2014年4月7日 星期一

Paddington house of pancakes

hi~我番來了~正確黎講我已回來了兩天~~~星期六夜晚番到香港~好彩趕到搭23:15既船番黎~仲有好心阿sam車我同毛寶番歸~真係唔該哂~~~呢15日....有驚又有險~仲發生左好多事~亦有好多難忘既事發生~都幾開心~~等我遲下~排好d相慢慢同大家分享下~~~好彩今日星期一補假~我又可以抖下~~~~不過放左17日假.....我真係好唔捨得我個大假呀~~~~又要等下一年喇~~~~~~唯一番到黎唔開心既事就係我曬到好黑.....係真心黑....仲要係曬到又甩皮又紅哥隻...好樣衰....仲出埋瘡...毛寶話我食到手指都肥哂咁番黎....我阿媽就話肥到腳趾都肥埋.......你就知我呢兩個禮拜有幾荒唐.............番到黎食左牛記蟹黃撈麵...秀蘭同文哥~今日仲同左公子黎左個臨時tea~開心~



又係試新野~pancakes喎~吸引~香港有一間食法式crepe我都食過兩次~~~~呢間就剛開業應該有三個月左右~同我上次講哥間熱狗chill cafe...佢就係正佢隔離...叫Paddington House Of Pancakes....地址:澳門柯傳善堂圍11號A地下...電話:2833 2943.....坐位不多~不過都唔算迫...都ok舒服既~我去哥時係12月31日除夕夜~不過都唔係好多人~







主打食pancakes~有咸有甜~都有d小食~意粉之類~.....呢個係百香芒情 $32....唔難飲...但都唔係好飲~




我既係熱情仲夏(百香果+甜橙) $32...話實在...我兩隻味都飲唔出~




熱焦糖咖啡 $32....熱既都咁貴??不過媽媽話麻麻地....唔熱既....只係暖暖的~




柏林頓巨型墨西哥粟米片 $48....我可以講....係超難食!!!!其實呢樣野我覺得好難整得好難食....你俾d粟米片同醬我就係...佢又懶好味咁放d蕃茄同紅腰豆落去...都唔講口味好無喇.........但都要睇下你落左呢兩樣野之後個口感係點卦?...就係因為落左蕃茄....咁蕃茄有水架嘛.....d粟米片完全地係林哂.......我地一路用d林既粟米片去點醬食....好難食....點滴在心頭~你望圖都知有幾林幾難食~




盧塞恩薄餅 $69.......一黎到...呆哂.....塊皮係咪真係咁既色架???d餡都ok既...有芝士有海鮮....不過好濃味....佢哥塊皮又脆哂包唔到d餡食.....我真心覺得佢係塊皮煎過左籠...塊皮勁難食




自家特製蕃茄忌廉汁意粉 $54.....正常野~不過唔算大碟~




媽媽話唔夠飽...再叫多左個慕尼黑薄餅 $52...有芝士..忌廉蘑菇汁同雞肉粒的...你睇完文字...你唔會估到攞出黎係咁既色下嘛??????????????????????真係好難睇.....感覺似食廚餘..................好彩哥時有優惠....係fb打卡和分享一張相上ig就會有8折.......甜既我未試過呀....不過請我都未必會再去...塊皮隻色真係令人好唔開胃!!!!請問住在慕尼黑的人??pancake皮是這樣的顏色嗎???都係上環哥間好食d~




食完晚飯之後我同毛寶仲出左去倒數~我地無去d大酒店呀....迫哂人哥d官方倒數活動~淨係去左湖邊~睇免費煙花咋~~等緊期間都唔無聊架~~~我地當左條柱係bar檯~我地自己帶左紅酒去飲....wakakakakak~係咪好有趣味呢~~~~應人無人好似我地咁騎呢~~




煙花一出現~代表2014年來臨了~~~happy撩牙~(依家先寫到1月1日既野~~~)




之前同媽媽造冬去左食譽路八~食左個超搞野既前菜....粉紅色哥個...係日本腐魚黎架~~~~襯餅乾好似魚子醬咁~~不過我覺得日式腐無咩特別~特別在佢呢個前菜要$160~~~見係經理推介先試....不過實在太搞野~





舊年年尾係7仔發現呢支有酒精既飲品...又幾好飲喎~




去親Haagen Dazs都叫呢個~貪佢唔過$100蚊之餘有6種唔同既雪糕可以揀~正~兩個人岩岩好~







2014/04/07的開心事:

近個禮拜個個都係fb講話愛我請留言好睇..
我都唔執輸噚日一口氣咁煲番5集~
今晚一於直播睇~~~~




報時:距離吉隆坡慶生自由行之旅2014仲有---10日~

咦.....其實我去完澳洲個gip係咪可以唔使執住喇...
都唔知我去馬來西亞前可以出到澳洲blog未~~~~
我仲有大把野未搞~
相又未執~毛寶d相又未攞到~
馬來西亞d資料又未睇熟~~~
仲有另外一個旅行諗緊~~~
澳洲blog要等等我了~~

48 則留言:

  1. Yeah !! Baby終於返黎啦~~~
    愛我請留言真係好好睇~~~
    係咪諗緊十月生日旅行呀?? ^3^

    回覆刪除
    回覆
    1. 錫錫~我都好掛住你~
      係呀~我噚晚都有追呀~~~
      今年生日反而無攞假去旅行~我諗緊早少少既...hehe~

      刪除
  2. 我一直以為係上環歌間TIM!我諗上環歌間應該好好多啦~~HAHAHA

    回覆刪除
    回覆
    1. 係囉...好似香港有的~但澳門呢間真係好衰喎!!

