2014年4月22日 星期二

澳洲探險自由行之旅2014---旅行前準備篇

我肥來了~~點呀~~有無掛人呀~~~~今日係復活節後第一個工作日呢~~~多野做就預左~其實我星期日就番左黎~星期一都係假期...我一番來既晚餐就係去食左餐烤肉~好癲~噚日就中午去左食麥當勞!!!因為佢終於都出番粟米批!!!!!!!我同毛寶足足等左10年!!!!佢先再出...佢只係係我高中時出過一期咁大把!!!直到今日先再出...以前我同毛寶做學生時無錢...一個批兩份分~依家我地終於可以一人一個喇~~雖然唔知點解.....無以前咁好味~但呢個批見證住我人生的不同階段呢~



哈哈~~~應承了大家要出好耐既澳洲之旅~終於出來了~~有無人等得好急呢~~~好~~~去片~~~~~~~~(自我陶醉中~)




咁去旅行之前梗係要準備好多野啦~尤其去咁遠既地方自由行~就更加多野諗!!唔好咁急~~~睇下我地點準備今次既旅行先~~~大家交流下意見~~~我地今次3月尾出發....舊年年中就不斷的睇機票格價~可惜的是我到每年年尾先知自己攞唔攞到假的~~




兌換貨幣

澳洲紙唔使驚啦~咁熱門~各大銀行和兌換店都有~今次換錢就幾輕鬆的~因為我麻煩了我住在香港的表姐同表姐夫幫我係香港的銀行換~個價即時靚仔好多~澳洲紙既匯率我由舊年開始睇~上上落落...落落上上咁~最低見過6.7...6.8....都有上過7.3的......我就係6.9哥時換左.....去到銀行換時剛好是7~(唔使擔心~細心的我文中提到既澳幣都會計番做港紙俾大家參考參考的~)如果匯率係6.9....澳門d兌換店一定兌唔到7呢~香港就好啦~換外幣平d~~~~~~澳洲的紙幣~~給大家看看~毛寶話好憎佢地既質地摺極都唔皺~~~因為唔能夠以最薄既姿態放入佢既小銀包XP~~~




今次我換左AUS3,000=21,000hkd去旅行~其實我唔係用哂黎買野的~因為我地有d民宿錢要去到當地先俾...而佢地好興碌卡既話會收手續費.....唔同信用卡....會收唔同既手續費....好似通常AE既信用卡會收個手續費高d~唔知點解~~~連我上網book既野都有收的....即係硬食哥個3.xx%既charge~不輪係機票定上網book跳傘都有收多總費用的3.xx%(定還是平時都有收係我無留意????應該唔會卦?)




規劃行程

參考書就呢幾本喇~當中講既野有好有唔好啦~遲d慢慢講~今次我地去塔斯曼尼亞(Tasmania)->開恩茲(Cairns)->悉尼(Sydney)....條線查實幾唔順架~坐飛機兜黎兜去~無計~受張機票限制~我地係塔斯曼尼亞先係自駕遊~其他地方都無駕車的~另外兩個地方都係悠悠閒的~~係塔斯曼尼亞就由南到北咁玩上去...當中都有d狀況出現過架....呢個都係隨後慢慢講啦~所以如果自駕遊都係不宜一日內安排太多既行程~如果唔係趕死自己~因為地方太大~車程可能會遠遠的~



充足準備

我見毛寶真係用左好多心機去研究的~~~佢真係好勁架~~連d車程都有上google map睇一次睇下路程有幾遠要用幾多時間先寫行程~~~~我都唔係無做野架~~我係機票部...簽證部同埋史官黎架嘛~~(雖然簽證那part我是搞衰了~呢篇下少少講~).....佢認真到連車程路線既地圖都print埋出黎....細心到~~~
認真的人最帥哥~~~佢真係好俾心機策劃的~~~訂房又係佢~~搵地圖又係佢~~諗成個行程又係佢~~謝謝~



