2014年4月23日 星期三

澳洲探險自由行之旅2014-03-22第一天(陰天)

今日下午做左30個團體......好攰~不過勝在唔使用腦諗....做d一式一樣既野~~~



寫之前又要計一計今次影左幾多相先~其實又唔係好多喎....我的相機2157張+毛寶的Lomo菲林機119張+我和毛寶的iPhone542張=2818張~真係好少喎...去咁多日....3000張都唔過....今次毛寶仲只係影左4筒菲林....少到~~仲要有d曬唔到....可惜~好啦~要出發了~~~~~~~~~~~~~~~~~~~~~~~



2014-03-22

Day 1(澳門 Macau->香港 Hong Kong->澳洲,悉尼 Australia,Sydney)
當日呢~我地係搭夜晚機既~咁飛之前最少3小時哥班機場船($246hkd)就係15:45....要早一個鐘到寄行李....所以呢日我地14:45就到左澳門港澳碼頭了~~我係出發之前係屋企食左兩個包~~~至於點解要食兩個包...因為我懶囉~唔想開爐煮~~好喇~~~講講今次的團友先~~~有我啦~毛寶啦~朗公子啦~同埋.........仲有我其一位好神秘的神秘團友~~~~~~今次不再神秘~~~佢會有機會現身...哈哈~~睇睇個gip~大家都好乖~只帶了中gip....神秘團友帶左個小gip....原因是我地自駕遊怕架車裝唔哂咁多個大gip~




wow~神秘團友出現了少少真身~~~~哈哈~~呢張相我係要好好紀念我的膚色......澳洲的紫外線真的超強!!!!!!我今次係去咁多次旅行黎講曬得最傷的!!!!!!!!!!!!




到了~係禁區內check-in~今次我地揀左搭維珍航空(Virgin Atlanticn Airways).....其實點解會呢3間航空公司可以同一counter check-in既??我諗左好耐~~咁佢地3間航空公司有關連既??定還是地勤人員都係機場請的再分派係呢度?!?!我認我有諗一陣~

記得過左檢查後去退番船飛d稅呀~有成$120架~夠係機場食飯~(只限搭直入機場哥d船~普通哥d無架~)



我地既航班係VS200....19:20起飛~我又要講下維珍航空呢....我地買左機票無耐....就睇到佢賣新聞...話佢由2014-05-05起會將悉尼-香港既航班取消...原因係無咩肉食....我幾驚係cut到去我去哥時呀...到時去有得去...番黎要再搵另一航班都夠煩!!(雖然佢有得退款).....同埋我真係嬲嬲地維珍航空令我簽左個貴既簽證囉!!!...有關我簽證的瘀事...請按我




今次我地係香港機場又唔近19號閘既food court...由於時時問題....我又食唔到勝博殿...食左個魚蛋粉既物體....難食到呀...樣已經衰...仲要難食.......相都費事放~




wow~~~我地3兄弟第一次去到咁遠自由行架~~~~好興奮呀~~~~





哎呀~寶寶同囉jer同炳門都好靚仔呀~~~~~~~



係呢~唔知點解依家d航班提早左咁多登機既??以前應該係起飛前半小時...依家就大約起飛前45-60分鐘要登機!!要為了要更準時起飛嗎??如果係我都唔介意咁早登機既~~今次我既戰友係葡國護照~~~我好耐無用過葡國護照去旅行喇~~如果唔係澳洲簽證葡國護照比特區護照平...我先唔會續呢~~因為成8xxmop的~~~~




好癲.....維珍d位窄到..........我好似未坐過咁窄既位....真係好窄.....我咁矮都覺得窄!!!!!!都唔知d外國人點坐?!?!!?第一餐飛機餐係最好食的!!頭盤係salad with balsamic vinaigrette dressing....超級好食呢隻汁食完勁開胃~~沙律又夠新鮮!!勁讚~~主菜係pasta whth Courgette..汁是蕃茄和意大利芝士~~唔錯喎~~無肉架~~不過我嫌太細份...得哥兩啖就食完~但我好開心佢牛油係我鐘意既牌子~~我真係好鐘意食呢隻牛油架~~~~~~~但我今次竟然飲lemonade無飲酒喎~




好奇怪...甜品係分開上的!!甜品係樹莓奶油慕斯布丁...可配熱朱古力或茶....麻麻地..........而且佢地既收餐速度係勁快的....往往我未食完已經見到佢地係前面收餐盤(汗)~




成程機....我淨係睇左一套戲...係佢機上面有的....回到最愛的一天(About Time).....係呀...我之前係戲院睇過架喇...仲要喊到呢...我係機上揀重睇呢套戲真係好唔理智.....我以為我唔會再喊........點知喊得仲勁過第一次睇....無計...佢有段講男主角同佢老豆話別哥幕....我真的眼淚狂飆(西鬼).....我重要喊到要趴係隔離位的大腿上...係喊到抽搐哥隻....係機上面都係唔好睇d令人喊既戲會好d....我隻眼喊到腫哂....我想起了爸爸...好掛住佢~仲要好耐先平伏番~此時望一望窗外....真係好多星星呀!!!!!!好靚呀!!!!!!




