2024/04/20~2024/04/21
Day 1 & 2(澳門 Macau->香港 Hong Kong->紐西蘭,奧克蘭 New Zealand, Auckland->基督城 Chrischurch)
華華華~2024年第一個旅行要出發喇~2024年第一個旅行就係放大假~點解揀紐西蘭?因為....一黎毛寶未去過~(我就太細個去都無記憶~)...二黎...喂...23年年尾見到紐西蘭航空有特價XXXXD...個價都平平地XXXD由於打算出發既日子唔算係多人放假既日子...所以假都未抽就買左機票XXXXD(錯誤示範~)...哥日搭夜機~訂左車直接由屋企去香港機場~
今次我要試新lounge呀~~~唔去魚蛋粉lounge~~
行到去gate 13-22就會見到呢個位...行入去上電梯
就會見到Interval Bar~用AE Explorer可以入~
間Bar當時新開~幾正~仲可以望飛機~(哥時未係好多人去~)
如果用AE Explorer入...除左咖啡或茶一杯同個主食之外~每一季度仲可以送多一杯off menu有酒精或無酒精既welcome drink~
我同毛寶叫左一杯有酒精一杯無酒精~又幾清新好飲~唔怕太甜~
另一杯野飲我地就叫左茶~
主菜我地揀左吉列虎蝦羅勒蕃茄醬意大利面同埋廚師精選4款西班牙小食~...第一次食覺得唔錯~...個蝦意粉都ok~除左隻炸蝦...仲有4隻大蝦~.....而個西班牙小食最好食估唔到係甜哥舊XXXD香蕉牛角窩夫~
由於頭先check in都用左D時間...搞到無得慢慢嘆~我地一食飽就衝去刷牙~刷完牙已經登機XXXXXD...我地今次搭Air New Zealand既NZ080....係19：15由香港經紐西蘭北島奧克蘭轉機至南島基督城~(本身係飛17:40...後尾send e mail黎改時間)
上機~
哈哈~23年尾見到Air New Zealand做特價...因為係淡季...econ係6,3xxhkd(呢個艙等無亞洲萬里通儲)...Premium econ係10,xxxhkd(有里數儲)...咁...不如試下咯XXXD...(其實最衰佢business係反魚骨式同勁迫...如果唔係我懷疑我都會痴線咁買左XXXD)....買機票哥時已經揀好左位...2-3-2咁坐...毫不猶豫揀窗口位XXXXXD...坐位唔係豪華型...但幾舒服~
上機前已經放定餐牌同過夜包係位~
餐牌望下先~好似都幾吸引~~我第一次搭紐西蘭航空咋~
座椅同電視距離好夠~櫈又舒服~正~飛9小時44分~都幾快到~
飛航安全短片都幾好睇~好似冒險電影咁~
都望落幾多戲睇...又望落無乜戲我好想睇XXXXD
哈波中字又得1,2,6XXXD搞乜XXXD
起飛時落雨行雷~
覺得無戲睇...絕望之際發現....喂!!!原來佢好慷慨~~~起飛後全機都有免費Wi-Fi~~~咁掂哂啦~~無咩戲岩睇都唔怕~~(事實上一路同3個老小孩報告實況~send相都ok~)
起左飛就走一轉野飲先~~
得野飲~無小食~為我地哥邊服務既係一個講廣東話貌似50幾歲的先生~語言溝通無難度~而且佢勁好勁有禮貌~爆大加分~
毛寶子飲sparkling water~我叫左cider~幾好飲喎~~飲完成罐個人都round round地XXXXXD
無幾耐就開餐喇~~成盆上~~之後再問我地要唔要麵包~我好勇猛搭長途機都揀食蒜蓉包~~熱辣辣好好味~餐酒佢推薦我飲Rose~
前菜蟹肉醬配炸甜粟和醃漬香菇~其實幾好味~可惜混有生洋蔥~生洋蔥我真係唔得XXXD
主菜我就揀左炭烤豬柳...肉都幾鞋...但又幾香煙燻味咁~毛寶主菜叫左香辣龍脷魚柳....呢個配墨魚汁同芝士同吃~超好食~
Opera cake我真係麻麻~毛寶話ok~總括黎講都ok既~
飯後玩左陣電話~同3個老小孩傾左陣~揀左睇旺卡....真係搞唔掂...悶到我睡左XXXXXD....訓左一陣....篤下前面部電視...餐同餐中間仲有呢D免費既小食~大方呀~(我又小器記住Finn air~)
仲有咁多免費既汽水果汁任飲...實在太慷慨~
最好玩係咩...就係你按入去某樣你想飲既野....然後可以任加你想加既野...係自己個位度order~~(空姐一定好忙XXXXXD...但我忍唔住試左一次XXXXXXD)...篤下篤下整杯gin tonic~~
隔一陣空姐就攞住我order既gin tonic薯片送到手上~謝謝~我就一路嘆住食薯片同cocktail一路睇毒舌大狀~(後尾發現呢程機太chill...然後我之後.......之後我先講XXXXD)
睇完戲...上下各大社交媒體....好似已經日出XXXD....望望下..呀....咩事個太陽咁紫既?我唔係上左Manifest(Netflix哥套劇)哥個航班下嘛....我去左邊呀~~~~
