2015年1月5日 星期一

台北聖誕節自由行之旅2014-12-22第一天Part 2(晴天)

今日....個肚都係有d痛~~個人有d忟~~星期五:放左工跑去Diana屋企交換手信~好多謝佢呀請左好多野我食~~佢仲請我食我想試好耐既洪瑞珍三文治同埋蝦叔叔~~(重點是:佢唔係去台灣~~)->食左好耐無食既滿記->食埋街邊檔勤記糖水....這晚瘋瘋的...由水坑尾行去跑狗場行去十月初五街再行番屋企...就黎行爛鞋~...->番左屋企我地討論了好久的復活節公子旅行成團喇~~~詳情落少少先講~....星期六:一朝起身就頭痛.....起身食粒藥...再訓->12點幾起身整得黎成兩點幾先去食野..又係觀光塔的CA4E on Four->去左UA睇哈比人-五軍之戰(好好睇~)...我好耐無去過UA睇戲...因為等埋媽媽番黎先黎哈比人...但係大會堂已落畫...被迫去睇3D...如果有得揀..我一定睇2D...一黎平d..二黎其實3D效果唔算好突出但睇得好辛苦~...->順手係銀河食埋飯...訂左食葡軒...我之前話好鐘意食既葡國餐...補做我同媽媽既冬至飯..但係....(落少少先講).....星期日:食左永安->下午超肚痛的......在家砌Lego~真係好好玩~...->提早團年呀~因為姨媽下個禮拜過美國湊孫~去左食萬豪軒既打邊爐...不過我覺得麻麻~(湯底同牛肉都唔得~)



2014-12-22

Day 1---Part 2(澳門 Macao->台灣,台北 Taiwan,Taipei)
我地搭捷運黎到呢個忠孝新生站就係要黎無老鍋(新生店)食晚飯喇~~~(請注意..我地食晚飯時個天仲係光架~~~XD)...新生店地址:台北市中正區新生南路一段124號....新生店電話:2-3322-5529...仲有其他地址的請睇無老鍋網址......呢間火鍋講明呀唔係吃到飽哥類黎架..單點架...記得一定一定要訂位!!!!!人氣店.....如果去到先walk in有排等...好在係可以線上訂位....但佢係建議2-4人先有得線上訂...其他人數要打去訂....我地呢日12月22日呀...所以係去食冬至飯.....我地預訂時間係...17:00............wakakakaa~~~~~得個半小時用餐呀要留意~




裝修走濃濃的中國風~~~~~~






正在研究餐牌時已送上四支高湯...就係如果唔夠湯可以自己添入鍋中~唔夠再問佢無限添...小心呢~d湯好熱~




我地叫左鴛鴦鍋....就係冰淇淋豆腐鍋+無老辣香鍋....呢間個湯底係以人頭計錢....一位係NT$159=41hkd....3位即係NT$477=123.1hkd.....wow~都幾貴喎個湯底........但係兩個湯底確係一流!!!!其實冰淇淋豆腐鍋即係養顏美容鍋再外加人頭每人一粒既冰淇淋豆腐.....咁個質地又係幾得意既...飲一啖湯...養顏美容鍋非常香濃~~~~但又唔怕漏喎!!!!!!......另外既無老辣香鍋就辣香兼備!!!!唔怕死辣!!!越食越想食~~~~



出發前....麥公子感冒未好.....我就受咀角哥粒極大唇瘡困擾(係食野同笑都有困難)...都不約而同話要用麻辣湯黎醫好自己~



養顏美容鍋那邊有成大條人參呢!!!!好勁!!!!!




丸子盛合盤 NT$248=64hkd....盛合盤入面有4種丸...分別係招牌魚丸...Q牛肉丸...花枝丸...蝦丸........最最最好食係花枝丸!!!!!食得出有好多花枝粒在裏面呢!!!!!無論放係辣湯定美容湯都一樣好吃!!!!!




去骨厚脂牛 NT$360=92.9hkd.........店員推介的....佢話口感好d...但所謂口感好d....係比較厚同鞋d...個人口味認為麻麻~點餐時毛寶一直無出聲.....又唔講自己想食咩.....原來因為佢..........毛寶:d野都幾貴喎.......我望下:好貴咩??你除4咁睇唔好貴je........毛寶:下~~~~~係喎~~~我當左佢係葡幣咁睇呀~~~~~~~~~~咁叫多個牛喇~~~~..........傻孩子~~~




