飛行體驗法國布列塔尼自駕遊之旅2019-12-01第八天Part 1(陰天)

6月11日....中午食爀樂為阿Sam慶生~呢日好熱~行番屋企成身濕哂~夜晚叫外賣~……6月12日…救~命~好多野做~要有信念!!好快有旅行去!!!…..6月13日…番工真係好攰XXXD去完旅行一陣~話咁快又攰番~好彩夜晚有周老師既周遊關西睇~.....6月14日...今晚周老師去京都食京鴨呀!!!我要去!!!!(炸伊勢海老都想吃)…….6月15日….好淒涼呀…今日放左工要7點番公司開會;(….只好自己辣埋一邊食個杯麵當晚餐後開會….6月16日….星期五實多野做啦~…放工去左食順軒~….6月17日…中午約左朗公子食花道~點知落勁大雨改左食鼎泰豐…下午到晚上都在臭蜆家~…..6月18日…呢日早起身~去左食Terra大早~然後早早回家~怕落雨~夜晚叫李家外賣~...6月19日...攰呀喂~星期一~勁遲籌~....6月20日...興興地奮(咁講有少少咸濕XXXD)...番埋聽日就放端午節假~頂住~....6月21日...放工同朗公子食12春~再去睇變形金剛~....6月22日...今日端午節~訓到11點~~中午去左南湖明月飲茶~下午去同臭蜆玩~….夜晚同姑媽食日麗~…..6月23日….wowwowwow~大名鼎鼎既623~…不過我今日番工特黑XXD..放左工老爺子請我食鮨玥~…6月24日…中午食左MGM甜點~然後買左Overflow上臭蜆度~夜晚食華庭~第一次食....覺得....errrrrrrrrrrrrrXXXXXD



2019/12/01
Day 8---Part 1(法國,布列塔尼,雷恩 France,Bretagne,Rennes->巴黎 Paris)
早啦~我地訂既酒店房無包早餐~所以出去食~揀左酒店對面似BAR既CAFE...有陣味咁~

叫左兩SET早餐~一SET係€4.9＝43hkd...又忍卡菲又忍剷質?(又飲咖啡又飲橙汁?)...無計啦~個餐係咁~...個牛角包係我地叫哥時佢先施施然咁行去買~喂~又幾好食喎衰鬼~




食飽飽番酒店攞埋行李去火車站~經過酒店隔離間手信店...見到布列塔忍間條魚型罐既餅餅~有少少想買...最後忍住左XXXD




3分鐘左右就行到火車站啦~幾粒雨~




出發前已經上網買車飛~現場印番出黎就OK~上網買時可以揀車卡同埋座位~






睇下大電視出左月台未先~咦~見到喇~TGV8610去Gare de Paris-Montparnasse~11:35出發睇黎準時~同埋出左係4號月台~

呢邊認真過機場喎XXXD有得嘟飛入閘~(定機場都有我又唔記得~)




走lu~






落到4號月台電視就會有資訊~我地買飛時揀左3號車廂~咁企係F同G區等上車~




呢架火車好有型呀~~成架布列塔尼號咁~




好開心呀~今次終於坐番我地本身買既first class喇~(去程我地都買左first class但係由於可以改早D到布列塔尼但要down grade坐2nd class)...呢程first class我提早兩個月上網買...票價係€39＝343.2hkd....然後我噚晚係酒店再上網睇...票價2nd class已經要€90＝792hkd....first class係€148＝1,302.4hkd....好彩係一早買~yeah~舒服好多~(諗起黎哥時程車淨係覺得好臭~)




隔離係4人卡座~好彩揀呢邊坐~如果唔係就要同D唔識既人坐~




雖然first class唔會有野食包~但真係坐得適好多~野食我自備~食之前係福岡買既萬聖節版黑色肥薯條~但隻味無乜特別~








大約1小時30分就由雷恩Rennes番到巴黎Gare de Paris-Montparnasse~






同一火車站就可以轉埋地鐵搭~跟住M未標誌行~




諗住自助機買飛...點知搞唔掂~




於是埋櫃枱買...但係個站名完全唔識讀XXXXD吹都吹唔到個音出黎XXXXXD唯有直接俾電話俾佢睇之下順利買到~查實都係買區間飛~€1.9＝16.72hkd




入閘~個閘認真左好多XXXXD之前流流地~所以有好多人成日逃票....又無人查票~(我無呀~我地之前黎都有好乖買飛架~)




