2014年6月3日 星期二

澳洲探險自由行之旅2014-04-01第十一天Part 2(晴天)

今日番工無咩野既...係五點半打後打野做d....最尾做既哥兩個真係想打獲佢..........星期六:去左日麗飲茶~不過發現佢d野流左好多...無左以前又抵又好味既驚喜.....d腸粉簡直係差差差!!條皮超厚!!->hehe~去左揀我舊年同今年既生日禮物~多謝毛寶~~揀得好開心~~~....->行左陣運動鋪頭->去左食新記車仔麵->venetian行街街~但淨係chocolate買左3對襪~華~chocolate個職員"有禮貌"到呀..華~~如果我哥度對客好似你咁對....我死左9世......星期日:食左澳門剛開的華星冰室...食物同香港水準一致~可喜~唯一不滿係佢哥日冷氣壞了~..->毛寶幫我剪頭毛->夜晚吃了粥麵莊吃你很愛吃的雞湯粟米粥~....星期一:端午節假期~中午去左食譽路八~今次同埋媽媽一齊食~推介我好鐘意既哥個壽司便當~我媽媽都話好食~..->睇X-Men....華...估唔到我今次係第一次睇X-Men系列呀~我以為我會睇唔明添~~但又明喎~幾好睇喎~依家連大會堂都要成$60睇一次...係要睇呢d大片先得~...->同左屋企人做節~去左食新濠仔...d餸係幾好味既...不過我覺得唔係筷子基哥間咁樣抵食夾大件呀....(我食唔飽)



2014/04/01

Day 11---Part 2(悉尼 Sydney)
行完橋之後既行程阿導遊安排左我地去Fish Market~~地址:Pyrmont Bridge Road, Pyrmont, NSW 2009, Australia......電話:+61-2-9004-1100......營業時間:07:00-16:00(Mon-Thu)...07:00-17:00(Fri-Sun)....網址....本身係諗住坐火車過去架~~但係行完橋好攰呀嘛~於是我地4個同意坐的士去~~哈哈~~係澳洲搭的士跳錶速度像心跳~~超快的~~~由Sydney Harbour Bridge去Fish Market我地搭左AUD20=140hkd....坐火車都要20幾hkd一個人啦~~(自我安慰中~~)...的士司機從香港來的~佢話Fish Market已經俾遊客食到唔好食..佢推介我地去Watsons Bay...係環型碼頭可以搭渡輪過去~(不過後尾我地睇過佢weekday d船既班次好少...同埋船費都唔算平...我地又唔夠時間..放棄了~).....






係裏面買完野食可以係出面既用餐區食~超曬超多海鷗的!




除左海鮮之外仲有其他野買既~咁我地諗住逛逛睇下有咩食先~




第一間就衝左入去Nicholas Seafood....超多的中國遊客...同埋呢間野d職員超無禮貌!!!有個華裔面孔既男性職員係我地之前佢同個中國遊客用普通話溝通...到我地行到去買野時我問佢幾錢...佢用英文答左我但我聽唔到...所以我話:sorry?...佢就以為我唔知佢講咩.....個樣超衰唔想再答我.....之後我用英文同佢講:我唔係唔識你講緊咩...係呢度太嘈我聽唔到你講咩呀!!!!...跟住佢超驚咁答番我!!!(其實我覺得哥度d人係幾無禮貌的!!連d菲律賓籍既女職員隻眼都生係頭頂哥度)...咁唔想做遊客生意咁就有型d門口唔好寫中文啦...




都有好多海鮮賣....有d可即食~有d買番去煮~







超大隻蟹鉗既蟹~~~~不過我地無食lu~因為之前係開恩茲食左泥蟹~~




其實重點係佢出面有一格係專賣生蠔的~~~睇住佢不停開~~~正~~~~今次特登係悉尼唔再試Pacific Oyster喇~





第一間Nicholas Seafood我地就係買左呢d野濕濕個口先~好明顯我個鼻曬到變埋色~~(呢個時候我地帶黎既wasabi同係tasmania買既萬字醬油都好有用~~其實呢度都有得買~不過價錢就....同埋買咁大支一次都食唔哂啦...)






lam lam脷推介:Sydney Rock Oyster~~~一打AUD17.99=125.93hkd....一隻10.5hkd~平~同埋Sydney Rock係我喜歡的礦物味重~~肉質很creamy~好好味呀~~~




仲叫左另外一隻試試~Coffin Bay Oyster...一打AUD15.99=111.9hkd....一隻9.3hkd.....很平呢~~比較爽口甘甜較脆~~唔係話佢唔好味~~係相比之下Sydney Rock搶哂鏡~~~~




