2014年3月17日 星期一

粥麵莊

番晏真係唔錯~總之一到中午食飽飯番公司就會好快放工~~~正~~~星期五:係屋企食飽飯衝左出去買旅行d野...本身想行多陣但落雨又跑番屋企睇食為奴大結局~..星期六:超級早出到門口~終於食到好耐無食既興記~~yeah~...->去venetian買左少少野~~好開心~~有新褲去旅行~~....->上堂->夜晚去左食江車苑食韓國野~..->睇直航殺機...成班人都傻傻地~今個星期就出發都睇埋d咁既戲嚇自己~~~....星期日:食連勝咖啡室->拜爸爸->搵澳洲資料->同表妹佢地食日本野~.....今個周末身體好番好多喇~~~



舊年做冬時同姑媽一家食飯~好搞笑咁揀左粥麵莊~位於新葡京U1樓.....24小時營業~電話:8803 7755....最好揀d裏面少少既位坐....因為一望落去就係賭場~會有好多煙味~







有個開放式廚房俾大家睇睇師傅在不停的拉麵~

叫得做粥麵莊就梗係有粥有麵食架啦~咁佢都有幾多選擇架~一根麵...刀削麵...剪刀麵...刀撥麵...轉盤剔尖...蘭州拉麵~有d聽都未聽過~



首先黎一個阿娘醬鴨 $52...我覺得麻麻~個味一般般~而且我一食完就條頸出粒粒~~




涼拌鮮木耳 $40....外表麻麻..不過都算好味~




馳名山西麵食(一款配料) $65.....揀左椒鹽豬扒~都唔錯~不過我個人唔係太鐘意太粗既麵條~




山西風味麵食(一款配料) $62.....揀左山西醋鹵調和~~呢個唔錯~~撈麵咁幾好食~





清炒河蝦仁 $125.....唔~呢個麻麻~都係秀蘭好食~




川滬牛肉煎餅(3件) $42....煎得香香的~~裏面有肉汁~




麻香蝦粒生煎包(3粒) $32.....牛肉煎餅比較出色少少~~




天津香菇油菜餃子(6件) $32....皮很厚~可能北方的都係咁厚的?




荷葉蒸章魚雞粒飯 $55....呢個叫俾姑丈食的~我偷偷食過一啖~~又幾好味喎~




雞湯粟米粥 $28....我叫架~~係咪好少女呀~~~一見粟米粥~~雙眼發光~~不過可惜無一粒粒既粟米咬下....差少少~~如果有超濃香粟米味外加有咬到的粟米粒~~我諗我會勁愛~




酸辣雲吞 $62....幾得意喎~~~原來係酸辣湯裏面有雲吞~~~




懷舊豆腐花 $18.....我幾鐘意喎~~因為佢有桂花糖~~~好清新呢~~




桂花酒釀丸子 $26......你睇下~~我幾鐘意食桂花味既甜品~~







2014/03/17的開心事:

今日老闆問我想唔想番另外一個大樓..
我答左想.........................
因為之前參觀過去....好想過去~
不過就無依家番工咁方便...
唔知係咪真係有得出呢~



報時:距離澳洲探險自由行之旅2014仲有---4日~

報時:距離吉隆坡慶生自由行之旅2014仲有---31日~
番多4日工咋!!!!加油呀!!!!!!!!!!!

36 則留言:

  1. 話咁快仲有4日咋)))))已經進入興奮狀態中^^
    我都打算睇直航殺機.....

    回覆刪除
    回覆
    1. 我諗我興奮得滯~頭有d痛~好無用~

      刪除
  2. 我八卦想問下妳喺咪玩哂澳洲,跟住直接去吉隆坡玩呢?

    回覆刪除
    回覆
    1. 唔係呀~我係番左澳門..之後個幾禮拜再去吉隆坡~

      刪除
  3. 好快呀~~~~要準備一段時間冇得睇BABY BLOG啦T_T
    i will miss you

    回覆刪除
    回覆
    1. 我都會好掛住你架~我地whatsapp咪得囉~

      刪除
  4. 嘩,賣粥麵嘅環境都咁靚,唔計食物都攞滿分啦。最欣賞牛肉煎餅、酸辣雲吞,同埋懷舊豆腐花,正呀。

    回覆刪除
    回覆
    1. 係呀~以食粥麵黎講...環境係唔錯~
      價錢以係酒店黎講~又覺得幾平~

      刪除
  5. 啲野唔貴喎,以物值講,最貴反而係木耳青瓜。

    回覆刪除
  6. HI 呀
    我一直有留意你寫BLOG , 由以前YAHOO 到依加 BLOGGER 都有睇(睇咗3年啦).....
    因為我同你一樣好鍾意去旅行,有D地方我冇機會去,所以去睇下你個BLOG都好開心!
    好高興認識你! ^_^