好啦~訓之前我就填下入境表先~佢地張入境表就唔算太難填既~因為除左英文版之外仲有中文版的~挺貼心~不過有條問題....就睇得出佢地對入境既任何野都好嚴....其中一題係問:你進入澳大利亞是否攜帶了土壤,黏有泥土的物品或者在淡水區使用過的物品,例如體育﹑娛樂設備﹑鞋子等?.....wow.....好嚴厲呢.....我出發前都上網睇過人地d blog...話佢地對入境攜帶既野好嚴...實開gip睇....野食又唔帶得....藥無英文標示又唔知過唔過得...搞到我地唔敢帶野食過去.....藥都唔敢多帶~由於我一定有d偏頭痛既藥一定要食的....所以入境表中有一項係問有無帶受限制藥物...我又唔肯定~所以就按指示做左標記~




今次無睇其他戲~直接訓覺~都訓幾耐下~我隔離哥個仲訓得耐過我~....早餐淨係得輕簡早餐.....得生果..乳酪同埋個muffin.....真係好細個呀.....都唔夠人zip牙縫~~~~~不過個蛋糕仔又幾好味喎~乳酪我就唔敢食喇~我怕賴呠呠~.....其實呢程機有某位團友個胃唔舒服.....嘔左好多次!!!仲無訓過...好慘







能唔能夠相信我仲未拆利是呀?!?!!?
我真係仲未拆......
不過殺到埋身就係:我荷包好乾.....
所以不久既日子~我要拆了~
(我本身諗住等我出年先一次過拆的~)



2014/04/23的開心事:
今日i子幫我買左肥仔記呀!~~~~~~~~
仲有個同事話請我食薯餅添呀~~~~
今日有食神呀~~~



報時:距離日本東京自由行之旅2014仲有---59日~

41 則留言:

  1. 澳洲gogogo!!眼睛去旅行!!

    回覆刪除
  2. 不過, 我覺得係機上睇片都幾分心下既.
    我都會驚瀨野, 唔敢亂食野.

    回覆刪除
    回覆
    1. 我覺得可以打發好多時間囉~因為我有時都訓唔到~
      係呀我係唔會食乳酪~~~

      刪除
  3. 好開心旅程!
    妳皮膚真喺好白滑,
    好過韓妹!
    同今次比上次妳地去冰島都好遠喎!
    我覺得星航好啲,無論服務及機內設備,
    空姐都靚

    回覆刪除
    回覆
    1. 哈哈~~最幣依家都仲未白番~~~~
      應該冰島遠d~~~~
      我都坐過星航去星加坡呀~~~~真係唔錯~~服務好野又好食~~

      刪除
  4. 哈,本葡國䕶照幾靚仔喎,以後用多啲佢去旅行啦。其實8xxmop唔貴丫,去好多地方免簽証或免費visa,計落條數都抵啦,去多幾次澳洲咪有賺囉。你都幾感性㗎喎。係呀,澳洲係自閉國家嚟㗎,好驚比其他國家嘅細菌入侵,所以懶緊張咁,可想而知佢哋國民身體好弱下,哈哈。

    回覆刪除
    回覆
    1. 都ok啦~~我覺得特區護照都唔差架~~~~都可以咁講既~不過如果唔係澳洲同美國既話...我都會揀辦番特區~~~~
      哈哈~~我成日睇戲都好易喊架~~~
      哈哈~~~~我覺得保護自己國家都岩既~不過...哥條我又覺得太誇張了~

      刪除
  5. 天日就到戲肉喇,好嘢,十卜十卜
    你d皮膚真係白白滑滑喎,係實我都好鍾意你個造型,衣著好有少女味^^
    仲有......其實你...........係咪淨係鍾意著legging架咋..........嘻嘻.........我有d好奇........

    回覆刪除
    回覆
    1. 哈哈~~我好乖出左喇~~~~
      好衰架好衰架~~讚人既~~
      我都鐘意架~因為方便嘛~同埋我覺得我著legging好睇d嘛~~
      但其實你睇真d~~我今次全程有著短褲架~~~

      刪除
  6. 作者已經移除這則留言。

    回覆刪除
    回覆
    1. 妳唔哭啦、被妳爸爸知道、佢會唔開心架~~~~~

      刪除
    2. 知道喇~~哥日睇完戲先咁咋~~~~

      刪除
  7. Hi小丅,呢排好忙呀!成日要O.T,所以miss咗妳上篇旅行準備篇囖,首先我要贊下毛寶先!我稱她做旅行專家!準備又充足又細心!真係旅行最佳拍檔呀!好啦!終於有澳洲旅遊blog睇啦!去十五日影咗3000張相又真係幾少喎!妳帶中gip去、咁咪買咗好少野!妳出癹張相d皮膚咁白麻!去完就矖傷晒!真慘!葡國Passport又幾靚喎!妳點解唔睇笑片呀!去旅行要有個開心架心情!bye!!!

