2014年8月21日 星期四

日本東京自由行之旅2014-06-26第五天Part 2(陰天至晴天)

呢個禮拜唔知做咩多左咁多野做~~~唔知係咪因為暑假就快過~~~d人同埋d小朋友趕住黎同我地玩呢~~~我個膊頭堅痛~~~~~~~算啦~~聽日星期五喇~~開心下啦~~~~~好嗎~~~係喎~~~我星期六過黎香港大嶼山唔知邊度學野~~(幾好學呀~~)



2014-06-26
Day 5---Part 2(日本,東京 Japan,Tokyo->香港 Hong Kong->澳門 Macau)
番到池袋我地就去酒店攞番d行李~由我地酒店行過去池袋太陽城太子酒店~去搭Limousine機場巴士~(Limousine係池袋哥度得兩個接送點咋..一個就係太陽城太子酒店門口...另一個點係西口的...)...其實行過去太陽城太子酒店同埋行番去JR駅搭Narita Express個路程係差唔多架咋....唔揀Narita Express既原因...其一係要d行李抽上抽落(東口落去個駅無扶手電梯架...一係經百貨公司落..但好麻煩)....其二就係池袋直接去成田機場既班次好少...一係要係新宿再轉車.....咁麻煩我寧願俾多少少錢搭機場巴士舒服d好喇~班次又夠多~




成人每人單程3,100円=237.5hkd....華...都算係有少少貴啦~..但俾著前兩年d円十算...成310hkd架!!!!依家咁樣我已經好滿足喇~




官方就寫大約90-120分鐘就會到...但次次都係一個鐘多少少就到~幾方便~同埋好舒服~到了成田空港喇~




今次我醒呀~記得ANA要自己check左in先架~唔難用~有中文的~只要放你個護照資料頁哥版入去...就會有你班機既資料...揀下位咁.....今次無哂靠窗既二人位呀...但揀左超前排既中間三人位.....(以為自己好醒...落機又可以快d)....華.....今次我幾驚又話我超重呀~~~點知埋counter一磅....19.x kg咋!!!!!!買咁多野都係咁少!!!!可能換左呢隻輕身既gip真係好好多~同埋今次唔係買冬天衫~~~毛寶攞左兩大舊脫毛機仲有自己買左1x件衫都係20kg左右咋!!!好勁!!!(因為ANA上次我26kg佢真係要我執野出黎...我眼都突..所以今次好驚超重)




入左禁區重有時間梗係睇下紀念品啦~不過我覺得成田機場禁區唔夠多野買...有d失望~最鐘意係望下有咩新既KitKat口味買下~~見到有一個係為左慶祝富士山成為世界遺產而出既期間限定芝士蛋糕味~~我本來想買黎試試...但個盒既形狀令我卻步左...(因為我唔鐘意d盒唔係四方形..好似好難拎咁..)




行入另一間紀念品鋪頭有d摺紙既藝術品係度~幾靚~






同埋我終於試到日本麥當勞世界盃既期間限定喇!!!!因為之前幾日都食到好飽無試....咁岩肚餓...見到有麥當勞....呢個係炸飯球呢!!!229円(稅込)=17.5hkd...有兩粒的...一粒係墨魚汁飯...一粒係蕃茄飯.....仲要有芝士在內......極級好味!!!!!!!!!!!!!!!!!個炸粉唔怕太厚!!!飯既味道適中...加埋芝士....唔~~~~~~我覺得有相逢恨晚既感覺!!!!!!期間限定呀!!下次無架喇!!!




KitKat戰利品~左邊紅豆係我媽主動要求的~右邊另外的櫻綠茶也很吸引我~中間既係辣味~買黎過癮下~




係麥當勞隔離間紀念品店有好多唔同種類既煎餅賣...而且可以一塊塊買!!(好似係50幾號閘口附近)....幾靈活~而且100円=7.7hkd一塊大大塊的~做手信又得~自己食又得...其中有個醬油味我至今仲係念念不忘~~可惜我只係買左一塊淺嚐...之後又唔夠時間再去買....唉~




