2014年3月10日 星期一

小樽日本料理

今日番晏...轉左食飯時間....但真係肚餓到癲左....明知屋企有麵食...但都驚唔夠...買多個包個心先安落d~~我諗明天要食多d早餐打底........噚晚咳到訓唔到....好辛苦...成日精神麻麻.....星期五:無出去食完飯~個上顎損埋....連熱野食唔到...太硬既野又食唔到...連熱水都飲唔到....搞到咩都無心機食.....食飽飽出街買旅行d野~買左西瓜霜~查左好番好多~...星期六:食左文哥~終於可以食到野~不過食得超慢~平時食10分鐘一碗麵~依家要半個鐘~毛寶話我好耐未試過咁淑女~~..->幫毛寶手洗車~~我真係乖~(認屎認屁狀~)->夜晚試左間新野~平民版米芝蓮喎~都ok~其實係約哂澳洲團友出黎講一講兩個禮拜之後既行程~笑到癲左~~~期待~~....星期日:個口又痛...去食味藏...因為可以食d凍野無咁痛~..->為大比提早開個小慶生會;]->夜晚同左表姐仲有婆婆一家人去食MGM自助餐~好耐無食~~~真係幾正~由於我最愛既星際已經執左自助餐~所以MGM我認為係最好食的~有澳洲和法國生蠔呢~~不過我都唔敢多吃~~~~~佢地d芝士都唔錯的~~仲有火腿~~~雪糕是超正的~~因為係佢地自製的~真係堅好味~~可惜我無得食~~我驚咳咳~



前排經過新口岸區見到開左兩間新既日本餐~其中一間就門面好勁既....未敢入去試...就試間門面平民d既先....小樽日本料理.....地址:澳門倫斯泰特大馬路25﹑31號海景花園(利景閣)地下E﹑F鋪.....電話:2872 3810





我見樓下哥層有鐵板燒食~但我地哥日訂左位佢就安排我地坐樓上哥層....我又係唔鐘意佢d燈光!!星期日食飯時間都坐唔滿~





螢光魷魚 $48.....腥亨亨的~可能呢隻野係食腥亨亨味~




刺身叫左3樣....三文魚腩 $98....帶子 $68....甜蝦 $68.......刺身只要新鮮都好少可話唔好味既~我最愛刺身~




鹽燒牛舌(兩串) $58.....都幾貴~但只係一般好味




白雪海鮮鍋 $88...黎到見到個小鍋...同埋佢d海鮮霉霉的一d都唔吸引.....唔抵!




香桃蟹子沙律 $42...呢個唔貴呀...不過佢d青瓜硬到飛起.....口感不佳!!同埋黎左咁多野食先黎.....應該刺身前就黎啦...食到唔上唔落咁....




火焰花甲皇 $68.....食到目前為止除刺身外最正常既一道....個名夠哂雷~~




日式煎餃子 $35.....同味藏哥d差十萬八千里!!乾爭爭的!




鐵板魷魚筒 $118.....呢個就幾唔錯既~汁幾好味~魷魚唔怕老~




蟹膏蟹肉炒飯 $108....唔掂!!!超咸超重味精!!!食完狂飲水!!




佢d卷物又係食到最後先黎....亂哂籠....芝士鰻魚反卷(4件) $38......呢個又反常地平喎~不過你睇下佢第一舊....好似萎縮緊咁...大佬呀..你地呢間唔係做緊cheap壽司格局...如果係我會原諒....




牛油果軟殼蟹卷 $38....係夠平..但係一般般~




箱壓壽司拼 $98.....我地食完成個飯傾埋計....個幾鐘佢先黎....箱壓壽司是關西的嗎??等到呢個時候先食...咩都唔好食~

食物水準麻麻.....唔好多過好....出菜怪異.....又唔係特別平...有d可以話難食........重點係佢d服務好差....個個侍應雖然你叫佢俾茶你佢有俾....麻佢追單佢有追...但面口就講得唔聽好似食左屎咁....成晚俾面色人睇....大佬呀....我黎食飯唔係欠左你架....黑色西裝既經理都唔覺得特別有禮貌...嫌我地唔係大客?(大拿拿每人都食左兩百幾三百架!!)....定嫌我地黎食飯俾多野你地做??咁好啦~~我以後都唔會黎煩你地~~因為你地真係服務差同唔好食~拜拜~呢間以後黑名單~



我地大學同學們都係適合食大排檔多一點點~hehe~







我都預左咁樣公開寫blog...

