飛行體驗法國布列塔尼自駕遊之旅2019-12-04～05第十一,十二天Part 1(晴天)

8月20日....中午食左風雅廚...換左丹麥總廚呢日狀態大勇~前菜個煙燻鯖魚超~好食~....主菜個慢煮牛肋骨都好好味~~好期待下一期出咩午餐set~~....夜晚叫外賣~....8月21日...搞乜~好耐無試過咁多野做~今日真心多野做~不過事但~唔使我埋數就Ok~....8月22日...放工同七公子去左風味居慶生~~好開心~(可惜我頭痛).....8月23日...頭又痛左成日~~....8月24日...今日老夫人整左冬瓜粒湯飯我吃~開心~.....8月25日...今日啲籌keep住遲一個鐘~放工去左吃日夜咖啡室~…8月26日…朝早起身覆診眼科先~見到之前個傷口好番好多~心感安慰~…之後食Terra~~再探臭蜆~~夜晚痴痴貢~…..8月27日..中午去左食銀河茶杯~...食茶杯係因為我想毛寶陪我去睇銀河間CK有無P‘Bai廣告放出黎...點知乜都無!...嬲!....夜晚叫外賣~呢日又發現屋企個熱水爐又漏水.....好煩!....8月28日...好彩今日有人黎整熱水爐~點知師傅整左漏水又搞到熱水爐溫度唔夠.....又要再上多黎一次整....好彩今日番工星期一反高潮地唔多野做~......8月29日...今日個頭赤赤地~唔知個風係咪會黎呢?...唔好阻我過周末喇；[......8月30日...唉唷!有個風打緊黎!!...仲要周末打；[[[[[....我同事生日叫左兩隻乳豬番黎請我地食!我食左兩舊~......8月31日...聽落同睇落個風好勁.....我....趕緊放工去買兩包薯片XXXXXD我仲係咁無志氣...個風環住港澳巡遊咁...希望個風搞下笑就算...唔好做成任何傷害.....9月1日...呢個開學日都好突別~HI子不用上學去...香港凌晨兩點掛8號...我地就下午兩點先掛....唔緊要...但係兩點掛風點半開最後一班趴屎係咩玩法?....公司話要同颱風手牽手喎~掛左8號我地先會收~我愛公司＜3...幾驚掛8號兩點先可以收工呀~公司幾好呀俾我地放點九~好彩我屋企同公司近唔使搭趴屎又無落雨~....番到屋企媽媽已經買左茶茶仔等我~食飽飽沖涼去訓陣~見到香港7點掛9號緊接8點3掛10號!!好驚呀!我諗起天鴿山竹自己訓係床搖既情景...好恐怖...澳門都11點都掛9號...我諗凌晨都會掛10號波了...天佑港澳!...希望訓醒乜事都無!!...9月2日...真架!一起身靜哂!靜到我訓到12點自然醒!!好彩蘇拉行快左少少避開朝早既天文大潮!...3點掛3號!今日可以去探蜆蜆喇!好掛住佢!





2019/12/04～05
Day 11,12---Part 1(法國,巴黎 France,Paris->香港 Hong Kong->澳門 Macau)
早晨~今日我地就離開法國喇~又無乜唔捨得~因為今次講明係嘆住黎嘆住走架嘛~所以依家又期待緊~

揀住呢個站既其中一個原因...就係呢個站可以直接搭TGV去機場~我地係CHATELET LES HALLES搭RER B線至AEROPORT CHARLES DE GAULLE~




其實我好驚係巴黎市區搭地鐵去機場架~因為.....架地鐵實迫到爆炸又無位坐...但又好似無其他選擇~結果都係迫爆~好彩~大約34分鐵就到~(好彩揀呢日走咋...聽日就開始罷工)






太耐無飛巴黎~已經忘記巴黎機場咩樣~(Departure)




哈哈哈~我地用Asia Miles換機票既~我呢D里數窮人...係cheap cheap地既...有直航唔揀XXXD...好屎忽咁用多少少里數...試埋另一間要轉機既航空公司商務回程~就係卡塔爾航空喇~等左佢一陣開counter~




等緊商務條隊check in時(其實一早上網搞好哂chenk in同揀位...不過佢當時無self bag drop~)...有個地勤走過黎問我地：你地係搭Qatar Airline?....我：係呀~(自己想像英語對白).....地勤：呢條隊係for商務乘客既....我：errrr...係呀.....我地今日係搭商務呀..............懷疑地勤唔好意思曬左冧之後帶我地去first class度check inXXXXXD...華~first class counter先有學氈架~不過呢段對話真係幾壞印象~雖然我地真係好窮酸既~(毛寶睇到呢度一定心諗：你窮酸咋我無架XXXXD)




我舊行李已運走左...影人地舊商務艙行李帶既行李先~(都唔知有無下次XXXD)




因為要轉機唔係直航~所以要係卡塔爾轉~攞哂兩段機票同埋巴黎段既lounge invitation~<3....第一次攞銀邊機票咋好感動~之前一直攞開祖母紅邊機票(econ)...人窮所以咩都影下~




