2014年4月28日 星期一

澳洲探險自由行之旅2014-03-24第三天Part 1(時陰時晴)

今日多野到到想嘔~~~但係淨係我地哥邊咋喎~奇怪~~~幾時先會得閒d呀~~~~~~星期六:去左食匠拉麵~一直都試唔到因為我地去到佢成日都話賣哂~都唔錯~...->花茶覆診~佢話我好快會身體好番~~...->多謝毛寶幫我剪頭髮~~...->約大學同學食生日飯~去左陸咖啡~~慶祝快樂奔3(唔係我呀)~~~~星期日:譽路八set~明太子飯團真係真係好好味~~...->夜晚某神秘團友請我和媽媽食飯~幫媽媽提早慶生~~佢真係有心~~~



2014/03/24

Day 3---Part 1(塔斯曼尼亞,荷伯特 Tasmania,Hobart->侯恩道 Huonville->荷伯特 Hobart)
早晨~~塔斯曼尼亞的初秋黎明都好像來得比較晚....一般呢個天色要成7點半左右先會見到~




噚晚係超市買左d料第二朝由我整早餐~係咪好樣衰呀~~~~團友話我太重料...個個女仔都話朝早一起身食唔到咁多野...我諗我是一個另外~




好~!食飽飽出發~~~~~今日都好似好好天喎~萬里無雲狀~




好~第一站~就係黎到屬國家公園既塔胡恩森林(Tahune Forest)度參觀~同埋要行佢個塔胡恩空中走道(Tahune Air Walk).....由於係塔胡恩森林裏面有好多上百甚至上千年既大樹....當中既桉樹係全世界最高既開花植物~所以係呢條Air Walk度行先可以睇清楚d樹~首先黎到呢個Forest & Heritage Centre度買Air Walk既飛~地址:Tahune Forest Reserve Arve Road, Geeveston, TAS 7116, Australia...電話:+61-3-6297-0068...成人AUD24=168hkd...5-16歲小童AUD12=84hkd....網址....營業時間請上網查閱~因唔同既月份唔同~




幾過癮喎~佢張入場卷係postcard黎架喎~~~玩完仲可以係個centre對面間郵局寄埋佢~~~~(賣飛個姨姨面口好黑~)




但係係個centre度買完飛佢會俾張地圖你....沿路去玩Airwalk都會有唔同既景點....如果唔停哥d小景點就由centre去到入口都要揸多10幾分鐘去入口~因為條路有限速~唔可以揸咁快~咦...唔係藍天白雲既咩?????咁陰天既突然間?




呢度就係入口喇~~~俾張飛佢睇就可以行入去架喇~(行左邊..右邊係賣紀念品加cafe)




呢條就係叫做侯恩河(Huon River)....做咩咁陰天我都帶墨鏡??因為我帶左大眼仔毛寶話我好樣衰影唔落手;目








呢條河既特點係......你睇真d河水!!!!!!啡色架喎!!!!!!啡到....以為佢有事有污染~~~但原來呢條河之所以係啡色...係因為佢含豐富既丹寧(Tannin)....紅酒裏面既成份黎架~~~呢條河既河水又被稱為塔斯茶(Tasmanian Tea)....書度講...入口係甘甜的....但當時.....我真係無勇氣試呀~~~你地會唔會試呀??





啡到咁喎??都試???



好喇~影完咁神奇既河水~我地就深入深林去搵我地要行既Airwalk喇~




沿路行.....發現d樹真係勁高勁大~有d仲高到唔見頂既!!!佢仲有指示牌話你知係咩樹(雖然睇完我都係唔知咩樹~)....係呢度...吸啖氣都舒服d既!!!








有d路如果無啦啦有樹幹倒塌擋住去路既話佢地係唔會搬開佢的....只會好似呢幅圖咁樣將佢中間斬開...俾人過到就算...

