六公子峴港嘆世界之旅2019-04-04第一天(晴天)

星期日...食完中午今日既重點行程係睇華Dee同三米係足足廿年前拍既孤男寡女...係我心中既真經典~而主題曲感情線上一響起...我就會諗起美國XXD因為呢套戲係當年去美國探表姐時睇既~一睇完套戲就喪聽首歌XXXD分叉的感情線~正等我為你蔓延~~~~夜晚阿媽整左茄汁大蝦意粉~好正~(話題轉得好快XXD)...星期一...今日復工~不過無上次咁驚喇~同埋時數呢個禮拜番少D~抽到今個禮拜番早...所以好早放左工..番舊居睇睇...有D問題要解決...之後陪媽媽買餸~又買一個禮拜既餸~搞到成4點幾先食中午飯~....星期二....今朝番工又有計數遊戲...以前麻麻因為有時條數好難計XXD依家梗係好啦對少陣啲客減低風險...華..到今日仲到利是XXD....夜晚仕燊X釗峰個IG live俾左小確幸我XD..又俾佢甜親添....星期三...好開心呀!今日收半日早毛寶又係!我終於都見到佢喇我好開心呀!!因為我地足足有16日無見過!!!好似除左以前中學放暑假耍廢我從來未試過唔見佢16日!!係一個歷史性紀錄!!佢話我戴住口罩都知我笑緊XXD....星期四.....天呀!!!我今日既早餐係杯請我既肥仔記薯仔雞翼米少辣呀!!!!!佢個湯既香辣..雞翼既甜..薯仔既黏糯...簡直係一個壞女人!!!!番工成日煲無米粥..由佢....因為我中午係食園林既魷魚豬扒撈米多咖喱!!!雖然有啲退步...但係一日裏面食左我兩間心頭好...真係好頂癮....星期五...天呀!!!每個同事番4日..我竟然抽中左放周五呀!!!下周照樣番半日...但係要番足5日了.....呢日食左個杯麵開展我呢日...睇完電視劇就開始我既家務...wow...上周我隔日做..都多塵架..今周要番工...隔左成個星期先做....你諗下有幾多塵......攰到條腰就黎斷開~....星期六...好開心食左間麵舖D魷魚同園林一樣~~~~~下次可以再食~~~~下午終於都有人幫我剪下個垃圾狗頭~~~~~真心開心~~~成個月無剪過~~~~~夜晚痴痴貢~~~



2019/04/04
Day 1(澳門 Macau->越南,峴港 Vietnam,Da Nang)
wowwowwowwow~我終於都出到2019年既第一個旅行Blog喇!乜野新聞都變舊聞~最衰裝修搞到我忙忙的~唔得閒寫~不過依家出越南篇好似有d諷刺....因為疫情問題依家越好似唔俾港澳人士入境.....................無論如何..好喇~2019年既第一次旅行~係同瘋瘋帥帥的公子一起出發~~最衰呢次得6個公子...集唔齊七公...我地4月4日朝早仲要番工架~番完成日工之後~我仲沖埋涼先出發~呢晚大家齊集係機場~(我記得係貞車埋我去機場既~唔該貞~)....毛寶就好似係杯車埋佢黎....我記得毛寶好有型咁落左車之後...然後成個書包留左係杯公子老公架車度XXXXXXD(然後個畫面就係佢跑出去追書包XXD)....有人帶細Gip出發~利害~我Gip出發時9.2KG~




Check左in之後梗係要黎番個帥帥的合照啦~係機場已經做就是你招牌手勢~型到幾時先到越南呀~介紹番先~右起：我囉你唔識咩?貞公子~毛寶~凱公子~麥公子~杯公子~...唉~差我地至高無上既朗主席無來~個個都咁帥...如果問我邊個最帥~講邊個都得罪人~我唯有揀我自己~~(成段都講緊廢話XXD)





好啦~行去食晚飯先~It's my SUPPER MOMENT~~咁都俾到位我講一講濕爬~我真是棒棒的~




梗係入Lounge食啦~反正有Quota~又湯又茶又Baileys~整個魚蛋麵~再配春卷加蝦片~




食飽俾大家睇下我張越南簽證先~我地當時係搵旅行社幫我地代簽既~450hkd~當我地去旅行社交左文件俾左錢既哥個禮拜...就宣佈左可以自行上網簽證只需195hkd~唔該哂~




喂!有空橋!唔係成日出現!係限時優惠!