買左叫Scampi既蝦試試~上網查呢隻蝦叫南極深海螯蝦...或挪威新西蘭海螯蝦或南極深海小龍蝦~~1kg索價AUD74.99=524.9hkd(呢隻係大size...比牡丹蝦大d).....我地邊度咁有錢~叫左4隻一人一隻算喇~4隻價AUD32.85=230hkd(差唔多半kg).....57.5hkd一隻....咁睇容易d令人接受~~hey!!!!我第一次食呢隻深海小龍蝦~無咩方法好過生食!!!佢幫我地切開一半~咁樣食~食既時候小心d..d殼超硬....好尖~~有個團友俾佢吉到個小傷口流左好多血~~超級的鮮甜~~~~比牡丹蝦還好吃!!!!好新鮮!!!!再去我一定會再叫黎食~超大隻的!!!肉鮮甜~膏都好正~~讚!!




另外買左兩隻鮑魚....一隻AUD7.99=55.9hkd一隻!!好細隻...唔抵!!仲要生食切片每隻收AUD2=14hkd......貴!!第一次食鮑魚刺身....唔....原來個口感係咁架.....硬硬的....唔算太好食喎....我寧願食多隻蝦囉~唔怪得d人要食乾鮑啦~同埋鐘意熟食啦~




哈哈~點會咁易餵得飽我地呀~~轉戰第二間~Christie's Oysters




有個小朋友在研究生蠔~(試下唔同鋪頭嘛~)




買左6隻Tea Tree Bay既Pacific Oyster...AUD9=72hkd..每隻12hkd......又買6隻Sydney Rock~AUD9.50=66.5hkd...11.1hkd一隻~可能買半打...所以每隻計落貴少少~但係味道都一樣咁好味~




同一間...諗住試下d三文魚....點知...




大佬呀~~~~有邊個想食呢d三文魚既魚柳絲呀~~~~~幼到薄到~~~~仲要成AUD7.40=51.8hkd...我係澳門係日本餐廳食都得啦~~~~~仲要肥厚過佢好多添呀!!!!!唔抵!!




再買埋另外一間~BBQ GRILL~




叫左個熟食的~Seafood Platter for 2 People.....AUD34.5=241.5hkd....查實都幾多野食幾大個既~不過味道就............哈哈....




過幾個鋪位有間係專賣酒的~買埋支啤酒嘆嘆~呢間有好多選擇~~~澳洲d啤酒真係唔錯的~




再次開動~~







2014/06/03的開心事:

哈哈~chlo子回來了~
W In小姐又番黎我身邊~
wow~左擁右抱~



報時:距離日本東京自由行之旅2014仲有---19日~

下?!?!?!?!?!?!?!?咁快既咩??????
仲有大約3個星期....
原來我要出發了!!!
我仲未寫澳洲...
我仲未排馬拉d相呀...
好忙呀好忙呀多事~

34 則留言:

  1. 四日無見.........好掛住你............................個blog
    毛宝真係好叻,連剪頭毛都曉,真係越嚟越欣賞佢,要俾超多個like俾呢位大師^^
    我都有去呢個fish market,我記得我地買完嘢坐出面食,点知遇上強盜...............海鷗賊,佢偷我地d嘢食,結果我地頂佢唔順返入室內食。
    我上次去時d工作人員都係麻麻地咋,鬼咩,多數遊客都去果度,佢地好似唔休做咁,態度唔好囉

    回覆刪除
    回覆
    1. 野~~~掛住人地.....個blog既~~~
      無錯~佢真係好叻~~~我都好羨慕佢咁叻~
      wakakakak~我地好彩d....有另外d人餵緊佢地食野分散海鷗注意力~無擔走我地既野食~~哈哈~~
      係啦.....d人超衰囉!!!!

      刪除
  2. 小T呀, 其實我睇完你咁多BLOG文後, 發現一事呢, 你旁邊超多好朋友, 但全部都是女的.....

    我常常跟我的男性朋友說, 唔想將來一條友, 就要習慣跟女性相處.

    是的, 我承認一事, 現代男性不會跟女性相處, 缺乏女性心裡最渴望的男性特質.

    祝願你快快找到一個你喜歡的男性, 人生會更開心. 我也希望現代男性會改變一下自己, 變得妳們女性喜歡的模樣.

    回覆刪除
    回覆
    1. 查實唔使強求多d男或女做朋友既~玩落開心就好~
      依家咁樣幾開心~
      如果為左想識另一半而識多d異性係開心既咁當然好啦~
      但為左咁樣要識個另一半勉強既話~我寧願依家咁樣自由自在~

      刪除
  3. 是呀, 單單鮑魚無味又硬又鞋, 鮑魚要有豬油或雞油來燴完, 再用雞湯燜, 才好味道. 我見過我媽媽煮過, 我都唔識.

