宜蘭聖誕親子遊之旅2019-12-23第四天(陰天及後轉晴)

2月4日...中午食左MGM蝦麵~成個下午係蜆家~夜晚痴痴貢去南湖明月食團年飯~….2月5日…華華華!!!就黎過新年好多野做呀!!!!番工咁多野做我都有新年前拖地~~乖~~….2月6日…今晚咩都無做~~好舒服~猛睇reels~~....2月7日...話哂年廿八~我去左洗廁所XXXD盡左力~......2月8日...今日係兔年最後一個番全日既工作日!!!聽日番半日~…無啦啦星宇航空特價XXXD….忍唔住又買左XXD…因為見到佢啲特別假日都好平…買!!….2月9日..喂喂喂!!!好大件事!!今日年三十!!!番半日工..好彩無乜野做~放工同公子去飲收爐茶~~去陪毛寶買野~~去見蜆豬子~~同媽媽食年夜飯~~去左食Omakase~~….2月10日..大年初一~~我俾隔離屋隻狗嘈醒~~不過都算自然醒既~無鬧鐘響我都ok~改左行程..今日第一個行程係同舅父飲咖啡~行個大運~再同毛寶家人一起吃齋~....2月11日...大年初二...中午去左毛寶家食開年飯…夜晚去舅父家賭王群英會..還是莊家贏~我輸了70大元XXD…晚上舅母整的白烚很好吃~~….2月12日…大年初三~中午同3個老小孩去醉江南吃飯~然後行studio city個新開既donki~再去臭蜆屋企玩同食晚飯~....2月13日...大年初四~中午去左雅辰飲茶...無舊年咁好食~...同臭蜆玩~...夜晚食金殿堂~又係一般~......2月14日...中午食左甜點~行左陣IKEA~情人節大餐搵蜆豬子陪我地食~....2月15日...假期後遺症真係好難頂....一開工心情超差XXXXD...好彩今日逗左52封利是~.....2月16日....呢日起身又頭痛...慘~放工去左食日本餐..呢間係第一次食......兩個人食左千二蚊...但吃了個虛空~....2月17日...中午去左拜老豆~再去食Terra~再去同豬子玩~再去痴痴貢~



2019/12/23
Day 4(台北,宜蘭 Taipei,Yilan)
早呀~今日我同毛寶照舊出去搵早餐食~

今日揀左食mos burger~米漢堡好耐無食過~但係傻傻的叫左中式素漢堡....D料似羅漢齋咁XXXXD...搞到好似早餐食羅漢齋飯咁XXXXXD




食飽出發啦~今日菓子軒病左...所以得我地天團同毛寶爸媽出發...坐左兩個鐘?(忘了正確車程)....去到太平山...去太平山係因為...我睇IG見到太平山有條步道好靚好靚~所以決心今次要去~來到太平山國家森林遊樂區既旅遊中心~






再揸車上去我地要去既步道~一路行..一路天陰陰有霧加少少雨粉...途經一棵2500年樹齡既古樹~








我地今日既重點行程係見晴懷古步道!....呢條步道貴為全球最美28條小徑其中之一...我點都要會一會佢!








上緊山哥時仲諗緊慘啦...天氣一定好差...上到黎又一番景象~






想黎呢度睇因為呢條步道仲保留緊舊有山地運材鐵道~








條步道好靚~加埋我就仲靚~(誤)......一路行一路影都好靚~我好鐘意呢張相架~有其中一個通訊軟件係用呢張相XXXD




行行見到.....好靚呀!耶穌光呀!






突然....好靚呀呢個位...好似突然間打左燈既舞台咁~~~




邊個靚邊個靚!