一字排開~又型又有氣勢~我好少上機戴口罩~哥期越南D麻疹好勁~咁密閉空間戴戴好D~




我地係坐澳門航空NX876號班機係21:10由澳門直飛去越南峴港(Vietnam,Da Nang)~




偉大既凱公子已經一早係淘佬以17.9RMB淘左每人一張越南電話卡~平到~




好似係1小時20分左右既機程~估佢唔到原來仲近過台灣~咁飛機餐係咩呢?....你點會估到...係鉅記小禮盒~...我身為一個澳門人....我係唔會買攰記食既~杏仁餅一定唔夠最香好食...咁芝麻花生糖同雞仔餅係ok既~(但雞仔餅同晃記肉切酥比...我梗係鐘意食肉切酥啦~呢~~即係倒數時我送俾濕爬哥D呀~)




1小時20分~係機上同公子們吹下水就到了~





我地黎到峴~港~喇~到達時間22:05....慢澳門一小時~




帥氣的5個背影~ (最帥的人通常係揸機哥個~)




行到去過海關既位望落去....下?!?!咁多人?排緊隊既時候就會見到好多光怪陸離既景象.....令我諗起去馬來西亞過關既情景......我諗我地排左成個鐘隊過關....諗起都怕....依家都好少話排過海關要成個鐘....(吹唔脹我舊年有兩個旅行真係排左成個鐘...呢個係其一)




個印吸係張簽證後面...失望




攞埋行李就出禁區囉~我地係出發前係澳門已經Book好左機場來回接送同另一樣野~價錢之後講~




出左禁區見到接我地張紙....紙上面寫既令人感到帥氣且面紅耳熱~好怕醜~轉頭俾你睇~我地就跟住接我地既司機大哥行去停車場~




就係咁喇~六公生牛肉法棍之旅.....係咪令人：感到帥氣且面紅耳熱?XXXXD拿~司機大哥都笑喇XXXXD人地自拍你又跟影~你係咪都感到帥氣且面紅耳熱呀XXXD(講笑咋XXD其實佢係中文英文都唔識架我地唔係好溝通到)




架車唔錯喎~夠大又好坐~




有無發現?我仲未講匯率?因為我仲係一蚊都無XXXD





我地開頭本身諗住到左越南再食野...但當時預約車時對方話我地酒店哥頭無咩野食~




飛緊車去酒店時發現...咁多間餐廳門面有韓文既?!麥公子說：韓國人係勁鐘意黎峴港渡假架~因為之前拍花漾爺爺有係峴港取過景~......又係唔講唔知~對上一次去旅行去到邊都見到韓國人既國家係毛里裘斯~




經過一排餐廳...進入一條大直路~成條路係各式其式既名牌酒店~一字排開的~由機場開車大約20分鐘左右就到我地酒店~我地公子呢幾日下塌既酒店Hyatt Regency Danang Resort And SPA~




門口的雅緻大燈~




我地到哥時都成11點~但我地黎到都有人Check緊in...唔通你都係放工岩岩飛過黎既~咁我地唯有坐係度等一陣啦~(我記得呢度好多蚊...諗起都痕)




大堂有水果水飲~




到我地check In時被告知：我地被upgrade了!!!實在係太令人興奮喇~~我地本身係租一間房6個人一齊住哥種(一間房入面都有3間房既~)...我地依家係有一間獨立屋呀!!!然後佢仲同我地介紹酒店~~睇地圖好似好大~~(我出發前無乜做過功課~)




搞掂之後用車送我地番房~~~大到咁~~




我~地~呢~幾~晚~就~係~住~呢~度~~~




華華華!!仲要有兩層咁招積!!




廳好大!勁大!






廳既另一邊係廚房同餐枱!





呢層有間房的~凱公子話佢有D感冒...自己自我隔離...呢間房都有廁所的~




然後上樓上哥層睇睇~




樓上有兩間房~呢間係麥公子同貞公子訓~






我同毛寶同杯住呢間~我地將兩張拍埋一齊訓~廁所都幾大~不過沖涼熱水要等好耐好耐先有~






廁所備品~佢支香茅味潤膚膏幾好用~我要投訴呀!呢晚有隻蚊嬲左我成晚!成晚係我耳邊嗡嗡嗡!仲要咬左我兩口!妖!!!




我地本身租哥間房係4,246.45hkd/晚....佢Upgrade我地既呢間要7,335hkd!多成3,000hkd一晚~~我地走運了~~起碼由一個廁所變3個廁所~ (毛寶：我麻麻鐘意喎..最憎行上行落!好攰!)招積得你丫~








2020/02/21的開心事：
唔再係垃圾狗同見到毛寶同有浸雞食~



報時：距離與三老九州佐賀自駕遊之旅仲有---42日~
報時：距離泰國曼谷揼揼揼之旅仲有---118日~
報時：距離七公子台北帥氣行之旅仲有---221日~
我有D偏向悲觀哥邊~~~~~~~