2014年4月29日 星期二

澳洲探險自由行之旅2014-03-24第三天Part 2(時陰時晴)

今日係真係好~~~可能d人逼哂係噚日黎~今日無咁辛苦~~~噚日呀~好多謝我個blog既管理員呀~幫我睇到係我之前既法國blog有人問我野~~~我先知咋~~如果唔係就好無禮貌無答人問題喇~~真係唔該哂我個管理員呀~其實有時呢~~我會miss左好多人留言問我之前旅遊blog d野架~~~我唔係唔想答問題~~係如果留係我之前哥d blog就有可能我會好傻仔咁睇唔到~~~~~如果有關之前旅行d野問我可以係我最新哥篇blog話聲我知留左言啦~~~我一定會答你架~~~



2014/03/24
Day 3---Part 2(塔斯曼尼亞,荷伯特 Tasmania,Hobart->侯恩道 Huonville->荷伯特 Hobart)
好喇~行完Airwalk之後~我地就番去買飛哥個Forest & Heritage Centre隔離間郵局度寄埋postcard先~




又沿路番去荷伯特(Hobart).....咁經過侯恩道(Huonville)既時候......公路既左右兩旁都會有好多路邊自助蘋果店的~咁都幾過癮既~~~又無人看住架喎~淨係得個錢箱~靠你自己自覺放錢入去買蘋果的~~咁係書度見到咁過癮~咪去試下囉~呢程車係神秘團友粉墨登場揸車架我記得~點解我咁記得?因為佢話....對一上次揸車.....係.........8年之前~~~~~~~~唔係唔留神下嘛~~~我地一話見到有自助蘋果店...佢就拓海上身一野西埋個檔度~~~~嚇到d女仔標哂尿咁滯~~~~~原來佢有一大袋蘋果或者一大袋既梨賣~由於我地話咁多蘋果好難搞掂~於是就買左袋梨試下~因為好似梨幾解渴咁嘛~都幾平...AUD2=14hkd......不過一咬.....唔...唔甜既~~~又無梨味~~~我地稱佢為--->x梨......(唔好問我係咩~我唔會答的~)....唯一好處係多水咋~






好喇~其實我地既下一站就係去....食飯~~~~我地去一個酒莊度食飯呀~~~我第一次咋~~~個酒莊叫Home Hill Vineyard & Winery....地址:38 Nairn Street, Ranelagh, TAS 7109, Australia......電話:+61-3-6264-1200....營業時間:12:00-15:00...18:00至深夜(晚餐只在星期五及六供應..仲要預先預約)...網址.....咦~又突然藍天既~




泊好車就快步跑入去食野啦~~唔知點解去旅行哥時特別肚餓既~~




環境感覺幾開揚~同埋夠哂光猛~






話哂黎到酒莊~都要叫少少酒黎飲既~司機們都好乖的~只飲了一口~(前)2011 Home Hill Ms Daisy Sparkling Cuvee.....AUD11=77hkd(Glass)....呢個我揀既~甜甜地~都幾好飲~....(後)2011 Home Hill Kelly's Sparkling Cuvee......AUD11=77hkd(Glass)......呢個就朗公子揀既~呢個飲落個口感就好似比較dry~




Organic Sparkling Apple....AUD4.50=31.5hkd...呢個係神秘團友叫既~唔錯喎~幾好飲~




前菜~Premium Tasmania Smoked Salmon with Citrus, Fennel Chilli Pickle & Pear Nectar...AUD22=154hkd...話實在~呢個真係唔錯~幾好食~d黃色哥d係咩呢??酸酸地的~幾開胃~




Duck & Vine Leaf Spring Roll with Plum Ginger Dipping Sauce...AUD21=147hkd....估唔到外國人整既春卷都幾好味喎~裏面有d鴨絲有d香葉咁既~~點埋個酸酸甜甜既汁~~我食左好多~




傻左~呢個係第3個前菜~Huon Valley Taste Plate....one person AUD20=140hkd each additional person AUD16=112hkd.....我地叫左兩位...即係AUD36=252hkd...taste plate就咩都有d~可以試下~~我幾鐘意食d橄欖~飲下酒咁~幾正~

