2014年6月12日 星期四

澳洲探險自由行之旅2014-04-03第十三天Part 2(晴天)

好攰~~~~~~~真係好攰~~~今朝仲有少少VIP day尾勢...人少少做得好舒服的~點知一到下午就遲成20分鐘籌~~~好正~~~我自己就好衰既...噚晚成兩點幾先訓....因為今晚開始世界盃嘛~烈火雄心2噚晚一連兩集咁做....做埋大結局..咁我無理由唔睇下嘛....雖然我知王喜會死...但係再睇我都係流左好多馬尿!!!!!通常第2集都會無咁好睇架嘛...但係我覺得兩集都咁好睇喎!!!!正!!!(因為可能係兩個完全唔同既故事)



2014/04/03
Day 13---Part 2(悉尼 Sydney)
去澳洲之前係雜誌睇到Bondi Beach附近有間雪糕幾正~橫掂黎開就試下囉~叫Gelato Messina...地址:G6, 61 Hall Street, Bondi.....開中午12點的~




好大球雪糕擺係雪櫃呢~~~好吸引~~而且佢d味都幾搞野喎~~~~例如Pandan Coconut...Bounty....Staceys Mom(咩味黎架~~~~其實有d係佢有好多隻味加埋...再自己改個名咁既~)




我地點左3隻味...AUD7=49hkd.....又幾抵喎~~~叫左Lychee Martini(清新之選~不過我食唔到酒味既~)...Salted Coconut & Mango Salsa(hey!!!呢隻味好好味~~)....Black Forest(重朱古力味~我麻麻咁重朱古力味既野~好彩有叫d清新d既味咋~~~~)




跟住搭的士由Bondi Beach去市區市場(Market City)....搭左AUD35=245hkd....明明個Market City同我地民宿超近的(唐人街行落少少)...差兩條街....點解我地去哥時只需AUD27=189hkd.....所以我地懷疑我地俾人兜路....地址:9-13 Hay Street, Haymarket...電話:+61-2-9288-8900....網址




一入到去...咦以~華下~.......好似番左10幾年前既拱北地下商場咁既??!?!?!後面仲有菜賣??!?!




見佢話3樓有food court...上去睇睇先橫掂都未食飯~哈哈~估都估唔到...我地揀左食迴轉壽司~~叫匠Takumi...碟碟AUD3=21hkd!!好似幾抵喎~試試~

不過呢間野完全無冷氣...又焗又熱!!!!!!



價錢咁平仲以為佢流流地添~咦~又幾好喎~~~~~除左三文籽麻麻之外....其他都可以一讚~



除左係迴轉帶度攞壽司仲可以點佢餐牌內既即整~



華~~~~我有無睇錯呀~~有我地係Fish Market哥隻小龍蝦喎!!!!需然無我地食哥隻咁大隻....但呢隻肉質都ok架!!!!21hkd算係咁!!!!

不過因為呢間野實太焗太熱.....食唔落去.......走先~



原來係佢隔離就係派迪市集(Sydney's Paddy's Markets)..地址:Market city Cnr., Hay &Thomas Street, Haymarket.......電話:+61-2-9325-6200.....網址...記得星期一同二唔開




一入到去...喂~~~~~~~點呀~~~原來咁架~~~不過睇真d...平時大家買既熱門手信呢度都有...仲幾平下....(哥d樹熊呀...匙扣呀...磁石呀....有大量...不過記得格價....有d差成3-4蚊AUD架!!!)