個行程寫得認真到~~~佢真係好似領隊咁~~派哂行程俾團友~~辛苦你了~~~你d字好靚呀~~我望住發呆中~




決定你的領路員

係....租車公司係會有得租埋GPS.....係咪覺得我地print地圖好傻仔?????????梗係唔係啦~~~~~經過上次冰島自駕之旅後...毛寶深明同呢個GPS點樣打交道~~所以先print埋地圖~~~個GPS比起上次冰島跣得我地仲甘!!!!!!好彩毛寶有print地圖加去到即刻買左張幾詳細下的公路地圖!!



簽證方面

我諗應該有好多護照去澳洲都要簽證架啦...我地有4個團友....一個持特區護照.....3個持葡國護照......特區護照唔使講架喇....搵旅行社代簽肯定最少12xxhkd....不過勝在唔使煩要交咩.....佢會同你講哂有咩交....同埋我見團友搞得都唔算太煩....佢本身好似就話係15個工作日...點知一個禮拜左右就有了~(我唔知係咪個個都係咁架下~)......而葡國護照既簽證....因為之前有個朋友無幾耐前去過....於是我問佢點搞同幾錢...佢就答左我一個價(我係買機票既好耐之前問..)......於是當我買機票時....發現航空公司有條link俾我....寫住"get a visa?"...既時候.......我就認為:係呀~要簽呀........就按入去睇...有寫係適用於葡國護照喎....我又諗:係呀~岩呀~......於是....我就幫我另外3位團友簽埋.................個簽證叫"ETA"..(Electronic Travel Authority)....成英磅25.13=334.18mop....開頭我都覺無咩野....但最後我係度講...blog友alex就提我....乜簽ETA唔係百幾蚊咋咩??!?!?我上香港澳洲總領事館個網址睇.....係喎AUS20=140hkd咋喎......搞錯呀.....原來經航空公司簽貴咁多架?!?!?!?!?!?....條氣已經唔多順!!!!!!!!搞到我簽貴左成倍!!!!!!!!!!!!!!跟住alex再幫我睇.....原來葡國護照係唔需要簽ETA的!!!!!只要係佢地領事館個網簽一個叫eVisitor(subclass 651)...651簽證詳情....按入去有講埋咩國籍都係可以簽呢個....重點係.....免費!!!!!!!!!!!!!!!!!!!!!!!!你話我係咪堅蠢!!!!!!!!!!!!!!!!!!!!!!!!如果想知自己應該簽咩簽證...請按我.........輸入你咩國籍等等資料你就可以知道簽邊種....之後我問好多人....咁到底我無簽651...而簽左ETA會唔會唔俾我入.....有朋友既朋友做旅行社的...就話其實都入得既...因為就算你俾旅行社幫你簽..佢地都係簽呢種.......但我都係驚左好耐.....心諗..死啦..我去到佢唔俾我入我咪死.....於是我就send e-mail去澳洲領事館問....答案係:可以的....我先放下心頭大石~~~~~我真係...搵野黎煩....如果有咩問題都可以send個e-mail去問的...佢地覆得幾快...immigration.hongkong@dfat.gov.au..........我認我今次蠢了......我應該係呢度問問大家意見......因為我實在好少去d要簽證既地方旅行....一去就出事~~~我將呢件話俾神秘團友知(因為我驚佢鬧我~~~)...點知佢若無其事的說:無所謂啦~咪當俾錢買個經驗囉~....好~我like你呢句!!!我實在太長氣~



衣著方面

3月尾4月頭去開恩茲就完全短袖衫就好了~悉尼就下午很熱~早晚涼涼的~....塔斯曼尼亞的話請帶風褸~我諗不輪咩季節~佢都係陰陰寒陰陰寒陰陰寒~見朋友夏天時去都要著好多衫....自己秋天去都要著外套加風褸...冬天真係唔知有幾凍~~~~~~今次寶寶去旅行都有新裝備~~~就係~~~靚帽好多頂~~~好得意呀d帽仔~~~原來係我地世博哥年去上海買俾佢的~~~~好出位呀~~~




