六公子峴港嘆世界之旅2019-04-05第二天Part1(晴天)

星期日....8點半急屎急醒....痾完訓唔番...11點已經食完中午飯~係餃子唷~之後見同道地星期日影院仲有D時間...做下家務...做完就岩岩好睇瘦身男女...見住佢地兩個咁食我又好想食零食~睇完又食湯圓~今日就係飲飲食食又早起咁過~諗起舊年2月23呢日...我睇緊濕爬演唱會澳門站架!!今年呢日我只能留家中...星期一...番工番工!!放工去左買台式撈米粉做午餐!!又有同事請食葡式焦糖布甸!!開心開心!!!......星期二....華!今日番工公司未開門時終於無人係出面排隊喇!好欣慰~由於要頂5小時上班...所以今朝決定食飽D~食左個雲吞撈幼~~(其實我噚日早餐係兩個包XXXXD但都肚餓XXXXXXD)....中午放工去買口罩~好順利~~買左個先辣款番暫居地慶祝下~~呢兩個禮拜還是幸福的....放左工食完野....係廳打blog時....悠悠閒聽一首"飛"...望住窗外的陽光灑入黎....我覺得有少少似以前放緊暑假~..連氣溫也像~.....星期三....朝早番工食左個炒米..驚唔夠飽隊多個咸煎堆....個咸堆好味到係世界級既!因為我發現我買到新鮮出爐既!芝麻味極級香!...番完工買左台式蛋餅同埋鹽酥雞做中午~加埋老闆萬歲既花膠雞絲翅...過得很快樂~....星期四....放工去左買發達做中午加下午茶呀~~yaho~....又俾我知道sunny聽晚同釗峰又有live~~好開心~開心到去訓左一個鐘晏覺~....下周正常番工~無得訓晏覺架喇~加油~.......星期五....晨早攞野番屋企...再去買麥叔叔番公司食~今日又去玩數學題~落黎見同事整緊烤雞串順手食兩條XXXXD放工今日下午茶去左買軒記食...但係差左好多~呢個禮拜...下午茶食左兩次台式..一次雲南..一次越式..一次緬甸~心滿意足~~下周正常上班~加油~..下午我又訓左個幾鐘晏覺...好舒服~~夜晚又有sunnyX釗峰既joox live~~好開心~除左唱日光..仲唱一首我超鍾意既不來也不去...eason架!!!佢地兩個唱得好好聽呀!!!!.....星期六....中午食Toff....好開心呀!!!!!好耐無食~飲一杯啡同食一啖焦糖醬waffle已經覺得好幸福!!!!!!!之後番左屋企等餐櫈~~~好靚呀~~~~人家等3個月從北歐運來也是值得的~~~~(反正我都未入住)....夜晚痴痴貢~~~~



2019/04/05
Day 2---Part 1(越南,峴港 Vietnam,Da Nang)
早呀喂~(如果尋晚無蚊嗡嗡嗡會更加完美~)...一早起身...原先安排我係第一個起身...第二個毛寶...第三個係杯....點知我起身時毛寶已經跟我一齊起~拉開一邊窗簾睇：華!乜原來咁靚架~......遠遠望到海~




望落下面...喂!有泳池喎!




然後毛寶話好靚繼而拉開整條窗簾~杯本身面向呢邊訓應該俾毛寶曬醒XXXXXXD佢轉向另一邊訓....毛寶再行向另一邊拉開埋另一邊既窗簾：軚泰(毛寶好似D工人姐姐叫太太XXD)!起身喇!.....杯：點解呀未到我起身架(扭計聲)....自呢日起杯就俾我地叫軚泰XXXXXXD....唔知咩事....我地3個就一齊起身XXXD(拉開窗簾真係好"殘"眼XXXD...其實呢個時候好早咋~)


然後佢地坐係床憶述尋晚既怪事....軚泰：我尋晚好驚呀!訓訓下見到你好靜咁慢慢起身....然後坐係床邊好耐唔郁....然後好靜咁慢慢企起身....慢慢行....我心諗...唔會撞邪卦...嚇到我出哂汗!...........我：我慢慢起身...因為我唔想嘈醒同我同床既毛寶XXD....我坐係床邊...係因為隻仆街蚊已經咬左我兩啖我傷春悲秋緊同埋諗緊點樣可以打X死佢報仇!...坐係度諗左一陣咁黑我應該打X唔到佢...最後我決定起身默默行去攞野搽下我哥兩粒可憐的蚊lanXXXD....軚泰：係呀係呀我後尾見你好靜咁拉開個gip然後攞野搽我先確定你無野XXXD因為撞左邪應該唔會理有人訓著要靜D所以我後尾好安心咁訓XXXXXXD....認真誤會大了~



我刷好牙就落去地下再影下相啦~因為尋晚黎到黑媽媽都睇唔到出面~(我發現有人早過我著住防寒內衣同酒店拖鞋行出室外周圍影XXXXXXD你無睇錯....有人係越南著防寒呀大佬XXXXXD熱到X咁)~華~好靚呀~







行出去睇下個泳池先~





靚~但你有無發現.....呢張相其實我係倒轉左放?....你有無跟我一樣傻傻的分不清天與地?