我又好想出呢張相....但我個樣又好衰~唯有用帥帥的Line詹姆士黎幫幫我~



毛寶影既相真係好有味道~




好~到了Airwalk的起點了~由入口行到呢度....慢行既話大約10多分鐘左右~






行左一條直路....見前面對情侶裝裝下下面....先知原來呢度有棵Wishing Tree係度~就好似日本d神社咁.....許願...然後用硬幣拋樹幹....如果硬幣落係樹幹就會願望成真啦~不過....其實棵樹同條橋既距離唔係好近的....超難拋...又唔就手~我試過兩次....個拋物線諗得幾靚...都係拋唔到的....佢地笑我兩個硬幣銀碼太細所以先會拋唔到的~~~~~哈哈~~~痴線架






玩完就再一直行~如果唔係行Airwalk...唔會睇得d樹咁清楚的~但d樹一年只生長1mm.....你地到底幾歲??






呢個就係Airwalk既盡頭~行起黎呢段路係有d搖晃的....我有點細膽~~~~






紅色衫就係神秘團友喇~~~睇唔睇到佢呀~~~wakakakaka~唔使驚~~遲下有近鏡~~






盡頭呢個位就可以睇到The Picton同埋Huon兩條河由遠至近直至匯合為一....實在有點搖晃~都係番埋去先~~最衰天色麻麻.....明明出門口好好天架~~~~






毛寶係呢度幫我影既靚相~正面哥張相佢不停大叫我:喂...個樣無辜d!!!!(我想問下無辜樣係咩呀?!?!我淨係識伸長條頸扮龜咋喎...)....再無辜d啦...個口少少mark大....好...岩喇..唔好郁.................................唔....各位覺得我個樣夠唔夠無辜呀:]...哈哈~~呢個樣擺明係俾佢話完我唔識擺pose個樣黎既~仲有我雙手揸拳~~可能我當時好嬲~~~~



其實塔胡恩森林(Tahune Forest)除左Airwalk之外仲有好多其他野玩的~有滑翔翼(Eagle Han Glidng)....快艇(Jet Boat)等等~不過你知啦~樣樣都係錢嘛~~咁我地就揀樣最平既玩過下癮就得架喇~~~









2014/04/28的開心事:
放工的時候可以見到毛寶~
回家的時間見到貞貞~
講幾句已經覺得好開心~



報時:距離日本東京自由行之旅2014仲有---55日~

仲係咩都未諗~

38 則留言:

  1. 啲啡河水我肯肯定會試.
    很喜歡樹林......個無辜樣有啲殺氣.

    回覆刪除
    回覆
    1. 唔係呀下....我唔敢呀....因為真係驚肚痾之類..我淨係敢掂下佢咋~
      我俾佢話左好耐唔夠無辜係有d嬲架喇~

      刪除
  2. Baby好瘦呀~~~~~由其係配左james頭果張
    腿超瘦呢 >3< 我覺得好宏偉呀成個公園~~~ 係可惜天陰 >_<

    回覆刪除
    回覆
    1. 無呀~~~~成個肉身超肥呀~~~毛寶把我拍瘦了~
      係啦~~~我都想睇下晴天會係點~

      刪除
  3. 原來呢條就係叫做侯恩河...不過冇花花得D草草樹林呢

    回覆刪除
    回覆
    1. 係呀~呢個國家公園主要係睇d靚樹呢~

      刪除
  4. XD~無辜樣??我覺得。。好似一隻黑熊XD
    貞回家的路途遇見你,真係大滿足丫!我一路行,一路唸,你真係一個很能發放正能量的人,見到你,唔知點解就好開心lu~~~~

    回覆刪除
    回覆
    1. 哈哈~~~都幾似黑熊喎~~~成身肉~~~
      真的嗎~~~貞咁讚我我好開心~我每次見到貞都好開心的~~

      刪除
  5. Air Walk好玩喎,居高臨下,成個大自然境色,盡入眼簾。駛唔駛行30分鐘呀?如果對頭有人,其實條路都幾窄喎。啲樹有幾歲,最好睇年輪啦。再唔係,就用你比嘅資料估計吓,睇嗰度的樹起碼有十層樓高,當一層樓有3米高,即係一棵樹起碼有30米高。以你話一棵樹一年生長1mm,咁咪至少有30,000年歷史(30 x 1,000)。但我諗應該冇咁耐,所以一棵樹一年生長唔止1mm,起碼有1呎。我諗gliding幾好玩喎,貴唔貴㗎?