我無咩點買野呀...因為我唔想買大家次次都會買既樹熊再送俾人....我諗我d朋友都收過唔少~費事造成大家既負擔~



好正經呀我個樣~




你睇下我地懶到~~~~~又番民宿抖喇~~~成朝淨係去過Bondi Beach同埋買左少少野之嘛~~~見有薯仔淨~~見有油淨.....神秘團友一於炸薯角~~~~好好味呀~~你好勁呀~~~~加上一支冰凍啤酒~~~~~爽~~




我地番民宿前再去多次日新海味行再掃多少少~買多六個羊脂膏做手信..好平~AUD30=210hkd有6個...35hkd一個~




我係Bondi Beach哥頭有間郵局..我衝入去買郵票....不過原來寄International得Tasmanian Devil哥隻郵票...我有少少失望~跟住我同郵局職員講因為我係為左collection架...問佢有無其他~跟住佢幫我左拼拼右拼拼d細面額既郵票...臭夠錢寄海外...雖然每張俾多少少錢...但係有咁多張唔同既郵票儲~我好開心~~~郵局叔叔仲要好細心幫我搵仲要好有禮貌!!你是全悉尼對我們最有禮貌的^^感激~




就係用黎寄我呢兩張係開恩茲買番黎既靚靚大堡礁postcard~~




係Paddy's Markets度買既少少手信~全部都幾平的~除左小袋鼠要AUD5=35hkd之外(得我和某人有~~以~~~~)...其他都係AUD1 or AUD2有交易~抵~~個磁石先抵~~係開恩茲第一次見到已經想買....要50幾hkd....依家只需AUD2=14hkd....抵好多!!!!!!係呢度買手信係唔錯的~




之前哥日係藍山都有買少少磁石~




又抖左陣~(唔知有咩咁攰~)...揀左呢間係唐人街既韓國餐廳大長今做呢晚既晚餐~





前菜~~幾有氣勢~~切到成個何韻詩光明會既標誌咁~有d都幾好食~有d一般~




叫左米酒....AUD15=105hkd.....咁飲米酒前梗係要搖下佢先架啦....我搖哥時個侍應仲望左我超耐...我以為佢望咩....點知一開.....我未飲過有氣既米酒囉..............................佢見到我咁搖都唔話聲我知....好衰!




左邊的是Marinated Pork Rib....AUD17=119hkd....諗住係超市買哥舊煲湯排骨咁正...所以特登烤下豬...點知一般......右邊的是Wagyu....AUD31=217hkd....和牛確係唔同d~好好味~~唔點野都好味~




Pork Belly....AUD16=112hkd...又係一般無特別~





Kimchi Pancake....AUD15=105hkd....貴就唔貴...不過個粉開得唔好食....煎得太濕




冷麵....AUD12=84hkd....ok~韓國既冷麵真係好好味~




Pork Ribs with Kimchi Casserole.....AUD39=273hkd....又係因為舊煲湯排骨好食而叫的...不過唔知點解真係無我地買哥舊好食.....總括黎講.....呢間麻麻...不推薦~







2014/06/12的開心事:
今日又講下一個旅行既野~
不過仲未落實到呢~
但已經有d開心喇~



報時:距離日本東京自由行之旅2014仲有---9日~
下!!!!!!!單位數喇~~~~~
咁快既~~~

35 則留言:

  1. 哈哈,我哋嗰次買啲樹熊手信,都係貨比三家,最後買到應該係最平。哈哈,你倒數到單數喇,咁即係我都就快飛,大家都good trip呀。

    回覆刪除
    回覆
    1. 係啦~朗公子都要買一樣野俾屋企人~又係貨比3家...最後最平哥家平成aud20!!!
      你好似早我一日出發架喎我記得~~

      刪除
    2. 好記性,我哋20號,你吔21號。7月頭先至番,希望到時睇你日本遊記啦......呀,仲有馬來西亞篇。

      刪除
    3. 哈哈~我都唔係咁好記性原來...原來我後你兩日~我22呀~

      刪除
  2. 半個洋葱唔會好大陣味,放心,你可以揾個細d嘅洋葱試吓
    $21蚊sushi抵呀,d魚生咁大片
    個market都幾老土feel喎,我最鍾意個袋鼠key ring,好得意

    回覆刪除
    回覆
    1. 哈哈~其實無睇烈火雄心我噚晚好訓左好多~
      都幾抵架~~最衰真係好熱~
      係呀...所以我地都係行左一陣就打道回府喇~~
      我都好鐘意袋鼠呀~~

      刪除
  3. 又講頭痛、仲咁夜瞓~~~~
    睇睇下座嘢似紅街市喎
    迴轉壽司唔錯喎

    回覆刪除
    回覆
    1. 無喇~~我噚晚好乖喇~~~~
      華~你咁勁紅街市都記得~~~
      係呀~夠平呀~

      刪除
  4. 可能我真係人老左, 我現在連秋天去旅行邊度都未諗......

