九州自駕遊之旅2019-10-07第二天Part 3(天晴及後轉陰)

星期日...中午起身媽媽整賈以食日~~fika後做家務~~夜晚媽媽整煎蝦碌~~~.......星期一...番工~今日都ok~不過一路做個腦一路諗住野食...因為夜晚食完飯又要做運動XXXXXXD.......星期二...喂~好開心呀~中午老夫人買左園林我食呀!係我最鐘意既豬扒魷魚撈米加咖喱走青~好好味好開心~.....星期三...放工後無飯食~我食左我最鐘意既豆皮杯麵~.......星期四...我鼻窿下邊生左粒石頭瘡...谷好耐都未有膿~所以我今日出動KFC上校對付佢!...最後........佢谷唔起膿不特止....仲生多兩粒瘡XXXXXXXXXXD.....咩喎...今晚食飯後有做運動架!........星期五...下午勁多癲人XXXD...做到我氣促....好彩放工去左食十二春開心開心一下~~之後仲叫左舒淇廚房個芋圓圓番去臭蜆屋企食~~順便同臭蜆蜆玩~~~.....星期六...本身諗住出街食中午飯~點知係張床唔想起身...所以中午起身食個我最鐘意既豆皮杯麵好了~之後做家務~再出去行街~買左D新年濕濕星既野~然後鞋櫃寄到黎去攞~夜晚老夫人請我地食鮨玥~好開心今日做左好多野又食左好西~



2019/10/07
Day 2---Part 3(日本,九州,熊本縣熊本市 Japan,Kyushu,Kumamoto->阿蘇市 Aso Shi->宮崎縣,高千穗町 Miyasaki Ken,Takachiho Cho)
好啦~走喇~好似去完阿蘇山之後天色都麻麻~

我地下一個景點已經係另一個縣喇~今晚亦會留宿另一個縣~依家進入宮崎縣(Miyasaki Ken)




呢個係我今次九州之旅最想去架~~路牌寫左我想去既景點喇~




去到景點停車場~華~咁巴之閉架~不過好睇等左一陣je~由白川水源黎到呢度大約48分鐘~




我最想睇既景點就係!!高千穗峽(たかちほきょう)...!地址：宮崎縣西臼杵郡高千穗町三田井御塩井...御塩井停車場Mapcode：330 711 698*41





wow~我就係想睇呢個有少少清幽感既一條線瀑布~配埋船仔係側面好悠閒感~係...呢度可以租船仔撐~出發前毛寶問我：你想唔想租船仔玩?....我：唔想喎~好懶唔想撐XXXXD~....我望下條瀑布仔就滿足~(實情係我記起上次去馬達加斯加時同佢一齊撐船仔佢係豬隊友XXXXXD攰到我乜咁~制唔過~~~)....如果想撐船仔記記得早D到呀~因為最遲報到時間係16：30~





但我又唔行住呀~我又去食下野先呀~XXXXD....




當初睇Google map時見到...咦~高千穗峽有流水麵食呀!去!....行到去想食既千穗の家...點知4點幾已經收左!!好震憾呀!好驚無得食呀!....好彩~原來隔離哥間餐廳都有得食~去咯~呢間叫田舍屋~




臨入店前見到...hello~




見到流水道我放心了~




總共有4條流水道~每條水道最尾地下度有個竹蘿...要黎做咩?接番你接唔到既麵呀XXXXXD...喂~你影咩呀~




其實佢有好多野食既...唔係淨係得流水麵~不過專登想食流水麵~兩位流水麵丫唔該~600円=42.6hkd(一人前)...唔貴~




流水開始喇好緊張~~巴閉喇接到~





我：不如我地影張合照咯~.......毛寶：好呀.......(但無望過鏡頭掛住夾麵~).......睇下佢...個口已經成隻龜咁食緊...手又再夾一"住"XXXXXD




你又跟埋入黎呀~不過我唔可以隨便餵你食野架~都唔知你可唔可以食*3*




廢柴!!夾淨咁多麵!!XXXXD....最後接番會俾番你食~不過諗諗下其實食呢D流水麵都唔知衛唔衛生既.....一隊人食完下一批又用同一條水道.....我都係試過下就算喇~




餐廳行出黎見到黃色郵筒!好似好少係日本見到黃色郵筒~...令我諗起上次去和歌山見到既黑色郵筒~




喂!好喇!食飽好行喇!XXXXD





除左可以係頭先個位睇....仲可以行落去睇既~好靚呀<3





影緊咩jack~




又影得幾好喎~




望大D個景...其實佢呢度地貌好得意架~一級級咁~





呢個心心念念既景....我光D又影一張打直又影一張打橫又影一張....我揀唔到呀....你地由我啦~






呢個景其實好出名~但佢其實係九州自然步道其中一個景~咁呀~有步道行.....行下咯~都幾多人行喎~





沿路行都有D奇石睇下既~






唔知點解呢度有D千與千尋feel~






型唔型!