後面諗諗下...呀~係喎~隻窗唔係哥塊拉起既蓋架喎~係較隻窗既顏色去遮光架喎~可能係中央控制左暗D色等乘客調時差~一按下面個按鈕~返回正常~(睇下我幾戇居居XXXXXD)
你鍾意既較藍色日出都得架XXXXXD
朝早我揀左咖啡同中式早餐既蘿蔔糕(好難食成口粉XXXXD)...有XO醬一齊都救唔番....早知揀西式煙三文魚啦；[[[[....好彩有個牛角包頂下~
臨降落前勁曬~但呢段時間係一定要開窗~~~~太曬~我決定訓陣XXXXXD
咦~原來陰天XXXD~到奧克蘭(Auckland)喇~到地時間早上10點~
Air New Zealand既飛機塗裝幾靚~上機前無影依家補影番~
過海關前驚驚...因為我覺得澳紐D海關都好嚴...但明明我咩都無做過XXXXXD...入境個門口都幾有當地特色~
原來臨入境前仲有堆免稅店....咪搞我住呀XXXXD
過海關前見到有自助過關一個人都無...見佢其中一個可用自助過關既國旗係中國...我一廂情願行埋去問我特區護照用唔用得...點知佢話唔得XXXXD...頂硬上排隊~過海關毛寶企我後面...我過海關先...ETA做左有個app可以down...我無print out出黎...諗住show個app入面個ETA...不過俾左護照佢我估佢地電腦自己睇到...無問過我ETA..然後開始問我野喇...1.問我有無網上填定入境卡(網上申報自己會帶D咩入境)...我答有填...2.航班編號(剛落機個人懵懵下)...3.係咪第一次黎....4.黎做乜...5.係咪自己一個黎?.....我話唔係with my friend(然後指住後面既毛寶)........然後到毛寶...我見佢咁快：你咁快既?佢問左你咩問題呀?....毛寶：你指完我係你朋友同你一齊黎玩...然後到我佢一條問題都無問我喎~.......妖XXXXD下次你過先XXXXXXD....(妖~好似前排就公佈澳門特區護照可以用自助過關XXXXXD咁咪唔使俾人問問題囉XXXXD但就記得要上網做ETA呀XXXXXD)
然後要攞左行李先...我地會即刻轉機...但行李無得直掛去基督城.....要攞行李過左海關先...過左檢疫...要再去check in!!!...由於我地係international terminal...要去domestic terminal再轉機....check in你可以係國際航廈bag drop(但航班時間同check in時間要多個半個鐘先得)...如果少於30分鐘就要去domestic哥邊做bag drop~...其實轉機時多於兩小時會無咁趕XXXXD...我地得2小時05分轉機時間XXXD...過埋檢疫先啦...頭先海關都用左好多時間...咁檢疫可以我地兩個一齊係counter答問題...無咁驚~我地一早網上做好哂網上入境卡...佢就問我地D行山裝備(行山杖行山鞋哥D)有無整乾淨無哂泥痴係度...答佢清乾淨ed...佢再問我地有無帶野食...我地話無....佢就係我地護照貼呢個貼紙....再跟顏色行~原來分左我地去簡單檢疫有條通道俾隻狗仔聞下過下Xray就走得~唔使打開行李~好彩~過了~
過哂成個海關加檢疫大約40-45分...然後出左禁區...仲有1小時15分(多於30分鐘可以係國際航廈bag drop埋)...咋咋臨去番Air New Zealand度再check in~好彩夠時間~
好喇~放低件行李乾手淨腳~可以慢慢行過去domestic terminal~其實佢有免費接駁車去架...但好似係15分鐘一班...咁我地慢慢行過去啦~~跟住地線就行到過去~
我係機上面到到地都係著短袖...依家行出室外就覺得...喂~凍喎~呢個時候我著外套~幾分鐘左右就去到domestic terminal~
仲有一個鐘左右起飛~望下塊牌...見到佢寫住go to gate~咁就又過安檢~
入左禁區買杯咖啡飲濕濕個口~見到呢隻kiwi~~可愛~
同一條機票...所以都係搭Air New Zealand既NZ539係12:00由奧克蘭(Auckland)至基督城(Christchurch)
估唔到1個鐘多少少既機程都有小食派下...有塊曲奇同杯野飲~毛寶叫左茶~佢話塊曲奇好難食XXXXD
1小時25分鐘就到紐西蘭既南島...基督城喇~
大約13：25到地~由於係國內線所以唔使到好似頭先咁嚴格檢查行李~落機放鬆好多~