講真~食完前菜都飽咁少少喇~



好喇~到主菜~Kangaroo & Beef Skewers cooked on the Char with Smoky Eggplant, Bittersweet Cats Tongue Dark Chocolate Ganache, Pickled Pear Salad....AUD30=210hkd.....澳洲名物袋鼠....侍應推介我地食的.....佢話好好味...諗住黎到就試下啦...食落其實味道唔錯...前面有大針串住哥個好味d....後面哥條黑munk munk有少少鞋~仲有pat醬好似呠呠~不過係朱古力整出黎既醬~點埋黎食幾好味~




Chargrilled Beef Tenderloin with Mushroom Duxelle, Horseradish Remoulade, Soft Polenta & Gorgonzola(你笑我都係咁話~呢個咁長既餸名我有好多粒字都唔識~~~~~).....AUD36=252hkd....我地叫左medium rare...因為實在唔鐘意食太熟既牛扒~不過我覺得呢舊都係有d熟~但係團友們都幾enjoy~因為佢地話舊牛既肉味好濃~而且呢個價錢也不貴呀~




仲有第三個主菜~我地真係好食力~Pan Seared Huon Ocean Trout Smothered in Herbs with Silverbeet, Potatoes & Miso Dressing...AUD32=224hkd...佢地整魚真係整得好好味~~~~




食左咁多野~已經再叫唔落甜品~重點係我地無食淨野~~~好強呀~~~~呢餐食左AUD203.50=1424.5hkd....上網睇話唔使俾貼士的~除非你覺得個侍應做得好好先俾~~而且佢地通常都有加一~~每人食左356.2hkd~算係咁啦~~~兩杯酒1杯果汁3個前菜3個主菜....先300幾~抵~仲要碟碟都超大碟~呢度仲有得買佢地酒莊出既酒~有興趣可看看~不過我實在唔想買酒呢樣咁重既野~你知啦~往後仲有好多日既行程~~~~有排搬~




餐廳出面仲有個好大既草地架~~而佢地養既係......睇到無?估下~




係好靚仔既草泥馬呀~~~~~~~






你睇下你~~~~連行步路都靚仔過人~~~~好奔放呀~~~我喜歡~~~






睇下呢隻~坐係度冷眼看旁觀~~~~~~招招積咁~









點算呀~~~
人地知道左大阪呀...
環球片場呀...
會係7月開哈利阿波既主題樂園呀~~~~~
我好想去呀!!!!!!!
我要著阿波衫呀!!!!
我要飲奶油啤呀~~~~~
好想好想~~~~
好想11月就去~~~~~



2014/04/29的開心事:
工作中~帶一點輕鬆~
媽媽聽日生日~~~出街慶祝去~~~
番埋聽日又放個5月1日~正~
諗起都開心~



報時:距離日本東京自由行之旅2014仲有---54日~

53 則留言:

  1. 好丫好丫11月去丫^^ ^^ ^^

    回覆刪除
  2. 我都好多地方想去呀
    Hahahaha 旅行真係會上癮

    回覆刪除
    回覆
    1. 係呀~~~呢d自由行係一發不可收拾的呢~~~

      刪除
  3. 前菜~春卷~第3個前菜都好好味咁\(◕ε⌒* )/

    回覆刪除
  4. 淨係睇你開頭果段嘢就知你份人好熱誠,有問必答,我無follow錯你^^ (又讚你啦,係咪飄飄然呢)
    ok喎,d食物樣又靚又好味,個view又正,食完行吓草地睇吓草泥馬,good呀
    請問第一張相係咩,寄post card的嗎,下面d櫃又好似大d喎,好似locker咁,点用架, (唔好笑我呀,我見識少..........)

    回覆刪除
    回覆
    1. 野~~~~梗係有啦~~~~好衰架~~~~~讚人既~~(花痴mode中~)
      係呀~d野食真係唔錯呀!!!!我到依家仲記住~~好味~係呀~~~~我好鐘意草泥馬呀~~好帥~
      其實唔係郵筒黎架~係人地收信d郵箱~係郵局出面~我見毛寶影得靚~我又無影郵局既相~咪放係我想打哥段字度囉~~~~wakakaka~~令你誤會了添~

      刪除
  5. 前菜好正!
    草泥馬好可愛~~~~~~
    祝您媽媽生日快樂!