好啦~check左in就去過海關囉~




雖然話對巴黎機場無乜記憶....但對佢呢個充滿未來感既扶手電梯又好有記憶~好靚好過癮~




好開心~係巴黎機場搭Qatar Airways既商務艙過海關竟然有特快過關!!!好驚喜~因為國泰係香港機場商務艙係無呢個禮遇~得頭等先有~




過左海關就有指示去lounge~




我想講下點解我會揀咁樣直航去回程轉機番XXXXXD首先點解有呢個旅行?因為我地有堆里數就快過期(幾年前係仲會過期既)..所以我就狂睇有乜地方可以換到機位~目標係換一程頭等長途!(但回程係諗住自己買單程經濟艙XXXD)....但搵極都得一張...無兩張...搵搵下....其實換到來回商務...問左毛寶話OK...咁我再睇換邊班機...點知俾我見到國泰直航來回係吸引既...但係Qatar都換到喎!當時Qatar新出左款商務艙我想試...但就要轉機.....同埋換另一間航空公司要加里數同埋加左里數其實我地係唔夠既~仲要加少少錢換里數~但係...我又想試喎~一問毛寶佢又話：好呀~....所以就古古怪怪咁明明有來回直航都要揀回程係轉機~...咁點解揀去程直航回程先轉機?明明Qatar我想坐哥款商務艙其實香港出發都有既...咁點解又揀回程先搭?....咁既然咁岩線香港出發同巴黎出發都有我想坐哥款機型......咁就唯有諗下lounge方面喇~如果香港出發搭Qatar...香港機場佢無lounge既...但佢係One World成員...所以其實係香港搭Qatar可以入到國泰既lounge~(澳洲航空都好似可以入)....但係巴黎...竟然有Qatar少數外站lounge!(仲要新新地)...係當時...係真係搭Qatar既商務同頭等先可以入...就算one world成員既頭等或商務客都唔入得~完全係自家航空貴賓室feel~所以...我一定要入!唯有回程先辛苦D~(依家上網睇搭國泰都可以入~因為國泰係巴黎個lounge關左).....其實本身唔使諗咁多~但我人窮又諗多少少~






一入去就見到勁大盆蘭花~好靚~




帶大家睇睇呢個lounge~勁新!勁靚!勁大!...以外站黎講呢個算好好好好好好!我地黎到既時候係....一個人都無XXXXD

優秀呀~有得沖涼~雖然少...好似得兩三個...但當時淨係搭Qatar既人先入得...所以覺得還好~有兩款...一款係無障礙~......不過依家唔使沖住~因為今朝係酒店先沖完~








有備品放係度~如果需要其他野都可以問職員~






我就好屎忽既~我就鐘意坐室內窗口位既~本身我地揀左呢邊既位坐低左~

坐左兩秒...我：好....曬....好....熱XXXXXXD....明明前幾日都勁凍XXXXXD...12月既歐洲會咁熱既咩XXXXXD



最後我地揀左坐呢邊~真係好靚...好似係一間真餐廳咁~




坐低可以叫餐牌既main course..湯同酒~






我要呷兩啖咖啡先~今朝好早起身~




除左餐牌上面既main同酒要叫之外....其他D芝士呀麵包呀沙律呀甜品呀茶呀~就自己係出面慢慢睇自己攞~












仲有阿拉伯咖啡飲~不過阿拉伯咖啡上網睇好似會加豆蔻同茴香哥D一齊煮?我麻麻地呢陣味~佢地好鐘意配椰棗一齊飲同食~(我可以齋食椰棗XXXXXD之前去摩洛哥食哥D椰棗好清甜好好食~)




出去攞左沙律同芝士入黎食下~






叫杯香檳賀賀佢~賀我地無貪心留多幾日先走!如果唔係就會撞岩罷工!




上網睇人地講~話Qatar機上個菇湯好好飲~咁岩見lounge有~又唔知機上有無~叫個黎試下先~超勁夠熱~(飲湯第一重要事項!重點重要係西湯XXXXD西湯凍左我應該會賴屎)....佢唔係忌廉菇湯哥種...係重菇味~超級唔錯~毛寶都讚~






見到佢main有King prawn with flat rice noodle!!喂!河粉!叫!食左咁多日西餐都悶喇!佢描述係配chuchee sauce....係咩來?....上網搵係魚咖哩醬?我麻麻隻味XXXXD...河粉質感一般~但蝦好食~好似叫西式穩陣D~




出去攞埋個甜品結尾~前面黃黃地個甜品都係麻麻XXXD...食生果好喇XXXXD




要左洋甘菊送甜品~




聽人講呢個lounge如果天氣好時可以離遠望到巴黎鐵塔...試試佢!然後行到出去....喂...好熱呀XXXXD好曬呀XXXXD唔望喇XXXXXD






走喇~係咪法國先有?機場入面仲有吊燈...似扮蠟燭燈XXXD有少少波特feelXXXD




去boarding gate喇~通道好未來世界感覺~













上面講開我同事生日叫左兩隻乳豬請大家食...
我番到屋企好開心咁同老夫人講XXXXD
我：媽媽今日我同事生日叫左兩隻乳豬我地食我仲食左兩舊呀~今日隻豬超~~~好食~D皮化架~
老夫人：華!咁開心呀~你同事大壽呀?
我：errr.....唔係呀....佢大我一年之嘛.....
老夫人：哦~咁佢一定係脫單喇~
我：errrrr.....唔係呀....佢脫單都10幾年喇...連個女都好大....
按照老夫人既邏輯....
一個人.....有資格請同事食兩隻乳豬既....
只有兩個可能性...
一係大壽~一係生日加脫單~
XXXXXXXXXXXXXXXXXXXD



2013/09/02的開心事：
梗係訓醒出面無哂風聲!
個心定哂!



報時：距離毛寶生日大阪之旅仲有---27日~
報時：距離小t生日泰仔仔之旅仲有---46日~
報時：距離東京富士山之旅仲有---98日~
報時:距離與3小妖台北聖誕美食之旅仲有---113日~