2014年4月30日 星期三

澳洲探險自由行之旅2014-03-24第三天Part 3(時陰時晴)

今日個人有d虛虛地喎~~好似作病feel....唯有飲多d水先~工作都算順利~無咩傻人~算係幾好彩~媽媽今日生日~因間出去同佢去食慶生飯~~~睇我幾乖~依家番黎咩都唔做就出左blog先喇~~~野~~~~~~~~~



2014/03/24
Day 3---Part 3(塔斯曼尼亞,荷伯特 Tasmania,Hobart->侯恩道 Huonville->荷伯特 Hobart)
我地係酒莊食飽飽本身安排左去菲爾山國家公園(Mount Field National Park)的...公園內有大片的溫帶同熱帶雨林..仲有好多巨樹參觀.....但如果去既話...來回要成兩個半鐘以上.....加埋參觀...我地驚太夜番到荷伯特(因感覺上佢地d街係無咩燈的).....所以放棄了..毛寶覺得好可惜...唔緊要啦..留番下次再去睇囉~~~咁3點幾4點...仲有好多時間淨...我地決定上番我地噚日上唔到既威靈頓山(Mount Wellington)....好彩我地噚日日落時份無冒險上咋!!因為山路好窄...同埋無燈!!得d反光柱.....個天又有少少陰....




淨係由山腳上到山頂都花左好一陣子時間....難得上到去要跟地標影個相留念呢~






跟住毛寶話要走上小山頂影相~~見d石好大舊疑似好難爬...我有少少劣~~所以我提議:不如你上去啦~~我幫你下面影上去咁會靚d架~~(懶好人)..我都影得唔錯呀~






後尾毛寶話:好靚呀呢度望落去!上黎啦~唔怕架(睇穿左我).........最尾我都係乖乖上小山(因我見其他兩名團友都上左去...無理由我咁唔型架嘛~).....上到去...咦~又真係幾靚喎~~~~~~








原來頭先由下面望上去有d好靚既彩色旗仔...佢地係寫住藏文??係咪呀??




由呢個高處望落去有好多巨石陣~

哈哈~~落個小山丘對我黎講又係一個考驗~~我真係好驚跣腳變大冬瓜....要神秘團友同毛寶扶住我落山~~~我對爬山真係無咩信心~



佢有條小徑行落去個觀照台的~




華~~~無遮無擋~~~好靚呀~~~~~咁樣望番落去荷伯特大部份市區景真係唔錯~






用iPhone影既全景模式都不錯看呢!!!!好彩有再上番黎睇睇咋~~我諗夜景仲靚~~可惜揸上山太危險了~




落番山我地就去左超市買呢晚既餸~買完我問一句:可唔可以番去之前買多打蠔呀~~~~~~團友都認可的~~去番噚日間Mures Lower Deck海鮮快餐度諗住食埋先番民宿架....點知我地發現係佢度食係AUD24.90=174.3hkd.....買走打包既話係AUD15.95=111.7hkd!!!!!...咁即係9.3hkd一隻!!!!!!!咁先係架嘛~~~~一於買走~~




另外仲買左d凍蝦番民宿加餸~~~蝦唔記得幾錢~~但記得唔係太貴的~都幾好味~~~




係澳洲我發現好難無啦啦係街買到酒的...超市無!!!有d餐廳仲會要你一定係佢餐廳範圍飲先得!!!!所以係餐廳度買左兩支Dock Cider黎送生蠔~...一支AUD6.50=45.5hkd.....華~都幾貴喎~兩支都頂到一打生蠔囉~我地係睇外表買入呢隻架~~幾型仔~~飲落女仔易入口款~番黎先係佢地網站睇到先知...原來呢隻Dock Cider佢地都係建議食生蠔時飲~仲有~係塔斯曼尼亞出架!!!仲寫明:Made only from Tasmanian fruit~~~

其實佢都有d似香檳既味~



d蝦呀~蠔呀~係前菜黎架~~~主菜係我地食過翻尋味既塔斯曼尼亞蔬菜放題~~~~~~我地唔係為左慳錢架~~係真係好味架~~佢地d磨菇又係唔知搞咩咁好食~~仲買左罐湯同烤左麵包~




平時去旅行都好鐘意買超市d小杯甜品試~但.....左邊的....一般....右邊的焦糖布甸.......未食過咁難食既焦糖布甸呢!!!失望!!!(有人好俾心機玩緊Tsum Tsum~~~~隻手快到~)







好開心呀~聽日係5月1日勞動節~~
放假~~~
聽日我係唔會去睇show~亦唔會去遊行~
平時已經夠勞動了~~聽日梗係懶懶閒咁過啦~~~



噚晚好情深款款....
手機踏正12點...即刻衝入430穿梭機生日既小朋友房..
我:媽~生日快樂~身體健康呀~
媽:(眼看著電話一路玩tsum tsum一路應我)多謝哂~
媽.....你變壞了~



