2014年6月19日 星期四

澳洲探險自由行之旅2014-04-05第十五天(陰天及後晴天)

今日無咩可以寫...原因係我今朝起身仲係頭痛....去左睇醫生請了病假休息一天.....不過今日超快睇完....8點20分上到去掛號...我9點就係屋企食緊磅包食藥....夠快喇卦....自從山頂搞左上下層分流之後確係快左....要讚!



2014/04/05

Day 14(澳洲,悉尼 Australia,Sydney->香港 Hong Kong->澳門 Macau)
噢~最後一天在澳洲了~一起身~陰陰的天~check out後~出去行一陣~




哈哈~見到有個靜止的街頭藝人~好過癮~




行左一陣無收獲~就去左酒店附近既中廚食中午飯~地址:Shop 12, Ground Floor Regent Place, 501 George Street, Sydney, NSW 2000.......電話:+61-2-9267-8877.....網址..呢間野晚晚行過都勁多人食....呢日我地一早等佢開門~第一批客~





開放式廚房~



醋香海帶...AUD6.90=48.3hkd....好好味!!味調得好~口感也佳~




中廚菜香豆腐....AUD14.90=104.3hkd....一般..無咩味...貴左d




米酒青口魷魚筒炒墨魚汁手拉麵....AUD20.90=146.3hkd....我地又係衰既....係中餐廳學咩人叫咁西式既野食丫....好無味....你話呢~~~~~~~~~~




芥蘭兩食....AUD19.90=139.3hkd.....個菜身就炒啦..無咩特別...d菜葉就炸左佢....得意就幾得意既...但齋食佢我覺得好咸囉....要搵d飯呀麵呀撈下佢食好d....




上至下:蔬菜花素餃(AUD9.90=69.3hkd)....菠菜豬肉餃(AUD10.9=76.3hkd)....雞蓉九層塔餃(AUD10.90=76.3hkd)......唔分開介紹係因為我覺得三隻餃似乎係一模一樣~個皮極厚....又厚又硬....厚到唔想咬~~~個餡同佢地餐牌顯示既名稱好似無咩掛鉤咁....即係九層塔餃我食唔到九層塔味....淨係食到有一堆肉....係厚皮餃子入面....其實我覺得3隻味都係差唔多...加上哥幾隻咁既野價錢都唔平....完全不推介~








麻辣生和牛片....AUD14.90=104.3hkd.....唔...很麻很辣...但食唔出牛味............................咁如果你話點解我要咁抵死叫辣既和牛片明知會吸過d味.....咁我夠想知點解創作呢味餸時你明知麻辣會蓋過牛味你都唔解決就推出市面咯XD




芝麻豬仔包....AUD8.90=62.3hkd....睇餐牌覺得佢得意而叫的.....諗住芝麻包喎~實無死啦~點知又係厚包+少餡.....麻麻...芝麻又唔夠香....扣分.....

成餐飯食左AUD118.10=826.7hkd.....得一個前菜推介......好難搞話~~~~~~



我地食飽就拐個彎番酒店攞行李出發去機場~~check out時搵佢幫我地book的士出機場...原來book左呢隻van出去~(咁又係一架普通的士點運4個gip呢~~)...呢隻唔係計跳錶的....一架咁出去機場AUD50=350hkd....每人87.5hkd...坐火車每人要114.8hkd喎~~~~咁我使咩咁辛苦坐火車je~~~~~又舒服又快大約20分鐘左加就到左機場~方便~快捷~




黎到我地諗住退稅(記得我地買左好多果仁同Nougat嘛?)....我地黎到之後先去問下個airport helper個TRS(Tourist Refund Scheme)係邊.....點知係呢個位又係受氣收場...個阿伯串過乜.....嬲到震....串完我地又無話到俾我地知個TRS係邊....唔想細講!!(主因係我唔想打太多字)....我地係悉尼都受左好幾次氣....出發前已聽聞澳洲人唔太鐘意華人....原來係真的....(我唔知係度住既人有無咁既感受...但我做旅客就完完全全感受到佢地既不友善同無禮貌!!)....其實係悉尼咋....塔斯曼尼亞同開恩茲d人都幾友善的!!係大城市就受哂氣!!!