唔知你最鐘意邊頂~~~我就最鐘意...........(其實我3頂都喜歡~~).....好啦~~~下篇就要正式出發了~~請繼續收看~





2014/04/22的開心事:

今日終於出到澳洲blog喇~~~
開心~~



報時:距離日本東京自由行之旅2014仲有---60日~

從馬來西亞回來了~
我覺得澳門好舒服....
因為馬來西亞太熱了~~~
都幾多野食既~~~遲d再同大家報告~~
先出澳洲blog~
咁依家我除了寫blog還可以專心的plan日本既旅行了~
好野~~~~~~~

53 則留言:

  1. 回覆
    1. 係呀~~不過都無咩野玩~我食下野咋~

      刪除
  2. 真係爭啲唔記得你去過澳洲啦!

    回覆刪除
  3. 終於等到你嘅澳洲篇,好開心呀。Cairns一年四季啲天氣都好舒服㗎,冬天都有26,7度,咁你即係有去大堡礁啦,有冇玩潛水呀?Tasmania未去過,係咪好多野生動物睇㗎,我想抱wombat,好肥好得意,有冇影佢哋呀?我諗你去日本前,應該可以寫完哂澳洲同馬來西亞之旅。

    回覆刪除
    回覆
    1. 哈哈~~我都知我拖左太耐~~~
      我覺得我去哥時實在太熱~~~熱到有d頭暈~~有成30度!!!
      er...我真係無玩潛水...我有少少後悔的~~~
      無抱呀~~~上網睇佢又真係幾得意喎~~好肥~~
      應該....得既....如果...我唔懶~~

      刪除
  4. 我最鍾意寶寶帶第一頂帽~~~
    baby 我都確實左旅行日子啦^^
    5月14-19 :) hehehe

    回覆刪除
    回覆
    1. 其實我都好鐘意呀~~~
      華~~~咁好呀~~~要努力的玩呀~~~~~
      係咪去泰國呀?

      刪除
  5. 毛寶個認真樣係俾你捕捉到定演技嚟?喺屋企都著得咁四正,型人唔易做......本村上春樹買嘅唔係借,有儲開?你執緊衫又會放隻天使愛美麗出嚟?唔係帶去睇呀嘛?
    一人俾三百幾,你真係千年道行一朝喪.......
    個粟米批你講到我有點動容......

    回覆刪除
    回覆
    1. 俾我捕捉到囉...無扮野架..佢真係認真諗緊嘛....
      唔關事..係因為我地出完街...跟住番屋企再排行程je
      係買架...不過無儲開
      我認我今次衰架~
      其實依家真係無咁好食架~不過係情意結囉~

      刪除
  6. 返咗嚟喇:-)
    好有心機post,
    有幾干字……!
    我要慢慢睇先得

    回覆刪除
    回覆
    1. hehe~~係呀~回來了~
      哈哈~~~~~我知我太長氣了

      刪除
  7. 下次你咪等10年, 寫信要求大集團佢地恢復某些產品. 你覺得無咁好味, 主要是因為用料改變了, 以前的用料, 現在可能來價貴左, 又或被禁, 又或集團恐怕將來要寫產品所含物料, 所以改用一些看似更健康的用料.

    其實, 我每次去玩, 都唔會百分百依靠GPS, 一定會帶埋地圖去, 再加手提裡的地圖軟件, 就無容易很多.

    還有, 你唔好怪自己簽證上俾人呃, 有時, 出來玩, 就要預左自己會出錯, 小錯是無傷大雅, 下下咁緊張, 只會玩得唔開心, 人生就不會更好了. 最少, 你下次一定會去使館找簽證.