嚴選雪花牛肉 NT$298=76.9hkd....呢個我地自己揀既~~岩口味好多~~~薄d~燙一陣就可以吃~牛味重d~正~




梅花豬肉 NT$288=74.3hkd....好味~~~夠薄~豬味好濃~~辣湯燙更見出色~




去骨雞肉 NT$188=48.5hkd.....呢個都好吃呢~~肉類實在出色~




綜合菇 NT$168=43.3hkd.....有3種菇...鴻喜菇..美白菇和秀珍菇~新鮮~




海鮮總匯 嚐鮮價NT$379=97.8hkd(原價NT$479=123.6hkd)....蝦同帶子同小墨魚都好食~鮮味~......但係魚片很腥!!請不要單點魚片吃了~~....而左下類似貝類的太碎濕濕....放左落去都搵唔番哥隻...唔覺意搵番之後又硬硬的~




其實呢間單點既火鍋店真係不錯吃~湯底一流!肉類也出色~個爐係唔知點解可以咁旺盛的~呢餐食左NT$3,128=807hkd...每人269hkd.....其實都ok呀~係港澳食飯係正常價...但係台灣食野算係不便宜了~~但服務係好到不得了的!!!每一次你叫完佢...或者佢放低完野都會向你鞠躬.....不過鞠得太多...令我受不了了~如果真係要表示禮貌..就在我點餐後鞠一次我就覺得很有禮貌了~何況這樣會讓店員很累呢!.....個半小時既用餐時間原來不太夠~差d食唔切..好彩我地係公子~~~~~




食到差不多最尾....會奉上多多冰沙.....我們那天是桃味的~俾大家清新清新一番~~~幾唔錯~~食飽飲一飲真係幾消滯~可以食下一餐喇~(誤).........記得唔夠可添飲呢~~~我覺得真係挺大方的~

痴線架!!!!!食飽飯.....6點45咋!!!!!!!



哈哈~咁呀~我地下個節目就係搭捷運跑番西門町拼拼~經過西門紅樓~上面哥張是HTC的RE拍的~挺不錯吧~






哈哈~~其實我最想去睇睇屈臣氏有咩好野買~~因為呢間係捷運西門站6號出口的屈臣氏常常打折的~~發現佢旁邊開左好耐哥間咩蛋蛋屋(係咪叫呢個名?食蛋包飯的)...已經變左做明日Hotel....地點最方便仲唔係佢??但係睇過佢d房既相...裏面d床單裝修好似好老土咁...............但係佢大堂有間超大的7-11




行左屈臣氏發現我想買既野有價減呀~~~諗住再去去康是美格下價~點知康是美無折.....即跑番去屈臣氏~~~~~之後再跑去維格呀新東陽呀買d野食番澳門~我真係好鐘意食新東陽的脆脆豬肉乾~~~~不過真係成日怕佢番到黎會碎~可惜維格的客家麻糬無左草莓味...所以只買了兩盒綠茶味送朋友啦~~...我覺得維格既鳳梨酥真係好好味~可惜都幾貴~新東陽地址:台北市萬華區西寧南路74號之一....新東陽網址......維格地址:台北市中正區衡陽路105號(係正捷運西門站的4號出口)....維格網址




屈臣氏收獲~~~超開心~!!因為哥日整個Sofina專櫃都有85折!!!!!我好驚...走過去問店員確認:整個專櫃也有85折??...店員姐姐說:對呀!請不要懷疑自己(笑).......即掃!!!!!我用開哥支美白防曬澳門賣緊320mop....日本都要2xxhkd....台灣正價賣NT$850=219.3hkd....天呀!!!!太抵喇!!!85折後是NT$722.5=186.4hkd!!!天呀!!!!好抵呀!!!!我實在太克制...只買了4支~(其實係之前有朋友黎台灣幫我買了仲有7~8支在家).......之前兩次黎台灣我都有懷疑係咪唔同地方做...點知一樣是made in Japan!!!沒有不買的理由~反正我一定要用~而且現在不會在澳門日本買~~(之前來都不知台灣買Sofina真的爽翻天~).....強胃散聽講話係來台10大必買手信之一~食滯左一食就會嗝番啖胃氣出黎~咁神奇要買黎試試~這個是一盒入面係獨立包裝的賣NT$150=38.7hkd~唔貴~買埋俾公子中胃部較弱的某人試試~雪芙蘭幫Chlo子買的~有打折~




這個Base幫Kapo baby買的~她說在香港賣280hkd呢...台灣正價賣NT$350=90.3hkd....85折後是NT$297.5=76.8hkd...如果係真既話真係抵好多喎!!!




杯子叫我幫佢買盒內左邊哥瓶保養品...正價NT$500=129hkd...85折後NT$425=109.6hkd.....但係呢個送埋支爽膚水既套裝無打折的....只售NT$400=103.2hkd喎~~~咁我做咩唔買呢個呀~~~~好彩睇到咋~~~~~

救命...真係平到喊....但係i子話我知...因為佢早我兩日過台灣..佢話早兩日Sofina是.....77折..................................