攞左行李我地就去租車公司攞車先~我地之前一早租左車...我地係Rentalcars.com度租左Europcar+買埋保險....但臨出發時見到網上話紐西蘭治安麻麻(竟然?!?我完全估唔到!)...上網睇到好多人自駕遊行李放車D人會打爛車窗攞走哂你車入面既野行李廂咁重都會攞走!!!由於我地之前租哥架車毛寶話個車尾廂應該好明顯見到舊行李...所以我地係出發前再臨時臨急再上網租架有Back cover既車...將原先哥架取消...由於已經少於可免費取消時間...所以我地俾左800幾hkd取消費(其實我開頭以為係全額無哂XXXXD)....本身租車係3,184.8hkd....依家係Rentalcars.com度租左Budget...相同租車時間太近租變左3,627.7hkd~保險863.5hkd~唔緊要啦~俾多少少錢換黎安心少少~租車個哥哥幾友善~
攞到資料就行去攞車先~華~好好天咁喎基督城~攞到車喇~~
出發~辛苦你喇一落機要揸車~
我地第一站係去Woolworths超級市場補給~什麼活動XXD
由於餓餓地~見圍住超級市場個area有好幾間餐廳~諗住食D野先~最黎揀左呢間The Coffee Club~
我地諗住食少少野~(費事食太飽夜晚又食唔落野~)...叫左個Mushroom, Feta & Spinach Open Omelette...NZD$23.5=110.9hkd...都ok~share黎食都飽飽~毛寶叫左Orange ＆ Mango既Regular Juice係NZD$6.4=30.2hkd...我就叫左個茶NZD$5.1=24.1hkd....物價就咁喇~野飲唔算貴~
好~行超市~~都幾大呀~鐘意行超市~可以睇埋當地物價~
除左鐘意行零食之外(今次竟然無零食吸引我!!)...我都好鐘意睇酒XXXD睇酒樽都開心XXXXD
司機寶話想買糖傍身~揀左呢隻當地野...竟然勁難食.....個質感勁怪.....
好實際咁買左energy bar傍身~~但我想講...其實我好憎energy bar...平時買黎都係想去旅行行山果腹...但呢隻...真係好好味!!好味到我買左番澳門繼續食XXXXXD推~NZD$4.99=23.6hkd
我同毛寶講我想試新出哥隻紅肉奇異果~~搵到~~但我以為一個個買照磅重...點個要成盒買...我記得好似有成8個...我好怕一次食唔哂既生果要帶住上路...之後睇下有無得再試啦~
買完超級市場補給~去左酒房check in左先~
經過第二次冰島夜媽媽黑munk munk搵唔到酒店之後...我地都鍾意有日光之下搵到酒店先XXXXD安心D~經一事長一智XXXXD
今晚我地住The Mayfair...我落車去check in時...有個男職員落車協助我地~我話我地reserve左車位....佢話俾毛寶知泊邊...然後協助我搬D行李落黎...毛寶去泊車職員就帶我去check in...我見佢拉我地兩舊行李行時行路趷趷下...我問佢係咪腳受傷...然後佢語氣chill chill地...係呀~我整親腳休息左成個月~今日先第一日番工~.....然後我提議不如我自己拉番兩舊行李啦~....點知佢語帶輕鬆：don't worry about that~.......我笑翻XXXXD...又幾友善~
經Hotels.com預訂...每晚1,551.1hkd~每人775.6hkd~無包早餐~但幾新幾靚~
無啦啦有微波爐XXXXD
咁settle好哂之後我地再出去食野~日落中~
泊好車要俾泊車費~好彩都唔難用~用信用卡俾左錢可以上網睇番俾左幾錢同泊到幾點~泊兩個鐘NZD$8.6=40.6hkd...20hkd一個鐘~接受到~
落左車覺得好凍~~~我要再加衫~
諗住黎Riverside Market食下野~點知入到去有好大個區域已經關左~咁算囉~好彩又無乜話有咩特別想食~都係想八下~
咁就去下佢外圍D餐廳望下有乜好食啦~
行下行下...諗住轉入呢條街彩下有咩食....就係我突然轉向眼尾見到兩個男人原來同我地行到好近...佢見我地突然轉向佢好老尷唯有繼續向前行.....errr...直覺話我聽佢想偷我背囊既野....因為佢近到手已經high到我背囊(feel到佢掂到)...不過D重要野我都唔會放背囊~係市區大家都要小心~
最後揀左食拉麵~(點解會揀拉麵XXXXD明明我地兩個都唔鐘意XXXXD...可能天氣凍我地想食D熱湯麵~)
叫左呢個組合...我亂剔XXXXD
我叫既Miso Ramen...NZD$24=113.3hkd....好無味呀...errr...有D咸囉~
生活真係艱苦...兩碗麵無叫小食無叫野飲加埋稅都要NZD$47=221.8hkd~好啦~早D番去訓喇~番到酒店....我開始覺得....我個喉嚨...好似...有D...乾乾地......唔好呀~~~
2025/10/25的開心事：
好似去南極既野差唔多買齊XXXD
報時:距離南極阿根廷之旅2025仲有---18日~
下.........半個月多少少....
我我我....緊張呀.....................
希望一切順利~
出埋下次篇BLOG~
我同毛寶就出發喇~
我地就要個幾月後先見喇~~~~
沒有留言:
張貼留言