2014/04/30的開心事:
今日我睇到噚日篇blog~
有個新blog友debby留言話佢朋友好喜歡看我blog~
內容好搞笑~
雖然寫blog預左實有人喜歡看..有人覺得我無聊..
但有人講出喜歡看我blog..
還是蠻開心的一件事嘛~野~
謝謝支持我的各位!!!
人地會好俾心機打架喇~



報時:距離日本東京自由行之旅2014仲有---53日~

28 則留言:

  1. 果支酒好靚呀~~~你地好叻買岩酒送生蠔^^
    毛寶唔洗失望~~留返下次再去啦 ^^

    回覆刪除
    回覆
    1. 我睇左個留言啦~~真係架~~~睇你BLOG吸收到好多旅遊資訊呢
      BABY令我獲益良多添~~
      仲有~~祝BABY媽咪生日快樂^^ TSUMTSUM高分D XDDD

      刪除
    2. wakakakak~我地以貌取物成功~~~
      係啦~旅程最完美就係...有少少遺憾嘛~

      刪除
    3. 哈哈~其實大家係blog交流幾好呀~我都係大家既blog睇到好多新資訊的~~~旅遊野又有~好開心~
      你都帶左好多新既旅遊野我知架~~~泰國我好耐無去過~韓國都年幾無去~我都有跟你去旅行架~*3*
      謝謝你對媽媽的祝福~~~~尤其tsumtsum那部份~~~~~

      刪除
  2. 首先祝aunt生日快樂,身体健康,青春長駐先^^
    Aunt真係好搞鬼!!!!!!!!!!!!!
    外國好多超市都無酒賣,要去有酒牌地方先有。
    個境都幾好丫,最衰係陰天囉,仲咁大舊烏雲~

    回覆刪除
    回覆
    1. 多謝你呀~代我娘親謝過~~~~~
      係呀~~佢個人咁大...但佢傻傻地架~我就係鐘意佢又喪又傻~幾可愛~
      係啦~~又見識多左野~
      都好好啦~唔怕落雨就得架喇~~因為如果落大雨都根本上唔到~

      刪除
  3. ER~睇泥4月30號呢日真係好特別~~
    我朋友又生日,我老師又生日,估唔到你媽咪又係呢日生日!!
    而且今日係學校80週年文藝晚會呀!!~
    種有提早出咗IFT既結局同澳大教育系有冇得面試...但我...T^T

    回覆刪除
    回覆
    1. 哈哈~~係啦~又真係幾多人生日喎~
      其實我都唔知有飛賣~如果唔係都有興趣去看看~你有無去睇?
      下?!點呀??

      刪除
  4. 妳的日本東京自由行之旅仲有---53日、而我的日本東京自由行之旅仲有---153日、希望可以去啦
    妳病就唔四周圍去啦、係屋企休息下~~~~乘下
    祝妳媽媽身体健康,開心快活、生日快樂

    回覆刪除
    回覆
    1. 你今次去玩定參加左馬拉松呀??去得成既~加油~
      謝謝你呀~~~~

      刪除
    2. 我去食、食、食~~~~減肥應該完結嗎....hehehe

      刪除
  5. 小t 媽媽生日快樂•*❀•*\(◕ε⌒* )/✿・。幸福開心快樂天天前進

    回覆刪除
  6. 嘩嘩啦...咁樣望荷伯特無遮無擋...我都話好靚呀

    回覆刪除
  7. 祝小t媽咪生日快樂 青春常駐 身體健康 ^^

    回覆刪除
  8. 個景真係好靚....令人有種心曠神怡既感覺,好正!!
    D蠔....好想食

    回覆刪除
    回覆
    1. 無錯~開揚的景~好靚~
      塔斯曼尼亞d蠔確係唔錯~

      刪除
  9. 哈哈我都喜歡睇你個卜😚 喜歡你帶我遊世界!

    回覆刪除
  10. 我每次去玩, 中午大多唔會慢慢嘆, 大多都會食快D, 省時間可以週圍去.

    回覆刪除
    回覆
    1. 哈哈~我地就通常中午慢慢嘆~因為外國通常夜晚出去食都貴d~~~~

      刪除
    2. 我夜晚買回來, 自己慢慢嘆呢, 生蠔呀, 炸雞呀, 青菜呀

      刪除
  11. 祝小t媽咪生日快樂.生左個咁乖嘅女,真係福氣呀!
    我好支持你架,係你頭號fans黎!

    回覆刪除
    回覆
    1. 呀~~好衰架~~又讚人既~好多謝你呀~
      多謝~~~~~~支持我~~~~

      刪除
  12. 我都好鐘意睇妳個blog, 遊記又like(自己去唔到, 睇吓都開心), 剛剛又返睇妳d澳門美食, 仲跟左去添...好有好唔好味喇....

    回覆刪除
  13. 你上到小山影果張相好靚呀,個景真係無得輸~~~
    補祝你媽媽生日快樂,每天都開開心心、身體健康 ^.^

    回覆刪除