    回覆刪除
    回覆
    1. 我真係有咁諗過,,,寫信希望佢再出的~~哈哈~~都可能係...我咪d料唔同哂...食唔番以前隻味..
      我就係想講好彩我地今次都係咁咋~~如果唔係真係慘喇~
      哈哈~~所以去旅行都係一個好好既經驗黎既...經過今次之後我就會醒架喇~

      刪除
  8. 妳好勁食咁多嘢~~~好快妳要改名啦~~~叫肥dd.......哈哈哈
    現在無線播緊套戲~~M Club好似現在妳哋七公子......妳有冇睇呢?

    回覆刪除
    回覆
    1. 哈哈~~我真係好鐘意食野嘛~
      我有睇呀~不過暫時覺得麻麻~

      刪除
  9. 好中意你哥句“請按我“^^嘻嘻

    回覆刪除
  10. 巧開心呀,終於有得睇啦^^
    毛宝用功個樣真係型英帥靚正.....like爆,連d字都正過人!!!!!!!!
    你個準備篇都好細心,仲有link,好細心呀,讚^^

    回覆刪除
    回覆
    1. 要大家久侯真係唔好意思~~~~
      係呀~~佢d字由細到大都係咁靚的~~
      多謝~~~~~~我今次真係好俾心機寫的~

      刪除
  11. 無來一排,原來小t已完成另一次旅行*_*

    回覆刪除
  12. 好充足準備...好細心呀...一定巧開心呀

    回覆刪除
    回覆
    1. 係呀~~哥次旅行又真係幾開心既~

      刪除
  13. 等到頸都長啦,真羡慕你可以有那麼多時間計劃旅行﹗

    回覆刪除
    回覆
    1. 哈哈~~不過前排就係為左plan馬拉~~搞到我無時間寫blog~
      因為實在太趕~~所以先遲左出~~~~

      刪除
  14. 係, 一向自己簽都平D, 不過貴左都冇計...

    我重未去過TSA...:( 同DARWIN, 重有PERTH, ALDALAIDE.........HAHAHA.....好想返去行下。

    回覆刪除
    回覆
    1. 係啦...經過今次我學精左架喇~~

      刪除
  15. CHEAP又如自稱才子
    李明LEEMENGTECHJJ先生(李廣來)
    一樣CHEAT的閣下,可憐到仍然
    與騙子嫖子瘋子JJ先生
    繼續網上CHEAT,閣下好CHEAP呢!
    從沒有家人、教友、鄰居...
    為恥騙子JJ先生李廣來
    公開在其網誌說好話呢!

    回覆刪除
  16. 終於有得睇澳洲之旅,yeah
    有毛寶做策劃人, 你去旅行真係嘆
    我鐘意我1頂, nice
    你記住打完澳洲+馬來西亞既旅行blog先去日本呀

    回覆刪除
    回覆
    1. 哈哈~~我真係唔岩~要大家久等~
      咁我都好乖番黎之後寫blog架~
      無錯~哥頂睇佢係最可愛的~
      wakakaka~~如果我無偷懶的話......

      刪除
  17. 好詳盡,唔緊要啦,做得唔好咪下次做好啲囉,你睇毛寶就係個人辦,唔會蠢第2次嘅!

    回覆刪除
    回覆
    1. 我知架喇~每次旅行都係全新的學習~~真係好~今次又學到野~

      刪除
  18. 我都係鍾意第一頂。
    認真的人堅係型,毛寶型呀,不過當我睇到行程話偷睇企鵝,笑咗~~
    簽證個part呢,我明呀,雖然同伴們未必有怨言,仲會好言相勸,但做錯嗰個總會心有不甘呀~~

    回覆刪除
    回覆
    1. 我都鐘意呀~~之後都好似有再帶呢頂的~
      wakakakakakakak~我估唔到俾你睇到我地偷睇企鵝囉~~~~~~你好勁呀~~~~~
      係呀...哥次我真係好內疚....內疚係....因為佢地都無怪我......真係好唔好意思的....我下次會醒目d~

      刪除
  19. 嘩..嘩..嘩...好耐冇黎留言LA...估唔到你已經去完澳洲同馬拉返黎啦.....實在太HAPPY 啦你呢個"旅行月"! wkakakakak
    好想快d睇你個塔斯曼尼亞ar...我諗緊9月尾去好唔好....但又話天氣麻麻地...苦惱...
    如果我都有好似毛寶貢既planner就好la! plan行程個d真係好花心機ar....

