d未呀、快d好番呀!今曰忍住手痛都要留言比妳!饒河夜市我都去過,但冇現在咁多海鮮食喎!又平又多款式擇!睇到我都流晒口水!復活節又去星加波玩呀!又可以又食又濕平喇!頭痛有冇睇醫生?take care!!!

    回覆刪除
    回覆
    1. 你隻手做咩痛咁耐架...祝你快d好番
      係呀台灣真係好多野食

      刪除
  20. 小t, 多休息, 要睇醫生喇, 唔好啪咁多丸呀!!!!!
    點解妳勁食都咁fit架, 睇下飲情人果o個張幾瘦, 真係得天獨厚呀 ^0^
    去睇醫生喇, 若果唔係以後唔讚妳架!

    回覆刪除
    回覆
    1. 知道!!!謝謝你
      哈哈....我係應該要多謝幫我影相既人影得我咁瘦~~~
      hehe~我會喇~

      刪除
  21. 蛤蜊很久沒吃...台灣好多美食呀.來自星星的你,都有追....雖然我家中部高清電視壞左,但都上網追..

    回覆刪除
    回覆
    1. 真係好好睇~我笑到超大聲~~~
      蛤蜊真係好正~

      刪除