2014年6月9日 星期一

澳洲探險自由行之旅2014-04-02第十二天Part 2(晴天)

星期一...又算好彩喎....4點9後叫10個籌有9個都無黎...仲要無番兜添喎~好野~~~但係我噚晚訓得超差呢...成3點幾先訓!!星期五:hehe~一放工就衝左去同公子玩喇~食左順德野~好抵食~食左馳名棟企雞~~仲有海鮮煲...每人才百多蚊~...星期六:好開心~又約左另外3名公子去食Candy Cafe~....->食飽飽會合埋另外兩名由朗公子帶領下去買銀鏈~真係好抵玩~款式也好看~再左行右行買野~我諗公子係好少咁多人一齊行街的~...->去食薯仔泰國野~d野又慢又難食!!唔使旨意我再去!!..->去睇黑魔后~~~好多節目的星期六~...星期日:試左新既試業中三寶冰室...野食都ok既~...->編寫日本行程...但係無奈生理期個肚痛到飛起...痾左6次...未能集中(已經有兩個月係咁....真係好痛..)->cheap壽司



2014/04/02

Day 12---Part 2(悉尼 Sydney)
好喇~搭完Scenic Cableway~又係時候食飯喇~有cafe..有food court......我地揀左food court~唉呀~點解廚房無開架~人家想食中式野呀~~




呢度食飯個景都好正架~又係對住The Three Sisters Rock架~(不過我唔會坐出面囉.....睇唔睇得出有幾熱~~)




我地揀左意粉同埋pizza食~個意粉跟埋有蒜蓉包~唔記得幾錢~不過唔算貴~味道亦不錯~




好~玩埋最尾一樣~Scenic Skyway~






咦~我發現....玩咩都係見到佢呢3姊妹喎~




而呢個Skyway特別既地方就係~高出黎中間哥級!!




行到一半既時候....會變做透明架地下!!!






好~要講講點解藍山叫藍山喇~藍山係澳洲既世界遺產黎架~佢有一片廣大既尤加利樹林...因為空氣中懸浮住尤加利樹發出既油脂微粒...經過陽光折射...令叢林上直成日瀰漫住藍色既煙霞~華~巧浪漫呀~睇下遠處既山~又真係藍藍地喎~但其實係現場係熱到反艇架呢日~








跟住見到個指示牌寫住20mins到The Three Sisters Rock既Echo Point....咁呀...好啦...行啦..........................




呢段20分鐘既路都係行到我扯哂蝦~好彩有d位影下相時抖下抹下汗......堅係熱呀大佬!!!!!!!我以為黎得山呀樹呀..既地方會涼涼地架嘛...加上依家明明正進入秋天架喎...熱到咁既!?!?!?!?!






毛寶沿路拍的照~






華~我終於行到黎喇~~~(汗)....Echo Point到了~(er....後尾先知....原來呢度有個Explorer Bus既站係度...er....咁使咩行得咁辛苦呀......)...Information Centre地址:Echo Point Road, Katoomba, NSW, Australia......電話:+61-1300-653-408....網址




根本睇左成日....都係睇緊呢3舊石...........................好啦..又講講The Three Sisters Rock既傳說先啦~古時某部落有三姊妹叫Meehni..Wimlah同埋Gunnedoo...佢地3個都愛上其他部落既男人...但係當時兩族係禁止通婚既...仲因為咁引發起戰爭....有個巫師想保護佢地...所以將佢地變成大石...但好可惜巫師係戰事中陣亡......所以...無人解得開咒語....佢地從此就屹立係藍山上喇~








你你你鬼馬呀你~




黎到咁遠我地都有宣揚公子既"就是你"!!!帥到!!!






影完大合照我地決定走喇~~~太熱喇~~~又無野玩喎~~~bye~~~




好叻呀~我地4樣野玩齊哂又無行回頭路~







噚日睇到有篇野講70後..80後..90後的分別..

其中一段係講有關日記的...
70後:喜歡寫日記...日記本還是帶鎖的
80後:喜歡寫博客..xxxxx(下刪唔知幾多字)...喜歡寫甚麼便寫甚麼
90後:寫博客?太落後了吧?直接做群主站長得啦!
原來我已落後了??



去睇左黑魔后..