    回覆刪除
    回覆
    1. 哈哈哈~~~你好耐無黎喇~~掛你~
      放心~就到架喇~~因為第一站就係塔斯曼尼亞~其實哥度都唔錯架~幾舒服~
      咁佢又真係神級黎既~我都好尊敬佢架~

      刪除
  20. 第一次見到咁多澳紙,好震撼!嘩你地的行程十級嚴密。我通常只計劃大概,其他見步行步咋.其實Tasmania 真係似世外桃源,晚上的繁星滿天,真美!我曾經自駕19天遊Tas,有天任我行之感!it was my own car and I took ship (the ship took cars too) to there. Carins

    回覆刪除
    回覆
    1. 哈哈~~~唔換定多d唔得~~~驚無錢找民宿錢同食野~~~
      係呀~~~去咁遠...而且又有限時間~計劃好d先得~
      係呀係呀!!!!!!!!!!!!!!!!我地都有睇到呀!!!!!!!!!!勁靚好難忘!!!!可惜我當時唔識用我個相機影...如果唔係勁震撼!!!!我從來未見過咁多星的!!!!!!

      刪除
  21. 終於到澳洲blog喇。。嘻嘻。。

    回覆刪除
  22. 差D看漏這一片!神秘團友對您都有好大影響!哈哈哈

    回覆刪除
  23. 毛寳真係堅認真、超細心
    嘩,寶寶好潮呀,戴頂帽即刻型曬

    回覆刪除
    回覆
    1. 哈哈~係呀毛寶好叻的~
      wakakaka~d帽真係好靚~

      刪除
  24. 我仲慘, 一簽證就損失咗AUD130, 到依家都未搞掂, 有陰影, 驚又出錯。

    回覆刪除
    回覆
    1. 點解既??!!?!?咁多!!??!?!
      你用咩護照簽同係邊度簽??
      你試下send個e-mail去香港個澳洲領事館問下!佢地覆得好快的..
      因為我初初都好驚!!

      刪除
  25. 回覆
    1. 再有野問send去問佢地啦~
      immigration.hongkong@dfat.gov.au
      佢地覆得好快~

      刪除
  26. 已用葡國照護申請subclass 651,想問,你用這個簽證過澳洲關時,是否須要提供證明(for 肺結核 和 行為紀錄)
    因為visa condition 有講的,但又沒有講明要否提供證明。

    回覆刪除
    回覆
    1. 我地最後無再簽651喇~因為我地俾左錢...唔想浪費~~~~~因為俾左錢唔用好唔抵嘛~我地上網問過佢話用得...咁咪用番俾錢哥個簽證囉~~~~~其實我地簽證簽左俾錢哥個...另一個用特區護照交左俾旅行社簽.....我地淨係俾左護照佢睇......可能佢地有紀錄....咩都無再睇到就咁吸引走得~

      刪除
  27. 你好呀想問一下已用葡國照護申請subclass 651 想問一問如果成功佢係咪會SENT 兩個文件比我只要在入境時比關員睇哥兩份野就可以了???第一次去澳洲想問清楚一點

    回覆刪除
    回覆
    1. 因為我唔係申請651呀~當時我傻仔咁搞左要俾錢的ETA~
      我哥時佢係會send e mail俾你confirm的~你print出黎帶埋過關~
      不過我哥時過關佢又無問我攞黎睇~可能電腦有卦~
      不過俾我再去多次我都係會print出黎帶過去~

      刪除