寫咩都會有人話...
寫左咁多年...批評同建議都有唔少...
真係資料有錯我當然會改....也謝謝大家對我既指導
但有d你咩都唔知就話我...你知我病到咩程度?
係咪小題大做係都係醫生話我唔係你啦..
我有義務做好上班的工作...
那我病了沒有請病假的權利?
好彩你唔係我上司..
不過就算係...我都會照請
把口生係你度....我無權控制你想講咩
但我有權唔回覆你既留言
火..火



2014/03/10的開心事:

噚日訂澳洲某個活動....過哂數先知...
原來佢依家做緊個promotion....頂....揼心~
跟住send e-mail問佢可唔可以取消~
今日覆番話ok~lucky~



報時:距離澳洲探險自由行之旅2014仲有---11日~

報時:距離吉隆坡慶生自由行之旅2014仲有---38日~
唉......
星期六一早起身睇到馬航單新聞...
心up一up...
希望真係全機人都無事啦...;[

40 則留言:

  1. Lucky Gal~~同d傻妞訂雷崩有得退一樣咁Lucky~~

    回覆刪除
    回覆
    1. 哈哈~~~好似你都有份架喎~~~~

      刪除
    2. 我無wowow~~~haha我哥時係counter ! 避過有劫XD

      刪除
  2. 妳講得啱,打blog經常遇到好多無聊人,
    唯有自己EQ高啲,
    哩間日本嘢,犯哂太忌,無禮貌,
    幾好食都無用,仲要唔好食添,
    早日好番呀!

    回覆刪除
    回覆
    1. 哈哈~我都唔記得lu~
      係啦~~~所以我唔會再幫襯佢喇~
      多謝你關心呢~我好番好多喇~

      刪除
  3. 螢光魷魚.....個樣好得人驚........好似生豬肝咁樣
    又俾人激親.....唔好嬲啦唔使理呢d人架
    哈哈........呢d咪叫好人有好報囉
    馬航單嘢真係好得人驚,當然希望佢地無事喇,但無論是生是死都希望搵返佢地........

    回覆刪除
    回覆
    1. 哈哈~~又真係外貌唔係幾討好既~~~
      無lu~無嬲lu~不過唔希望會再有哥d留言~只希望大家都開開心心~
      唉.....過左咁多日仲未有消息...希望會無事....

      刪除
  4. 螢光魷魚個款好嘔心,你真係放咗啲咁嘅嘢入口呀????????????
    睇你介紹好嘢好有用會記低,但都係鍾意睇你鬧啲黑店,好痛快!!爽!!
    雨文息怒,可能blog友呢次黑色幽默啲黑色重手咗同唔記得落幽默啫......

    回覆刪除
    回覆
    1. 係呀~~外貌真係好嘔心~~~我好叻~~咁都放左入口~~~
      咁佢真係衰就要老實講啦~我真金白銀俾錢食架嘛~又唔係佢請我~
      無lu~無嬲lu~不過我覺得佢唔似講笑所以先嬲....我平時都算幾講得笑呀

      刪除
    2. 黑色幽默黑色重手左但又唔記得落幽默!好!幾特別嘅形容!第一次聽!

      刪除
  5. BABY~~~我果幾日乜都食唔到~~就係可以食面包同粥渣T_T
    終於好返好多~~但食左幾日淡味野~~一時間都仲未有食慾xdd
    為食既我終於唔為食啦 HAHA

    回覆刪除
    回覆
    1. 係呀...我連熱野都食唔到哥下先慘~~~
      哈哈~~~其實我係勁想食野~~但因為真係太痛所以也放棄咬野了~

      刪除
  6. MGM係屋企附近但都未試過佢既自助餐,E家心郁郁好想試=~=
    但係怕唔怕好貴~~?
    小樽歌間野都好似係屋企附近,見個樣OK以為好好味TIM 0_0

    回覆刪除
    回覆
    1. 係!?~未試過就去試下喇~~好似$4xx.....我唔記得~~因為有人請的~
      係呀你千祈唔好行錯入呢間野~~

      刪除
  7. Hi小t,好慘喎!上顎損咗真係食唔到野架!西瓜霜好有效我都查過!MGM自助餐超正!可惜妳有咳食唔到好多好野囖!小樽日本料理我上個月都經過們口見入面冇咩人、所以冇入佢食!原來服務咁差架!小t,可能個位blog友同妳講笑咋!唔使咁火喇!妳現在d咳好番未呀!多d 休息同飲水喎!快d好番去旅行喇!bye!!!!

    回覆刪除
  8. 妳番少少唔好再亂食嘢啦~~~

    回覆刪除
    回覆
    1. 我無呀~呢幾日都無食熱氣野呀~~我要養身呀~~

      刪除
  9. 唓,食物同服務都差,就咪改小樽咁靚嘅名啦。令我想起北海道小樽嘅政壽司,佢哋嘅海膽魚生飯,應該係世上最好食嘅(誇咗d)。吓,小病唔可以睇急症,有病唔可以請病假,咁得意。其實馬航嘅乘客,應該已經㦬難,RIP!