之後我地自己行下行下搵到呢個TRS....係Check-in既H區對開.....落扶手電梯就會見到~不過係禁區外只可以退d唔可以hand carry既野...例如液體哥d....但係大佬...我點樣拎住3kg既Nougat上機呀~~~~~仲有一堆果仁~~~~我地唯有博一博架咋~~~




Check左in之後發現.....出境都仲要填表..........................覺得真心煩~




入左禁區既TRS諗住再博一博.....我地俾張單佢睇...佢要我地Show d貨佢睇...我地話寄左倉....個男人做左個超衰既表情表示無得退...仲"飛"番d單俾我地.....超無禮貌~~~佢淨係飛單但佢又唔俾番本護照我地....唯有超惡地說:so give me back my passport!!!......其實我覺得係澳洲機場都幾受氣....講真...你講明在先要貨係手先退我無咁退唔到真係好正常....但你d禮貌都可以好d卦!!!!!!!!(火..火)

其實咁樣退稅真係唔知你係咪真係想退番俾人...個個遊客黎都買一大堆野食呀UGG呀架啦.........咁重點全部hand carry呢??多數退都係禁區外睇左貨...入番gip...吸左個印咁先入禁區攞錢.......下下一樣樣係禁區攞到出黎俾你數真係....好正~算啦~係我地無拎係手je~國有國法~



之後都無再食野lu~乖乖咁坐係自己閘口等上機~不過我發現...我係呢個機場..上唔到網....唔淨止我一個架....兩位公子都上唔到..........




我地搭維珍航空15:25既VS201班機由悉尼直航飛去香港~bye bye悉尼~後會有期~(不過唔會係短期內lu~)




呢餐飛機餐麻麻地~主菜我叫了蠔油醬炒牛肉...睇都知唔好食...毛寶叫了馬鈴薯丸....佢哥個好味少少既....同埋佢地甜品分上的....趕頭趕命食左飯再派甜品....咁不如好似其他航空公司咁放埋係主菜度一齊上咪算....空姐又唔使派多次又收多次野....講起空姐....呢程負責我地哥邊個空姐真係超唔掂!!佢識講廣東話既...餐飲我要左紅酒同埋雪碧...佢俾左支紅酒我然後俾左罐Lemonade我....我同佢講:唔好意思我係要雪碧(我以為佢攞錯)....空姐:無喎.....我:咁七喜呢??....空姐:都無喎.......即係佢知無...但係唔同我講....求其俾樣我就算...咁都得?!






下午茶幾好味~乳酪蕃茄三文治~夠清新~




跟住我睇個節目快樂大本營.....哥集係陳奕迅上去做嘉賓....個遊戲係兩個主持鬥唔笑...陳奕迅百厭~走去男主持後面做呢個表情引個女主持笑.....大佬~~~~你咁既樣無人會唔笑囉~~~我睇左兩次~~~由準備下降笑到落機~~~~~~~~陳奕迅真係帶俾人好多歡樂~~~~~




總結:

1.今次使費:6,091hkd(香港至澳洲悉尼來回機票)+3,520.5hkd(3程內陸機票)+5,970hkd(13晚住宿)+1,170.1hkd(塔斯曼尼亞租車)+322hkd(油錢)+3,025.3hkd(跳傘)+1,736hkd(行橋)+14,294.8hkd(食.玩.買.仲有其中有部份民宿在當地以現金付款及其他交通)+295mop(澳門來回港澳船飛)+277.5mop(旅遊保險)=36129.7hkd+572.5mop...大約價錢啦~我有個同事去8天澳洲淨團費已要25,000hkd了~仲未計佢再逗留既機票錢住宿買食野.....所以還是自遊行抵~我地因為有跳傘有行橋..如果唔係30,000hkd左右已經可以玩15日了~
2.真係好多謝我地係塔斯曼尼亞爆呔時出手相助的女人!!畢生難忘!!謝謝你的熱心幫忙~(我地一直好驚我地搵左另外既修理公司黎幫我地整車間租車公司會秋後算帳....但我寫到黎最後一篇......佢都無搵番我地呀下....)
3.塔斯曼尼亞東海岸離開A3去St. Helen個沙灘條路經過的Pacific Oyster是最抵最好食的!!有機會再去一定要再食!!
4.塔斯曼尼亞沿路油站都算多~唔使咁擔心~不過最好當然入滿油先上路~
5.而且油錢一d都唔算貴...我地由南玩到北....入過4次油....都係1,288hkd....幾抵~
6.GPS還是不能相信~記得買公路地圖~
7.開恩茲真係熱到飛起~記得著短打~
8.真係好後悔無去大堡礁呀~~~~~下次一定要去呀~~
9.我覺得.....塔斯曼尼亞同開恩茲的人都幾友善...但悉尼d本土人真係....呢個係我作為遊客既感想.....(除了在火車上幫我們的和Bondi Beach郵局的叔叔)
10.如果岩岩好4個人去悉尼我覺得出街搭的士呢個主意係幾唔錯的~~又舒服又方便~~而且的士夠多~唔會好似港澳咁~不過如果4人以下的就制唔過喇~~~~跳錶係快過你心跳的~
11.我好希望仲有機會去番哥個海灘..俾我影番塔斯曼尼亞的星河....真係好難忘呀......
~~又完成一個長篇,多謝大家收看~~
~The End~