幾日都陰天~走哥日先咁好天~呀~我知喇~你唔係唔鐘意我~你係唔想曬黑我~~~~




我地隻機....驚見有耶穌光照住佢~好靚~我地搭NH911班機18:10係日本成田機場~飛番香港~好唔捨得呀~




上左機....惡夢開始了....我地今次坐一排3座位中間哥隻.....坐毛寶旁邊既係一個日本大叔.......一上機就脫鞋.....連襪都無的....重點係........................佢隻腳極爆臭!!!!!!!!!!!!!!!!!!!!!!!!仲要翹住隻腳坐向住我地!!!!!!!!!我地已經係隔離做左好多小動作但佢都不為所動......之後唯有向空組求助...問佢後面仲有無位...佢話無...佢話一係俾個口罩我地.....我心諗:佢隻腳咁臭但係要我戴口罩焗住成程機??乜口罩會除臭既咩?.........佢除鞋想鬆鬆隻腳佢係有人權....但佢隻腳咁臭影響他人空姐都唔幫手勸佢或者幫我地做d野...我真係有d不滿!!你對佢公平時邊個對我地兩個公平呢???(我有睇某空姐本書架....有個客既情況同我地一樣...佢會攞隻機上面派既襪俾除鞋哥個野要佢著住架!!)....真係唯一不滿ANA就係呢樣!!!!(無理由怪我地唔好彩揀左呢個位架!!)




很快地一起飛飛定左之後就派Welcome Drink同小食.....今次飲綠茶(又幾好味喎).....我決定...如果食飯時個阿叔隻腳仲係咁臭我會投訴!!(咁臭點食呀?!?!?!臭過坑渠喎!!!唔係臭狐哥d喎...呢d無得講啦..依家係佢特登除鞋喎.....)




呢程機睇左唯一一套戲(因為無咩好睇~)....就係The Bucket List...由Morgan Freeman同埋Jack Nicholson做架~好想講下呢套戲....中文譯名唔知係咪叫"一路玩到掛"(有可能係內地或台灣譯名)....原來係2007年架...唔知當時香港有無上到....套戲係講Jack Nicholson係超級有錢佬...但有絕症...誤打誤撞下同左同樣有絕症既Morgan Freeman同一間病房....由初頭既狗咬狗骨....到後期做左好朋友.....Jack Nicholson執到一張Morgan Freeman寫既生前想做既野既清單(應該就係戲名The Bucket List既解釋)....於是Jack Nicholson提出要幫佢實現佢既Bucket List!歷險旅程就係由呢個時候開始~當中有笑有淚....唔係講笑....真係笑到癲....同標哂眼淚的超感人的!!當中都有每我深思既地方.............睇下以下張圖係就知我無吹水....Jack Nicholson係床度睇電視都懶過人!!!!戴住呢個眼鏡睇.....笑到我呀~~~佢好似隻蟹呀!!好似SponageBob個Krusty Crab~~呢套戲100%推薦!!我好想再睇多次!!




開飯了~叔叔隻腳終於放下了~~~我梗係揀左邊日式架啦~~~毛寶明明話想揀韓式架喎~唔知點解佢最後都係揀左一樣既呢~




原來呢個飯係6月既期間限定黎架!!!!!好開心~~~臨走都食到期間限定~~~(重點係飛機餐都有期間限定~~)而且7月既哥個期間限定係要飛美國之類既長距離先有得食架~~~注定我就可以食到呢個期間限定~




今次飲白酒~~鹽焗鯛魚配碎鯛魚肉蓋澆飯套餐~~~~飯是不錯吃啦~~但飯下面哥d蔬菜配菜先係最好食的!!!!有蓮藕~~芋仔~~冬菇~~蘿蔔~~全部都好入味好好味~~今次係冷烏冬呢~一樣好吃~

落左機就發現入境香港都有得用自助過關喇~~~好野~~以後唔使受入境處既氣喇~~~攞埋行李就去搭機鐵~去到上環碼頭即買飛落船~番到澳門好似1點鐘~毛寶再揸車車我番去(謝謝毛寶~辛苦哂~)~成個行程就咁完了~完美的一次旅行~實屬難得~超感謝毛寶的照顧~



哈哈~Simpsons父子都有禮物架~~睇下~買左隻大杯俾佢地~~哈哈~~




天氣球的現時情況~冬天時我再影多次俾大家睇睇呀~




總結:

