2014年8月20日 星期三

日本東京自由行之旅2014-06-26第五天Part 1(陰天至晴天)

噚晚落好大雨..同左屋企人出街食飯...成對腳都濕哂...哥個時間我好日都唔會搭巴士....仲要係落雨.....塞車塞到暈....係一個彎位我諗塞左成15分鐘先過到......跟住我就諗起...其實我真係幾幸福.....其他人平時都係要咁樣搭巴士番工放工...仲要塞好耐車先番到屋企.....比起我一放工3分鐘彈到番屋企就開始玩.....我發現我真係十級幸福!!!!!!!!!!!!今日朝早都係落大雨架......岩岩開始叫籌時望一望出面無咩人架...仲暗暗開心今日落雨少d人添~點知......9點半之後多人到呀.........今次落雨執唔到死雞添~~~哈哈~~~~~~



2014-06-26
Day 5---Part 1(日本,東京 Japan,Tokyo->香港 Hong Kong->澳門 Macau)
起身~10:00 check out~將行李放係酒店度先~第一站係去酒店隔離街....個郵局度寄左哥幾張靚靚postcard~今次個郵票又幾得意喎~~(又唔可以講話係郵票...係一張印出黎既貼紙~不過幾有新鮮感~因為平時都係雀仔郵票嘛~)...郵局的姐姐好有禮貌~跟澳門哥d郵局叔叔差太遠~




寄完信又出發搭JR山手線去涉谷~等緊車既時候望望.....咦~~~依家d自動販賣機咁新穎既~~~~~好想玩下~~(諗緊既時候車就到了~)




我地係Hachi公出口出~(即係哥隻狗仔呢~)..呢個出口永遠的多人~~~熱鬧~~~~(今次無行到涉谷~)...呢件衫我係呢個旅程已經唔記得著左幾多日~(肯定最少兩日~d衫梗係重覆著啦~留番d位同重量買野嘛~)..我淨係知道我係涉谷同個0架仔撞衫既呢~~~~~wakakakaka~~~






過對面馬路黎到Mark City 4樓....到左我地係東京最後一個行程~~~美登利壽司~~~~地址:東京都涉谷區道玄坂1-12-1 Mark City 4/F......營業時間:11:00-22:00(L.O.21:45).....我記得銀座有分店....可以去佢地個網址找找看...佢有d係食回轉壽司架....價錢好似相宜d....不過橫掂黎到...梗係試左d正常價既先啦~旅遊書既標題係"商台飯堂"喎....




上一張相我好強調營業時間架~我平時哥d都無講既~佢開11點....我地10點45分開業前15分鐘黎到.....見佢未開門...周圍望佢出面d圖片睇下有咩餐.....好彩毛寶眼仔夠大~見到有部機!!!!要攞籌架!!!!唔記得部機有無英文(好似無)....不過我記得唔難用....入下有幾個人呀....要坐吧枱定普通枱定兩樣都無所謂之類.....咁就ok~我地就揀左坐兩樣枱都無問題~




個籌一出我整個鼻孔擴到無限大........................我早左15分鐘黎.......鋪都無開..............我已經排緊..........19???????




再望一望後面......我頭先一黎到以為咁早商場d櫈有咁多人坐係度休息既........原來佢地住部都係等緊美登利開門!!!!!!好恐怖呀!!!!!閒日喎!!!!!!!!11點未到喎!!!!!(去旅行既好處係d熱門食店只要你係閒日開門前到...都一定第一批入到坐....我未見過咁恐怖的!!!!!!!).....攞左籌就行去條隊最後面等......有幾個企我地前面既姨姨排前我地好幾個身位.....點知佢地無攞籌!!超慘!!!跟住我就好驚喇....死啦...排19....肯定第一批人唔輪到我地啦(因為望入去見唔係好大)....等第一批人食完都最快要一個鐘啦....12點我地先入座食...又要一個鐘.....但我地要搭車出機場唔夠時間喎...唔通食唔到?!.....................

