2014年3月6日 星期四

我的生日會2013@大廚The Kitchen

學廣告語句話齋:又打敗仗喇.......前幾日先話齋咳同喉嚨痕....都無喉嚨痛.....今朝起身即刻現眼報.....喉嚨痛到俾刀片界咁......就黎裂開......梗係睇醫生啦...唔敢再遲睇....不過我又幾好彩喎....07:40到醫院....做哂分流睇醫生攞藥成個過程08:10就走得喎!!全因佢依家將傷風感冒分開其他症狀排隊.....其實噚日都有人上黎睇過....都話好多人....我就今日淨係等4個....可能我好彩~~~今次真係要讚一讚山頂急診~~咁梗係放日病假啦....個喉嚨咁樣仲要對客都咪話唔辛苦...除非唔使我講野啦....我番到屋企訓左陣...跟住就起身食野...媽媽話:上網啦...睇電視啦...去玩啦....唔好再訓喇......未聽過媽媽咁樣鼓勵個女去玩~好新穎~所以我今日下午既活動就係:飲水~去廁所~飲水~去廁所~



哈哈~又係我既生日飯呀~~毛寶又請我食生日飯~今次係新葡京酒店既大廚The Kitchen~位於酒店既3樓~~~電話:8803 7777...門口係超大的自動木門~有氣勢~







餐具好漂亮呢~~~~~好喜歡~~~~尤其隻碟~~~




野食都未點就先送黎一盤包.....wow!!麵包超美味的!!!!!!!牛油都有分3種~~~~~諗起d麵包都想食~~

咁中午黎就梗係試set lunch啦~入門價嘛~有3種唔同價錢的~有$270...$360....$460~咁我地有3個人去~岩岩好試哂3種~



朗公子之選:

朗公子哥日同我地同行~佢就揀左$270既行政午餐....前菜佢揀左自選沙律吧.....講真都幾多野食!!!抵叫!!!!!





仲可以無限攞~~~~仲有燒菠蘿添~~好正~~其實仲係任食呢個都夠飽~~




主菜朗公子就揀左挪威三文魚柳(Norwegian Salmon Fillet)....每個主菜哥以揀兩款side dishes~~佢揀左蘑菇同露筍~~有品味~~偷偷食左佢少少三文魚~唔錯喎~佢隻碟真係好靚~(心心眼)




毛寶之選:

前菜除左自選沙律吧之外...仲有因應唔同既餐有唔同既湯揀~毛寶就揀左$360個美國牛排行政午餐......前菜要左傳統法式洋蔥湯~~都幾香好味~~~



主菜就要左雞胸釀鵝肝(Chicken Breast filled with Goose Liver Pate)....其實佢個set裏面有好多其他選擇~~(包括有西冷)唔知點解佢哥日會揀食雞呢??平時佢唔會叫的~~我相信佢係俾鵝肝迷惑左佢心智~~~side dishes揀左菠菜蓉同薯蓉...又係平時佢唔會揀既選擇~~兩個都係一pat pat~~我覺得呢個真係麻麻~因為我唔係幾鐘意雞胸..因為不嬲覺得佢d肉好鞋~加埋鵝肝漏到不得了~




最帥氣的t之選:

t揀左最貴的那個$460既澳洲和牛行政午餐....拿~唔係人地請我先特登叫咁貴架~係毛寶不停叫我叫咋(哈哈..好似無咩唔同~).....咁前菜有一個揀左沙律吧一個揀左湯...我就揀左個脆壽司漢堡配鮪魚試試看~一黎~賞心悅目~一食~wow!!!好好味呢~~~~




主菜叫了澳洲七級和牛....5成熟~side dishes要了小甘荀和蘑菇~要左兩隻醬...蜜糖芥末子和芥末醬...佢仲有好多醬可選~後面個汁就叫左燴野菌汁但係一般.....不過.......牛......不太正......我覺得無咩牛味喎!早知唔使叫個咁貴既餐啦!!




