與三個老小孩台北聖誕美食之旅2023-12-27第三天(晴天及後大霧有雨)

9月7日...又話今晚掛8號波喇...好彩都可以玩個朝早...出門口時爆勁大雨...中午去食茶杯...食完買電話殼...再行威尼斯人...又買左兩件衫同拖鞋...探豬...夜晚痴痴貢~.....9月8日....老夫人噚晚成10點先高鐵到珠海....澳門就9點掛8號...我幾驚佢過唔到珠海關要被迫8號風球留係珠海過.....好彩佢順利番到屋企....噚晚見8號波在10時前維持..有哂心理準備休半日下午要番工...所以噚晚都開左包大熱浪加飲Tonic~~仲要夜訓.....訓到半夜開電話睇變左在早上維持8號波......訓到10點起身....又無講幾點掛3號(香港講左13:10掛..諗住澳門都差唔多....)..都諗住整理下自己下午番工架喇(係我最憎既放半日風假).....刷刷下牙收到消息：澳門3點先3號....................下?????????????放全日了~~~~~~~~~~~~~工作就留番俾明天的小t啦~~~.......9月9日....係呀~D工作今日既小t要做喇~~~成日都忙到一頭煙~~依家呢個工作崗位我成日形容為夢幻西餐廳~今日試過得我一個人係夢幻西餐廳...你可以諗下落單又係我整餐又係我執餐又係我送餐都係我!可能D客話無冷氣都係我!好忙!....9月10日...今日已經好好多..唔怕過多野做無野怨...但今日頭痛XXXD...9月11日...今日因為上堂遲左半個鐘先收工......9月12日...放工老夫人幫毛寶子開今年第一個生日會~揀左食麗軒…9月13日…中午食文哥…去上葡京諗住揾Kodak相機抽..點知無..但買左好多Usagi~~…探豬~…去左gorilla又買多個眼鏡去南極坐Zodiar用~..隻貓店長勁嗲呀大佬…猛用頭擦我同毛寶~~…夜晚食煥記~….9月14日…⼀早起身第一件事梗係投票啦~~中午食IES~…下午爆熱…夜晚叫關東煮外賣…9月15日...好似話又打風...下周又有風；[...保佑保佑....9月16日...家陣番夢幻西餐廳..無窗望到出面...好似入左賭場咁無日無夜XXXD(只係一個比喻~)...9月17日...肚同頭都痛既一日~今日個客仲用粗口同我講野~我覺得好親切~(其實佢鬧緊我地公司XXXD)...9月18日...仲係少少頭赤赤~…9月19日..今日放工公子去葡賞為毛寶慶生…9月20日…有個超強颱風樺加沙黎緊..保佑沿城市大家都平安…好恐怖…..中午同豬子開生日會..夜晚同唯三大學朋友去Frites為毛寶慶生~



2023/12/27
Day 3(台灣,台北 Taiwan,Taipei)
呢日我地有租車去遠D玩喇喇喇~但我地今日勁爆早出門口~~8點已經出左去~~08:20已經差唔多到今日第一個”景點”?

第一個景點就係佳德鳳梨酥XXXXXXXXD






同司機大哥商量今日行程時提到想買佳德番去做手信..司機大哥提議8點出門口...我仲心諗：使唔使呀.......依家望到呢個場景...我答你：使!!XXXXXD......之前毛寶家姐成日去台灣時買俾我地食~我地都唔個原來要排咁耐...如果有人買佳德俾你做手信...記得要心懷感激呀~




排左一陣頂唔順...佢地排住先我同毛寶去買杯咖啡醒醒先XXXXD




飲飲下啡望過對面.........妖XXXXXXD(望下D字)




朝早8點7開始排...10:00買完上車...歷時個幾鐘....好可怕....記得珍惜去買佳德俾你食既人~




再出發去今日既景點~途中經過忠烈祠~咁岩有換班(?)...司機大哥叫我地落去睇下~








經過圓山大飯店~我家老夫人好似聲稱以前去旅行有住過~




然後來到士林官邸公園~行下影下花咁~(花相全部都係團友影)...不過花唔算好多..可能因為冬天~






















行左一陣就走啦~爆好天~




我地今日既景點係去陽明山~我第一次去咋~~(因為係台北市區好似無咩岩佢地玩..但係近近地哥D淡水呀九份又去過...好辛苦先諗到陽明山XXXD)