確係幾唔錯~
雖然我不太喜歡睡公主(因為覺得佢係眾多公主中個樣最似男人)..
但對個故事既新表達方法...
覺得幾得意....
而且真係每件事都有前因後果...
不能一面倒咁諗野...
令人有啟發的童話故事..
有意思~有意思~ 




2014/06/09的開心事:

我呀....
噚晚咪訓得好差既...
但我噚晚發夢見到爸爸呀...
我見到佢好靚仔~同我一齊玩過山車
但唔知點解佢個安全扣有d問題扣極都扣唔到..
於是我好用力攬住爸爸同佢講:無事架!!
我會保護你架!!
你當我係哥條安全帶就得喇!!
我唔會再俾你有事架喇...
然後爸爸也抱住我~
我感覺到很溫暖;]
(我想我是太過依賴..在掛電話的剛才
堅持學單純的小孩..我捨不得離開~)周董好衰架整喊人!!
個夢真係好真~好想你一直在我身邊~



報時:距離日本東京自由行之旅2014仲有---12日~
下下下~~~~~~~

咁快既~~~~
東瀛遊打左電話黎叫我地攞房單喇~
淨係知飛早機~其他仲未知~~
好緊張~~

52 則留言:

  1. 90後:寫博客?太落後了吧?直接做群主站長得啦!
    其實群主站長係咩?@@
    不過呢個年代都冇咩人寫BLOG啦...我覺得寫BLOG既黃金期係2005~2011呢6年=3=

    回覆刪除
    回覆
    1. 哈哈~~查實我都唔知係咩~
      咁又係真架...真係無咩人寫喇~

      刪除
  2. 痾6次,你係咪食錯嘢,搞肚痛呀!!!!!
    555555,睇完呢個blue mountain trip,又真係好似好普通,所有景都係三姐妹,好似有d悶,十二門徒石好睇d。
    好衰架你,又咁感性,你個夢境睇到人地眼濕濕..................願你每晚都有開心温暖的夢境^^

    回覆刪除
    回覆
    1. 唔係呀~生理期呀~
      係啦~不過唔去又唔得~點同人講我去過悉尼喎~~~~wakakakakaka~~~~十二門徒壯觀好多~不過要坐好耐車去喎~
      我都好想每晚夢見佢~

      刪除
  3. 藍山之所以咁藍,原來係咁,又學多樣嘢嘞。個傳說幾喎。

    回覆刪除
    回覆
    1. 我都係睇旅遊書係咁講咋~~wakakakaka~

      刪除
  4. 你好乖!總懂得保護身邊愛嘅人!
    我未睇黑魔后炸~個個都話好睇^^

    回覆刪除
    回覆
    1. 哈哈~發夢je~
      好睇呀~如果有碟出會睇多次~

      刪除
  5. 小t, 加油.......
    原來我係80後呀, 呵呵, 實在太開心喇 \(^0^)/

    回覆刪除
    回覆
    1. 謝謝venus~
      hehehee~~~~我地都喜歡寫blog~

      刪除
  6. 妳又嚟啦、不能永遠停留某時間、向前看吧~~~

    回覆刪除
    回覆
    1. 其實我向前行左好耐啦~只不過我向前行但爸爸永遠都在我記憶中~

      刪除
  7. 如果係我...影完大合照走定喇~~~無野玩
    藍山係澳洲既世界遺產黎架...得個行呢

    回覆刪除
    回覆
    1. 哈哈~你岩呀~我地就係咁囉~
      無計啦~唔去又唔知點咁~

      刪除
  8. maleficent 應該好好睇, 等我都去看看

    回覆刪除
  9. 仲有-12日....攞房單喇...以唔快

    回覆刪除
    回覆
    1. 哈哈~~我好緊張呀~好耐無去日本~

      刪除
  10. 毛寶粘住姊妹頭果幅,顯得佢都有啲秀氣喎,邊個渣機架?俾個獎佢啦!

    回覆刪除
  11. 我都發咗個好真嘅夢喎,咁啱嘅。
    咁熱你仲著咁多衫?我開頭以為係藍山咖啡個個藍山㖭。我地理好差的

    回覆刪除
    回覆
    1. 哈哈~咁開唔開心先個夢~
      其實我都唔係幾知喎..好多人問我有無藍山咖啡~我真係唔識答~

      刪除
  12. 等左幾日終於有藍山既傳說啦 hehehe
    黑魔后用第二個表達手法 令到好似有個新既童話故事 好令人喜出望外呢:)
    你生理期仲食壽司依d生冷野 肯定痛痛啦:(

    回覆刪除
    回覆
    1. wakakaka~我都係臨時打上去~~~~
      係呀!!我好鐘意睇~我覺得唔錯~令人深思既一套戲~
      hehe~食哥時唔痛喇~

      刪除
  13. 你著成咁梗係熱啦!!
    呢日行程相當充實,最好玩係咪呢日?
    他根本就一直在你身邊/心裡,永遠.