      刪除
    2. 作者已經移除這則留言。

      刪除
  3. 歡迎妳回來!
    嘻…未見過兩個禮拜可以食到幾肥,連腳指都肥埋,要見識下:-)

    回覆刪除
    回覆
    1. 謝謝呀~~~
      wakaakakkaka~~~好難影俾大家睇喎~~~~大家都未見過我之前d腳指有幾瘦~~哈哈~~

      刪除
  4. 睇到[你望圖都知有幾林幾難食]忍唔住笑咗,哈哈哈
    上環果間的確好味呀:)

    回覆刪除
    回覆
    1. 上環哥間係法式crepe正好多~~d芝士又夠臭~~

      刪除
  5. 小T咁樣說, 看來今次回澳之後, 媽咪咪要成日講,
    喂我個女去完旅行未架, 唔好係咁2話, 呢個豬頭肥成咁
    係度認親認戚喎?
    身為佢亞媽, 點會認唔到自己個女架.
    呢個一定係冒牌大碼小T 啦. 哈哈!

    回覆刪除
    回覆
    1. 哈哈~~咁又未致於肥到唔認得我既~

      刪除
  6. 番嚟一陣又話要去旅行真開心啦~~~

    回覆刪除
    回覆
    1. 哈哈~~但我老了~~我感到有一點點累~~~

      刪除
    2. 我過老妳好多、如果咁累法、我日日想累喎

      刪除
  7. 嘩嘩啦...小t 回來了....•*¨*♫•:。.\(^▽◕。)/
    曬到又甩皮又紅哥隻...好樣衰....仲出埋瘡...不用怕好快冇事

    回覆刪除
  8. Welcome back 小t !!~
    睇完你寫,呢間野要blacklist喎!!!~

    回覆刪除
  9. 小t 返嚟啦 歡迎歡迎 ^^
    肥小小唔緊要啦 即係話你哋玩同食得開心嘛 而且後生女 新陳代謝快 好快就瘦番㗎啦~~~

    回覆刪除
    回覆
    1. 謝謝呀~~~我很想大家呢~~~
      hehe~~咁又真係幾開心既~~~希望快d白番瘦番啦~

      刪除
  10. 澳洲blog梗係等你去完吉隆坡先再諗啦,玩緊要嘛,玩前又要有心理準備呢,專注去啦.
    呢間薄餅一出,點解唔問吓係咪玩x你嘅?
    咁樣睇煙花,so romantic,我都試過咁上下.

    回覆刪除
    回覆
    1. 你個人真係明事理喇~~~~wakakkakaka~~~
      直頭食完覺得玩到我上心口....唔會再去
      係呀le~窮人的倒數娛樂~但開心~

      刪除
  11. 小t,辛苦哂.不過忍心啲都係要催吓你快手啲,俾我睇吓你到底曬到幾黑同食到幾肥?
    我前排posted左我啲貓嘅相,你有無睇呀?

    回覆刪除
    回覆
    1. 哈哈~~~咁你要睇馬來西亞篇先會見到我有幾樣衰喎~因為我依家仲未好番~~~
      下~~~~~你有出貓貓相呀~~~我唔知呀~~~~我去睇下先~~~

      刪除
  12. ^^ Welcome Back~~

    返黎喇~~好期待你返黎寫blog呀~~~

    你食到肥左咁多~~一定係好好玩喇~~等你出遊記呀~

    回覆刪除
    回覆
    1. yeahyeah~~~我點來了~
      我會努力係去旅行時出的~~(希望啦~)
      茅錯~實在太多好野食~~心廣體胖呀~

      刪除
  13. 終於番嚟,一定玩得好開心啦,唔係點會肥咗呢。嘩,你嗰間黑店嚟噃。哈哈,我本來都介紹你睇「愛我請留言」㗎,因為好啱你睇。既然咁多人叫你睇,唔駛提啦。喂,去盡d嘞,KL番嚟,一次過寫哂澳洲+馬拉之旅,正呀。咦,你唔會搭馬航掛?

