2014年6月5日 星期四

澳洲探險自由行之旅2014-04-02第十二天Part 1(晴天)

我巧嬲呀今日收到上兩個禮拜去香港寄番黎張postcard.....係因為我見時代廣場有Gaudi既展覽...仲有個特別既印吸落去我先寄....我以為哥個印等如郵票.....最後後我今日收到....佢用兩個郵票...遮住半個靚吸印.................................如果一早知有兩個郵票貼....點解個吸印你唔幫我吸過d呀哥哥?!?!?!?今天很順利地下班了~



2014/04/02
Day 12---Part 1(悉尼 Sydney)
好喇~又再出發喇~呢日唔搭火車唔得~因為今日要去藍山(Blue Mountain)~連火車都要搭成2個鐘~無可能搭的士去啦~~~又有唔同款售票機...咪睇佢咁新....佢係唔可以一次過要4張相同既飛架....要逐張逐張揀.........由Town Hall站出發單程票價AUD8.60=60.2hkd...搭兩個鐘先60hkd...抵呀~點解機場10幾分鐘就要百幾蚊既?!?!?!?!




佢個火車輕軌圖查實就唔係好難....但係搭落我就覺得好難...唔知點解?!?!?!日本...瑞士...英國我都覺得唔難....係呢度覺得好難...我係咪弱智?




拿....個顯示版又變番得自己條線...真係唔知邊度轉線好~佢個站又無d路線圖攞喎.............




我地由民宿既Town Hall站去藍山首先要轉火車去Central站~再睇顯示版睇下邊個月台去Katoomba站...有疑心病呀我地...睇完顯示版再問埋職員確定先上車~(如果兩個鐘後先知自己搭錯車好慘架嘛~)




我就坐車最易訓著哥類人黎既......佢講d站名又鬼食泥又無顯示牌係車廂喎.....為免過站....要一個站睇(個幾鐘後既事)於是神秘團友偉大的說:你地訓啦..我唔訓架..我好精神........最後上車第一個訓著哥個係佢囉..................經過兩個鐘既車程...我地終於黎到Katoomba站喇~原來唔使驚架~因為成架車大部份人都係呢個站落車的~大家都係去藍山~





好似得一個出口架咋...一出就見到呢個觀光巴士售票處...Blue Mountain Explorer Bus....地址:283 Main Street, Katoomba, NSW, Australia....電話:+61-2-4782-1866.....網址....佢係一條循環既巴士路線...有24個站....上網睇番佢巴士既時間表同地圖啦...時間表及地圖網址.....好好規劃路線...我又唔覺得d車好密喎~同一個站隔30分鐘先有下一班~要留意既係售票處平日收17:00...星期六日收14:30的....真係做旅遊業做得好有態度~票價成人AUD40=280hkd....小童AUD20=140hkd....全日任搭~不過我覺得都係好貴....我記得我地搭過唔知兩次定3次(咁咪成舊水搭一次?!?!?好短程咋喎)......................(因為我地無規劃路線...亂行亂玩的~)




但係我地買左一個叫Lyrebird Pass...佢係包左Explorer Bus一日票再加一個Scenic World既Unlimited Discovery Pass....成人AUD75=525hkd....小童AUD38=266hkd.....收費表網址....至於Scenic World係咩黎....就係有得搭3種唔同方式交通工具既一個站...有Scenic Railway..Scenic Cableway..Scenic Skyway......個套票就係可以任玩...抵唔到真係見人見智...我就覺得貴到飛起......藍色手帶就係Scenic World任玩Pass...右邊的地圖..時間表同介紹書就係Explorer Bus既飛




就係呢d Explorer Bus喇....如果買左飛係站見到就直接跳上車就ok~車長除左揸車仲會做埋藍山既景點介紹~一上車佢會問你係邊度黎....成車人上哂車之後...佢用番成車人既不同語言介紹自己...勁!!廣東話又識~韓文都識~




我地由第1站坐到第9站既Scenic World就落車....因為想玩哂4條遊藍山既路線又唔重覆...旅遊書係咁教的:1) Scenic World山頂車站-> Scenic Railway.....2) Scenic Railway總站下車-> Scenic Walk.....3) Scenic Walk的Scenic Cableway山下終站-> Scenic World山頂車站.....4) Scenic World山頂車站-> Scenic Skyway車站...........但係我地係任玩喎...點解我地要理重唔重覆?