陽明山地標?!我諗起松山個草地鐘XXXD








影完個鐘轉頭一望...華~係烤地瓜檔呀XXXXXD大伙衝埋去~






佢仲要有3種地瓜賣~~我都唔記得幾錢~佢上磅計錢既~雖然有3種..但其實我淨係鐘意食黃色哥種烤地瓜~我鐘意黏糯口感~(不喜歡粉粉質感~)








我地5個...得毛寶一個唔鐘意烤地瓜~因為細個屋企附近有個檔仔~有煨番薯同鹽焗鵪鶉蛋~好鐘意媽媽帶我去買下午茶~佢D鹽焗鵪鶉蛋係個車仔檔既櫃桶入面~




食完烤地瓜~坐一陣車來到小油坑~臭臭~












今年去北海道時都睇左個地熱谷既景點....但唔知點解北海道哥個唔係好強勁...反而我覺得陽明山咁樣睇靚D~








再上車~呢段路好靚~好多芒草~(其實係咪芒草XXXD)






上車既第三個陽明山既景點係午餐XXXD我講左唔可以令我地D貴賓攰架嘛XXXXD今日午餐係松竹園~好勁架我地上到陽明山都要食米芝蓮推薦架XXXXD...網頁寫係全年無休~






停車場行出黎有個日式亭園~




如果想食記得去佢官網線上訂位~因為都真係幾多人食~人多起上黎出面會企滿人等位~我地一早網上訂左位~指下個鼻就入坐XXXD




佢帶左我地入坐...就自己去攞茶壺加熱水加茶包~(茶水自助)...好彩有上網睇定XXXD如果唔係就戇居居XXXD....其他野飲都係自己攞...再同佢講番攞左咩野飲~






梅子山藥..NT$300=77.1hkd...山藥本體好食...但個梅汁...errr...




山藥雞湯...NT$650=167.1hkd...呢個湯又唔係話難飲既...但我都係鍾意廣東湯XXXXD




炒水蓮...NT$260=66.8hkd...台蓮水蓮無得輸~




白斬古早雞(半隻)...NT$460=118.3hkd....雞味濃!讚~佢仲有脆皮雞同茶燻雞~




綜合小饅頭一籠8個...NT$80=20.6hkd....但呢個唔係我地叫既...係佢送既~...佢地4個都覺得好好食~話又軟又糯~我就一般~因為我平時都唔係幾鍾意食饅頭XXXXD




三杯中卷....NT$480=123.4hkd....正正子!...估唔到三杯雞之餘仲可以三杯海鮮~好送飯~




清炒龍鬚菜...NT$260=66.8hkd....又係黎台灣必吃的菜菜~




紅燒豆腐...NT$250=64.3hkd....正常野~




香滷桂竹筍...NT$280=72hkd...我家老夫人最鍾意食台灣既筍~所以一定要叫~咁台灣筍又真係幾好食既~




拿~應承D貴賓唔會攰架嘛~(明明今朝先至排左個幾鐘佳德XXXD)




呢餐食左NT$3,119=801.8hkd...都ok~




食飽飽就要行下下路散下步喇~來一個冷擎步道~(無行哂成條XXD唔使驚~仲有叫佢地帶行山杖~)










跟住行落去冷水坑生態池~有個少婦擺靚姿勢影靚靚~












我地4個好似一個組合XXXD猛影團照~








本身今日好好天架~做乜食飽飽之後起哂霧既~算~走咯~班老小孩做夠運動喇~行入芒草陣好大人國feel~(本活動無導致任何老小孩疲勞過度XXXXD)








行番去入口見到隻黑柴仔俾主人帶上山同佢D狗仔朋友一齊玩~好可愛~~~~






下一個景點係擎天崗環形步道~本身呢個景點影相好靚架~但家陣如圖所見....勁起霧...乜X都睇唔到.......其實陽明山仲有好多靚既景點...例如牛奶湖哥D...但係我地想D景點係一步到位等佢地唔攰既...就選擇比較少~以上就係比較舒服既~