2014/06/19的開心事:

食左藥諗住訓一陣..
點知就係因為食左藥個心跳得超快...
訓極都訓唔到...
於是開左d歌.....合埋眼一路聽一路休息..
平時真係好少機會聽歌...
近排比較多既係(其實係毛寶推介的)...
陳奕迅新出既國語碟入面其中一首...
由林俊傑作曲的"陰天快樂"...
真係幾好聽!!有興趣聽聽~
"天空它像甚麼  愛情就像甚麼
幾朵雲在陰天忘了該往那裏走

思念和寂寞  被吹進了左耳

也許我記不住可是也忘不掉那時候  那種秘密的快樂

聽陰天說什麼  在昏暗中的我

想對著天講  說無論如何  陰天快樂

叫陰天別鬧了  想念你都那麼久那麼久了

我一抬頭  就看見你 那個酒窩"

我好鐘意呢句

"原來我忽略的如今想紀念也沒用  那些時光的因果"
絕!!一句講哂一段關係既來龍去脈..



報時:距離日本東京自由行之旅2014仲有---2日~

報時:距離沖繩陽光海灘海鮮自駕遊之旅2014仲有---99日~
昨晚有努力的執東西~
今晚再執...不過今晚要早d訓~
沖繩進入雙位數倒數中~
聽晚會出多篇blog~
驚大家會忘記我~記得來看我呀~

53 則留言:

  1. 要快d好番去東京, pray for you
    有機會一齊返澳洲,haha
    大家一定唔會忘記你, 因為睇你blog係日日指定做的事

    回覆刪除
    回覆
    1. 我無事喇~~~生猛番~~
      華~~~好呀~~如果跟住你一定唔慌會肚餓~~正~~
      真既~真既~以~好衰架~

      刪除
  2. 嘩~~我睇你呢篇BLOG諗返起係歐洲最尾一日好唔捨得好唔想走既心情呀T^T
    其實大城市對華人態度差正常既...我諗佢地角度係覺得華人搶晒D野泥做...
    不過我都未去過澳洲T口T唔知幾時先有機會去呢~~唉吖吖,點賺都唔夠機票錢呢TVT
    其實我覺得自己做歌間舖都OK既

    回覆刪除
    回覆
    1. 係呀...旅行最尾一日真係令人好沮喪的~~
      但係我地係旅客喎.....
      如果你想去~實有機會去~
      係咪人少少咁人事無咁複雜呢~

      刪除
  3. 除咗人工少得媽媽都唔認得之外:O)

    回覆刪除
  4. 嘩...喇喇...仲有---2日...東京自由行之旅...呀

    回覆刪除
  5. 外國...去吃中廚菜...多數...好看唔好味呢

    回覆刪除
  6. my █▄♡Ve 好姊妹☁。゚開心的日子話咁快晚安甜夢喇

    回覆刪除
    回覆
    1. hehe~到左星期五放工哥刻我就最開心~

      刪除
  7. take care 呀,早d瞓啦,開開心心精精神神去玩呀
    去到尾嘅行程好似有d悶,如果調轉行程玩就應該有更美好回憶
    呢個價錢都合理,澳洲使費都高架,所以四人同行會慳多d

    回覆刪除
    回覆
    1. 知~道~我依家生猛番~
      都係架..因為我地唔知悉尼真係無咩做~放多左日子係度~味覺得我地無無聊聊囉~~~~~
      係呀~我覺得4個人去係最抵的~