第一樣玩既野係Scenic Railway.....華....使唔使咁多人呀?!??!!?之後先知其實應該好少人的....因為咁岩有學校團體黎....所以先一大堆小朋友排隊.....外國就好啦....小朋友既課外活動都多d~




d小朋友叫到e哇鬼叫~以為真係去左玩機動遊戲~





上車後發現小朋友叫得咁大聲既原因:將櫈可以較傾斜度架~~~




呢個真的超好玩....因為我地整到將櫈差唔多坐唔到咁滯...加埋佢呢個列車係以近90度既傾斜度落山的~刺激!!俾你體驗下以前工人採礦既路線~

上山係背面上的....所以無咁刺激...建議玩落山的~



一落車就見到來藍山必看的The Three Sisters Rock





有條通道可以影到行緊既列車~真係好好玩~




呢個就係以前d礦工坐既車喇~~~坐住呢架野90度落山??!?!?!?好斜喎~~~~~




跟住就行Scenic Walk喇...有名你叫~咪就係要你自己步行架囉~.....旅遊書寫話沿步道行..慢慢細味雨林風光........er...我淨係覺得好多樹囉....同埋..好多蚊囉...哈哈~




跟住沿路一直有指示牌帶你行去Scenic Cableway站喇...呢次又撞到頭先既學校小朋友....咁梗係寧願等下一架先上啦....實超嘈.......點知....下一班撞正某某國遊客.....明明我地上先....佢就推推貢要自己企第一...我死都唔讓架!!!




咦咦咦~又見到你地~如果架車上緊時...The Three Sisters Rock會係車既右邊...都影得幾清楚架...知要企邊一個方向啦~(因為某某國遊客好嘈...然後不停影左邊囉)




經過呢舊好似係叫Orphan既石...令我諗番起....叫孤疑既戲.....以~~~打左個冷震~~~







哈哈~
今晚無飯食呀~
我去左麥當當~
買左個豬柳蛋漢堡($9)..
一個細薯條($5)..
一盒兩隻雞翼($10.5)..
咁多野食咁飽都係$24.5咋~~~~~
好抵呀~~我無俾麥叔叔呃我喇~~~



2014/06/05的開心事:
哈哈~~今日毛寶同貞在放工時...
又落黎同我玩左10分鐘~
好開心~~~(笑聲好像有點大)



報時:距離日本東京自由行之旅2014仲有---17日~

46 則留言:

  1. 買咗呢個Unlimited Discovery Pass 係咪即係由搭Explorer Bus開始都係唔使再俾任何入埸費及車費呀,如果係,呢525hkd都唔算貴到飛起,個車票都成280-,當然要睇晒你成個blue Mountain之行先可確定抵唔抵玩。
    又食d咁高熱量嘅嘢呀............因住d制服又蝦你呀............haha

    回覆刪除
    回覆
    1. 係呀~係咩係咩~我仲覺得好貴添~~可能我地玩我 好求其呀~~~
      係啦~~制服成日蝦我佢悶唔悶架~

      刪除
  2. 我都話呢...快樂時間過得好快又一天啊
    MY █▄❤vE 好姊妹☆星期五.。一定好覺覺豬

    回覆刪除
    回覆
    1. 哈哈~我呢排都訓得好差呀~慘慘~

      刪除
  3. 我今日都麥當當喎~~~牛X辣漢寶包(新餐)、巧食
    (Blue Mountain)好似冇乜嘢睇喎

    回覆刪除
    回覆
    1. 我未試呀~因為我覺得咁食又好抵又忍唔住咁叫~
      er....世界遺產嘛~點都要睇睇既~

      刪除
  4. 你地戴晒黑超個張好型啊!

    回覆刪除
  5. 你果塊ORPHAN石, 咁似我在美國南部影的那些, 不過那裡不只一塊, 而係勁多塊呀.