所有行政午餐都有咖啡或茶的~我叫左茶~好靚呀~~~




朗公子梗係做陳豪啦~叫左咖啡~點知除左奶之後仲有俾埋焦糖~~~好靚呀~朗公子話杯咖啡幾得~




仲有包埋甜品~可以揀杏仁餅或鮮果沙律~杏仁餅真係麻麻~因為我覺得係假杏仁味~我唔鐘意~鮮果沙律就唔錯~~樣靚有內涵....食到咁飽消消滯~今次毛寶一早約好我~所以我都有準備~執正少少個人~



哥陣時食完話麻麻好味....依家寫寫下睇番又覺得.....其實都幾唔錯~不過唔好再揀$460最貴哥個...可以轉攻食$270哥個set~前菜要沙律吧主菜揀其他~抵~





我真係估唔到今日無番到工...

咁都可以俾你窒到....



2014/03/06的開心事:

我喉嚨痛je~我仲可以食到野喎~
呵呵~~我睇完醫生走左去買令我朝思暮想既腸粉檔~~
即整的~新鮮熱辣~
叉燒腸~~~
皮夠薄~又滑~好似千層腸粉咁架~~
裏面仲要有生菜的~~
口感好好~仲要細心到幫你豉油分上~~
好好味呀~~~自從無左早餐會之後都無得食喇~~



報時:距離澳洲探險自由行之旅2014仲有---15日~

報時:距離吉隆坡慶生自由行之旅2014仲有---42日~

36 則留言:

  1. 齊齊打敗仗呀BABY><
    哈哈 其實星期二開始作病 應該星期二去睇T_T
    今日都冇返學呀~~我訓左3個鐘 hehe

    回覆刪除
    回覆
    1. 我地要快快好番呀~~~我咳得超勁~~~
      連同客講野都咳~~~
      乖呀~~我地要戒口~

      刪除
  2. 唔係咩嘢,我都病,傷風+發燒發冷,慘
    啲餐具好靚,好十八世紀

    回覆刪除
    回覆
    1. 唉~近排超多人病呀...我哥邊8個人有3個人都病了...咳得超辛苦
      真係好靚呀~~~好鐘意~

      刪除
  3. 妳真喺要小心保重呀!
    我記得妳幾乎個個月都病,
    真喺見妳辛苦,女仔都要補下,
    提升體質!
    我老人家喺煩啲:-P

    回覆刪除
    回覆
    1. 謝謝你關愛呀~~我又真係弱左d既~
      我都有飲下保健野~唔知有無效~

      刪除
  4. 間The Kitchen都唔錯喎。我記得新葡京有間Don Alfonso 1890,又係分唔同價銭,食3至5道菜。其實澳門呢d fine dining嘅地方,dress code係咪好嚴緊㗎?即係t shirt牛仔褲就唔比入。

    回覆刪除
    回覆
    1. don alfonso我都有食過~又係前菜麵包甜品都好正~主菜麻麻哥種~咁不如試新葡京間法國餐~~食哂成個full menu應該會飽暈~
      都有dress code...但又唔算好嚴.....女仔就唔好涼鞋...男仔就唔好短褲咁....牛仔褲又唔係好聽見喎~食之前打過黎問下囉~

      刪除
  5. 都唔貴啦, 阿仔同我去COVA食晏, 三個人都食咗千幾蚊啦, 我情願食朗公子個餐啦.

    回覆刪除
    回覆
    1. 又唔算好貴~不過我好少食呢d貴價午餐~平時食開100蚊和食麻~

      刪除
  6. 呢輪天氣又凍返,小心呀!!! 30 分鈡睇完醫生攞埋藥...............睇私家都無咁快啦!!!!!!!!!!
    好貴氣呀,不過張bar枱睇到我頭暈,d嘢食好正呀,脆壽司漢堡配鮪魚巧靚呀,我就會揀毛宝哥個set,有沙律有湯main course又多嘢揀,我覺得$360呢個正d^^
    你媽咪真係好過癮喎^^

    回覆刪除
    回覆
    1. 係呀...所以想讚一讚哥日公立醫院又真係幾快...我要好好養身先得喇~
      毛寶佢無揀沙律呀~佢個餐都有得揀沙律但佢無要....佢試左湯~~可能我講得唔好~~
      不過我下次去我會試下揀最平哥個..然後食沙律~~~

      刪除
  7. 我可唔可以齋要個SALAD BAR? 哈哈, 齋食佢都已經夠飽了,

    我有個感覺呢, 毛寶好就得你, 請你之餘, 又聽你講想3個人叫勻3SET 的LUNCH, 佢說你叫最貴的, 佢自己叫中價的, 中價不單只, 見你叫牛扒, 佢就叫雞胸, 等大家叫的東西唔好撞埋一齊, 可以叫勻全部不同東西.

