2014年3月19日 星期三

1314容祖兒演唱會+香港一天遊

噚晚同家家同b寶佢地一齊去食葡京既不夜天自助餐....今次幾好食幾有驚喜~食飽番黎太夜~所以就懶左一日無寫blog~今日訓完下午覺番工又覺得有少少頭痛...所以即刻食左粒藥~因為哥隻藥有咖啡因成份...搞到我成個下午個心跳得超快~超high咁~~~仲有少少反胃~......食飽飯先平伏少少~希望我今晚可以早少少訓~~



好咯~終於差唔多講到聖誕節時的事了~~我地舊年12月23日4位公子一齊約左去香港睇容祖兒1314演唱會~~一早坐船出發~~~我自拍得幾靚呀可~~~又充滿哂成個相框又唔怕走樣~




過到去班女仔梗係肚餓過乜架啦~~咁就梗係去食野先啦~~我地揀左時代廣場唔知第12定13樓既芽莊~~我地好早~去到先岩岩開門~~唔使等位~~不過我望左隔離既school food一陣....人地好想食呀~~~~熱店嘛~~哥日仲要唔使排隊喎~~~不過算啦~講好左食越南野~~我地哥日安排坐卡位~










我叫了菠蘿冰 $36....我覺得淡味左d~不過d菠蘿唔似d普通罐頭菠蘿喎~~質地好似菠蘿乾咁既~.....貞公子叫了咸檸檬梳打 $33...幾好味~




陳豪朗梗係要飲越式熱咖啡 $32~~~其實越南d咖啡加煉奶飲我覺得幾好飲喎~




河內蕃茄蟹肉湯檬 $58.....hey~這個一上檯...已吸引我地既注意......蕃茄味是大家的飛佛嘛~加上佢一黎到....一大陣的蝦湯味~~~勁香!!!食落味道也佳~~而且勁大個!!4位公子一致力推~~




河內生牛肉河粉 $50...呢個ok~但又未去到話好好食~不過份量羸哂~




邊和燒大蝦柚子沙律 $80...我覺得一般般~~因為有太多蒜片~~同埋個沙律貴在係哥兩隻蝦...但隻蝦麻麻~




順化蔗蝦 $70.....咦~原來仲貴過碗粉喎...不過我覺得麻麻~好油呢~




越式炸春卷 $55.....個樣衰...但佢炸得幾好味喎~脆脆~~不過就細條左d囉....




越南法式三文治 $46.....hey~這個好好味~~好好味呀~~

芽莊d主食幾抵~~好味又大大碗~不過d小食就貴d同埋唔係咁大碟....不過我真係幾鐘意佢個蟹檬和三文治~值得再去~(其實我食完呢餐埋單時...講左句:其實我未飽~~~~跟住某位大食公子就話:不如食埋隔離哥間啦~~....雖然好想~但係隔離已爆得不能了~~)



然後梗係行街行街再行街啦~我仲去左kapo baby推介我去買的簡體版書店~買我地都好鐘意既高木直子~~~正~~我最大既收獲~~不過其他衫褲鞋我就無咩買~反而有某個不常過香港既公子就大有斬獲~~




跟住夜晚我地就去左尖沙咀哥個iSQUARE入面既monster sushi度食喇....但係超難食...相都無影...明明第一次去食哥時又好味又靚仔架d野...之後我記得我個頭爆痛~~~狂搵屈臣氏買3倍冰感退熱貼.....買完就衝去搭的士衝去紅館~~有女仔話要買佢隻精選碟~好彩無好似hocc咁多人排咋~完全唔使排就買到~~好喇~入場了~~




睇容祖兒我都幾期待的~你知啦~慢歌夠經典~快歌就跳舞勁~不過衰呀!!!買中左個有條電纜係前面哥d位!!!衰!!影相唔靚!!!一入場就咁睇...個台無咩特別~(因為諗住佢會有機關)






開場喇~~~scream~~~~




點知.....個台勁醜....其中有一首歌個台升起係整到屋企咁既....但係勁核突...好似人地未裝修好既單位咁.....慢歌把聲好好聽....慢歌也夠經典....但係就係太多慢歌....快歌又假跳舞(可能佢今次為左開咁多場留力).....真正成首真跳我諗得一首....就係最尾.....睇睇下....我塊退熱貼產生作用....勁涼...我頭痛...勁想訓覺...毛寶就話:我好想睇雜誌........上次既No.6我都有去香港睇....不過已經令我有少少失望...因為我覺得star light實在太好睇...所以有比較....但我未睇1314之前聽人講佢比No.6更差時....我仲唔信...仲差過No.6??好難喎...點知真係.....所以.....即係...一次比一次....差...........舞台設計同快慢歌分配都麻麻...下次佢再開...我都要諗諗先...













