High Tea@銀河水簾

今日又俾暗暗窒左一下.....唔抵~~大家都係為左做野je....不過算啦~今個星期一都過得幾快~~星期五：表姐生日~請我地去桃花源小廚度食..話哂米芝蓮一星..點都有d期~點知食完....好貴同好一般咋喎~...->約左diana飲野~講澳洲d野~真係多謝佢成日過d料俾我地~煩左佢超多次~謝謝你~....星期六：中午請番表姐食生日飯~食左人人讚好的新故里既set lunch...真係好好味!!->去左買生日禮物給貞~...->和朗和毛寶一起傾澳洲d野->去左食阿里郎慶祝貞的生日~~...星期日：阿家係美國番左黎~去左京都飲茶洗塵~b寶好可愛~多野講過上次番黎~..->係毛寶屋企再排排澳洲的行程~終於寫好!!->晚飯食秀蘭~



某個星期天的下午.....約了朗公子和神秘團友一齊去銀河入面既水簾黎一個下午茶~平時行過都幾多人的~哥日我地有訂位~一去到就有得坐~~電話：2888 0888.....行入去坐低前見到蛋糕櫃裏面既蛋糕又幾唔錯喎~

黎到呢到就梗係high番個tea先啦~~咁個tea set包兩杯野飲架嘛~我就要左精選大吉嶺茶Estate Darjeeling(單點$40)~因為......可以翻沖嘛~~都幾唔錯呀~

另外一位就叫了白薑雪梨茶White Ginger Pear(單點$45)....個外型真係夠哂靚~~因為係凍飲.....但又要個茶沖出味先.....所以上面係熱水.....下面個樽就係哂冰~不過......超級勁爆難飲~~~一飲難忘~~飲完一定扁咀的~~~~~千祈唔好叫呀~~~

我地叫哥個係銀河風味下午茶Galaxy Afternoon Tea $138(每位)/$228(兩位).....包兩杯咖啡或茶...都幾貼心呀~有得叫一位有得叫兩位~唔使咁死版~每天2pm-6pm供應

另外有一個係英式傳統下午茶English Afternoon Tea $118(每位)/$208(兩位)供應~



第一層有蛋糕和果撻~都唔錯~d蛋糕唔怕太甜~~仲有一藍scones~~

第二層就係鹹的~~~真好~~d酥(好明顯唔記得係咩餡~)我記得就幾好味的~~~

第三層三文治雖然唔係d咩驚為天人既款~但係呢類型好少有得失手~總括黎講我覺得$228 for 2係酒店黎講係好鬼抵~~而且都幾多野食~你諗下如果真係兩個人食...即係每人有成3個包喎~讚~

由於我地係4個人去食....所以除左tea set之外仲叫左少少野食~燒雞公司三文治 $118....唔錯唔錯~好多料~

沙爹串 $65(半打)....有雞和牛的一半一半~不過我就覺得呢個麻麻~d肉好老~最好味係哥幾塊疑似明輝蝦片的蝦片~~~

咁呢間飲下午茶都真係幾唔錯的~~~又唔太貴~~~同朋友high tea岩哂~





唉...
星期六聽到個唔好的消息..
我流了馬尿........
希望你會快d開心番!!



2014/03/03：
chlo子回來我身邊了~
超耐無見佢~我諗佢有成5個月無番黎~
番黎又窒我了~



報時：距離澳洲探險自由行之旅2014仲有---18日~
報時：距離吉隆坡慶生自由行之旅2014仲有---45日~
睇過個行程~~好豐富呀~~
依家已經有d去旅行既興奮感喇~~
仲有野要買喎~~星期幾去買好呢~~(靚心情生花中~~~)