      刪除
  8. 快啲好番喇,就出發,祝東京自由行旅途愉快。

    回覆刪除
  9. 其實靜止的街頭藝人揾錢唔容易、日曬雨淋、有時無錢收–
    提祝妳旅遊愉快、shopping有斬獲、食得暢快
    仲有頭痛即刻冇~~~唔該早d睡眠

    回覆刪除
    回覆
    1. 都係架~
      謝謝~謝謝~~依家個心已經飛左去~
      我真係幾早訓架呢幾日~

      刪除
  10. 小T, 就快出發, 祝你快快好番, 我這幾年都常常頭痛, 仲常常睏唔著, 唔知點解,

    不過, 出門旅遊, 點好的文化, 總有一些人不太友善, 不過, 可能澳洲大城市比較差一點,

    回覆刪除
    回覆
    1. 多謝~我依家無事喇~

      唉~真係悉尼唔算多友善既人..真係令人失望..

      刪除
  11. Er...退稅點解要睇貨㗎...咁梗係買咗個樣嘢先有個個單㗎啦...

    機場做嘅人禮貌唔好都預咗...不過係市內都係咁...咪同法國一樣樣...搞到我唔多想去㖭...

    回覆刪除
    回覆
    1. 其實要睇我覺得無問題...問題係佢要入到禁區先睇..................
      我哥時去法國又無咩野喎~

      刪除
  12. 早啲休息、快啲好番
    記得帶啲平安藥出門呀,雖然東京買咩都好方便

    回覆刪除
    回覆
    1. 知道知道~~
      多謝你既提醒呀~~~hehe~始終自己食開既藥好d既~

      刪除
  13. 四人搭車真係好方便 我之前同男友家姐兩pair人一齊去
    影相又唔洗帶腳架 hahaha
    快d好返去東京博殺!!!

    回覆刪除
    回覆
    1. 係呀~~~4個人去自由行係最好的~
      wakakaka~咁你依家有自拍神棍啦嘛~~~
      知道~收到~

      刪除
  14. Hi小T又到最後一篇澳洲喇!其實好大城市封华人d態度好衰架,㚷都唔使咁激氣!我都認為妳冇去大堡礁有d可惜囉,在外國食中餐都預咗唔好食喇!去澳洲使费$36129.7hkd,自由行都o.k.大家又點會忘記妳呀!妳個blog個個blog友都會每日指定睇架動作喇!快d好番喇!開開心心去旅行!提早祝妳旅途愉快!努力食同買!bye!!!

    回覆刪除
  15. 小t 仲有兩日就去旅行啦 通常去旅行都會能醫百病的(正能量) 希望頭痛快啲遠離小t ~~~
    傻啦 大家點會忘記你呢 係掛住你就真啦 ^^

    回覆刪除
    回覆
    1. 我知道喇~~~~我依家無事喇~~
      大家要等我回來呀~~~

      刪除
  16. 人地要你SHOW貨先退稅都有道理既, 比著有人收集晒人地唔要既收條, 跟住去拎退稅, 咁咪不勞而穫咯. 況且, 在當地政府立場, 最好就係D人嫌費事唔退啦, 俾你係人情, 唔俾你係道理. 在人地社會, 可能呢種要求係人知常情, 往往就見到D遊客(可能特別係強國人)不理規條, 退唔到稅就發爛咋, 見得多咯, 就對黃種人面孔生厭, 態度變得不友善. 可能係我地既老鼠屎先搞壞咗煲粥都未定.

    回覆刪除
    回覆
    1. 我明呀....當然明係咁啦...但全世界有得退稅既大部分地方都係禁區外檢查....吸左印入gip...入禁區攞錢.....非常的唔方便~不過佢有咁既規則就算退唔到俾我都好正常....但我講既係講佢d禮貌je.....就算有好多既華人係咁喇...發脾氣喇..咁係咪代表佢對每一個華人都要呢個態度呢?身為旅遊城市.....我認為唔可以咁囉

      刪除
  17. 好勁呀你~~~又寫完一個旅行~~~

    睇到你話個邊啲人咁衰, 令到我都唔係好想去澳洲呀, 同埋澳洲洗費都唔少吖, 咁比我揀我會揀去歐洲呀~~~

    祝你快啲好番啦, 就黎起飛喇~到左東京就玩得開心啲呀~~

    回覆刪除
    回覆
    1. 哈哈~~~長旅行真係要寫好多野~~
      咁又唔係唔好玩既~悉尼就麻麻啦大城市...其實開恩茲同塔斯曼尼亞我都覺得唔錯的~
      知道謝謝~