2014/03/19的開心事:
今日下午開會開左成個鐘...
間接唔使做一個鐘...等個頭抖下..
er...我係咪好懶呀...哈哈~
同埋今日有人送左兩個麵包俾我~
我聽日早餐唔使錢有著落~



報時:距離澳洲探險自由行之旅2014仲有---2日~
報時:距離吉隆坡慶生自由行之旅2014仲有---29日~
天呀~~~~仲有兩個工作日咋~~~
其實我由星期日開始我已經執緊gip喇~
係咪有少少變態地早???????

41 則留言:

  1. 芽莊我至like,
    不過我比較like,海運大厦分店
    蕃茄蟹檬我都好like:-):-)

    回覆刪除
    回覆
    1. 原來海運都有架~下次去試下先~
      係呀~佢個湯底好香呀~

      刪除
  2. 仲有兩天!!!!嘻!玩得開心d :):):)貞會好掛住你的!
    你自拍的相很美~~

    回覆刪除
  3. 芽莊我食過、味道ok但太細碟唔夠飽呀
    葡京既不夜天自助餐(新定舊葡京)幾銀??

    回覆刪除
    回覆
    1. 哈哈~~係呀~我地都覺得唔夠飽~何況男仔~
      舊葡京...好似$2xx
      不過其實無咩勁野食架...不過叫做呢個價錢d野食都唔錯咁解咋~

      刪除
  4. 我都仲未試到school food
    原來只係三個月前既事 好似過左好耐咁
    我細個時都睇過佢演唱會呢 好似係隆重登場果年 haha

    回覆刪除
    回覆
    1. 係呀~不過如果我見到要排好耐隊我就唔想食呢~我懶~
      wakakak~你講細個哥時搞到祖兒好老~~~~

      刪除
    2. baby, 其實你頭一句咪寫家家同b寶~~~
      驟眼睇我睇到家寶呀~~~~~hahahaha

      刪除
  5. 我通常去灣仔嗰間芽莊,鍾意食佢嘅鷄肉檬。你冇講錯,小食係貴過主食嘅。從econ角度嚟講,小食嘅demand比主食inelastic,所以可以set個價錢高d。同埋人客會不知不覺咁叫多咗嚟食,佢哋咪賺多d囉。以前銅鑼灣世貿有間rice paper,d越式嘢都幾好食㗎,不過執咗lu。聽講容祖兒聲帶有事,生瘜肉,可能因為咁,佢唔可以唱太多快歌啦。

    回覆刪除
    回覆
    1. 下次試下雞檬先~~不過呢個蟹肉檬真係好出色~~
      係啦~~~唔覺意咁樣就會叫多左....果然係商人~
      rice paper係咪之前又一城都有哥間呀???哥間我就有食過~幾好味~不過好幾年之前喇..依家都唔會去哥度行街~
      唔怪得啦....但係佢唔唱快歌真係無咩賣點喇喎...我又唔係佢忠粉~

      刪除
  6. 澳洲探險自由行之旅...2014...距離仲有---2日~

    回覆刪除
  7. 一啲真唔過份,早啲執野,先有時間諗下漏左咩未帶。

    回覆刪除
  8. school food我食過了,排隊超過一小時,那次還見到蘇永康同位女伴想入去吃,可能要等位走人。

    回覆刪除
    回覆
    1. 如果要排咁耐..我諗我都會好似蘇康咁走人~

      刪除
  9. 你張自拍照真係影到你好靚呀,d皮膚又白又滑!!!!!!!!!!
    主菜價錢正常,但飲品好似貴咗d喎
    年年都開演唱會仲边有咁多idea吖!

