2014年6月11日 星期三

澳洲探險自由行之旅2014-04-03第十三天Part 1(晴天)

噚晚都係訓得麻麻~碌好耐先訓到~今日一放工就去左同毛寶同媽媽去食澳門咖啡葡國餐廳~都ok~因為毛寶話要同我媽媽慶祝父親節喎......er....多謝你~仲話我阿娘身兼父職照顧我好偉大....er...多謝你~笑暈我~



2014/04/03
Day 13---Part 1(悉尼 Sydney)
呢日....一早.....呀神秘團友輕輕係我床邊叫醒我...以為咩事:我今日整早餐呀~......er...好啦...俾面你起身啦~咦~又幾唔錯喎~無起錯身呀下~~~~~~~~蛋好味~磨菇也好味~~~~~咦~識你咁多年都唔知你識整野架喎~~~~~呢日既早餐好豐富~~~~~




哈哈~呢日既節目就係~~~我地來到了Bondi Beach!!!!!!哈哈~~我地真係好懶呀~~~我地係民宿直接坐的士黎架~~~搭左AUD27=189hkd...47.3hkd一個人~~~因為如果搭火車呢...就要係Bondi Junction站落車....然後再轉380..381巴士搭10分鐘......咁又唔知巴士幾錢~不如舒舒服服好過啦~~哈哈~~~




個沙灘好大呀~~~~~~海岸線都幾長~~~





呀~~~救命呀~~有人唔著褲呀~~;目

咁遠黎到唔係唔試下佢水溫下嘛~~~~



又真係幾大浪喎~唔怪得咁多人鐘意黎滑浪啦~~





OMG~~~那是傳說中的Bondi Lifeguard嗎~~~~六嚿腹肌拯救隊呀~~~~~




Bondi Beach~~~個海d海水色好靚~~~




講真~我地黎既呢一日係閒日~唔算多人~行得好舒服~




肥腰小姐你好嗎~交出溫馨的心是你嗎~wakakaka~好溫馨呀首歌~~~~~






六嚿腹肌真係拍緊野架~~~無吹水呀~~~~




為免影響大家食欲...都係遮一遮好d~~~~~公子好有型呀~~"就是你"去到Bondi Beach~~~講明呀...我最高架...佢地蝦我要我企斜左落去哥度咋~


我覺得我地兩個好似小學生去緊秋季旅行~



我係望d人玩滑浪望到呆左....




呢個唔知叫咩呢?毛寶話佢都好想玩~





呢度既海水係藍得黎好有層次的!!最出哥度深藍..跟住淺藍...跟住有少少碧綠色咁樣~~好靚呀~~





行過......哈哈~~痴痴咁望入去~唉呀~好熱血呀~~~佢地訓練緊呀~~~掌上壓呀~~~wow~~~~~




跟住由岸跑去海~游一round~再係海跑番上岸~很視覺享受呢~~~如果唔係驚會阻住佢地訓練~~我一定請求佢地同我影合照~~(流口水)......之後有同事都有黎~佢話唔見哂佢地喎~~


一睇都知跑第一哥個後生過我~



哈哈~邊個襯我多d呀~~~





有條通道有好多塗鴉呢~~~我好鐘意毛寶幫我影既呢張相~






好喇~拜拜喇~洗好對腳就走了~以為你得個名~原來咁靚的~




跟住行過一大片草地~有個女仔話好想訓係草地影張靚相....但係個鋪屎.....實在太不雅了~~~~~~




呀~我也好喜歡這張呢~邊個少女咁少女呀~咁可憐無人臭佢走既~~(嘔嘔~)








睇黎大家都唔係好信得過我睇地圖喎~
個個都叫我租番個wifi既~
但我真係識行喎~
同埋其實我唔係好鐘意去旅行周圍都用到wifi..
因為一有時間就會掛住fb呀...whatsapp呀之類之類~
會唔記得自己去緊旅行的~
所以我都係唔租~



2014/06/11的開心事:
今日係八佰伴VIP day~
開心唔係因為買到平野~
開心係因為d人去哂VIP day..
無咁多人黎我地哥度~yeah~



報時:距離日本東京自由行之旅2014仲有---10日~
噚晚又有睇地圖~
越睇越high~快d去旅行啦~

30 則留言:

  1. 我條旅行癮都好大呀~~~~~~ 不過其實真係架~~~~
    租左就會成日玩電話XDD
    你鍾意毛寶影你果兩張我都好鍾意呀~~~~~~~ <3

    回覆刪除
    回覆
    1. 快d plan下個旅行啦~~~平平地都去住先~~~
      係呀....我就係唔想咁呀~我想享受旅行~唔想淨係掛住玩電話~
      謝謝baby~

      刪除
  2. 個海灘真係藍得好靚好有傳奇FEEL.

    我以前未每日做運動前, 每晚係床上都要典成個鐘才睡著, 現在每天做半小時帶氧運動後, 一到11點就要睏, 一上床就睏著了, 但你不要以為我食多左野, 我反而食少左野, 體重就一般以前咁啦, 5'9", 155磅左右. 算是適合的腰圍和體重. 我看小T你, 每天做左運動後, 你晚上睡眠質素會更好.

    回覆刪除
    回覆
    1. 係呀~真係幾靚~

      咁你做左咩帶氧運動呀??