    回覆刪除
    回覆
    1. 仲未諗?!唔使plan下呀?

      刪除
    2. 我通常PLAN得超快, 而且大多都是去到當地問人的. 不過, 我現在連去邊度都未諗呀.

      刪除
  5. 我唸我都會揀個三隻味道嘅雪糕。

    我真麻麻地韓國嘅米酒。個侍應係咪想睇下你點噴到四圍都係?

    點解咁鐘意用大長金做韓國餐廳個名?我呢邊都有間

    我都好想去日本啊

    回覆刪除
    回覆
    1. 我覺得最好味係芒果哥個~~
      我之前係韓國第一次飲哥隻係好重酒味架...我都麻麻...但之後又係韓國飲過一隻有甜味既米酒~我又改觀了~...其實我都係咁諗
      因為大長今呢套劇太深入民心~
      我都等了兩年無去~~~~~~

      刪除
  6. 妳好衰......又攪第2個trip.....引死人

    回覆刪除
  7. 個隻小袋鼠好得意呀~~望到你啲雪糕,我又好想食呀!!!! 不過我要減肥呀, 唔食得咁多呀!!!

    回覆刪除
    回覆
    1. yeah~我都係見到佢咁可愛先買的~
      個個都好乖咁減肥...得我一個唔乖~~

      刪除
  8. 嗰啲雪糕好大球好怪呀,不過$49咁大杯又確係幾抵既。
    食壽司嗰度咁熱,你唔驚啲嘢會壞咩。咁熱,我一定唔夠膽食生嘢啫。
    韓嘢唔吸,不過令我想喺香港食,衰呀你~~

    回覆刪除
    回覆
    1. 點解呀~~~有咩咁怪呀~~~~~~
      就係驚所以咪食左幾碟走囉~~~~
      哈哈~~又關我事~~~

      刪除
  9.  Hi小T,D雪糕球超大喎!49hkd好低呀!原來外國搭的士都𠒇路咁衰架!迥轉壽司$21hkd一碟又好低呀!d郵票超靚、靚靚大堡碓Postcard真係好靚呀!d手信都唔錯喎!大長金好似好吸引、但原來d嘢食唔o.k.架!咁快又plan 定下次旅行喇!真開心!bye!!!

    回覆刪除
    回覆
    1. 係呀...澳門都買唔到咁平三隻味既雪糕

      刪除
  10. 係喎,有冇去睇樹熊?
    你哋幾興去第度食唔同嘅嘢,俾我就十幾日都食番嗰個地方嘅嘢(有冇特色都好),食到悶都哽埋佢

    回覆刪除
    回覆
    1. 有呀~咪咁心急啦~~星期一會有喇~
      如果係去越南我都會不停食越南野...但係澳洲菜......真係好難日日食西餐...
      你諗下係咪?沙律牛扒意粉.....我寧願日日食牛肉粉

      刪除
    2. 星期五有咗啦
      西餐咁差咩?唔講貴嘢日日熱狗漢堡都幾好,我就一定日日食當地嘢.

      刪除
  11. 我喜歡前菜~咁有氣勢~好想食呀

    回覆刪除
  12. っˆヮˆ)っ MY █▄ϑVҼ 好姊妹*¨*☁早晨+黃昏好喇喂☀大家Happy星期五

    回覆刪除
    回覆
    1. 終於星期五了~~~可以休息兩天了~~

      刪除
  13. 個兩張明信片好靚!小袋鼠好Q我都鍾意!Coconut 雪糕好食。

    回覆刪除