    回覆刪除
    回覆
    1. 係呀好正呀~~
      我都好鐘意草泥馬呀~~
      謝謝你呀~

      刪除
  6. 個的好似唔係馬喎,好似係安哥拉高山羊!

    回覆刪除
    回覆
    1. 草泥馬係一個俗名..佢唔係馬黎架~
      佢個正名係羊駝~屬偶蹄目駱駝科~貌似綿羊~好靚仔~

      刪除
  7. 嘩,酒莊都有咁有水準嘅餐廳,難得,其實taste plate都好大碟吓喎,我鍾意鴨絲春卷。至於main course,我會揀beef tenderloin,不過會要well done,太生我會肚痾。Trout都唔錯。其實都算抵啦,叫咗咁多嘢食,你哋都幾擦得㗎喎,哈哈。羊駝呀,好得意,佢哋啲樣其實好搞嘢㗎。

    回覆刪除
    回覆
    1. 係呀~我覺得幾正~係呀~~好大碟~不過哥個係二人份~但我覺得幾正~~~~
      春卷簡直驚為天人~估唔到炸得咁好食~
      下~係呀~我唔鐘意食太熟的牛扒~團友們都係~
      係呀~~~~~~~我地真係幾食得~~不過已經無食甜品架喇~~~~
      無錯~~佢地真係好帥好靚仔~~

      刪除
  8. 呢餐好似唔錯喎~~~吸死我啦

    回覆刪除
  9. 春卷加vine leaf.... 剛才查過, 原來春天的VINE LEAF 係可以食得, 我相信唔單只春卷內的VINE LEAF 食得, 塾住果塊VINE LEAF都食得.

    回覆刪除
    回覆
    1. 即係唔係春天既唔食得??
      哈哈~~咁我地又無食墊住春卷塊葉喎~

      刪除
    2. 你春卷裡也有VINE LEAF.... 春天VINE LEAF 嫩D嘛, 可以食的..... 好似潮州欖菜咁啦

      刪除
    3. 咁唔係春天的係唔食得架?

      刪除
    4. 一到夏天, 塊葉長老左, 口感唔好食嘛

      刪除
  10. 草泥馬,成隻睇似羊,剩睇個頭似駱駝。

    回覆刪除
    回覆
    1. 所以佢正名叫羊駝~~~~wakakakakkaka~

      刪除
  11. 呢餐都好正,一啲都唔貴,重點係好食同大份.
    估唔到澳洲都會有草泥馬,我好鍾意動物,俾我見到實開心死.
    你媽咪生日同我差3日咋,過幾日輪到我lu,不過好似無人記得呢.....傷心呀!

    回覆刪除
    回覆
    1. 係呀~~~真係好大份呀~~~~
      係呀!!!!!!!好得意呀!!!超鐘意佢地~~個樣好有個性~~~
      唔好咁啦~~可能佢地想俾驚喜你呀~~~我預祝你生日快樂先啦~鍚鍚~

      刪除
    2. *3*希望你同我媽媽都身體健康~生活愉快~閤家平安~(夠唔夠老土~)

      刪除
  12. hihi~小t~我friend(女仔嚟ge)成日都睇你個blog吸收旅遊同美食訊息架~次次睇完佢都成日系度大叫羡慕~搞到公司個個都無曬佢乎~
    由於佢日日睇日日贊又無留言wor,為左比你知道你有一個你好忠實ge粉絲 plus 一群受佢感染+燻陶+日念夜念而認識你的。。um。。人群?!,所以我特登開個a/c幫佢留言比個贊你啦 (順便借機比埋佢睇,等佢知佢d梵音幾煩啦~呵呵呵XD)

    回覆刪除
    回覆
    1. hi~
      好多謝你留言話我知呀~我開心左成個下午~
      有人支持打blog係開心d既~~~~
      希望大家得閒繼續黎我個blog探我啦~

      刪除
    2. 我地剛才睇到你個留言笑到趴左系度,即刻回留,點知refresh之後個留言竟然消失於空氣中*_*

      刪除
    3. hihi 小T,我就係樓上黃小姐提及戈位忠實粉絲KK,其實我都係透過另一位同事認識到您嘅精彩遊記,真係好好睇,要俾個爆趣您!!!