行到呢個位見到....應該係離開高千穗峽行去高千穗神社方向....見條路幾靚~試下行~






水我!全部樓級全部樓級全部樓級全部樓級!






走呀!唔行呀!行極都行唔到呀!明知我行樓級扯蝦!拜拜!




好啦~走喇~依家無哂船仔又唔同感覺~




好啦~出發去今晚既酒店喇~呢間酒店好新~好似住既當時只係開左年半左右咋!!應該係高千穗峽附近最新既酒店~叫Solest Takachiho Hotel....地址：宮崎縣西臼杵郡高千穗町62-1...Mapcode：330 741 506*88.....有免費停車場~睇外殻就知新~係高千穗峽黎大約5分鐘車程~




揀佢係因為當上網睇過附近住宿都係溫泉旅館多(但唔係靚哥隻~)....呢間又新又北歐風~岩哂我~




經Hotels.com預訂...一晚1,481hkd...每人每晚740.5hkd...一入房...喂~掂喎~算大喎~唔知係咪因為郊郊地區呢~





洗手盆在走廊~衛浴分開~唔錯~






放低野就出街行下啦~不過無出車喇~因為D餐廳同有間大大地既超級市場都係附近~用行既就ok~




呢間有免稅~哥時好似岩岩消費稅加到10%喇~呢間都幾大下...而且乜都有~又係超級市場又係藥妝店~





賢者賣1,890円(稅拔)=134hkd...唔夠我平時係日本其他地方買平~不過毛寶話依家有車...買住D先~唔使番市區無車時抽黎抽去咁辛苦~好囉~(其寶依家澳門有間代購賣得仲平過我去日本抽番黎~我以後都係澳門買唔浪費日本既行李位喇~)....不過呢間真係唔算平~退熱貼要358(稅込)=25.4hkd~...呢間野古靈精怪架...D標價又稅拔又稅込~不過附近得呢間~無得比較~






番酒店擺低D野之後~我地就去食飯啦~我地酒店都有晚餐set~我望過人地食都唔錯~不過我今次無訂~諗住出去食~附近有幾間餐廳既~最後揀左呢間高千穗牛燒肉 和....地址：宮崎縣西臼杵郡高千穗町大字三田井1099-1....有免費停車場~不過我地係酒店行過黎都係幾分鐘je~




呢間既係餐廳~又有直營高千穗牛買~






我地好似都係6點左右黎到...但已經要等位~大約都等左成半個鐘~好多人食~有分燒烤同唔燒烤既用餐區~我見仲有鐵板燒區~




一場黎到~我地梗係自己烤烤佢~




有英文餐牌~




梅酒...400円(稅込)=28.4hkd...不錯~(呢度要茶要俾錢的~)




高千穗野菜サラダ...450円(稅込)=32hkd....日式哥種有薯球既沙律~最搞笑係有爆珠XXXD




我地叫左個高千穗牛盛り(1-2人份)...4,400円(稅込)=312.4hkd....乜都有D咁啦~




飯都要俾錢~一位250円=17.8hkd....俾左錢可任加~




烤起黎就一般啦~始終同和牛既等級差一截~過下口癮啦~





呢餐食左6,310円=448hkd...每人224hkd




食飽飽出番黎天都黑齊囉~呢條街街燈好古色古香~同埋幾黑~條街又無咩人~(安全的)




碟牛又點會食得飽我地兩個丫~又去番頭先超級市場補補貨~




毛寶大家姐指定要呢個~話好好飲既~




極吸引!!揀左最右邊奶茶味番酒店食!極好食!好想試埋中間咖啡味~細個覺得最左邊既雲呢拿雪糕最好味就係呢個牌子!(但貴)




好奇下買左呢個番澳門做手信~極難食~




我揀左呢個杯麵做宵夜~出名既拉麵變杯麵~




沖左涼就食宵夜~拉麵個湯都ok既~麵質就....不過變左杯麵無得要求咁多~毛寶揀左蜆麵豉湯~我就揀左蔬菜麵豉湯~好好味~













2021/01/23的開心事：
食左鮨玥~