1.使費:3,488hkd[Package(酒店+機票+燃油附加費+機場稅)]+13,788hkd(食+買+玩+交通費)+320hkd(船飛)+180hkd(機場來往碼頭交通費)=17,776hkd.......華~~我好叻呀~~~包哂全部野~~仲要食得好好的~~
2.唉~~~今次我今係唔讚我自己唔得~~~我真係係街度無睇過一次地圖~瀟瀟灑灑的帶住毛寶去到目的地~要做到好似我咁有型...多得我唔懶咋~~~行完一次識行之後...仲要去之前多次溫習條路線架~~唔係點會咁有型呀~~~~~
3.要多謝毛寶呀~~揸車車我來回碼頭~~(重點係佢自己有份去喎~)...近兩次出發去日本之前係屋企去碼頭都係極極大雨喎~~~~何解~
4.唔知點解呢...我覺得今次去日本....佢地d鋪頭好似收夜左咁既~~~以前係一到八點...除左藥妝店餐廳之外...其他都好有性格咁收哂架嘛....但有好多今次都係收9點喎~~搞到人地行耐左就好夜先食飯喇~~~
5.第一次6月去日本喎~超驚打風呢~不過當港澳都熱辣辣時~日本既6月尾天氣仲係涼涼的!!夜晚仲有少少凍~幾舒服~搞到我幾鐘意6月去日本添~(唉呀~我仲未睇過日本櫻花呀~)
6.一個5天既日本東京之旅...咁都寫左17篇blog...痴線架!!!口水婆~~~~
~The End~
~多謝收看~





呢個禮拜真係深切體會到....保險呢樣野..
有又煩..無又煩....
無哥時覺得個人無保障...想拿拿臨買番份買個安心.....
諗住搵個識既朋友買實無死啦......點知....
當佢出錯既時候真係唔知話佢好定唔話佢好..
(雖然我選擇左出聲話...因為我覺得都唔算小錯)....
開頭都無諗住話佢算數...
點知我講出左個問題之後佢就覺得係小問題(佢以為)
明明send哂圖佢睇....條數唔岩又唔幫我計下條數...
講左幾次佢仲係睇住佢自己個電腦答我野...
我已經覺得佢好唔重視我份保單....
佢最後俾我既答案係直頭覺得佢唔pro!!
我最嬲唔係要我俾多左錢...
我最嬲係我俾哂野佢幫我跟佢都唔跟!!又唔覆我!!
仲要講一句:你咁樣話我我真係好傷心呀...
你知唔知你自己講緊咩呀??????????
傷心哥個係我先岩呀!!!!!!!!!!!
錢俾多哥個係我呀!!!!如果唔係及早發現..
戇居居供左份保險20年後先發現你出錯...
我都唔知好嬲定好笑.....
算啦.....使左錢...當睇清一個人既專業..............



前幾晚我係房聽緊歌...
媽媽:呀~陳奕迅d舊歌又真係幾好聽既~
我:媽~佢唔係陳奕迅呀~我講過好多次喇佢係布志綸呀~
每次聽我媽都會講呢句說話~wakakakakak~



2014/08/21的開心事:
今晚食牛尾湯(人地煲黎請媽媽飲架~)通粉~
可以算係開心事嗎?



報時:距離沖繩陽光海灘海鮮自駕遊之旅2014仲有---36日~

52 則留言:

  1. 話咁快⊹*☁晚上好⊹Ѽ以回覆哂E-Mail
    拜拜...我條老鼠尾呢...我出門行街市呢

    回覆刪除
  2. 我哋都鍾意搭airport limousine,貪佢舒適方便。唉,我都好怕喺機上遇到啲麻煩友,尤其是坐正喺隔離。你個天氣球好有型,我喺葡萄牙都買咗隻天氣雞。搵熟人買保險就係有呢個問題,最驚係連friend都冇得做。

    回覆刪除
    回覆
    1. 係呀~~~~不過我又真係覺得算係貴喎~~~~
      係囉...所以我堅鐘意靠窗哥d二人位!!一來我可以影相~二來我可以兩個點坐都得~
      哈哈~~天氣雞澳門都有呀~~~~~~~
      係啦....其實我依家明就係怕咁樣...

      刪除
  3. 我上次係住太陽城太子酒店,所以順理成章搭左個班Limousine機場巴士去機場.
    哈哈,隔離坐左個極腳臭嘅大叔,真係好慘呀,笑死我.

    回覆刪除
    回覆
    1. 咁係哥度住來回機場又係幾方便既~不過我就覺得平時jr搭車同個站就超遠囉~我上次都係住呢間~
      真係好臭呀..頂佢唔順~

      刪除
  4. 好慘呀~~~點解可以咁冇公德心~~~BABY上左期間限定癮哈哈哈~~~
    星期六呀星期六呀~~有冇機會見到呀><

    回覆刪除
    回覆
    1. 堅臭..忍唔到....
      係呀~~我超喜愛期間限定呢~~(即使我中過伏!)
      我去完大嶼山之後仲去左大澳食野~

      刪除
  5. 小豆超超超超超好味~~~~~富士山戈款我有買呀..都不錯的!!