    回覆刪除
    回覆
    1. 我都覺得係~~太好玩了~~~
      個crepe諗起都難食~~~
      點解既點解既~點解你覺得岩我睇既~~~
      hehe~~~我諗都係要番黎先寫到~~~
      我唔係搭馬航呀~~唔使擔心~

      刪除
  14. Welcome back!!! 好掛你呀~~
    lee間嘢,睇相已想象到幾難食,oh no~~~
    好想睇你啲肥手指同腳指,呵呵

    回覆刪除
    回覆
    1. 我都巧掛字你呀~~~~~~~*3*
      係呀LE~~~~千祈唔好幫襯呀~~~
      但係都未睇過我之前D瘦手指同腳指~~點做比較喎~~~~

      刪除
  15. Hi,小t,終於玩完15澳洲之旅呀!十日後又去吉隆坡玩呀!一於去埋吉隆坡旅行先減肥啦!去旅行狂玩狂食係好正常呀!一d都唔荒唐囉!Pancakes香港都有、但食物同飲品都o.k架!但澳門呢間就麻麻呀!原來澳門倒數有煙花放架!正!希望快d有澳洲逰記睇啦!bye!!!

    回覆刪除
    回覆
    1. 係呀我都係諗住去埋吉隆坡先減喇

      刪除
  16. Miss u so much ^^
    hahahaha ~ 慕尼黑薄餅好似隻打開咗嘅糯米雞 ~~
    黑咗,肥咗就証明好玩又好食啦 :D
    等你嘅遊記呀!!!!

    回覆刪除
    回覆
    1. 我都巧掛字大家呀~~~~~~~~
      呢間野真係堅難食!!!唔會再去!!!!!
      HEHE~~~唯有係咁講啦~~~
      我會努力的~

      刪除
  17. 您講到好似去整容喎,哈哈哈~~~~~
    墨西哥粟米唔係同醬分開上架?

    回覆刪除
    回覆
    1. 整容整到我依家咁樣衰就慘喇~~~~
      唔係囉就係...超難食...林的!!

      刪除
  18. 望穿秋水,妳終於返來。

    回覆刪除
  19. 找個西人入去食佢地D 咁樣的CREPE, 一定會發瘋了, 嚇親啦......

    回覆刪除
    回覆
    1. 如果你咁講樓樓下只會有人話你唔識食

      刪除
  20. 乜妳去得咁密嫁..........

    回覆刪除
  21. 睇完你食評,就知你係一個唔識食野既人,你連食材都唔知係咩就話難食,笑了

    回覆刪除
    回覆
    1. 我唔識食好正常丫~我又唔係食評家~
      我係自己個blog講好無食應該唔需要咁專業卦^^我只係講自己個人口味意見je
      如想睇專業食評的可以去睇其他食評家的blog^^大家一齊笑笑好了

      刪除
    2. 如果個皮既燶味係特色,我真係好唔識食,不過我都可以發表我既個人意見,因為呢個係我個blog,如果你話我咁寫會影響人地對呢間餐廳既觀感,你更可以放心,如果佢係好味,人地唔會因為我呢個非專業既食評而唔去,反而大家一定會搶住去。
      反而係你係人地blog留言哥種咁有禮貌既態度,笑了~

      刪除
    3. 我去旅行時見到你又留言俾我喇~真係多謝你又黎呀~我係我e-mail見到你留言但你留的言可能太長了..我blog不能顯示..我怕你嬲嬲豬以為我delete你個留言..我係度幫你一未不漏加番~
      匿名人說:首先,無論你係唔係專業,你開得個BLOG就預左有人讚有人批評,我亦冇唔禮貌,只不過我本身都有食過呢間鋪,冇你講既咁差,而且你本身D資料都有錯,如果佢開業3個月點會有花牌係出面,你去既時候好明顯係剛開,當然唔會樣樣野做得好好,有不足既你可以建議人地點改,唔係淨係負評..你如果咁樣寫野,大把食店多得你唔少,因為你連機會都唔會俾人,直接公開踩人

      刪除
    4. 係呀..我預左有人批評呀~咁佢開得間鋪佢就唔預左有人批評?你食既時候唔差你又知我食既時候唔差?????????你同我同一張枱食架????你食哥時好食唔代表我食哥時好食囉~~我點知佢點解開業3個月仲有花牌呢人地鐘意放我又要問人呀?佢搣左紅紙都唔係試業中架喇喎...仲未ready好呀?如果開哥時做得唔好塊皮係可以燶既話你容忍到唔代表每一個顧客可以容忍~你容忍度真大~你估善意提醒同建議個個都會接受既咩~我係自己網誌唔係公開飲食谷講你呢位食客都接受唔到啦何況係間鋪頭~(係喎...岩岩係網上fb澳門美食團個group度都見到有人話好難食然後又俾人話笑了同埋俾人話無質素既食評我個心都舒服d原來唔只我一個無質素)....你夠直接公開踩我啦~
      如果你有時間係度咁有禮貌提醒我..既然你係哥間鋪既熟客仔你不如代我講囉~~反正呢間我係唔會再去~~~~麻煩哂~~~~~~~
      呢度係我個blog我就會有我人意見~~~~我又唔係公開美食團講~~你鐘意就黎睇唔鐘意就唔好睇~
      最後顯然大家對禮貌既睇法非常不同!咁我唯有恭祝你生活愉快事業順利~~~~~~~~~~
      同埋你再留言我都唔會再覆你架喇~~~~~~我係咁無質素架喇~~~拜拜~~~~~~~

      刪除