    回覆刪除
    回覆
    1. 行下又停低下影相~應該就20-30分鐘左右啦~唔算耐~應該都係一邊入一邊出既~不過我地去哥日無咩人~得我地....同見到既另外4個人咋~~~~可能我地早卦~
      我都真係唔知佢地幾歲~~~但真係好高~~~~~哈哈~~~
      個glidind成人要AUD33=231hkd~

      刪除
  6. 見你地都著得厚厚地,係咪好涼呀
    响橋上面睇境好靚呀
    你個無辜樣..........哈哈哈................好鬼好笑呀,不過你塊面影得好尖好瘦喎

    回覆刪除
    回覆
    1. 哥日去到國家公園因為陰天所以都涼涼地的~
      係呀~~~因為d樹好高~一定要行呢個先睇到佢地啦~
      多謝毛寶影瘦我~我俾佢話左好耐唔夠無辜係有d嬲架喇~

      刪除
  7. 點解咁多神秘團友???.........

    回覆刪除
    回覆
    1. 因為大家都唔想俾人知同我地去旅行~~~我地真係唔見得光~

      刪除
  8. 無辜樣......相信毛寶想要時裝雜誌效果
    不過在這環境這氣氛下拍人像可拍足一天

    回覆刪除
    回覆
    1. 我俾佢話左好耐唔夠無辜係有d嬲架喇~
      可惜模特兒唔夠靚~

      刪除
  9. 哈哈~~點解要個無辜樣影相既~~~難道毛寶覺得無辜樣先襯個森林!?~~~

    回覆刪除
    回覆
    1. 哈哈~~我都唔知點解~~等我問下佢先~~~

      刪除
  10. 我就覺得張相影得妳好迷惘啦!妳地行呢D公園唔驚會有D野獸走出黎架!

    回覆刪除
    回覆
    1. 我俾佢話左好耐唔夠無辜係有d嬲架喇~
      咁又係野獸既~不過袋鼠就話唔定~

      刪除
  11. 個天影得好靚, 使唔使要曝光架?

    回覆刪除
  12. 哈哈,我都好想知無辜樣係點呀?叫毛寶自己示範吓!

    回覆刪除
    回覆
    1. 係呀...佢叫我做哥時我都好苦惱....即係咩呀~~~~
      d攝影師真係難服侍呀~~~

      刪除
  13. Hi 小t,Tasmania,Hobart,是否天氣很凍嗎?我見妳著很多衫!載黑鏡張相好有明星feel 呀!很特別喎!成條河水是啡色,無辜樣張相影得妳好瘦呀!妳一d都唔肥喎!點解要仲要減肥喇?好啦!神秘人個樣就有得睇啦!正 bye!!'

    回覆刪除
    回覆
    1. 唔算好凍既..不過陰天就有d涼涼地
      係影得瘦咋

      刪除
  14. 點解真係個天會陰咗既,明明之前都好地地架。
    啡色既河水堅唔會試囉,旅行病係好辛苦,泣,所以唔敢搏~~
    無辜樣似想殺人咁喎!!!

    回覆刪除
    回覆
    1. 佢d天氣其實變得幾快~真係好突然~
      係啦我都驚呀...因間有個嘔..有個肚痾個行程都唔知想點....
      我俾佢話左好耐唔夠無辜係有d嬲架喇~

      刪除
  15. 神秘團友好細粒(張相),佢好高喎!

    回覆刪除
    回覆
    1. 哈哈~~遲d有清楚d~
      佢矮我少少咁多~

      刪除
  16. 我見在樹林上架空步行天橋好得意,
    喺電視特輯見過,
    居高臨下,可以睇得好正!

    回覆刪除
    回覆
    1. 係呀~因為高d先可以睇清楚d樹~~~~

      刪除
  17. 毛寶同你剪左乜髮型先? 奔3係乜? 你那位紅色神秘人物真係影得好細

    回覆刪除
    回覆
    1. 無呀~咪都係差唔多既髮型咋~
      奔3即係....歲數去到30~
      哈哈~遲下有近鏡~

      刪除
  18. 毛寶是髮型設計師呢!
    帶墨鏡? 幪面超人就真,哈哈哈
    您哋好健康呀D活動~~~~~~~~

    回覆刪除
    回覆
    1. 哈哈~佢真係好叻~成日幫我剪髮~

      刪除
  19. 張入場券好正,我都有'去旅行寄postcard'既習慣

    回覆刪除