2014年8月14日 星期四

日本東京自由行之旅2014-06-25第四天Part 4(雨天)

呢幾日我都超早訓的~好乖呀我~一來就因為番早啦~二黎我就知衰啦......驚又唔舒服不如早d休息下會好d~同埋時不時就做下條頸既拉筋動作~我成個人好似醒哂咁呀~~



2014-06-25
Day 4---Part 4(日本,東京 Japan,Tokyo)
行過有間專賣手拉花糖既鋪頭~入去望下~





那當然有晴空塔糖~




仲要有小丸子添!!!好可愛~~不過我知我一定唔捨得食!!!唔買喇~~~(好野~又羸左~)




行過少少就見到Moomin Cafe!!!有大量姆明公仔係cafe入面陪住你吃的~~好多人排隊!!!





唔怪得咁多黎食啦~~~~咁可愛~~~我未食飯我都想黎食下~~~

仲要午餐下午茶晚餐都唔同餐牌哥下有新鮮感嘛~



門口擺放左樹精長麵包賣~~~(好吸引~~)




入cafe前仲要先經過呢個精品迷暈陣!!!!!!!!我對普通精品基本上已免疫....可惜我敗左某個種類上!!(係d咩..稍後介紹~)奇怪喎!!專賣店都係阿美精品佔多數!!



阿美家姐好靚女呀~~



俾大家係咁意睇睇佢樓層分佈~~第3驚喜位就係原來東京晴空街道Tokyo Solamachi有多達312間商鋪~~~(本身諗住留半日...後尾見咁多間鋪就留耐d~~)...上一篇同頭先介紹既鋪頭都係位於West Yard既1樓....而East Yard同West Yard只在2..3層可直通~今早食既Top of Tree天空Lounge就係位於East Yard既31樓~




1樓有個大超市架~好多凍肉呀刺身呀生果哥d賣~




應該每個少女見到都會行過去同佢影張相同埋要望下佢d紀念品架下~我好多都話:呢個幾好喎~毛寶話:買黎做乜丫之下.......我淨係買左手信俾人.....;]







真係好得意喎!!!!!!!!唉~只怪我太多垃圾在家~




行過有個當仔~專賣放小物/零錢包的~仲可以將好多得意既公仔可以俾你自由設計放係零錢包度~~~(每個公仔計錢的)




好得意呀~~~超多選擇~(呢度係一小部份~)




我最後選擇係底面各擺一個~~~好可愛呀~~~雖然不算平宜....咁樣整埋加埋零錢包既錢...其實要100hkd~但真係獨一無二嘛!!!!係長頸鹿呀~~~kapo baby愛它嗎?





跟住跑入去睇下有咩得意野~(同埋想影下唐老鴨俾kapo睇...但係無乜唐老鴨商品呀!!)...間鋪好大...但貨品好少..有好多重覆唔同位置擺既野...





另一樣想搵就係呢d小面膜~~~送禮首選~~~可愛又唔貴~




呢度基本上係我買衫買得最開心既地方~~~~有大減價呀~~我買左成5件衫....才700hkd!!!!!好抵!!




好可愛既晴空塔妹妹bear brick~




賣d野真係夠多完化~~連護膚品都有!!!!我本來無諗住買架!!!但係你不得不佩服佢地既銷售手法!!!!主動幫你試產品...其實試完唔買又無俾壓力你架喎自己會行開唔會再賣力亂sell....但係我地就係咁用完又無壓力下提出:不如我地都買下咯~..哈哈~





就係買左呢個洗面(球?)......好得意架~佢話係天然成分....成舊白糖糕咁架....整落隻手度試時超舒服!!!凍凍的軟軟的~本來765円(稅込)=58.6hkd一個....三個一齊買就720円=55.2hkd一個~~~~哈哈~可以去角質的~不過衰在真係太天然~只可以循環用一個月咋~








好野~~~~~聽日星期五喇~~~~
咦....係喎.....
星期六買左飛去睇Mr.添....
我個心實在好矛盾呀對佢地....
(係咪唔係好知我想表達d咩呀~)



2014/08/14的開心事:
我行過7-11~獎自己買左兩包特價薯片呀~
(至於因為咩而獎自己...唔好問咁多喇)



報時:距離沖繩陽光海灘海鮮自駕遊之旅2014仲有---43日~

44 則留言:

  1. 盡情咁買啦,去旅行嘛。
    今篇有幾個迷團,好似好多密碼咁……
    你好錫kapo喎,我都想睇多啲公子相,你影多啲登多啲好冇?