    其實, 你都唔好大食姐, 無理由叫你做大食妹, 我食一個豬柳漢堡+細薯條+2隻雞翼, 都未夠飽呀.

    回覆刪除
    回覆
    1. 其實...我除左咁之外...仲食左串魚蛋同埋燒賣~~唔好意思講好黎~~哈哈~~
      你係男仔嘛點同~

      刪除
  6. 我對你嘅postcard遭遇感到無奈啊...不過唔好唔開心啦

    我覺得D飛好貴啊...不過山長水遠去到又無理由唔玩嘅

    回覆刪除
    回覆
    1. 唉~都唔知有無下次添架~
      我都係咁諗呀~去到唔通唔睇咩~

      刪除
  7. 嘻, 原來咁樣買麥當勞會咁抵, 等我下次跟你先。

    乜香港有function?有特別STAMP....我呢個九龍人完全唔知><

    回覆刪除
    回覆
    1. 係啦~~下次試下咁買飽好多架~~細薯條都好多架~
      我都係睇人地個blog先知時代廣場有gaudi展!!見到有得寄信喎~梗係寄啦~

      刪除
  8. 坐係度曬太陽果張好型好有fee呀
    我都不喜歡叩餐,散叫仲好~~

    回覆刪除
    回覆
    1. wakakak~毛寶影架嘛~梗有型~
      散叫平d飽d~

      刪除
  9. 哈,今篇無嘢食引我lu,好彩,因為我肥咗呀~~~
    車站張相毛寶幫你影既,我估,佢成日影得你好好睇。

    回覆刪除
    回覆
    1. wakakakak~梗係啦~咁短時間去左兩次日本你唔肥我真係要甘拜下風囉!!!!哈哈~
      以~好衰架~估岩左既~

      刪除
  10. 好正,呢度如果黎到一定要參觀,過程好特別呀!

    回覆刪除
  11. 藍山個車站幾靚。
    呢個景點值得一去,好靚。

    回覆刪除
  12. D火車站好靚!
    廣東話又識~韓文都識~司機好勁!
    Scenic Railway似機動遊戲喎!
    藍山好正!

    回覆刪除
    回覆
    1. 呢個又真係幾靚既~~可能郊區d~
      係呀~~好勁呀佢~~
      係呀超似機動遊戲呢~~~

      刪除
  13. Hi小t!去Bule Mountain 要搭二個鐘咁耐車程!但60hkd又起底喎!妳一個人同四個人帶黑超張相型爆呀!D火車站巧鬼靚呀!Scenic railway d車好型喎!d風景好靚!嘜麥當當唔係買套餐平d咩!bye!!!

    回覆刪除
    回覆
    1. 係啦...兩個鐘先60hkd...平
      唔係呀我覺得散買平d

      刪除
  14. 我都勁鍾意買細薯條食~~~真係好抵食~~~
    三姊妹石我好似聽過下XDDD

    回覆刪除
    回覆
    1. 係呀~~~我覺得細薯條同中薯條係差唔多大的~
      哈哈~~梗係~~出名嘛~

      刪除
  15. 回覆
    1. 係囉~你哥次有無去呀?

      刪除
    2. 冇呀, 留得兩日一夜, 唔夠時間呀 >.<

      刪除
    3. 原來你留左咁短時間咋><~

      刪除
  16. 我呢期鍾意食麥記o既辣牛堡, 澳門係咪都有架?

    回覆刪除
  17. 去藍山有冇飲咖啡呀?

    嘩... 布生同個有錢女結婚, 佢今次唔使做啦^^

    回覆刪除
    回覆
    1. 哈哈~我唔知呢個藍山係咪代表哥個咖啡既地方呀??我真係唔知添~
      唉~你一講完我星期六即刻上網睇~~~佢要結婚我要心碎喇~~~

      刪除
  18. 小T 有否吃糭, 我就冇得食.

    回覆刪除
  19. Scenic Railway好快架?好似玩過山車囉!

    回覆刪除
  20. 作者已經移除這則留言。

    回覆刪除
  21. 睇完你個blog我要說"我好鍾意澳洲呀"

    回覆刪除
    回覆
    1. 哈哈~多謝你介紹左咁多好野我食呀~

      刪除