2014年3月11日 星期二

海榮上海菜館

醫生開左d訓覺藥俾我...又轉左另一種藥俾我...食左無咁咳喇~~同埋終於訓到一覺好既!!!!好開心~~不過今朝醒左仲係好眼訓....眼訓到個人望野散哂~~~~今朝係屋企食左麥皮之後.....驚自己會好肚餓...所以行番工忍唔住買多個包~終於唔怕11點幾就叫肚餓~可以飽到放工~



想試好耐~舊年11月終於去試左第一次~試完一次之後~成日翻去~海榮上海菜館...地址:澳門連勝馬路23號....電話:2835 2069




店鋪不太大...我諗10張檯左右~不過通常想食哥日打去訂位都有的~不過無茶飲就扣左少少分~因為總覺得飲茶先似食上海野~






佢有d餸係要預早少少訂既~可以食之前上佢地fb看看先~咁我去食過幾次~將我呢幾次食既野總結下先~涼拌海蜇 $42....這個一級捧!!!!!!!超級口感好~爽口~還加了點點麻油~香口~呢個每次去必點~




翡翠百葉卷 $42...聽個名覺得得意~~第一次試~~不過我唔係幾鐘意隻味同口感~不過知唔係咁多地方會做~因為係心機野~同埋利錢唔高~




醉豬手 $46.....好抵~~超大舊~~都幾多舊下~爽爽的~好味~




胡椒豬肚 $38......價錢夠平...而且超多豬肚~味道也好~




酸辣湯 $32.....30鬆蚊仲要大大碗...試過4個人都夠飲!!毛寶話佢個味好味過秀蘭(佢個人口味~)




上海小籠包 $36....呢個就真係秀蘭好食過佢喇...佢哥d個皮比較厚~係比較遜色的菜~




上海豬肉鍋貼 $23....又係皮太厚~不過裏面有少少肉汁的係呢樣野唯一的唔錯~




龍井蝦仁 $66...以呢個價錢有咁既水準就真係唔錯架喇~雖然係秀蘭好食d~但係呢度算係合格~




火腿津白 $42....超級的大盤!!!超哂林~菜唔會話唔好食既~




糖醋排骨 $56.....哥次有d飽飽地....叫左佢...一黎~又係一大碟~我同毛寶仲話:實食唔哂啦......點知食下一舊...食下又一舊!!!!!!!幾好味喎~~~佢同平時哥d唔同....佢應該用黑醋(定鎮江醋).....味道很好呢~~~很難得~肉也很開胃~~




雪菜肉絲湯年糕 $38....味道可以...但咸左d~食得出味精味~可以既話唔好叫湯~下次試下炒的可能好味d~




糖桂花芝麻湯圓 $18.....我係超愛桂花味的!!但這個糖桂花唔好吃....同埋佢湯圓皮好厚....但講真$18仲想點???????之後試過佢既豆沙鍋餅....好味到癲!!!!!真係好好味~~我下次要再食!!!!(唯一呢個無影相添~)



呢間野真係得!!!除左夠平夠大碟而味道唔差之外...重點係佢請左d好伙計!!!!有個女仔既侍應超級有禮貌!!!令人入去食野好舒服~幾窩心~加大分!!





聽晚開始一連兩晚會出七公子之哭福袋篇~
敬請期待~~~;自



2014/03/11的開心事:
中午放食飯番屋企~
媽媽話姑媽煲左粟米蘿蔔豬骨湯~
華~中午就有湯飲~幸福~
夜晚媽媽就整左白烚蔬菜同魚我食...
我望住d白烚既水....我流哂口水..
問媽媽可唔可以變做湯咁飲...
媽媽話可以~~放埋魚骨落去再煲多陣~
好好味呀~~~~
中午同夜晚都有湯飲~就是幸福的孩子~
(我真係好似細路~我媽媽今晚仲餵我食魚~)



報時:距離澳洲探險自由行之旅2014仲有---10日~
報時:距離吉隆坡慶生自由行之旅2014仲有---37日~
好緊張呀~~~~
就黎出發喇~~
仲有d活動未book添~~今晚book埋佢先~~

31 則留言:

  1. 哇~~仲有十日渣~~~~
    好野有得睇哭袋~~開心呀^^

    回覆刪除
    回覆
    1. 係呀~~~d時間過得咁快既~~~
      好緊張呀~~~

      刪除
  2. 餵你食魚。。。。。西。。。鬼。。。
    我都幾中意食海榮!豬手豬肚我都成日嗌架:D
    其他都未點過~~下次要試下先:P我都好耐未食過了

    回覆刪除
    回覆
    1. 咩西鬼呀~媽媽錫我呀~~
      哈哈~~我地下次一齊去食啦好無~人多可以食多d野呀~

      刪除
    2. 好丫!!好掛住佢d醉豬手!!