    回覆刪除
    回覆
    1. 哈哈~係去旅行我先會買下咋~
      點解有迷團??例如呢??
      係呀好鍚佢呀~~~~唔好...我又唔錫你既我點解要聽你話呀...

      刪除
    2. 咪稍後介紹同唔好問咁多啦兩個謎團
      你學你上代男神咁唔錫自己啲粉絲呀?

      刪除
    3. 唔好問咁多係其實無理由地買左零食囉...
      稍後介紹遲d先講咁解....
      佢係偶像但我唔係嘛

      刪除
  2. 係姆明,仲有阿美呀~ ~
    好吸引呀!

    回覆刪除
    回覆
    1. 係呀~~佢地好得意呀~~~
      如果我未食飯我一定去食~

      刪除
  3. 因為你變左心?
    好正喎,呢個商場好好行又多元化丫!多謝你嘅介紹^^

    回覆刪除
    回覆
    1. 哈哈~~係呀~~但我又鐘意番佢喇~我係姣婆仔~
      係呀~~~下次去我要上塔再加行街~

      刪除
  4. 哈哈,晴空塔真係可以行成日喎。好奇一問,姆明餐廳係咪有隻姆明公仔陪坐㗎?因為我同佢講,話姆明只會陪一個人嚟嘅客人,兩個人入去,唔會比姆明陪我哋㗎。

    回覆刪除
    回覆
    1. 我覺得幾岩我行既~不過唔知岩唔岩男仔行呀~
      係呀!!!!有姆明或者其他角色陪坐架!!!!!
      唔係呀~就算你兩個黎都有陪坐架~~(不過可能多人既時候佢無咁多位擺姆明陪你地囉~~寧願放多兩個人入黎仲好~~~我之前睇過另一間係兩人都有得陪架~不過哥間無呢暗咁多人~

      刪除
  5. Yeah hahaha 放工之後見到你篇blog真係好開心 好多我既名 hehehehe
    長頸鹿呀 唐老鴨 hehee 開心開心開心

    回覆刪除
    回覆
    1. 哈哈~梗係~我去日本有記住你架~不過我無用~無你朋友仔搵到咁多唐老鴨~~~

      刪除
  6. 妳獎自己使乜藉口呀~~~要食咪食啦、只多生豆豆啦~~~哈哈哈

    回覆刪除
  7. 條頸時不時就痛...早D休息下...一定會好D
    晚晚加埋做下拉筋動作...小t 超乖呢

    回覆刪除
    回覆
    1. hehe~都幾乖上個禮拜~今個禮拜都要繼續乖~

      刪除
  8. 糖糖仲要有小丸子添...好可愛呢

    回覆刪除
  9. ┈Good night┈Zzz┈時刻笑笑.•*¨。.¤甜夢安睡。.+•❤

    回覆刪除
  10. 間CAFE超正喎~~~ 勁得意~
    雖然我冇得去日本, 但係睇住你影既相都好開心^^~~~

    早睡早起身體好呀~~~而家夜晚又無左烈火雄心~~你可以早啲訓喇~

    回覆刪除
    回覆
    1. 我都好想去架~不過我已經食飽飽~~
      哈哈~~能令你有一點點既開心係我既榮幸~
      你咁講完我突登8下睇下做咩劇...點知一聽首歌..............好驚.....

      刪除
  11. 好囉, 你多留意身體, 多做運動, 你一定會更開心,

    唔知道香港還有沒有賣KANGOL, HURLEY, QUIKSILVER 和 PARASUCO? 我最近又係買衫買得很開心.

    還有TIMBERLAND和KEEN D袋, 大減價, 開心到我...... 呀......

    回覆刪除
    回覆
    1. 哈哈~~我會架喇~~
      我淨係知有quicksiver...其他我唔識呀~我好老土~~
      你地就好啦~成日有減價~

      刪除
    2. 你講很多牌子, 我都唔知啦, 所以都唔關老土事, 只是我想知道我買的品牌, 拿回香港著, 人家會否覺得過氣.

