2014年6月16日 星期一

澳洲探險自由行之旅2014-04-04第十四天Part 2(陰天及小雨)

哈哈~~今日星期一~但無咩太憂鬱~~~~~因為我安慰自己~~番埋呢個禮拜就有得去玩~~~~加上坐左個靜靜地既位~個人無咁緊張~~星期六:中午去華星冰室諗住食重口味湯底..排左15分鐘隊入去...點知....賣哂...........炸雞脾又炸到超老...失望...->整個下午在寫行程搵地圖~超乖~...->夜晚食金爵~鋸牛扒~...星期日:中午食左翠華..又貴又唔好食..一個麵加一杯野飲就$100->係UA睇羅馬浴場2...好爛呀套戲~~...->夜晚食左老地方小炒呀~~好正呀佢d海鮮~..->再去食埋御滿堂甜品~滿足~



2014/04/04

Day 14---Part 2(悉尼 Sydney)
好~跟住我地就去左Koala Keeper Talk哥度~好似係2樓~華~~可以唔使隔住玻璃見佢地喇~~~發現裏面有遊客同佢影相~~~唔執輸周圍問~~~~




咦~又唔算貴喎~4人團體照才AUD35=245hkd....每人先61.3hkd梗係影啦~~~~不過影相哥個姐姐無咩笑容~麻麻好相與~雖然知道人地第一次同考拉影相係好興奮架嘛~都唔配合配合一下~~~唔理喇~~唔使等衝入去影喇~~~~唉呀~見到你~心都軟哂~好可愛呀~樹熊一日24小時入面有20小時都係訓覺架~~見佢開眼難過登天~





不過好可惜!!!只可以行埋佢身邊影相...唔俾掂!!!!又唔俾抱住影!!!!!邊間動物園有得親手挽住佢影相?!?!有無人可以話我知??我想親親考拉呀~~~





好似有大約3隻係度的....仲有名架佢地~不過我記性咁好~梗係咩都唔記得啦~好~呢隻係另外一隻黎架~又係訓到好林~




你呀~~好衰架~~~做咩用個小波子對住人地鏡頭喎~~~之後睇番先睇到~~好害羞呀~~~~~~~~好想錫下樹熊呀~~





每人有兩張合照機會同埋影左張大合照就出番黎~因為佢開始個Keeper Talk~有一隻俾人拎走左~咁我去睇下公仔先~諗住買隻俾小公子~樹熊都幾多款揀喎~其實我覺得樹熊係幾似小公子的~大家都很天然呆~




之後神秘團友大叫:喂過黎啦俾人拎走哥隻抱番黎喇~~~原來佢俾人拎左去檢查~~~檢查完抱番黎就開眼了!!!!!天呀!!!我竟然有幸睇到佢開眼呀!!!!




仲要超活躍咁爬黎爬去~~~~~~





呢兩張真係超靚呀你個鋪屎~~~可以用黎出寫真喇~~~


好性感呀你~~~



你係咪望緊我呀考拉~~~我係你粉絲黎架~~~你好得意呀~~





玩左10分鐘都無~又訓番~好多謝你俾我影到你開眼呢~~~




行番落去原來會經過條鱷魚個缸度~~原來你大條成咁架~~~巧恐怖呀~~~~

之後就走lu~呢個動物園除左可以同考拉影相之外我認為無一樣野值得睇~如果你又唔係好恨同樹熊影張靚相可以唔使黎~



其實動物園就係達令港(Darling Harbour)旁邊咋~開頭我地諗住住呢區架~後尾都係揀左依家間民宿~天陰陰的~好似想落雨喎~





到左午飯時間~揀左呢間食馬拉野既The Malaya...係Lime Street....都幾大間的





有個大的落地玻璃對住Darling Harbour的...都知價錢唔平得去邊....所以我地都係求其叫d野食算~Chilli Kung Kong....AUD18=126hkd.....一般般...細細碟...




Nasi Goreng....AUD25=175hkd....好多青豆既炒飯~我最憎食青豆~我覺得呢個反而無機場哥個咁有獲氣喎~




Hokkien Chow Mien....AUD25=175hkd.....同上面個炒飯好似一樣味咁~又無咩料.....咁就175hkd....唔好味

好彩無訓身投資落呢間餐廳度~食少少離場算~(重點係唔算好食但貴)






哈哈~~

噚晚食甜品時...
已經同團友商討緊下年同下下年既旅行..
好變態~~~~~~~~
(希望會成事啦~~)



大家唔使擔心呀~
我去旅行前會出哂澳洲blog架喇~~
哈哈~~~



2014/06/16的開心事:

晚餐是叉燒燒肉飯~~~~
巧味~~



報時:距離日本東京自由行之旅2014仲有---5日~

hehe~叻呀我~
d路我識行架喇~今次做足功課~
希望順順利利~
仲有呀~~就係星期六做緊旅行功課時..
格下價咁樣....
咁就訂埋下一個旅行既機票同酒店喇~~~
又多個報時器喇~
報時:距離沖繩陽光海灘海鮮自駕遊之旅2014仲有---102日~
yeah~~~同媽媽同毛寶一齊去的~
志在輕輕鬆鬆去行下食下野~~
9月尾出發~正~
今次仲要無訂東瀛遊package..
因為佢個旺季附加費要俾多$1500!!!
我地自己分開訂野~仲平~
我地終於都放棄到東京大阪去下其他地方喇~
(原因係因為今年已去東京~)
如無意外...這是今年的最後一個旅行了~~
不捨~~
跟住計計下....去埋呢個旅行...
原來可能隔差唔多最少7個月先再有得去旅行.....
納悶.............為將來~無計~

48 則留言:

  1. 勤力工作,
    努力去玩,
    咁開心咪時間好快過,
    冲繩島我都未去過
    日本旅遊愉快

    回覆刪除
  2. 由細到大都幾鍾意樹熊,似小魔怪.
    陽光海灘齋幻想都夠興奮,你哋三位準備三點式啦.

    回覆刪除
    回覆
    1. 樹熊真係好得意架~有一次上網睇..平時樹熊唔飲水的...靠食尤加利葉攝取水份...不過太熱既時候佢都會飲的....咁有隻小樹熊太口喝...問個人類攞水飲...飲完之後為左答謝個人...佢錫左個人一啖~~~~~~~~~~~~~可愛到!!!!
      華下....你真係有勇氣睇??

      刪除
    2. 咁得意???係咪人扮架,好想睇段片
      樹熊小波子都有勇氣睇,唔爭在睇埋肉騰騰嘅你

      刪除
    3. 咦~咁又無片睇喎~係上次係fb d人post相出黎~
      ...............................攞我同粒樹熊既波子比....

      刪除
  3. 原來你想抱樹熊影相,點解唔做定資料搜集呀。冇記錯,成個澳洲好似得Queensland省,先至可以抱樹熊影相咋,即係Cairns,Brisbane,Gold Coast,你哋其實喺Cairns就影得㗎喇。我哋嗰次好似喺Brisbane影,佢抱住隻樹熊,我就企喺側邊。佢話啲毛好好摸,隻樹熊個心跳得好快㗎。不過將樹熊交番比工作人員時,要小心,因為有咩閃失,一定係遊客錯,因為佢哋係professional。

    回覆刪除
    回覆
    1. 唉~又錯過了~~~我以為個個動物園都有添~~~
      你地就好啦~~~可以親親樹熊~~~~仲換左佢~~~~好羨慕呀~~我好想攪住佢呀~
      又多個藉口去多次carins喇~

      刪除
  4. 翠華.............香港一樣又貴又唔好食
    呢個zoo真係麻麻........唔去都唔可惜.........不過樹熊又真係qqqqqqqq
    嘩,炒碟菜都成佰二蚊,貴得嚟仲要唔好食,好彩你地無重投資咋
    吓,你仲炸型,短短半年去三次旅行喎,好羨慕你架,有毛宝呢隻鐵腳,有時想去旅行最難係同d fd就時間囉

    回覆刪除
    回覆
    1. 係呀~~我覺得澳門仲難食~
      係呀我真係為左樹熊先去咋~~~~~佢地真係好可愛呀!!!!!
      好彩唔算太肚餓~如果唔係叫好多野食先知唔好食就衰喇~
      咁又係~我又無病呻吟了~好彩我有佢呢隻鐵腳咋~

      刪除
  5. 沖繩我都好想去呀~~~~~~
    毛寶仲司機呢~~~~叻叻~~~~
    我都好想去旅行啦~~~沉日睇機票見到1150來回東京~~
    可惜我應該幾難請假~~ :(

    回覆刪除
    回覆
    1. 去啦~~~又唔算好貴咋喎~加上沖繩無咩野買~唔會洗太多錢~
      hehe~~~最叻係佢啦~
      好平呀!!!!!!!!!!!!!!!!!!!!!平到笑喎~~~可唔可以話我知邊間航空公司呀???
      點解呀??你依家一年有幾日假呀?