    回覆刪除
    回覆
    1. 下~~係呀~~~你話好食我又後悔無買添~

      刪除
  6. 其實, 這些保險唔滿意, 可否係一定期內退番錢?

    回覆刪除
    回覆
    1. 佢有冷靜期...好似3個月...不過一早過哂....攞唔番~

      刪除
    2. 供左差唔多兩年....如果退保蝕哂...

      刪除
  7. 個天氣球真係好得意~影多D相,到時就知有咩變化
    比我會投訴多幾次,如果唔爆調位一D都唔困難囉~我最怕臭臭

    回覆刪除
    回覆
    1. 好呀~~~有一期佢無啦啦d結晶少哂架~~不過我唔記得影~
      我就係問佢....佢話後面爆哂.....完全無幫我解決問題

      刪除
  8. 咁又玩完日本真開心呀~~~~
    妳個保險朋友真係要搭飛機呀~~~換人或斷保啦

    回覆刪除
    回覆
    1. 日本真係帶俾人放假既感覺喇~~
      唉..我又唔識其他同公司既經紀

      刪除
  9. 我都想講...點解日本行睇極都仲有...哈哈

    保險其實找熟人或街外人都無咩分別...一樣有又煩無又煩

    回覆刪除
    回覆
    1. wakakak~我長氣嘛~
      唉.....唔買又覺無保障~

      刪除
  10. 你阿媽十成九玩細路啦!唔通老人癡呆咩?

    回覆刪除
  11. 乜口罩會除臭既咩《---我笑咗,不過又覺得你地好慘呀
    唔使睇地圖真係叻叻,讚

    回覆刪除
    回覆
    1. 咁我敏感肌...帶口罩會痕架..點解要我就佢唔係佢就我先....隻腳咁臭...
      野~~~讚人既~~

      刪除
  12. 妳唔多口水, 我地無咩睇喎...wakakaa

    回覆刪除
  13. 歡迎妳嚟香港!
    大嶼山上乜嘢堂??
    八卦啫!

    回覆刪除
  14. 所以話日本人有禮,
    但有啲都幾衰,由其喺啲大叔。
    全秷萬八蚊,使費唔貴,值得!
    過境香港受氣??
    搵熟人買嘢方便,
    但有起問題都唔知話唔話佢好,
    條氣又唔順,有時朋友都無得做,
    好煩!

    回覆刪除
    回覆
    1. 係囉......真係好臭臭呀...
      哈哈~可能我無瘋瘋的買卦..好多野睇完都放低或者影相就算~
      係呀......香港入境處..我受過幾次氣喇
      係呀....所以我都唔知搵佢買係正確定唔正確..

      刪除
  15. ok 啦,買咁多嘢又食得好,最緊要開心!!!!
    乜日本人唔係好衛生架咩,坐正佢隔離真係撞鬼囉><
    換咗個insurance agent 啦,唔pro 真係有排煩,好彩我買果個agent 對公司一條心,廿幾年都走咗去第二間公司,最憎係幫你買咗之後又話跳槽去另一公司,其求揾個人跟你張單!!!!!!!!!!!!!

    回覆刪除
    回覆
    1. 係呀~我覺得今次去幾平~可能無咩買咁多野~
      係呀.....第一次係咁咋..真係好難頂呀.....
      唉.....我都唔知點...同佢又識喎...轉又覺唔好意思...所以我就係話搵個識既人買真係...好煩..

      刪除
  16. d摺紙藝術品係好靚囉!
    炸飯球,一個字,「得」,哈哈哈
    耶穌光好靚呀!
    個空姐做得不好喇!

    回覆刪除
    回覆
    1. 係呀~~第一次見咁大型的~好靚~
      我好想食多次架~

      刪除
  17. Hi小T,慘呀!買保險要好小心呀!就算係朋友都會放飛機!最慘冇咗個明友!坐飛機最黑仔遇上麻煩友!$17,776hkd算o.k喎,又買咁多嘢食!妳媽咪都好玩得喎!星期六來香港玩得開心d喇!bye!!!

    回覆刪除
  18. 點解...點解你買到咁平既PACKAGE架.....我上兩年去都要成$5000蚊........你點做到架....教下我吖!!!!

    我唔敢係日本搭巴士返機場...因為我有個FD話比我聽, 佢試過去錯巴士站, 上唔到車...結果連機都上唔到...好嚇人....