      刪除
    3. 其他哥d我唔識呀...不過可能香港都有

      刪除
  12. 小t,,,你之前話去食左個咩乳豬煲我想問係邊架,,我星期一會去澳門想去試下

    回覆刪除
    回覆
    1. 沙欄仔街9號地下A鋪...66528720..要訂位呀佢成日都無位架
      叫維康呀..佢d肥牛同墨魚丸都好好味~

      刪除
  13. Tiffany你好,

    SeeWide特搜網是一個全新互動生活分享平台,集齊各地遊山玩水好去處及講玩、講食、講扮靚、講生活,讓大家分享不同的生活體驗。

    你的網誌十分切合我們網站主題,內容及相片也很有質素,請問可否讓我們轉載網誌內的相片及內容?(會注明出處及不作改動)

    我們的目的,是盡力網羅優質的相片及內容,建立一個包含豐富生活資訊的玩樂休閒分享平台,讓一眾志同道合的網友可更輕易獲得寶貴的參考資料。現階段,SeeWide 已擁有超過十萬篇生活攻略,瀏覽量亦超過數十萬。

    希望你能成為我們平台的一份子,助我們更有效地集結各樣不同的好玩好食生活資訊!

    另外,我們亦設有「稿費」制度,透過發表文章所累積的本地瀏覽量,即可兌換稿費!

    而我們亦可以你的名義,將稿費捐到香港宣明會,或你指定的慈善機構
    詳情可參閱:http://www.seewide.com/space.php?do=help&essay_id=22#001

    如有任何查詢, 歡迎電郵至: info@seewide.com

    回覆刪除
    回覆
    1. 謝謝留言~等我去睇下你地個網站先呀~

      刪除
  14. 姆明係我細個時最鍾意嘅卡通之一,俾我見到實死(出血)得好慘呀!

    回覆刪除
    回覆
    1. 哎呀...咁你一定會出血喇!!!!因為我都有少少中左招~

      刪除
  15. 要乖囉~~~~~~~
    就快又去旅行,病了就慘喇!
    您好喜歡有圓點的衣飾喎。
    Mr.?我以為您已經變左心添。

    回覆刪除
    回覆
    1. 知道~我會乖架喇~
      係呀~超喜歡~
      er......我又鐘意番佢地喇~

      刪除
  16. 個種用兩塊鐵片做開口嘅零錢包,我鍾意用o架!你揀個長頸鹿我又鍾意!

    回覆刪除
  17. 我真係好怕去日本,你睇吓呀,d包裝咁靚d嘢咁可愛点可以唔買喎,去一次真係大出血架.................
    好乖呀,早睡早起又有做吓運動,但一定要持續做呀

    回覆刪除
    回覆
    1. 野~~~~我都係呀~~咁我又唔驚既...睇下都好開心....以前會咩都買..依家會諗真d先~
      知~~道~~~收到~~

      刪除
  18. Hi小丅,好叻喎!做吓運動喎!樹精長麵包好得意呀!嘩!東京睛空街道咁大,妳一定大出血喇!晴空塔妹妺巧得意!妳有冇買個返澳門呀?星期六飛去睇Mr.?妳唔係唔锺意佢喇!bye!!!

    回覆刪除
    回覆
    1. 我無買晴空塔妹妹呀...因為大個唔買咁多公仔喇

      刪除
  19. 新郎結婚了, 新娘不是我~
    你係咪酸葡萄呀....

    回覆刪除
    回覆
    1. 我唔排除一部份係....
      但另一部份係因為佢地去台灣太耐...淨係顧住台灣同內地粉絲...完全忘記澳門粉...同埋佢地既普通話歌唔岩我口味

      刪除
  20. 因為主音同國語歌既關係?XD
    Yahoo年代我都記得你係一個癡心少女小粉絲黎嫁和XD雖然其實我一直都唔太like佢地......
    Btw,你真係好勁XD有人向你徵稿tim~~~

    回覆刪除
    回覆
    1. 係因為佢淨係掛住內地粉同埋台灣粉...所以我先嬲之嘛~
      哈哈~~係呀~~其實睇番佢地個演唱會之後我又有少少鐘意番佢~~~~~~
      梗唔係~佢有向好多blog友徵稿架~

      刪除