巴黎地鐵...就是臭臭的XXXXD




我地搭M4線~搭去Les Halles~(我懷疑我將Chatelet同Les Halles撈亂左XXXXD我成日以為我地呢次住哥間酒店係去Chatelet...點知係Les Halles~Chatelet係上次黎住民宿哥個站~)....今次揀住Les Halles另一個原因相信係仲有RER B線可以搭~可以直出機場唔使轉車~我好怕去機場要轉線....




好正..我影低諗住提自己係邊個出口....但經過3年半之後我唔記得係邊個出口XXXXD




出左出口...有人揸住個電話rr頭...間酒店係邊呢?...




點知間酒店係正身後XXXXXXXXXD已經有聖誕裝飾~我地揀左一出地鐵站就見到既Novotel Paris Les Halles~




一入房~華~幾好喎~幾大喎~但係訂酒店我又發生蝦碌野XXXXD...我地係度住3晚...共7418.8hkd...每晚2,472.9hkd...每人每晚係1,236.5hkd...貴貴地...但係當初揀既原因係近地鐵站...房又唔錯...衰在：貴!!.......於是我話：唔怕~我地有Hotels.com哥D 10晚送一晚嘛~夠換3晚喎~....毛寶都話好既~......最後點知酒店部既同事竟然訂酒店時傻痴痴咁攞信用卡就咁俾左錢......(酒店部同事係我XXXXXXXD)....花灑位個磨砂玻璃有個按鈕...一按會變透明玻璃XXXXD玩左好多次~












望出出面個景~




酒店大堂有間餐廳係咁既佈置!波波球~靚~




好啦~安頓好~又出發~酒店對住就係地鐵站啦~




又突然識係自助機買飛XXXXXXD叻叻XXXXD




好~我地轉7號線黎到Tolbiac站~




呢區係China town~記得以前細個住法國時逢星期日都會同父母黎飲茶...飲完茶就會去中式小型超級市場買野(哥陣味我依家仲記得XXXXXD)






去搵野食先~




由於食左成個禮拜西餐~我同毛寶都話頂唔順要食下亞洲野~毛寶搵左呢間Pho 14....地址：129, Avenue de Choisy, 75013, Paris....




呢間網上號稱全巴黎最高人氣及最好食既Pho~wow~期待~但坐得勁迫~餐牌有中法越南文~






毛寶叫左Pho Tai生牛肉粉(大)...€9.1＝80.1hkd




我就叫左Pho Dac Biet特制北越牛肉河粉(大)...€9.8＝86.2hkd...同毛寶哥個比應該係多左牛丸?




食落都唔錯~個湯正~加上天氣凍凍地~食湯粉類係最好既~






仲有叫左春卷~€7.8＝68.6hkd....呢個真係一般般~因為入面個餡既質感好林林的~






仲有叫甜品~Che Bap...玉米西米露....€4.6＝40.5hkd...好味XXXD






叫到成枱野...€33.5＝294.8hkd.....都ok既~






你問好無食....我覺得都ok既~係個春卷唔係幾岩我胃口~但係食左咁多日西餐再食亞洲嘢真係一絕~尤其係啖熱茶~佢仲有其他分店~俾埋大家参考~






走哥時行過見到...好唐人街呀喂XXXXXD...好似80....90年代哥種文具舖XXXD









2023/06/24的開心事：
訓左好多個鐘~好舒服~
由12點幾訓到10點半~
成10個鐘~



報時：距離毛寶生日大阪之旅仲有---97日~
報時：距離小t生日泰仔仔之旅仲有---116日~
報時：距離東京富士山之旅仲有---168日~
報時:距離與3小妖台北聖誕美食之旅仲有---183日~