      刪除
  6. 樹熊真係好得意呀,D毛好似好軟熟
    22日我都會去機場,5點飛,唔知有無機會見下呢

    回覆刪除
    回覆
    1. 我好想摸佢呀~~~~救命~~~~
      我飛早上呀~~~~

      刪除
    2. 查實我地都非常有緣架喇~~~飛同一日喎~~~~

      刪除
  7. MY █▄ϑVҼ 好姊妹*¨*甜夢安睡都係福氣

    回覆刪除
    回覆
    1. 我幾好呀~~噚晚訓得唔錯~~謝謝~

      刪除
  8. 小t, 呢期好忙呀, 剛完成一篇, 但o黎緊應該冇出得咁密喇, 到7月中會好d, 到時再努力。
    我記得妳就去旅行喇, 過o黎同妳講聲旅程順利, 玩得開心d先, 我會掛住妳架 :)

    回覆刪除
    回覆
    1. 咁呀~我等你啦~~等你七月中~~~~
      謝謝你呀~~~~~~

      刪除
  9. 樹熊...睡覺覺豬...點會想像到...小波子對住人地鏡頭喎...哈哈哈

    回覆刪除
    回覆
    1. wakakakkakaaakaak~真係望望下都覺得可愛~

      刪除
  10. 嘩嘩...啦....距離日本東京自由行之旅2014仲有---5日

    回覆刪除
  11. 妳就好啦又去沖繩旅行啦

    回覆刪除
  12. 哇...又多個報時...我都好想去沖繩啊

    聞說Koala bear好臭的?

    回覆刪除
    回覆
    1. 我都未去過呀~~到時為大家報導~~~
      我又聞唔到喎~~~不過正常佢地又應該真係臭既~~佢地食咁多大陣味既尤加利葉~

      刪除
  13. 又快睇完你澳洲的行程, 我都係果句, 勸你來美加西岸, D境靚之外, 還要係好集中,

    回覆刪除
    回覆
    1. 衰在如果唔係葡國護照要簽證就好鬼煩!!不過我想問下係咪有美國簽證就可以去埋加拿大呢?

      刪除
    2. 我想唔係呀, 要加國簽證呀, 應該唔難攞掛

      刪除
    3. 噢................如果兩國都要簽...個吸引度就降低了.......

      刪除
    4. 小t,你本葡國passport去美國同加拿大都唔駛簽証㗎。

      刪除
    5. 如 果係, 你同你果七公子, 就快快來加西遊玩啦,

      刪除
    6. to alex:我知呀~不過葡護得5年期....但我怕有可能4年內既計劃都未去美國...

      刪除
    7. to jj:好難喇~七公子好難一齊放到咁多日假呢~加上唔係個個有葡護

      刪除
    8. 哦, 原來係咁, 你本葡護4年後可以續領嗎?

      刪除
  14. 香港翠華都係貴又唔好食
    第一張樹熊瞓覺相好可愛呀~~係咪有其他動物園可以抱住樹熊影相嫁?我見過朋友嘅相,係佢抱住樹熊影,好正
    沖繩之後有七個月無得去旅行?!我唔信^.^

    回覆刪除
    回覆
    1. 真係貴得好誇張囉!!
      係呀~~好可愛呀~~~~係呀blog友alex話原來要queensland哥邊d動物園先有得抱架....嗚嗚~~~
      哈哈~其實我依家都未知呀~~

      刪除
  15. 有得同樹熊影相真好啦!個價錢包團體照和單人跟樹熊合照?

    回覆刪除
    回覆
    1. 係呀~~~包團體照加個人呀~~仲可以用自己相機影~真心抵~

      刪除
  16. 真係好羨慕你呢個旅遊達人,好似除左返工就袛有旅遊食野,人生如此,太逍遙喇!

    回覆刪除
    回覆
    1. 我先唔係旅遊達人~你睇我plan個日本之旅都plan成個月先plan完~

      刪除
  17. 這個週末好多節目呢!樹熊好可愛,但牠失了好多毛,好慘呀!
    既然喜歡又少時間,去些短途都好呀!

    回覆刪除
    回覆
    1. 係呀~~~可愛到想錫佢~唔係無毛卦~~唔係白色毛毛黎既咩~
      都得既~不過睇下出年d假點先~

      刪除
  18. 我都食過澳門間翠華,係堅難食同堅貴囉。不過嗰次無得揀,啲老細唔願行,無計。
    你真係好叻,見到樹熊開眼,我上次喺台北動物園睇,又係瞓到唔郁架。
    咁你返到嚟要話返俾我知,你係咪真係咁叻喎,哈~~

    回覆刪除
    回覆
    1. 老細做咩咁懶呀~~~真係好難食呀~~~~
      wakakak~真係咁好彩咋~~咁岩線佢俾人抱左去檢查~~~抱番佢番黎佢就醒左喇~~~
      哈哈~~希望啦~~~~

      刪除
  19. 好利害呀你, 咁快又去旅行, 活力充沛!!! 唔知係我個人老咗定係個心老咗, 一年去一次已經好攰~ (如果玩完唔使寫blog, 我1年去3-4次都唔拘)

    回覆刪除