行多一陣...行到重點影相位一~~~生滿樹葉既廢棄鐵道~~~不過~呢度其實有少少難影~因為...有好多人行過...要用時間...等XXXD












再行前少少到重點影相位二~~超美好不好~真係要用時間等人行開先有得影~








跟住咁岩線又有耶穌光灑落黎~~~灑花~超美~




呢張呀...唔係毛寶幫我影架!.....我望既方向係毛寶幫我影緊急!...點知今次宜蘭篇BLOG佢扭計話好懶唔想整相俾我....呢張係毛寶幫我影緊哥時司機哥哥再影再SEND番俾我地XXXXD....張相CREDIT番俾叫ANDY既司機哥哥~




回程再影頭自經過既必影景點一....變左有霧....反而比頭先有陽光更好看~




好~見晴懷古步道....挑戰成功~成個過程計埋影相同行...其實一個鐘左右~而且路唔難行~幾OK~而且真係幾靚~好好影~好彩我地上山哥日係閒日~台灣又唔係假期~雖然都多人行~但未致於影唔到相~




下一個點係坐蹦蹦車~坐蹦蹦車前我地會先吃午餐~但做呢兩樣野都要行左呢條樓梯上去先XXXXD嚇到我地影張鼻窿照先~(先寶媽有配合XXXXD毛寶爸可能有偶包XXXXD)






買左飛先~








好似天氣開始又陰陰地天~




唔理喇~食飯先~由於我地買既蹦蹦車班次得番45分鐘XXXXD要火速食XXXXXD....我記得蹦蹦車月台附近有一間餐廳~好似係食合菜(如果我無記錯)...6人份量...我記得都唔錯好食~好多菜食~正~




好啦~食飽飽跑去蹦蹦車月台~成日來回全票NT$180＝47.4hkd....毛寶爸媽有優待票NT$120＝31.6hkd....我地去程揀左13:30~回程揀左3點~






上車~全長大約3公里~20分鐘就去到森林~








好靚呀好多芒草~






到左森林深處~影下個蹦蹦車車頭先~




有一小時可以盡情深吸森林香氣~周圍走走行行~都幾好影~令我諗起蘇格蘭D森林~




















好啦~影到3點半就上車走啦~






啊哈哈~搭番去起點車站我去左cafe買蒜茸包同熱茶做下午茶~霞~~~





番到礁溪就會合菓子軒一齊食晚餐~今晚食福哥石窯雞~




黎到梗係要試招牌既石窯雞啦~NT$600=157.9hkd...黃色哥D係咪雞油?....雞食落...估唔到...無想像中既嫩~




炒水蓮NT$150＝39.5hkd...炒山蘇NT$150＝39.5hkd...炒高麗菜NT$130＝34.2hkd....全部台灣既菜都係好好食既~








蟹粉豆腐...NT$180＝47.4hkd...估唔到咁水流流~可能台式係咁?




紫菜吻仔魚羹...NT$260＝68.4hkd...勁大個XXXD




水灼白蝦NT$250=65.8hkd...蝦好吃~




三星蔥煎蛋NT$34.2hkd...同月亮蝦餅NT$180＝47.4hkd....兩個都一般~






個人覺得~一般啦~最好食係菜XXXXD...NT$2,560＝673.7hkd....每人100hkd都唔使...8大1小...算係咁~




番到酒店附近...見到好詭異既聖誕燈飾XXXXD




然後我同毛寶同大比同阿Sam同菓子軒媽衝左出去食宵夜XXXXD一定要炸炸佢~~






做乜je~做乜鬧我je~




一定要叫一大堆~正~大份鹹酥雞NT$60＝15.8hkd~仲有其他立立雜雜~








條友仔望望下我地又唔忿氣再鬧XXXXD






再衝一下便利店~呢幾樣都想試...但最後無買XXXXXD...可樂果食完勁口渴又唔算好好食XXXD但係一食開會忍唔住一條一條咁塞入口XXXXD










最後買左呢兩樣~









2024/02/17的開心事：
可以盡情的耍廢就是爽~



報時：距離紐西蘭南島自駕遊之旅仲有---62日~
報時：距離毛寶生日台北慶生之旅仲有---223日~
係~買得星宇都係台北啦~
我都知佢想去日本多架喇~
但係佢生日哥段時間真係好貴...
但係星宇反行其道就減價XXXXD都幾平下XXXXD
唯有去一去~
同埋希望今次食到我地兩個都想試既哥間餐廳~