    回覆刪除
    回覆
    1. 係呀佢真係好好呀..安排得好好
      查實又真係唔係買左好多野

      刪除
  8. 呢張相小t 膚色好店...白白滑滑喎

    回覆刪除
  9. 原來你搭維真,佢取消了直航HK to Sydney. 我以後近HK就只有CX & Quatas. 差百多元澳幣。你的飛機歺同我1/4/2014 返程時一樣,不過個pasta 我真吃不落,一pet 嘢的!我來回兩程一半空位,但佢編的中間位真令人失望!I haven't watch about time. May be next time.

    回覆刪除
    回覆
    1. 係呀...因為佢真係平d嘛~~~
      百幾蚊都差好多喎!!!
      我又覺得ok呀...因為呢個我覺得係佢咁多餐最好食既一餐架喇~~~
      佢d位真係真心好窄...坐得好唔舒服...呢個可能就係佢平d既原因....

      刪除
  10. 原來.....你真係好白白淨喎!!咁依家黑左好多牙.....

    回覆刪除
    回覆
    1. 好多呀...到依家我仲未白番呀..失望

      刪除
  11. 見到你成日都話想食勝博殿 整到我都好想試吓添 hehee......
    有寶寶, 囉jer同炳門, 咁第四位神秘團友有無代表㗎???

    回覆刪除
    回覆
    1. 哈哈~~~我鐘意食咋~~~因為我覺得佢唔似一般炸豬扒乾爭爭~佢做得唔錯~
      wakaak~咁佢又真係無假身架喎~

      刪除
  12. 閣下繼續與那個瘋子騙子嫖子JJ先生李廣來網交,
    妳要付上助長及認同恥賤男的言行的代價同責任!
    恥賤男就是這樣要閣下的人...陪伴過日子!
    恥賤男在其網誌寫他的`恥事..又對其恥事那麼熟得很悉呢!
    閣下懂未醒未?!!!!!

    回覆刪除
    回覆
    1. 第一 你第二句係度威脅緊我?
      第二 我作為一個blogger..有blog友黎留言..我有禮回覆..咁有問題?
      第三 就算件事係真...你同佢既事都唔會關我事
      第四 麻煩以後唔關我個旅遊blog既野唔好係度留言..
      同埋我亦唔見到你幾有禮貌

      刪除
  13. 期待期待, 就咁睇你坐飛機, 都已經覺好好睇喇~~快啲比我睇埋落去啦~

    回覆刪除
  14. 好好睇,我真係好鍾意睇你寫嘅遊記,感覺真似同你地一齊去咁,好有feel.
    唔係嘛,仲未拆利是?我女女係接一封拆一封架!

    回覆刪除
    回覆
    1. 野~~~~~好衰架~~~人地會好俾心機寫架~~~~
      我依家決定之後會係咁~你個女叻呀~

      刪除
  15. 哈, 個飛機餐好似幾好味咁, 難得!
    我睇戲都係超級眼淺既, 但搭機唔睇又唔得, 因我搭機瞓唔到, 舊年飛歐洲我來回睇咗8套戲, 就知我幾慘啦 :-(

    回覆刪除
    回覆
    1. 其實又唔係話好十分之好味~不過係咁多餐以黎最好食~~~~
      係啦~~~我上次去法國哥時呀.....來回睇左成11套戲呀~~
      因為我覺得訓唔著睇戲都唔錯的~因為平時有d戲我無時間睇~依家可以免費睇番~都唔錯~

      刪除
  16. 我下次都要去食勝博殿~~你成日講到咁好味HAHA
    期待今晚遊記^^

    回覆刪除
    回覆
    1. wakakaka~你5月入去食啦~~~
      但傻妹你係出面都食到啦~~好似銅鑼灣都有架~~

      刪除
  17. 維珍d位窄到無肉食,所以要將悉尼-香港既航班取消,哈哈哈 ~~~~~~
    仲未拆利是?我幾年前的都未喎!

    回覆刪除
    回覆
    1. 都算好彩~我去完之後先無~如果唔係實煩死我~
      wow~你仲勁~

      刪除
  18. 真精彩!最難得妳可以寫咁多字呀........好睇過好多旅遊節目架!

    回覆刪除
  19. 3間航空公司一個COUNTER, 其實係佢地用了香港一間公司的外判地勤服務, 這COUNTER是家香港公司向機場租用, 這樣這3間航空公司就不用煩. 又不用為到使用率少而花費大去自己租個COUNTER

    回覆刪除