    回覆刪除
    回覆
    1. 係啦..估唔到生食係咁既質感~
      罐頭鮑都好味過生食的~

      刪除
  4. 我見到D生蠔真係忍唔住尖叫呀!!!!
    好妒忌呀!~~~~~~~~~~~~~~~~~~~~~~~~~~~~~

    回覆刪除
  5. 妳好咁啦又介紹生蠔~~~吸引死我啦..........妳咁鬼喂食、食咁少點夠妳食呀.......大食妹....哈哈哈

    回覆刪除
    回覆
    1. wakakkakakkaa~今次你減肥又幾叻喎講真~堅持左好耐~

      刪除
  6. 近海真係好多海鮮食.....好正呀~~
    你都知你好多都仲未寫呀,一個未完一個又出發
    是6/23出發嗎?

    回覆刪除
    回覆
    1. 海鮮是我人生不可或缺的一部份~~~~~
      我無記錯好似6/22~(哈哈仲要講係無記錯~~)

      刪除
  7. 我因為驚睇唔明X-Men,所以揀咗睇黑魔女.

    點解唔見毛寶送嘅禮物?

    回覆刪除
    回覆
    1. 聽講黑魔女唔錯喎~係咪呀??
      咦~又唔會喎~我未睇過都明喎~

      刪除
  8. Hi小t!好奇怪!昨天我電腦又神左!寫咗d文字比妳又冇咗!首先我想問華星冰室在澳門架地址?因為我下次來澳門都想去下!妳今次去澳洲究竟食咗幾多隻生蠔呀?我睇見d生蠔咁鬼正!真係流晒口水呀!X-men我都想睇!妳就快去日本旅行喇!𣈱咗yen未呀?bye!!!

    回覆刪除
    回覆
    1. 個blogspot有時係咁...留左言俾人都睇唔到..傻的
      澳門華星冰室地址:新口岸皇朝區馬德里街37號地下...簡單黎講即係新口岸既pizza hut條街

      刪除
  9. 小t為何吃那麽多也不肥太厲害 ^_^

    回覆刪除
  10. 咁就要快手啲喇小t,如果唔係真係寫唔切呀!努力,加油!

    回覆刪除
    回覆
    1. 哈哈~我計過喇~係去日本之前會寫得哂澳洲的~
      不過馬拉要等我去完日本先寫了~

      刪除
  11. X-Men呢類戲驚你唔明啫,幾時獨立睇是但一集都唔會跟唔上

    回覆刪除
  12. 你個鼻真係好搞笑呀~~
    你啲相真係好靚,如果我都影得咁靚就好LU~~
    好想試嗰個蝦,我好鍾意食蝦架。蠔就唔得啦,你食晒佢地啦,呵呵~~

    回覆刪除
    回覆
    1. 哈哈~以~~笑人個鼻既~~~
      有d係毛寶影架..唔係我影架~我影哥d邊有咁靚~
      好味呀~~~如果你去要試下...堅正~我有個同事後過我去...我介紹佢食佢都話好正~
      咁我同你去旅行咪岩哂~我食哂d蠔~又可以食蝦~~哈哈~~~

      刪除
  13. 用餐區風景很好喎!以為人唔識英文就不禮貌,行為很羞家!見到D海鮮流口水,嘩嘩嘩~~~~~

    回覆刪除
    回覆
    1. 係呀...我哥次都幾嬲.....算啦~~~~不記恨~~~
      海鮮真係好正~

      刪除
  14. \(◕ヮ◕)/又係黃昏好+早晨喇喂*☁☀。゚小t
    嘩...美食當前...唔食得...都看飽...哈哈哈

    回覆刪除
  15. 小t 距離日本東京自由行之旅2014仲有---19日...超快就到呢

    回覆刪除
  16. 超曬超多海鷗...又對住個海...正呀

    回覆刪除
  17. 香港寄郵件 郵票要未蓋過印才可以用的.
    小T似乎有點冒失喎?

    回覆刪除
    回覆
    1. 其實全世界都係未蓋過印既郵票先用得既....唔係淨係香港~~
      我既意思係..佢有個好特別既吸印...我以為哥個已經代表郵票(好似悉尼大橋哥度都淨係吸佢個logo印就當係郵票)...點知香港係吸完哥個印再貼郵票去蓋過哥個特別既印.....所以我唔知吸黎做咩........
      我諗你誤會左我意思~

      刪除