    個富士山真係幾靚, 如果係我..我會唔理3721買左先算~~睇完你個遊記..搞到我好掛住東京呀><

    回覆刪除
    回覆
    1. 我成日上網睇東瀛遊d平既package架~佢唔會放出黎係counter度架(我講澳門)...通常上網睇完第二日去問佢..佢通會話...聽日最後一日報名...其實哥d係跟佢d團一齊出發既自由行package(我地係去到機場先攞機票架房單就一早俾左).....所以d起飛時間我地無得揀架....佢地個團飛咩我地就要一齊飛咩時間(但通常早機去晚機返..同埋佢會同你講話睇下成唔成到團..佢地個團成到先有得出呢個自由行package...但通常都成的...因為我試過呢d3次都ok)....問佢counter唔會俾你睇呢d package架..你上網睇完抄低個package編號衝去問佢~通常上網睇哥d package都係5天的(通常係ana/達美航空...但佢通常飛ana的)...$2999(未連稅) 5天...我唔揀3日兩夜哥d架..因為加多兩晚酒店房好貴~咁當然我係揀最平哥隻酒店啦~所以話今次住哥間唔錯~

      去錯?!點解既??我上網睇左佢巴士網站有地址架嘛~上google map行一次就ok架喇!!唔使驚~池袋哥個好易搭架咋~

      哈哈~~我懶囉~唔想拎~

      刪除
  19. 1 年後回來看,原來去了不少地方,呵呵。介紹呢度比您。

    2014年挪威及北冰洋探索之旅-前言

    http://danielchanck.blogspot.hk/2014/08/norway-svalbard-aug-1-17-2014-trip.html

    回覆刪除
    回覆
    1. 哈哈~~今年都唔算出動得多~
      華~你就好啦~去左挪威~我轉頭過去你度睇~

      刪除
  20. 咁快完喇!唔好掛!仲有冇野未講哂呢?
    炸飯球係期間限定,即係冇機會食囉我地!唉呵!

    回覆刪除
    回覆
    1. 無喇~~我已經賁在太長氣~
      可能遲d港澳會有呢~

      刪除
  21. 小t小t, 過o黎打個招呼先, 想開工前寫多幾篇blog, 都未有時間認真睇妳個日本之旅, 我之後會追番架喇。我覺得妳真係好強呀, 可以出blog出得咁密, 寫得詳細又好笑, 真係要俾十個叻妳呀!!!!!!! ^0^

    回覆刪除
    回覆
    1. 哈哈~~近排少左喇~~~因為.....暑假真係好攰呀~~~
      你出多幾篇啦~~等我可以過去睇嘛~~~

      刪除
  22. 咁啱我今次係成田黎成田走又住池袋太子,所以到達日本時喺機場買來回機場巴士票4,500円咋。
    26號天氣好到不得了,所以去咗好多地方 :D

    回覆刪除
    回覆
    1. 咁$4500円又真係幾抵喎~又坐得舒服~又唔使自己搬黎搬去!!正!!
      你就好啦~~~我有兩日都落雨呀~不過都玩得好開心~

      刪除
  23. 每次到遊記最終回總有一份莫名的失落,日本尤甚......
    如果隔離坐著個臭腳人真係唔知點算,我天生係狗鼻特別靈敏架嘛......齣戲香港有上過,華納出品,好似唔記得係咪叫玩轉身前事.
    你使咗錢,唔只睇清一個人嘅專業,係睇清一個人.唔知你同佢熟成點,但我覺得係契弟嚟.

    回覆刪除
    回覆
    1. 我係又開心又唔捨得一個遊記完架~開心既原因係...因為寫一篇遊記真係好辛苦.....有時想放棄寫~所以一寫完我就會覺得舒服哂~不過同時又唔捨得喎(好痴線)
      真係唔係一般既臭..係堅臭.................
      係喎!!!好似真係有個咁既戲名喎!!!套野堅好睇呀!!如果有碟我想買番呀
      唉...我唔係話佢個人平時唔好...只係我不滿佢咁對我份保單囉

      刪除
  24. 我嚟探你嘞, 放完個長假, 返新工堅唔慣, 妳攰, 咩都唔想做...
    啲小朋友真係好愛你喎, 仆住嚟同你玩, 真心戥你慘!
    點解啲人咁無公德心, 放隻臭腳出嚟, 痴線!
    個飛機餐好正呀, 你就好啦, 期間限定

    回覆刪除
    回覆
    1. 點呀你~~~好耐無見你喇~~~~咁快番左新工喇~~咁實要時間適應既~~加油呀你~~
      哈哈~~睇佢地威得幾耐...就快開學~~
      可能佢聞慣..唔知自己隻腳臭到咁~
      係呀~~第一次飛機餐期間限定咋~~好開心~~

      刪除