    回覆刪除
    回覆
    1. wow~世上最好味的~~~好想試~~~
      算囉~我無嬲囉~唔值得上心~呢年事~
      咁又係...咁多日都無音訊...不過仲有少少希望既...希望平安

      刪除
  10. 有時你唔去食你又唔知間野咁差!人生總有做白老鼠既時候,搬左黎呢道已經少左好多無謂人留言,相對以前舊鋪既留言你有時都唔知佢up乜!

    回覆刪除
    回覆
    1. 咁又係呀~~我其實成日都做白老鼠的~~
      無lu~無嬲lu~唔值得放上心~

      刪除
  11. 好多天都係陣雨清涼雲多多所以我還是不多好呢
    我精神冇問題冇頭痛呢・゚*¤不過都係眼花撩亂咁呢
    頭重重咁呢・゚*¤吃左藥*¤睡飽就食・゚食飽就睡咁呢
    我都係小上網啊¤*・゚不過請放心呢*¤我躲懶多咋¤*

    回覆刪除
  12. 聽到都鄧你痛呢 小t 呢幾日見好啲嗎 食清淡啲 等身體同腸胃休息吓 快啲好番呀!!!
    真係同意到不得了 最唔鍾意嗰啲侍應 竟然係調轉頭俾面色人睇喎 佢哋一定唔記得佢哋係做緊服務行業 唔係要你好似對皇帝咁好服侍 但係基本禮貌都無就唔得啦 差呀!!!!!

    回覆刪除
    回覆
    1. 今日好番好多呀~~因為訓到覺~~~
      無錯!!!應有的禮貌都算係必須啦!!!搞到我唔想再去食lu~

      刪除
  13. 睇得太多, 我都驚到時老人癡呆, 唔記得邊間唔好去, 中咗入去呀.....

    回覆刪除
    回覆
    1. 哈哈~~咁呀~~~你要自己體驗下喇~

      刪除
  14. 其實, 乜人都有, 唔洗理佢就得了,

    希望你快好, 可以開開心心去玩,.

    回覆刪除
    回覆
    1. 無lu~無嬲lu~唔值得上心~
      多謝~我呢排會早d訓~

      刪除
  15. 有D人實鍾意酸葡萄...又唔抵得人...個BLOG你既..鍾意寫乜就寫乜..果D路人甲乙兼欠丙既唔使理......總之大把人支持你...我好鍾意你寫既嘢...你既旅記同食評真係好正......希望你快D好返..開心玩完返黎等你個澳旅..因為我想跟住去..

    回覆刪除
    回覆
    1. 哈哈~~我都係咁諗~~我鐘意寫咩就寫咩~~~不過我無lu~無嬲lu~唔值得放上心~
      多謝你既關愛~我會快快好的~
      謝謝支持~

      刪除
  16. 無謂理啦,有啲人唔明白,又唔去理解,憑表面嘅野做判斷.
    一向有睇開你嘅文章嘅朋友都會明白同支持你架,俾心機,小心身體呀!

    回覆刪除
    回覆
    1. 無lu~無嬲lu~因為唔值得上心~
      知啦~大家心照~謝謝~

      刪除
  17. 有啲人以為個宇宙圍住佢自己轉,鍾意拎住把尺周圍度人,但永遠都唔會去度自己,lee啲人呢,你理佢都係激親自己既啫,激完就算,無視佢罷啦。
    你中雷啦,啲嘢咁既質素,服務仲要咁差~~
    快啲好返啦,你個口,要去旅行食同玩架嘛,加油呀~~

    回覆刪除
    回覆
    1. 無lu~無嬲lu~因為唔值得上心~~~~
      食物先係我心靈補給站~~~~
      唉~我發現我都成日中伏的~~你覺唔覺~~
      知道~~我會早d訓架喇~

      刪除
  18. 快啲好番去旅行啦~~~

    你講起MGM Buffet,我就好想再去食,我好驚佢又執呀。點解澳門啲酒店buffet係咁執架,新葡京間buffet又執左,估唔到連星際都執埋。

    唔好為左啲無謂人勞氣~~ 有啲人食完飯無野做,周圍瞭事鬥飛。

    回覆刪除
    回覆
    1. 多謝你呀~~~
      真係唔知架~~另外兩間都無聲無息咁無左...我都好擔心~~~畢竟mgm都幾好食架嘛~
      無lu~無嬲lu~~

      刪除
  19. 火焰花甲皇最吸引!
    服務這樣野,兩地的水平一般都不是太好!

    回覆刪除
  20. 自己個地盤當然鐘意寫乜就寫乜,無視佢就啱,D無聊人太睇得起自己喇!嘻!

    回覆刪除