    回覆刪除
    回覆
    1. 布生11月結婚,你開針嗎?

      刪除
    2. 我以為秋天無咁熱嘛!
      我又唔覺得最好玩係呢日喎~我鐘意塔斯曼尼亞多d~
      其實我一路當佢去左旅行...只係今次旅行耐左d~

      刪除
  14. 薯仔個chef 轉左人, 可以唔洗去
    星期六我圳都去睇黑魔后
    你咁著唔熱就假

    回覆刪除
    回覆
    1. 係啦..佢個咸魚芥蘭先過份呀!!!!!水流流又無味的!!超難食!!其他有蝦既菜式d蝦都係梅架!!!嬲唔嬲!!
      哈哈~人地以為秋天嘛~

      刪除
  15. 好詳盡,古仔講得好好聽.
    第一次睇相覺得你肥左,可能係套衫嘅影響,你著成咁實熱死你啦!

    回覆刪除
    回覆
    1. 哈哈~~我都係睇旅遊書咋~
      以~~~~~我今次衰喇~~~睇相都肥左~~~

      刪除
  16. Hi小T、妳要放低對爸爸架掛念呀!妳爸爸在天國知道都唔開心囉!念住就去日本玩就會開心d喇!藍山咁大一定好熱喇!妳地個日一定又曬又熱到冇朋友呀!暢咗yen未呀!bye!!!

    回覆刪除
    回覆
    1. 對佢掛念係唔會放低架佢一直都係我心入面
      換左喇

      刪除
  17. 又話熱到反艇, 仲著長就衫既....咪熱死人囉
    出發都仲未知....點解既?? 好羨慕呀...可以去東京

    回覆刪除
    回覆
    1. 我重申~係中袖~哈哈~~
      因為d package係跟佢遊行團出發...(即要佢個團既機票同酒店...但唔係跟團的)哥種會平d
      但缺點係無得自己揀時間飛~同埋到出發前一個禮拜先知自己飛邊間航空公司~

      刪除
  18. 我係你冰島果邊day 3 part 1 留左言, 你有時間覆我呀? THANKSSS ^ ^ coco

    回覆刪除
  19. 痾左6次?小心身體呀,要去日本啦!
    食飯個景好正囉,正個太平山!
    您好大膽喎!
    喜歡寫日記和寫博客都ok,做自己,為自己而生活。做群主站長,想主導別人,卻好容易無咗自己。

    回覆刪除
    回覆
    1. 知道~謝謝~
      哈哈~~但係係依快餐~
      點解大膽既?
      其實我唔識群主站長係咩~

      刪除
    2. 您在高空踏著透明的地板,還不是大膽?我們這些公子好帥!

      刪除
    3. wakakka~唔係好清架塊玻璃~~唔係好驚的~~~~
      真的嗎~~

      刪除
  20. 你身子弱喎,有無睇過中醫調理下呀?試下啦,同埋唔好飲凍嘢,睇下會唔會好啲,聽見都覺陰公呀。
    影出嚟好靚下,但睇嚟睇去都係嗰啲又確係悶啲既。
    也好好的抱抱你媽媽呀~~

    回覆刪除
    回覆
    1. 無呀~咪之前睇花茶囉~我黎哥時就唔飲凍野~但唔黎哥時有時好難忍~唔通打邊爐飲熱野咩~~~~
      無錯~但又一定要去~因為唔去連唯一既自然風景都無睇~
      我梗有~成日抱佢架~

      刪除
  21. 透明的地下我就唔敢企喇!
    毛寶最帥!

    回覆刪除
    回覆
    1. 其實唔算好清楚~唔使驚~
      以~~~人地唔帥~~~

      刪除
  22. 我覺得你同毛寶越黎越似樣!

    回覆刪除
  23. 生理期肚痾唔出奇,不過如果越來越痛、或者流量異常多就一定要check下
    我都睇咗黑魔后,好鍾意Angelina 嘅演繹
    小T, 加油,你爸爸會喺天上保護你

    回覆刪除
    回覆
    1. 知道~謝謝關愛呢~
      係呀!!!!我覺得佢其實係一個好好既人!!(角色入面)
      好多謝你呀~我會將佢一路放係我個心入面的~

      刪除
  24. Skyway行行下地一下變透明... 好scary喎 >~<

    回覆刪除