      刪除
  18. 我覺得要睇貨無問題,但又咁講,London 都喺入閘前有得辦理退稅,俾啲遊客辦理完,pack 返好寄倉,你係要人地入閘先搞,即係唔welcome人退稅,咁叻,就不如唔好俾人退囉。
    我覺得去旅行都要講際遇既,有時又真係遇到啲人好到你唔信,有啲人又賤到你想爆粗,但我會記住好的,壞既會爆完就算,跟住當笑話咁同啲朋友講返囉。
    快啲好返啦,衰嘢,仲要去東京喪玩同喪食架,加油~~

    回覆刪除
    回覆
    1. 我就係想講呢樣~~~~~佢實在係太麻煩...大佬...大拿拿3kg鳥結糖....10幾包果仁點樣hand carry呀...係咪先.....不過算啦...退唔到都唔緊又唔係買左一千幾百萬野....重點係佢禮貌好差!!
      咁又係~都唔係架~~~衰哥d我都會記住架~~要番黎寫blog嘛~不過都係記得d好既多既~~
      知道~~~~~好衰架~~~話人地喪食既~

      刪除
  19. yeah..趕得切向你未飛時留番msg...你好厲害ar, 又寫完左一個精彩遊記...勁ar!
    3萬幾蚊玩左15日仲要又跳傘又行橋, 食住都又唔錯, 都真係幾抵....
    今日好番d未ar? 小心d ar, 仲要去東京大shop, 大食, 大玩ga ma!!!

    回覆刪除
    回覆
    1. 野~~~好衰架~~~係人地飛之前黎探人~~~好有心既~~~
      我都覺得係呀!~~4個人去真係好抵~~
      知道~我今日好番好多喇~~~

      刪除
  20. D人祗懂搞新嘢,忘記咗自己是做飲食的。
    通常在外國住過的人,都知有種族歧視的存在(也不一定祗是針對華人),也非今天之事。不過您們是去貢獻他們的經濟,他們反應過份咗囉!
    您們玩咗這樣多嘢,值啦!

    回覆刪除
    回覆
    1. 係啦~~搞到d野怪怪的~
      係啦....話哂我地都係遊客...唔使你地我地好好..好友善喇...對人應有既禮貌都應該要有啦
      hehe~我都係咁話~

      刪除
  21. 悉尼,我有個朋友在那裡定居,佢都話個度的人對華人有歧視,我都想去探佢架!或者一兩年之後喇。
    呵!還有1日你又出發啦!祝你們旅程事事順利,玩得好開心!

    回覆刪除
    回覆
    1. 原來住係哥度既人都係咁講呀....唉~
      不過佢地有d野又確係幾好食既~
      多謝呀~~~我依家好緊張喇~~

      刪除
  22. 喺文明國家受不禮貌對待/歧視,好處係可以發佢圍嘛,鐵幕國家就話驚冇命啫(澳洲人唔係都係被歧視的一群嗎?).
    好似去旅行前你都會病哂先出發喎,都叫好事吖
    首歌唔鍾意.

    回覆刪除
    回覆
    1. 唔發喇....發左咁又點...佢地面皮咁厚.....我覺得會浪費我d氣黎鬧佢~係咩..佢地俾咩人歧視呀?
      er....其實我有時都係咁諗~
      點解呀??唔鐘意d詞?

      刪除
    2. 發佢圍過癮呀嘛,最好用中文鬧佢哋添,等佢哋諗爆頭你鬧佢乜嘢.俾其他鬼佬歧視,英文口音法國都有但係澳洲人俾人笑.好似係罪犯放逐先有澳洲.
      你係咁做添.
      國語已打折扣,加上感覺好舊好老土.

      刪除
  23. 寫得好!
    睇完澳洲行好開心,祝你有個愉快日本之旅.

    回覆刪除
  24. 嘩...去完澳洲, 好快又飛東京, 真拎人羨慕!!

    回覆刪除
  25. 30,000hkd左右已經可以玩15日。 都真係幾經濟。 我下星期去,3個人,去syd,Brisbane 同gold coast機票都差唔多三萬了@@

    回覆刪除
    回覆
    1. ????機票都要3萬????
      咁貴????????好驚!!!!無訂廉航?係3個人3萬?

      刪除