      P.S. 經我努力幫您推blog,我地部門起碼已有六至八個同事久仰您大名...繼續加油.....hehe

      刪除
    4. 哈哈~但我想講我個mail收到你之前個留言呀~但係呢度先睇唔到~~~~
      原來你地都係澳門人黎架~~~~很高興認識你地~
      食評係個人口味咋~~~~~~哈哈~~~~~

      刪除
    5. hi~kk~
      謝謝kk你現身黎留言俾我呀~~~wakakaka~希望大家唔巧覺得我太低b~~~
      多謝你幫我promo個blog呀~
      XD

      刪除
  13. 嘩, 草泥馬超得意呀, 搞到我好想買隻草泥馬公仔返屋企.............

    去啦去啦, 11 月去大板啦~~

    回覆刪除
    回覆
    1. 係呀!!!!澳洲有好多草泥馬公仔的!!!d毛超級滑~~~確係做得幾可愛的~
      野~~~唔好引人地啦~~~

      刪除
  14. Hi小t!㳟喜妳喇!愈來愈多fans呀妳!努力寫blog終於有回報喇!酒莊呢餐唔錯喎!Organic Sparkling Apple,好似好吸引呀!價錢又唔貴!埋單每人都是$300幾好低!草泥馬巧可愛喎!補祝妳媽咪生日快樂!身體健康!大板都好好玩架!一於十一月去啦!bye!!!!

    回覆刪除
    回覆
    1. 係呀呢餐真係幾好味..同埋價錢合理

      刪除
  15. 我想試春卷同牛扒呀~~還有想渴酒, 解愁!
    草泥馬好短毛呀, 北海道嗰啲毛好厚
    gogogo, 就 11 月去啦!

    回覆刪除
    回覆
    1. 你有品味~~~兩樣都好正~~~~hey~好多愁咩~
      哎呀~~~人地都好想睇厚毛既草泥馬呀!!!佢地個樣真係有個性既je~~~~
      野~~唔好引人啦~~~

      刪除
  16. 留言..留言..wakaka...
    仲諗住澳洲d水果一定又甜又多汁tim..但袋梨竟然冇味..真係too bad
    酒莊個餐好唔錯wor..價錢又ok, 仲有草泥馬睇tim..其實俾唔俾行埋佢地度摸下gar?
    harry potter主題樂園....平時既環球片場我冇乜興趣..但有佢就唔同講法wor..貢搞我又要諗屎la, 究竟澳洲? 日本? 澳洲? 日本...得個9日..去澳洲其實又少左d.... *~*
    *祝你媽咪happy birthday ar!!!

    回覆刪除
    回覆
    1. 係啦...仲以為佢咩生果都好味添~輸了~
      係呀!!!!仲好大碟哥下先抵~連我都飽了~...有欄架~我地無摸到呀好乖~
      係呀...我唔鐘意日本個環球片場架...但有阿波我就超想去喇!!!!!!!!!!
      9日去澳洲又真係少得滯...咁日本啦~~~~~~~
      多謝你呀~~~

      刪除
  17. 你仲有咩好嘢吖,個梨肯定係x你!!
    馬草泥好怪相......
    你又會咁易撞到六公,係咪喺行去荷蘭園條路?

    回覆刪除
    回覆
    1. 我都話我係唔會講x梨係咩架啦~你估到咩咪係咩囉~
      唔係馬草泥呀..係草泥馬呀!!!超靚仔!!個樣超有個性的!!
      係呀~我好易撞到佢架~你唔恨得咁多~

      刪除
    2. 超,我呀,要見貞公實見到架,但我要型啲浪漫啲先等偶遇之嘛

      刪除
  18. 有白色啡色........好得意呀!個樣好得意~~

    回覆刪除
    回覆
    1. 佢地個樣真係望完好值得人深思~點解佢地既表情可以咁過癮~~~

      刪除
  19. 酒莊食飯正呀! ! !見到你啲相我都流曬口水啦 ^.^
    咩話?哈利波特?!嘩,好想去呀~~~

    回覆刪除