    回覆刪除
    回覆
    1. 以~~~~好衰架你~~~讚人既~~~(自high中~)
      係啦.....同埋d小食咁貴但係唔覺意咁就會叫左兩個...
      隔年開架~12年無開呀~所以下次我都要細心諗諗去唔去睇了..我又唔係忠粉

      刪除
  10. 我住香港都未試過呢間越南野, 睇相好想去試下。
    我成日形住個頭啲食巿好貴, 一間都未去過 , 睇完你既介紹, 搵機會去試下先~~~

    容祖兒演唱會, 你係前啲場數睇都好吖, 我朋友係佢尾場附近睇, 容祖兒病左, 唱歌仲走走地音, 朋友話下次唔會再睇喇!

    回覆刪除
    回覆
    1. 主食唔錯呀~小食貴左d囉~
      又唔算話太貴既~~~~我想試school food的......不過食完之後已有好多人排~放棄了~
      下...原來我咁好彩的~~~~不過我下次都未必再睇....因為最近哥兩次都唔好睇

      刪除
  11. 玩得開心點,,,澳洲等緊你架,,,唔知你鐘唔鐘意食芝士圈,,,澳洲有隻藍色包裝..面係一粒好大既芝士圈,,,呢隻好好食架,,,你行supermarket應該都會睇到,,,試下吧

    回覆刪除
    回覆
    1. 多謝你呀~~~~鐘意呀~~~多謝你既推介~~~~我去到見到會試下的~~~~~

      刪除
  12. 我住新界,所以多數都去沙田嘅芽莊,整體黎講都唔太差,不過無太大驚喜囉!

    回覆刪除
    回覆
    1. 我覺得蟹檬最有驚喜~~~~生牛肉就一般~

      刪除
  13. 我都幾鍾意食芽莊,因為香港都無咩邊間好食,lee間算ok了,話時話,有啲掛住巴黎既越南嘢添~~
    school food,我都想試,但諗到要等位就無動力去食lu~~
    好緊張呀,要飛嘞,玩得開心啲啦,掛你~~

    回覆刪除
    回覆
    1. 哈哈~~~我同你係同好呀!!!!我都覺得巴黎d越南野堅好食!!!!!哥個....粉卷????暖哥個呀...我又唔記得咩名...真係整得堅好味!!!!!碗粉都令人驚喜~總體黎講就係好正囉~~~~~
      係啦..我都懶呀...要等位哥d我就寧願唔試...住lu~
      未飛~聽日仲要番工~星期六先飛~

      刪除
  14. 原來有這麼的一天,1314演唱會有4位公子大駕光臨早響嘛,等我去撞吓佢都好吖......因為憎越南,本來1鍾意食嘅生牛河或茄汁牛腩飯都好耐冇食,你哋一場嚟到搵啲馬交冇嘅或特別出名嘅嘢食嘛,食呢度好似求其咗啲......你倆又著6公子都有件褸呀?

    回覆刪除
    回覆
    1. 有係blog講過香港呀你自己無心留意之嘛~
      er....憎到連美食都憎呀...可惜
      有咩???都ok呀......咁有d咩先算特別?????
      係呀~凍呀嘛

      刪除
    2. 有講話去香港,冇講話四位公子出動呢
      憎到啲黑黑哋嘅人都睇唔順眼
      清湯腩熱狗都特別吖,米線澳門都少吖
      件嘢幾靚

      刪除
  15. Hi小t,原來妳去咗食飯,才昨晚冇寫blog呀!又有小小頭痛!快d好番呀!妳成日去旅行都咁早執gip ,都正常架!因為我都係一去旅行就好早成個星期執定gip !時代間芽荘我去親攞位都等成個鐘頭先有位!自拍四人張相拍得真係幾靚喎!明天是否搭夜機出發?幾多號返h.k呀!一路順風同旅途愉快呀!bye!!!

    回覆刪除
  16. 祖兒現在無50, 都有40, 開始唔夠氣, 又因為演唱會一開十場廿場, 只能多唱慢歌了.......

    回覆刪除
  17. 河內蕃茄蟹肉湯檬好吸引!
    那一晚好正啦!

    回覆刪除
  18. 話咁快就出發, 玩得開心D喇....等妳返來再UPDATE

    回覆刪除
  19. 原來甘快要去澳州,
    高木直子的書.我也很喜歡看.

    回覆刪除
  20. 我都like芽莊 ^^
    小t, 妳第一張相超級白滑, 點保養架 ^.*

    回覆刪除