頭先講緊銀河哥間葡軒.......

好難食呀d野!!!!!!!
叫左5樣野...
檸檬炒蜆(好味..但太咸)..
八爪魚沙律(唔爽口..同埋唔係洋蔥橄欖油哥隻..係d黃椒紅椒醬咁)....
燒沙甸魚(燒得唔夠乾身)...
慢煮豬面脥(食唔出佢係慢煮...鞋到飛天)....
海鮮煲(個大蝦係好細心咁幫你剝埋殼...但就係太細心累事...剝左殼先煮隻蝦熟得滯...硬到好似食膠刷咁)...
成餐飯最好食既係.....開頭送既麵包同牛油...
熱辣辣又香脆...
如果一個差評係好難食...
咁我可以送5個差評俾你...我以後都唔會再去食!
曾經係我喜愛既葡餐之一....但個水準可以跌得咁多..
真係好差!!仲要食完好口渴!!



我阿媽噚晚坐係我後面睇住我打blog...

(唔排除佢係俾我影哥d野食相吸左佢入黎)
阿媽:華....去左食呢d呀?
我:係呀
阿媽:你記錄得咁清楚??地址又有價錢又有?
我:係呀(一路回應一路的0拍0拍0拍打字)
阿媽:(佢拍一拍我)唔怪得你成日都話膊頭痛啦...
跟住好有型咁走出我間房....
好man呀~~~~
係啦...其實點解我可以一篇打咁多粒字...真係好長氣
論文又唔見我打得咁快



2014/01/05的開心事:

今日Chlo子回來我身邊~
同我同一更~



公子係舊年已經齊聲討論..

今年復活節要一起去旅行~
因為今年復活節難得有5日假呀嘛~~~~
我地屬意沖繩架...點知....
不停咁check住機票.......香港航空要成$11,xxxhkd
痴線的!!!!!!!!!!!!!淨機票咋喎...
新加航線既Peach又唔係日日有得飛~
我地又想玩下又唔想咁貴....
最後....我地係星期五經過好耐既討論....
成功地訂了機票!!!!!也成功的訂了酒店!!!!
雖然只有6位公子唔係7位成行....
但係真係已經好難得~~~~因為我地要公眾假期先可以一齊去~~
如果唔係會好難請假~~~~
野~~~~我宣佈:又可以有得報時喇~~
今次既目的地係岩哂公子既..........
登登登櫈...........--->新加坡!!!!!!!!
又可以mark大個口血吃喇~~~~~
有成3年無去過~~~~好多野食我都好掛住呀~~~~
天呀~~~~我好開心呀~~~~
報時:距離公子新加坡喪吃自由行之旅2015仲有---87日~

36 則留言:

  1. C.T.M.紅樓自拍哥張~~阿M好似飲醉左咁嘅~~~

    回覆刪除
    回覆
    1. 好野~~公子團成行啦!!

      刪除
    2. 哈哈~~~因為佢係少女嘛~少女自然會面紅啦~~~

      刪除
    3. 超開心呢~~~可以同你一齊去旅行~~~

      刪除
  2. 哎呀,我又係聖誕個時生左粒唇瘡,大家真係同病相憐,大笑時食嘢時好鬼痛架>_<Sofina台灣買平咁多,緊係要多入貨啦,香港專櫃買都好貴﹗新加坡好天氣等緊你啦﹗

    回覆刪除
    回覆
    1. 係呀~~~~哥期都俾毛寶話我成個少人少女哂~~~講野同笑都斯斯文文..食野又細細啖咁~~~~
      係呀!!!!真係喪平!!重點是都係made in japan~~~~
      好呀好呀多謝你~~希望好似你去新加坡哥時咁好天啦~

      刪除
  3. 四支高湯?您唔講我以為是牛奶添!
    冰淇淋豆腐鍋+無老辣香鍋都已經給引,D料就更加正啦!
    經濟唔好,祇好加D服務啦!其實他們都慘架!
    您地真系出好多血喎!

    回覆刪除
    回覆
    1. 我諗佢個湯都可能有牛奶的~~哈哈~
      哥兩個湯都咁正就食咩都正啦~根本唔使再點任何醬料~~
      我都鄧佢地慘呀~所以先話鞠一個躬就已經好夠~
      第一日咋~其後我都無咩買~

      刪除
    2. 懂得出血,令自己帥帥的,開開心心的,也是值得的。
      哈哈哈

      刪除
    3. 我成日俾人笑我唔買野架~

      刪除
  4. D菇菇好可愛呀
    蛋蛋屋我有食過呀 依家變左做酒店 好娘咁呀 haha
    多謝baby幫我買 我會快d接佢返屋企同快d去見你架啦^_^