呢張先係正常方向XD




好啦女仔起哂身就Call車車d好靚既女仔出去食早餐啦<3





去番尋晚Check in既大堂位~




落一層就係早餐地點~(房價包早餐)




等左一陣先有位~一帶我地入座....六公子：Wow!........靚呀!仲要係我鍾意既有冷氣但帶自然光呀喂!同埋綠意盎然~




坐定定就出去攞~野~食~~研究下有咩先~第一眼見到既...係呢個專為小孩而設架~~佢係一張矮矮枱...俾小朋友可以揀自己想食既野~好可愛<3...D杯碟都係小朋友杯碟~




好~很~多~野~食~呀~~~











呢個係成人版XXXXD




呢間酒店係勁多韓國人住....係多到呢度有提供泡菜XXXD




呢個每日不同水果既水果吧都好吸晴~




有小孩攞Pho食~




我超推呢個檔仔!超推~~好味到我要落3張相去歌頌你~






第一Round~我真心鍾意去旅行去嘆靚早餐~加上呢個用餐環境充滿日光~我覺得好舒服~我我我最鍾意食煎蛋~~




講下呢兩樣即整既道地野先~




黎到越南~點都要食個Pho做早餐啦~~個湯底無OK既...但我覺得個粉底硬左少少~




呢碟就係頭先極推哥檔!!我唔係鍾意食藍碗哥個....係攤係碟好似我地D腸粉咁既~~但佢好滑...真係好滑...同我一樣咁滑...再加上魚露呀~蔥油呀~札肉粒呀~炸蒜呀~少少辣呀~....喂....好銷魂呀....我好掛住~




好靚~好靚~D女仔靚到~我地食左成個鐘早餐~




食飽飽出黎望到...呢個位望出去又幾靚喎~仲望到少少海~








文長..慎入
話說有日做左個葡國客....
做完之後佢無啦啦指住我個名牌說
(以下對話已經搵Google老師由英文譯為中文)
葡客：你呢一part既葡文名..係一個非常靚既葡文名!
(聽得出佢語氣係真心讚)
我：可惜我唔曉講葡文~~
葡客：而你個名另一part係一個西班牙文名
我：其實真係咁岩線...因為我個中文名發音同呢個差唔多~
葡客：真既??
然後我讀我中文名佢知...佢仲跟讀左好多次
好似獎門人估歌仔D鬼佬讀我個名玩完一輪姓名學後...
然後佢就滿滿足足咁離開我counter~
其實每次有葡客問我起個名我都好老尷~
因為我唔識葡文...個名又有D卷脷
(無論葡文哥part定西班牙文哥part都卷脷到發瘟狗..
全家應該得我老豆會讀得好...個名係咪玩q我XXXD
成家得一個人讀得好而個本人讀唔好XXXXXD)
而我對卷脷既發音都無咩天份...
之前學法文D卷脷音我都係揸流灘架咋你問毛寶就知
即係話..從小到大我連自己個名都讀唔正XXXXD
你說悲不悲哀?XXXXXXD
你地都係叫番我天焚ly算喇(這個發音禾還是可以的!)
講開呢樣野又令我諗番起另一樣野....
就係好耐之前剛入職呢間公司...
大大話話係15年前...
有個同事同我同一年入職....
仲要係我中學同學...不過唔熟
佢有日忍唔住問：天焚ly你個名咁得意既?
我此時左眼碌右眼
說：呀~係呀~原來你唔知架?我其實係混血兒黎架~
又係同事又係同學：下?!真架!咁係mix邊度架?
我：哦~我係中希混血兒呀~mix希臘~
(講到自己成碟fusion沙律咁XXXXXD你有見過希臘人生到好似我咁既屎款未XXXXXD?你有見過中希混血兒會好似我咁從內到外都咁中國風嘛?)
但係基於同學關係...佢選擇相信我!(但唔排除佢內心諗：mix得咁肉酸XXXXXD)
又係同事又係同學：唔怪得一直覺得你生得鬼鬼地
我忍唔住大笑：講下咋XXXXXXXXXXXD你咁都信
走先~
如果你睇哂呢段文字我俾個讚你XXXXXD
係咪覺得好嬲浪費左人生中既幾分鐘?XXXXXD



2020/02/29的開心事：
收到餐櫈見到好靚覺得好開心~
因為當初有其中兩張我淨係睇圖無實物睇~
但依家好滿意~
咁.....我幾時可以搬番入去呀..............................



報時：距離與三老九州佐賀自駕遊之旅仲有---35日~
報時：距離泰國曼谷揼揼揼之旅仲有---111日~
報時：距離七公子台北帥氣行之旅仲有---214日~

打定輸數~打定輸數~