2014年8月11日 星期一

日本東京自由行之旅2014-06-25第四天Part 2(雨天)

做野做到個人超燥底~~~~我要冷靜~~~~我好想食薯片呀~~~~~星期五:放工去左食西洋菜...期待左成個星期...但係...前後一個禮拜無食...點解d野食差咁遠既?!好失望!->約左睇Lucy超能煞姬....其實係幾好睇的....不過我覺得係要諗既一套戲...好似有少少哲理咁~題材幾有趣~講人腦一般只會用到10%....佢就講由10%...開發到100%既野~(因為我初頭以為係一般既動作打鬥片)....星期六:諗住去食園林牛肉粉絲..點知無開..食左雅香魚湯粉->食左醫生d感冒藥..抗生素之類..超眼訓的..前幾日我都唔知點樣食完番工...好彩有得訓下晏覺~(好彩d藥食埋呢日就食完~)->好野~食左紅記~食左南乳雞翼~飲左沙鍋雲吞雞煲~正!->去左venetian睇個玩命特技現場秀(Nitro Circus)....我地買左最平哥隻飛...坐中間最高...都幾好~因為睇得好清楚~不過就不停咁做電單車同單車既特技...稍嫌有d單一~(不過以$224黎講都無話可說...又火又煙花又玩命).....星期日:一早爬起身去探Karen~~因為佢剛生完bb~~因時間唔岩仲未見到bb~做媽媽真係偉大~....->食左蓮勝咖啡->去左黑沙曬太陽~重點係太大風加陽光一陣陣提早收爐...買肥佬燒烤食~~~...->新葡京日夜咖啡室晚飯~



2014-06-25

Day 4---Part 2(日本,東京 Japan,Tokyo)
上回講到個Amuse Tower 8品拼盤~咁就要詳細講講個塔有咩野食係入面喇~~~~這個是帆立貝他他~~鮮味好吃~我連條菜都食埋~




圓切翠肉瓜配羅勒忌廉醬~又幾新穎喎~而且又係清新之選~唔知點解我一路食緊...一路諗緊墨西哥^^




紅椒布甸....er...講真我平時唔太鐘意青椒紅椒呢d....但呢個我又入到口喎~唔好問...我又係連條葉都食埋~




油封合鴨配新薯...鴨唔怕乾爭爭~有肉汁有肉味~新薯是指生生地的嗎?




青檸芝士忌廉~~這個好好吃~青檸跟芝士好夾~~配上脆脆的餅~好味~




檸檬鹽炸槍烏賊....呢個係唯一既麻麻..因為我覺得烏賊已有點林林的不夠脆~




年糕豬肉配冷制豆豉醬....這個豆豉醬好入味~~~可口~~~




最後清新點~蕃茄莫薩里拉芝士沙律配意式香烤包片~

以上我影既都係一人份呀~我無同毛寶分享過架~~如果你係好細食哥隻...我諗你呢個時候已經有飽肚感喇~



我地每人有兩款主菜的~魚類料理係新綠炸天然真鯛...華~~外觀很不錯~~~初頭以為炸魚無燒或汁煮咁出色...點知~~外層包住係葉?定蔬菜?一齊炸....外層白脆內裏魚肉鮮嫩!!!!!配埋汁一齊食.....哀c~~~~~~~




肉類料理係燒紅雞腿肉配釀胸肉二重奏......我本身對雞既料理真係興趣度係零...但係一咬......華!!點解可以有咁爽脆既雞肉既???(你無睇錯...係真係好爽脆!!!)..超好味!!!!汁都好好味呀!!!!




食完上層既紅雞腿肉...原來下層先係釀雞胸!!但我唔明點解雞胸都咁爽呀???(平時唔鐘意食雞胸原因就係因為佢鞋)...釀入紫米物體個口感幾得意~




wow~食到甜品喇~其實呢個時候已經飽到頂住喉嚨~~~甜品係水果蛋糕卷配白桃雪葩.....老實講我一向對蛋卷呢個物體係無緣無份....覺得乾爭爭又甜!!!但係....呢個一入口....整個人會生花的!!!!中間有生果減低甜膩感......最正係佢面頭有檸檬忌廉!!!!!酸酸的!!!我好少可咁將成件蛋糕送哂入口!!!!好好味~~真的!!白桃雪葩就清甜可口~意料中事~但係蛋卷驚喜太大~




最後是咖啡或茶~毛寶很少女的揀左茶~




我就揀左凍咖啡....點估都估唔到我會揀凍啡~我平時都唔飲既...因為哥日有d頭痛....我又唔想食藥...咪飲d咖啡因落肚止痛囉~




一齊回顧一下食左咩~我幾鐘意呢個短片~~~又係好豐富的~起初黎呢度純粹為左個迷你晴空塔影下相~但係食物既質素超乎想像的好~員工又有禮貌~推薦~~~




一路飲咖啡...一路望出去......一早知呢日天氣唔多好...所以決定左唔上塔~望望下突然發現....出面某幾個地區落緊暴雨!!!!唔知大家睇唔睇到!!!!右邊有3個地區都係咁!!!特別黑!!!好好睇!!!見佢一直蔓延緊過黎......所以兩個定哂咁望....及後仲要超多閃電~超大條!!舉機想影相...最後我定住左邊..佢係右邊出現....唔使講...我定住鏡頭向右...就梗係.......