咁諗緊既時候...毛寶就閒閒的說:你唔好咁緊張啦實食到既~~~........開門叫籌.....請盡量企係門口等....因為佢係叫日文數字架~~~我完全唔識聽~企佢隔離反個號碼佢睇~



好好彩呀!!!!!!!排第19都輪到我地~~~~~~~~~~~好野~~~~可以慢慢享受~~~~~(其實我唔明間野咁細點容納到咁多人架~~)佢問我地想坐咩枱~我地話無所謂~分發到壽司吧枱對住師傅~最右邊哥個我覺得個樣好"壽司師傅"(有無知我講咩~)






好彩我一早有上網睇人地d blog~知道佢有中文餐牌的~不妨問佢攞黎睇睇~

今次主力想試下佢d setdo~



記得呀~壽司既價錢係以一粒計架~唔係兩粒呀~(所以有d望落唔算平架~)




點餐後~滿心歡喜的等待~~~~~~~




殼付海膽刺身...800円(稅拔)=61.3hkd.....價錢好相宜喎~~~原個喎~~~~~我第一次咁樣食原個架~~~~好好味呀~~~~




叫左餐~另外單點左驚訝筋子壽司(好搞笑既中譯~三文魚籽)....400円(稅拔)=30.7hkd.....初頭覺得幾貴...一粒成30hkd...但係一黎到華.....簡直無改錯名...真係好驚訝!!!佢係成餅三文魚籽連埋一齊!!!!一大餅!!!!超鮮美(好咸鮮先岩!!).....鋪滿整舊飯....30.7hkd我食後認為係值的!!!.....單點海膽壽司....350円(稅拔)=26.8hkd...反而平過三文魚籽~但係呢個海膽都超多~~紫菜內都是滿滿的鮮甜!!!




我地叫餐share黎食~呢個係什錦海貝拼盤(配醬湯)....2,000円(稅拔)=153.2hkd.....我好鐘意食貝類既刺身架~所以呢個餐簡直係神來之筆~件件鮮美~




仲叫左全餐牌最貴哥個試試看....廚師特別訂制壽司拼盤(配醬湯..蛋羹..蛋黃沙拉..甜點)...2,800円(稅拔)=214.5hkd...最貴的才215hkd~~但係一攞出黎即時雷哂~~個沙律其實係蟹膏沙律黎架...好味到呀!!!!!!粒粒壽司都咁好味!!!!呢個價錢可以話係超值!!!!!!!甜點係梅味的jelly~幾好~清番下個口~同埋無咁漏~








兩個人食咁多野先食左500鬆hkd......我覺得.....完全係值得的~~~~~~下次我要再黎食!!!!!!!




大推既食店梗係要影番個短片黎存檔啦~(又係咩理論?!)依家番工番到悶我都會開出黎睇睇~肚餓又開出黎睇睇~證明我有幾想再食......好想再去呀~~~~~~~~~~~~~~




食飽飽....再帶住沉重既心情離開涉谷番池袋喇.....因為要出機場喇~~~~~~~~~~~~~~~(張SUICA卡費事再入錢~買飛算~)







近日好興哥日Ice Bucket Challenge...
我兩位男神都有玩~~
做善事本身幾有意義既~
不過我就覺得(個人覺得咋..)
其實倒冰水呢個活動需然係要俾人感受下漸凍人症既苦況..
但其實...我覺得...
幾浪費....食水
捐錢就最好喇~~~~~
咁先幫到有需要既人嘛~~~~~
你睇凍到Ozil.....掩哂胸咁~(我唔係偏心唔放布志綸呀~~係佢無放上youtube咋~~)




今日見到有個package...係去睇英超架~10,999hkd起
包來回機票...兩晚酒店
仲有門票一張...
仲要係阿仙奴對曼聯~
好想去睇呀~~


2014/08/20的開心事:
雖然好多野做~但我都係可以準時放工的~
感恩~



報時:距離沖繩陽光海灘海鮮自駕遊之旅2014仲有---37日~

30 則留言:

  1. 重覆著衫妳有冇洗呀~~~臭亨亨
    d壽司巧正喎

    回覆刪除
    回覆
    1. 無架~酒店無得洗架~唔緊要啦~涼涼地~
      好好味呢~~

      刪除
  2. 嗰兩個壽司餐簡直超值,喺香港千兩一定唔止呢個價錢,最重要係好食嘛。哈哈,我覺得毛寶好有男仔嘅特質,好淡定。
    其實ice bucket challenge本來係為咗患ALS嘅患者籌款,現在好似比啲名人當咗係宣傳技倆。如果係真心,就最好啦。我覺得最搞笑,係fb嘅mark zuckerberg挑機bill gates,哈哈。不過今日睇新聞話,呢個活動其中一個發起人corey griffin意外身亡,得27歲。唉,有時人嘅嘢,真係話唔埋㗎,活在當下,珍惜眼前。