    有時睇完你地D相, 我發覺呢, 家陣男同女外表上無乜大分別, 如果有天我同你地企埋一齊, 可能人家離遠睇時, 分唔出我地邊個係男邊個係女囉. 以前男仔黑黑實實, 現在我這種男仔, 就同你地個款好相似.

    回覆刪除
    回覆
    1. 係呀~~我都想問~~~同埋我覺得沙律好正~~~
      哈哈~~咁我生日一年一次就下我囉~~~~~咁我都好多謝佢既~
      哈哈~~咁我都好白好似女仔架~

      刪除
    2. 當然知道你白你似女仔, 只是我可能女性化左少少囉.

      刪除
  8. 妳休息多D飲多D水~~好番d唔好食炸嘢、唔係病唔好、去旅行係食葯唔係食蠔~~~乘乘地啦Take Care

    回覆刪除
    回覆
    1. 知道...我好乖架喇~~噚晚食自助餐都無咩點食野~
      我要去旅行時勁食生蠔~

      刪除
    2. 食自助餐唔食嘢咪好唔抵~~~不過忍得口,比十個乘啦

      刪除
  9. 啲餐具真係好靚呀 我都好鍾意呀 :) 唔知你覺唔覺呢 啲餐具靚啲 好似食得開心啲咁呢 ^^
    set lunch 都有咁多嘢食 淨係個沙律吧都夠豐富呀~~~

    回覆刪除
    回覆
    1. 會呀會呀~~餐具靚~~成碟野都提升哂~~~
      係呀我下次都想叫沙律吧試試~

      刪除
  10. 最緊要飲水同休息呀~~
    我好想食包同牛油啦,個salad bar (我超迷戀appetizer),onion soup 同杯咖啡,噢,你又引到我嘞。

    回覆刪除
    回覆
    1. 知道~~不過我咳到訓唔到~~
      包真係好正~~我食包都可以食飽~~~~沙律我完全暈低~~~我會攞好多好多次架~~~~
      係啦~~~都幾岩你食喎~~最平哥個幾抵呀~~$270下次黎試下啦~

      刪除
  11. Hi小t ,打敗仗喇!好番d未呀!今日有冇返工喇!山頂醫院睇病真快!香港公立醫院就起碼四個鐘以上才可以見醫生呀!the kitchen 我上年去時去冇book位冇得入!原來d野都o,k喎!妳幾多號出發去澳洲自由行喇?take care!!!

    回覆刪除
    回覆
    1. 哥日真係睇得快...平時無咁快的所以想讚一讚
      因為佢做左分流

      刪除
  12. ¤*・゚天氣唔好*¤我都中招了¤*・゚大家要好好休息
    我精神其實冇問題呢...只係頭痛+眼花撩亂咁呢
    我都係小上網啊¤*・゚請放心呢*¤我好平安*¤

    回覆刪除
    回覆
    1. 咁你要休息多d呀!!!!!飲多d水呀!!!

      刪除
  13. 休息夠先算!時運高,就唔會俾人窒到!

    回覆刪除
    回覆
    1. 我成日俾佢窒..我諗我長期時運好低~

      刪除
  14. 妳的生日好豐富啊.......我的是吃年榚與蘿蔔榚當生日蛋糕。

    回覆刪除
  15. 飲下檸檬水增強抵抗力
    毛寶果個法式洋蔥湯,睇到人地流晒口水啦~~~

    回覆刪除
    回覆
    1. 係~好~收到~我會飲下的~
      係啦~~~我都好鐘意飲洋蔥湯~~~

      刪除
  16. 照計傷風感冒, 發消藥是家庭必備, 攪到看急症?
    有小小 小題大作的成份? 是否乘機攞病假呢?

    回覆刪除
  17. 小心身體呀~仲要去玩架😁
    呢間餐廳$270 set lunch都唔算貴呀!前菜同甜品都有!good

    回覆刪除
    回覆
    1. 知道~我會好好休息的~
      係呀!!!我覺得幾抵喎~~

      刪除