好似兩個世界咁....一邊超光..一邊超暗...好荷里活電影feel~




好喇~食飽飽就走人啦~等(車立)期間.....見周圍都係大玻璃又再望下~雖然今次無上塔~但係31樓望落黎個景觀都唔錯呀~如果大家唔打算上塔~其實黎餐廳呢邊上31樓免費望望都唔錯架~~~~晴空塔就等下次黎好天時我再上啦~因為好天無雲能見度高時...甚至可以睇到富士山架!!!!!!我地去哥時...佢地日本夏天咪好興有煙火大會既~有煙花燒哥日夜晚成層31樓既餐廳已經full booking哂!!勁~~相信咁樣睇煙花一定好正~(小姐你咁想知咪澳門有煙花燒時去觀光塔食餐飯囉)











2014-08-11的開心事:

hehe~等你收工好開心~



報時:距離沖繩陽光海灘海鮮自駕遊之旅2014仲有---46日~

28 則留言:

  1. 細細碟慢慢食慢慢嘆.......引死人咩!.........D食物好靚靚呀。

    回覆刪除
  2. 睇過Lucy嘅trailer,感覺佢好似akira,只不過換咗你女仔啫。哈,如果要睇,我一定係為咗Scarlett Johansson。嘩,其實你哋tree呢個餐,可以兩個人share都得,你哋好............勁呀!(sorry,上一篇睇錯top同tree嘅餐,嘻嘻)

    回覆刪除
    回覆
    1. 唔知點解我以前唔鐘意Scarlett Johansson架...但依家越睇越順眼~
      唔得架~最少要兩人先可以叫~逐個人計錢的~(好喇..我知我地係好....勁)
      傻架~使咩講sorry呀~

      刪除
  3. 啲食物有你旁白/介紹變得好味啲咁。

    回覆刪除
  4. 嘩,齋望都令我流口水啦~~
    我都睇咗超能煞姬,故事概念好,但我覺得拍得唔夠細緻

    回覆刪除
    回覆
    1. 下次去東京可以去試下~推~
      都可以咁講既...不過好多野要諗~

      刪除
  5. 謝謝你詳細介紹日本的餐飲, 可以看出日本人的飲食改變了很多, 再不是淡清味和高纖了.

    回覆刪除
  6. 好想食個卷蛋呀...
    我終於好似忙完啦 可以七點返屋企 好開心 baby膊頭仲有冇事? I miss u

    回覆刪除
    回覆
    1. 真係好好味呢~~~
      wow~~恭喜你呀~~~~七點番到去真係好欣慰~~可以同屋企人一齊食飯~可以玩一陣先訓~
      其實都仲有痛呀~~~

      刪除
  7. 小t 我都好番喇...不用吃藥舒服哂呢
    my █▄❤vE 好姊妹☾。゚★☁甜夢安睡✫*Good night Zzz┈

    回覆刪除
  8. 哈哈哈......做野做到個人超燥底~~~~要冷靜~~~~...想食薯片呀

    回覆刪除
  9. 今次D食物好靚呀...細細碟...可吃多D呢

    回覆刪除
  10. 你地真係好勁呀,食到咁多嘢。
    新薯係 " Immature potatoes harvested during the spring or summer" from wiseGEEK。唔係因為佢生生地呀。
    哈哈,好彩今次俾你試到卷蛋應有既味咋,好食既係好moisture,夾埋啲生果或者打得好食既cream係超正既呢。嗰陣喺台灣食個件中間係 lemon cream cheese 做filling既,都係超清新同好味的。

    回覆刪除
    回覆
    1. 哈哈~~你笑我呀~~~不過我唔介意~
      0我~一個咁既小前菜佢都咁講究既又會~不過佢真係有d生生地~
      真係好好味呀!!第一次覺得卷蛋好味!!!

      刪除
  11. 翠肉瓜配羅勒忌廉醬、紅椒布甸、青檸芝士忌廉、年糕豬肉配冷制豆豉醬、燒紅雞腿肉配釀胸肉二重奏、水果蛋糕卷配白桃雪葩,都好吸引架,流口水添,哈哈哈~~~~~

    回覆刪除
    回覆
    1. 係呀~~我自己都一路寫一路流口水~

      刪除
  12. 呢個餐真係好多野食, 我諗我冇本事砌低晒佢地.

    回覆刪除
  13. 哩餐好精彩,
    外地食到新嘢真開心!

    回覆刪除