      刪除
    2. 跑步機, 不過唔係行帶的, 是站著踏高的種, 好像行上山的運動量.

      刪除
  3. 神秘團友整嘅早餐好有酒店水準呀,你係左撇子?我都同意你唔租wifi,係失去咗去旅行嘅意義,反正番到酒店都有wifi用啦。係呀,google map做唔到東京嘅offline map,西班牙都唔得至衰丫嘛。你試吓apple map啦,應該得㗎,仲可以bookmark咗啲景點,等你哋慢慢去玩。

    回覆刪除
    回覆
    1. 哈哈~~係幾正哥日早餐~我覺得係成個旅行最正的~唔係左撇子呀~影相放錯咋~~~你幾仔細喎睇得~
      無錯~我想享受旅行多過係外地掛住玩電話~
      但係google map同apple map差好遠呢....我有時係apple map搵哥個地方會指錯我地方的..

      刪除
  4. 個早餐好classic 呀,讚
    嘩,個beach好正,水又夠清,又有猛男睇,仲有你地d美腿tim^^讚讚
    有一排我失眠,瞓得唔好,於是用咗個坊間小方法,切半個洋葱於咗床頭,onion嘅氣味係可幫助入睡,我試過work喎,你try try啦

    回覆刪除
    回覆
    1. 真係幾好味~係咁多日以黎最好味早餐~
      wakakakaka~咁都叫美腿~~~~~~
      下~~~真架?!?!咁會唔會間房好大陣味呀??同埋會唔會引黎小昆蟲架??(其實我想問既小昆蟲係曱x)

      刪除
  5. 嘩, 倚住塗鴉牆o個位係邊粒星呀? 令令啊, 我要簽名呀 \(^0^)/

    回覆刪除
  6. 毛寶抖住紙牌女郎個胸,同少女草地相都好正,我大笑咗出嚟 XD

    回覆刪除
    回覆
    1. 哈哈~佢地係咁架喇~無厘正經XD

      刪除
  7. 好有性格下、一於唔好租WIFI~~~
    妳肥咗喎~~~

    回覆刪除
    回覆
    1. 唔租~慳錢之餘又可以專心去旅行~~
      係啦~~~衰哂呀依家~

      刪除
  8. 去到澳洲...海水色咁靚...唔落水玩...對不起自己的喎

    回覆刪除
    回覆
    1. 係呀~~~~所以一去到就除鞋喇~

      刪除
  9. Hi小T、我仲似為妳去旅行一定租wifi呀!原來剛剛相反!神秘人巧叻喎!識整早餐比妳地食!而且都整得唔錯喎!Bondi Beach 真係又大又靚呀!倚住塗鴉穡張相影得明星feel呀!點解咁靚海灘妳地唔游下水呀!毛寶抖住紙牌女郎個胸、同少女草地相都好攪笑囉!妳部mini. I-Pad可以用apple map睇架!bye!!!

    回覆刪除
    回覆
    1. 唔租喇唔想掛住玩電話
      其實當時D水已經好凍

      刪除
  10. 我印象中,好似Bibi 細個果陣做project ,介紹澳洲旅遊景點,都有提呢個沙灘。

    回覆刪除
    回覆
    1. 係啦~去親澳洲一定必去~BIBI細個已經咁叻識介紹哥度~

      刪除
  11. 嘩, bondi海灘, 我都好想去呀~~睇電視成日睇到, 個班消防院好鬼型呀!!

    回覆刪除
    回覆
    1. baby~~~係救生員呀~~~唔通你都有睇6嚿腹肌~~~~~

      刪除
  12. 睇見沙灘就開針,想問吓澳門除咗黑沙灘仲有冇其他灘?
    你用士多啤梨遮住咪仲樣衰仲令人想入非非,而且望落覺得好咸濕.
    你懶少女幅相好似八千公入面隻乞池喺車站等主人返咁.

    回覆刪除
    回覆
    1. 仲有竹灣呀...不過好似少人去d...黑沙有野食嘛~梗係去黑沙啦~
      咁我下次試下用啤梨遮住囉~
      頂..話我似隻狗

      刪除
  13. 毛寶真係一個乖孩子,又細心,叻呀。小t,你記住話返佢聽我讚佢喎,因為佢真係抵讚呀~~
    個早餐好好味咁,好想食呀。除咗佢真係 look nice 之外,我諗我因為太餓啦,今朝食咗兩雙kiwi,晏晝吔咗菜咋~~
    係囉,嗰啲士多啤梨好礙眼呀,成件事咸咗囉。
    海灘好靚,我好耐無去過海灘啦~~

    回覆刪除
    回覆
    1. 哈哈~~下午已轉告佢知喇~~~佢叫我同你講:謝謝~
      wakakaka~~我番工係完全無機會食到d咁正既早餐!!!所以哥日真係好開心~~~~
      wakakka~下次我用啤梨
      呢個海灘d海水色確係幾靚~~~

      刪除
  14. 神秘團友好有心喎!
    為甚麼沒有黎滑浪呢?
    您在塗鴉牆張相好好呀!

    回覆刪除
    回覆
    1. 佢哥日直頭係乖添啦~
      因為.......除毛寶外~~無人識游水~~~
      真既~多謝~

      刪除
  15. haha... 你都有睇"六嚿腹肌拯救隊"~

    回覆刪除