陽明山落番黎就去北投既地熱谷~我都唔記得係我安排要去定我地時間多左司機大哥安排我地去既XXXD到此一遊啦~反正我都未去過~












佢仲有D用地熱整到暖暖的石櫈~我有坐~幾舒服~




好囉~今日行程行完~去食晚餐喇~由於今日司機大哥已經好早出黎接我地去買佳德(有付超時費用加小費)...我地叫佢唔好等我地食完飯再車我地番酒店~叫佢回家食飯我地自己搭車番酒店~.....今晚黎到春大直食飯~




入面有好多間餐廳...今晚我地要黎試下台灣既烤鴨XXD(我私心咋因為我鐘意食片皮鴨~)...間餐廳叫九華樓...可線上訂位~地址：台灣台北市中山區樂群三路303號3樓




九華樓好似係間老字號傳統粵菜~但佢新裝修都變得幾年輕有活力~








佢有最低消費...咁我心水就係叫呢個4人餐(5個人食XXD因為我覺得會好漏XXXXD)...另外再單點菜類...佢寫限量所以我線上訂左位之後就叫司機大哥幫我打去留呢個餐~我貪佢乜都有D...唔使單點一隻鴨實食唔哂~個set有7個菜式...NT$4,280=1,100.3hkd...係FB/IG打卡會送手工鴨蛋黃布丁一個~




全鴨匯滷鴨香寶...滷水既鴨內臟呀~鴨翼哥D~都ok~




金沙咸蛋杏鮑菇...好味但食多兩粒好漏~




然後有師傅出黎係你面前片隻鴨~




師傅一路切...店員一路係旁邊包呢個麥餅跳舞片皮鴨...咩叫跳舞片皮鴨?入面包左爆炸糖XXXD...都幾得意~無諗過呢個配搭~




然後有淨低既就自己包~呢間興有埋甜薑片夾片皮鴨~








明爐烤鴨斬件盤...我已經食到好漏XXXXD...我無用~




荸薺鴨鬆美生菜...我平時係澳門食片皮鴨一鴨二食..第二食都會鐘意揀鴨鬆生菜包~呢度個鴨鬆加埋油炸鬼粒增加口感...但我覺得個油炸鬼炸到太硬~唔欣賞~




爆炒海鮮鴨肉煲...無乜記憶點~




單點市場季節時蔬...NT$420=108hkd...清炒芥蘭...係炒得幾好食既...但我記得好似得8條XXXXD...貴到好可怕XXXXD




單點蒜蓉蒸澎湖角瓜...NT$420=108hkd....絲瓜係甜既...但係勁家常既菜式而且都唔算話好難...咁就....好貴XXXD...但佢個絲瓜刨皮都仲有咁大個圈又好難得既~




鴨絲陳皮松花粥...華~成個套餐既亮點!粥底綿又重鴨味~好好食~我食左3碗XXXXXD




手工鴨蛋黃布丁...打卡送既~如果單點要NT$350=90hkd...好貴既一個布丁~口感好紮實...我唔鐘意咁實XXXD但係蛋味係好濃既~都幾大個~我地5個人分享吃~




你問我好無食呀...正常味唔驚艷XXXD除左鴨粥真係好好味...片皮鴨夾爆炸糖第一次試比較特別...其他野同澳門食差唔多~同埋呢間D蔬菜好貴~~我覺得上次去蘭城晶英酒店既紅樓中餐廳食既櫻桃鴨宴好食D~(個人口味)






食飽飽出黎好大雨~點知我同毛寶見今朝咁好天放低遮係酒店~唯有係度買把遮~好彩有~開頭諗住截兩架的士番酒店...不過雨天就全球都難截車啦~後尾諗...不如截一架..送老小孩上車我同毛寶自己捷運番去~點知一架都見唔到...唯有大家一齊去搭捷運XXXXD




今日係陽明山喜獲夢幻湖山皮一隻~




毛寶既靚靚~





















2025/09/20的開心事：
今日幫豬子生日會影相大成功~~



報時:距離毛寶生日曼谷之旅仲有---6日~
報時:距離南極阿根廷之旅2025仲有---53日~