    回覆刪除
    回覆
    1. 佢又真係幾抵~我就覺得唔算貴呀~有咁既質素喎~哈哈~佢不嬲都淡淡定架~去親自由行由佢plan都係咁淡定~
      我都覺得係呀...好似俾人要黎出位用咁....我都有睇哥個新聞呀....人真係幾化學...唉....
      都係捐錢實際d既~~~

      刪除
  3. 去睇啦去睇啦 惡魔黎架我
    其實我都有鍾意既籃球明星 都好想現場睇佢打波呀 !!!!

    回覆刪除
    回覆
    1. 野~~~好衰架~~引人去既~~不過哥場波既日期我應該無假去喇~
      下~~你鐘意邊個呀~~估唔到你喜歡睇籃球喎~

      刪除
  4. 佢真係要排好耐架,有得食就最開心,佢個蟹膏真好堅食,點解無相?肯定太好食,唔記得影^^

    回覆刪除
    回覆
    1. 我唔岩呀~我實在低估左佢呀~
      我有影呀~不過無單獨影佢呀~~真係堅好味~

      刪除
  5. 好多人介紹哩間餐廳,我未去過,見你喺東京嘅美食,攪到人心郁郁好想飛

    回覆刪除
    回覆
    1. 哈哈~~咁呀~~不如唔好諗咁多啦~~年尾個旅行改去日本啦~

      刪除
  6. 睇!英!超!XDXDXD!
    貞公子也驚訝了!

    回覆刪除
    回覆
    1. 真架真架~堅係想睇架~~
      唔好驚呀~~

      刪除
  7. 小T, 你個樣又幾似咖仔, 你係日本街上行, 佢地可能分得出來咖.

    我這裡一粒壽司也要1-2元, 東京100-200円, 都差唔多同我地這裡, 但東京D用料和手勢好很多.

    回覆刪除
    回覆
    1. 我一d都唔似日本人~我是個可愛的中國娃娃~~~~~~
      咁你哥邊又唔算貴喎~不過咁梗係日本好食d啦~~~~~

      刪除
    2. 我比較喜歡你留長頭髮時的娃娃面.... 可能毛寶覺得你現在短髮好睇

      刪除
  8. 你同人撞衫幅相你好健碩成個大隻佬咁.
    呢餐好唔錯喎,想食.
    睇英超好吖,去啦,開吓眼界嘛,冇人陪求吓我會考慮嘅,嘿嘿
    話嘥水多鬼餘啦,你男神點睇都係咁......特別

    回覆刪除
    回覆
    1. 哈哈~錯覺je~我好細粒架咋~
      係超正~~我會再去~
      我都想呀...但呢場波個日子我係攞唔到假架喇.....嗚嗚........同你睇我寧願唔去..仲要求你..諗下好..
      真係嘥喎....齋捐錢咪好囉~
      係呀~佢係我心目中係好特別架~

      刪除
    2. 我錯覺你係女人添.
      同我去嬴番全程使費喎,大前提當然係叫埋某公子一齊去啦,睇埋哈里波波嘛
      用得其所,唔算嘥.
      認同,真係特別

      刪除
  9. 回覆
    1. 超級抵~如果係澳門開我會成日食~

      刪除
  10. MY █▄♡vE 好姊妹•*´**☁。早晨+黃昏好⊹☀
    昨日香港有落大雨....今日太陽出來呢

    回覆刪除
  11. 早左15分鐘黎,鋪都無開,已經排緊19,好誇張喎~~~~~~~
    殼付海膽刺身、三文魚籽,正正正

    回覆刪除
    回覆
    1. 哥間野真係好誇張架~~~嚇壞人~~
      係呀~~~好好味~~

      刪除
  12. 原來呢位仁兄就係Ozil,佢對黑眼圈都幾勁吓喎!

    回覆刪除
  13. 原隻海膽重食左咁多野,唔怪得之大排長龍啦

    回覆刪除
  14. 廚師特別訂制壽司拼盤,好想食呀!超抵呀!

    回覆刪除
    回覆
    1. 係呀真係好抵~~講好下次去一定要再食~

      刪除