    回覆刪除
    回覆
    1. 華~~~好多謝你呀~~~由yahoo睇到黎blogger~~~仲睇左3年咁耐~~~~謝謝支持~~~
      哈哈~~我都好高興認識你~~~
      有人支持我會好俾心機寫的~

      刪除
  7. Hi小t,最開心都係知道妳身體好番好多啦!仲有四日去旅行喎!𣈱咗銭末、執咗gip未呀!粥麵莊我都去過、等位途中、看見師父不停拉麵很吸引!山西麵我都楝咗椒盬豬扒囖!我都食唔慣粗既麵條架!懷舊豆腐花我都有試!o.k架!妳去完澳洲十五日旅行!四月五日返來!四月十八日又去吉隆坡旅行!我地大家又有兩個旅遊bldg睇啦!正!bye!!!!

    回覆刪除
  8. 時間過得真快、妳又要出發去旅行啦~~~不過妳仲去睇直航殺機.......妳先傻傻地自已嚇自己!!!

    回覆刪除
    回覆
    1. 哈哈~~我地真係傻的~~~睇完都真係有d驚驚地~

      刪除
  9. 你真係好搞笑喎,做冬會揀呢間,通常都係大圍飯架啦,哈哈
    仲有四日,我都鄧你開心,你返嚟就快d寫澳洲之旅blog啦,我最最最.......鍾意你嘅旅遊blog,超讚........
    呢幾日好好保重身体,之後狠狠地go go go ^^

    回覆刪除
    回覆
    1. 哈哈~~唔係我揀架~~係我表姐揀架~~~所以我都覺得好搞笑~
      以~~~好衰架~~~~講到明最最最鐘意人地個旅遊blog既~(怕醜發姣中)
      知道喇~我呢幾晚會早d訓的~

      刪除
  10. 噢! 原來仲有四日就出發啦!!! 興奮興奮!!!!! ( 但同時又會掛住你的!!!!! ^^ )

    回覆刪除
  11. 仲有4日澳洲探險之旅就開始喇,好期待呢!

    回覆刪除
    回覆
    1. 係呀~~~我依家每一日番工個心都唔係度呢~~~~飛走左喇~

      刪除
  12. 鴨和鵝係濕毒之品, D人本身有小小瘡或疥, 食左後就會發出來, 只是係比雞好味D囉

    回覆刪除
    回覆
    1. 我都幾鐘意食鴨或鵝的~不過依家d皮膚好易敏感~我都唔敢食咁多~

      刪除
  13. 你就快又可以玩到癲咯,羨慕

    回覆刪除
    回覆
    1. 我玩到癲番黎之後咪有新野寫俾大家睇囉~

      刪除
  14. 哈哈小t胃口真厲害
    不過吃的確令人開懷 ^_^

    回覆刪除
    回覆
    1. 哈哈~~我無咁大食~~我地有成5個人食架~

      刪除
  15. 牛肉餅最吸引呀~~~~
    仲有4天又飛, 真拎人羨慕!!

    回覆刪除
  16. 要加油,好返晒去旅行呀。仲有3日就飛,好緊張呀~~會掛你的~~
    好想食嗰個荷葉飯呀~~

    回覆刪除
    回覆
    1. 記得要掛我呀~就好似我掛你一樣~(嘔心~)
      我個人黎講都幾鐘意食荷葉飯的~

      刪除
  17. 臨飛睇直航殺機?哈~~~~~~~~~~
    川滬牛肉煎餅和麻香蝦粒生煎包都好吸引!桂花味既甜品,勁好味啦!
    你老闆都好關心你!
    玩得開心的~~~~~~~~~

    回覆刪除
  18. 我剛吃飽回家呢...坐一會兒...去洗白白...早D睡覺呢
    乖乖地...再吃左兩三日藥...留鼻水+鼻塞走老啊
    其實個頭都冇痛...不過還是手揗腳震咁...可能病左太多日呢
    要繼續休息...回下氣啊*¤天氣暖番D...好番好多呢

    回覆刪除
    回覆
    1. 係呀...過幾日又番凍~要小心保暖~

      刪除