      刪除
  3. 酸辣湯同小籠包正呀,最緊要價錢唔貴。哈哈,你好嗲呀。係喎,你會唔會玩X-games呀,skydiving嗰種呢。

    回覆刪除
    回覆
    1. 咁佢既價錢真係幾平~仲要幾大碟下~~~~
      wakakaka~我鐘意嗲媽媽~~~
      至於x-games我要保留一點空間先~~到時話左俾人知但最後無玩咪好瘀~~wakaakakaa~~~

      刪除
  4. 糖醋排骨 ..........我最愛,呢間嘢正喎又唔貴!!!!!!!!
    望住d白烚既水....我流哂口水............你真係好鬼好笑架...(正幻想你當時個樣)哈哈........
    你兩母女巧sweet呀^^

    回覆刪除
    回覆
    1. 係呀~堅係平又大碟~~正點~
      哈哈~~因為我一番到黎就聞到媽媽烚菜的味....見d烚菜水色好靚~我覺得可以做湯~~
      我同媽媽真係好變態~~~~wakakaakakka~

      刪除
  5. 我真係病了既*¤我仍需吃藥*¤仍需多休息
    仍眼花撩亂+頭重重咁呢...比多些時間我躲懶呢
    不過前文章又唔出公仔圖片呢...為有出新文章先呢
    MY █▄❤vE 好姊妹**¤☁*睡甜甜最好不過呢

    回覆刪除
  6. 病裡有媽媽的湯, 人生何求? 哈哈哈

    回覆刪除
  7. 見小T 介紹 咁正, 有機會都要試吓.

    回覆刪除
  8. 今日好返啲啦你?Bibi琴日都腸胃不適,夜晚起左五六次身,擔心死我。所以今朝煲定咸排骨粥俾佢,我先返工。
    呢間野幾抵食喎,下次過大海都要試下。
    咁遲先出哭福袋架?

    回覆刪除
    回覆
    1. 係呀~我好番好多喇~....係咪食錯野呀??有無bibi睇醫生呀???
      係呀~真係幾抵的~

      刪除
  9. 幸福啦你,媽媽錫哂你呀!
    我女女聽日去韓國,我推介佢睇你上次韓遊嘅卜,我話你啲心得好有用.

    回覆刪除
    回覆
    1. 媽媽得我一粒小寶貝~~~~梗係要錫我啦~~~我又得媽媽一粒小寶貝~咁我梗係都要錫佢啦~
      wow~多謝你既推介~~~可能你囡囡搵到既資料多我好多~~~韓國我都係靠韓國通麥公子~~

      刪除
  10. Hi,小t ,好番未呀!原來妳有病仲返工呀!妳媽媽真係好錫妳喎!妳真幸福!醉豬手又平又正!酸辣湯大大碗正!好喇!終於有福袋篇睇喇!快d好番精精神神去旅行呀!bye!!!!

    回覆刪除
  11. 瞓到真係爭好遠,加油,打走啲病菌~~
    哎呀,我好想食上海嘢呀,想食好耐,但仲未去食呀,好想食嗰豬手呀,你引死我嘞,衰人~~

    回覆刪除
    回覆
    1. 我都覺得係...前幾日訓唔到又狂咳...好似個人無休息過咁....今日好好多喇~
      wakakakak~我可以引到你係我既榮幸~

      刪除
  12. 街坊食堂,真喺唔錯!!
    上海菜我至like,
    糖醋排骨、醉豬手 至like。

    回覆刪除
    回覆
    1. 價錢同碟頭真係無得頂~~食得飽飽~

      刪除
  13. 好耐沒有吃上海菜,都好吸引,還有那間更好!
    快D好翻,開開心心去旅行。

    回覆刪除
    回覆
    1. 如果要抵又好食~呢間真係唔錯~其次就秀蘭啦~呢個就貴少少~
      知道~~~

      刪除
  14. 我有去睇醫生呀...天氣忽冷忽熱...神公康復...到我病到呢
    還有兩天薬吃...真係多睡埋這星期喇
    希望下星期太陽一出...爽爽喇...現在吃飽又吃薬
    MY █▄❤vE 好姊妹...都要小心身體啊*¤☁*晚安甜夢

    回覆刪除
  15. 糖桂花芝麻湯圓很想咬它一口呢 ^_^

    回覆刪除