    回覆刪除
    回覆
    1. 我好鐘意食菇菇的~~~
      我一次都無食過呀...但係我諗我每次去都見到佢...無啦啦唔見左佢有d唔憤~~~~
      唔使客氣~~~~唔知我地幾時再見呢~

      刪除
  5. 肚痛仲食咁多嘢,唔痛有鬼啦,都唔比個肚休息下,take care

    回覆刪除
  6. 冰淇淋豆腐鍋...................咁特別,每人四十零蚊都ok呀!!!!!
    個丸就好似貴咗d,成八蚊一粒,其他都合理。如果連雞肉都好味,咁呢間嘢都好得,通常雞肉打邊邊都嚡口!! 果邊好多後生的waiter/waitress 都好好禮貌,真係抵讚,香港果d邊有得比:(
    唔係呱,skin care平成咁,果枝粉紅色base幾好架,香港賣280,果邊100都唔使,太過份啦,下次一定要掃貨^^
    果款牛肉乾,正呀,我最鍾意呢類牛肉乾,厚厚地有口感,我上次買洪師傅,都唔錯
    部相機影得你好白淨,你唔講都唔留意你咀角生瘡喎

    回覆刪除
    回覆
    1. 個湯真係好好味呀~~~因為係可以完全唔使點任何豉油都已經好好味~
      但個花枝丸真係好好味~~~如果淨叫花枝我都覺得ok~因為真係好足料~...佢個雞又ok喎~唔怕鞋~
      其實服務業係台灣真係做得好好...其實我覺得香港已經好過澳門....哈哈~
      係呀!!!!係成個專櫃都有折呀!!!!痴線架(重點係佢唔做折時都已經平過澳門!!!)...我用開哥支防曬我對過哂...同我係澳門買哥支一樣....只係佢包住層膠外面貼多左張中文既說明!!!!都係made in japan的!!!!如果有用開下次記得要去買!!!
      洪師傅呀???好正架我都想試下~~~下次如果我話去台北時你可否提我呀~~~wakakakaka~
      因為我笑哥時會個位岩岩笑睇唔到..但唔笑就會飛左出黎~~~~野~~~

      刪除
  7. 好友☆º°★話咁快又⊹☁*¨晚安甜夢喇喂•☾。✬♥*¨❤•嘻嘻星期二♦。*❣

    回覆刪除
    回覆
    1. 唔知點解我今朝起身時覺得.....點解今日只係星期二..................

      刪除
  8. 吖..... 我為到立刻表示, 我對落味精餐廳的不滿, 當我付錢時, 我會由15%小費, 減到10%.....

    果次我係我這裡唐人街食個芝士焗龍蝦, 咁簡單的餸, 盲的都會煮得好食, 點知我食完口又乾喉又澀, 即是隻龍蝦唔新鮮, X*&%@$#@$%^@(%*&^)$*^)&^($_P%)&)${%&_)&_#$%_&_, 為到文明地表逹我不滿意, 只付10%小費.

    回覆刪除
    回覆
    1. 但係你地d小費唔會納入張單度架?????
      我地張單已經自動地要加埋一架喇...如果再做得好d先會再俾額外服務費....哥次我又真係無再俾額外的~

      刪除
    2. 嘩..... 就係無落單, 前枱待應一見到小費咁少, 當然就想到個廚的不道德欺客手法, 當然就會罵個廚.

      刪除
    3. 哈哈~~咁希望佢明你既意思啦~~~

      刪除
  9. 台灣真係平好多架,連我都忍唔住掃D返去俾Bibi啦,何況你地!

    回覆刪除
    回覆
    1. 醒目~~~你都有買~~~
      bibi一定好開心~有個咁醒目既媽媽~

      刪除
  10. 成大班friend去一定夠晒熱鬧開心啦^^

    回覆刪除
    回覆
    1. 無錯~~而且係同d一樣咁鐘意食野既朋友~

      刪除
  11. 你呢句"...落少少先講...."真係引死人!

    回覆刪除
    回覆
    1. wakakaka~其實我費事前面已經一大段野咁~搞到大家都唔想再睇落去~~~

      刪除
  12. 當左葡幣咁睇.....哈哈,哩句好好笑^^
    睇到我都好想食

    回覆刪除
    回覆
    1. 哈哈~~~毛寶成日都咁搞笑~~~唔記得左自己去緊旅行~
      個湯底真係好得~

      刪除
  13. 果枝base我上次去買左兩枝返香港, 而家極後悔點解唔掃夠佢一打!!
    Dr. Wu都係必買呀!!

    回覆刪除
    回覆
    1. 0我~原來真係咁好用架??咁我下次都要買黎試下先~
      我今次無睇呀~唔夠時間~

      刪除
  14. 台灣食野,睇落都唔算貴...

    回覆刪除