鳥取自駕遊&大阪之旅2018-12-01第一天(晴天)

星期五.......衰婆放左假~得我一人奮戰到最後~~~~放工食左日夜咖啡室...依家個新推出既北海道牛奶雪糕好好味唷~~星期六.....中午去左食Café Chéri Taipa....d餐都幾抵食~~然後去左拜老豆~~~再回毛寶家幸福忙...九州個旅行有個大概喇~係我對你唔住...掛住執野唔得閒同你一齊排行程搞到你成日都好擔心自己個旅行XXD....今日終於可以停一日唔使執野~~夜晚痴痴貢~~~好開心有浸雞食~~~~星期日....中午食左興記~好耐無食燴意~同毛寶討論點解細個時可以一袋二袋迫巴士去路環燒野食再去興記熱屎辣辣坐外位食燴意?....下午又執野~我屋企執極都有好多野~~夜晚食海榮外賣~星期一.....好攰呀今日仲要遲左收工......加上膊好痛...所以我決定今晚唔出Blog~跟住有個小朋友知道左之後求左我好耐...話好想睇...我都忍心拒絕左佢~~好多謝你咁想睇~我好開心其實~....呢晚老夫人整左我最鐘意既西芹雞柳~~~係我阿媽整既西芹雞柳最好食~.....星期二....無法想像自己可以有咁多野做~~5點後d籌簡直就係大爆發....唔明點解多一個人ot....但可以派多咁多籌~你可以話俾左錢人ot唔可以益佢既~但我係無辜架~~我無ot架~~~~~~只能說：強大!!!!臨放工我同某同事講：我頭先以為我地會死......同事：我頭先以為做到今晚要係度紮營.........我笑到痴哂線~~~~呢位同事真可愛~~~~~~~~毛寶有黎探我...仲帶左小零食鼓勵我~好開心~星期三.....放左工又去傾大單野....7788喇卦...我好攰呀~~~~傾完去左粥麵莊~星期四....一起身又頭痛......今日又好戀多野做......不過明天又周五了....吃吃好西應該可以撫平傷口~~~~~~~~~~~~



2018/12/01
Day 1(澳門 Macau->日本,關西空港 Japan,Kansai Kuko->日本,鳥取,鳥取市 Japan,Tottori Ken,Tottori Shi)
千呼~~萬喚~~又出來~~~yeah~~~~~日本出發喇~~~~~~我地呢日好似6點就到左機場~你睇下.....黎到都仲未天光~同埋呀~你睇下有人幾囂張~去日本..帶細gip呀~(個gip仲要係我既)...不過有原因既~你睇落去就知架喇~我個中gip 10.2kg~都幾輕呀可~聖誕節就到~機場仲有聖誕樹裝飾~




check左in就衝入禁區~禁區都有聖誕裝飾~入到禁區都仲係未天光呀陰功~~~~~~~~~~~XXD.....睇下....搭咁早機...我成個人都係灰色的~唔知點解澳航飛大阪來回都提早左時間~




好~入Lounge食個而蛋款先~...除左魚蛋粉...其他都好難食~尤其炒麵~又講下匯率先~今次我地用番上次用淨既円~即係我fd換哂俾我哥d~匯率6.5...即100円=6.5hkd




喂!有登機橋呀~~~~~~~~~~~~~~~~~yeah~~~~(你地香港機場飛既唔明架喇)




通常3-3既飛機我同毛寶都鐘意揀通道同中間位坐~呢日隻機都幾爆~坐滿~無機會影雲~只能這樣我偷偷看~偷偷望~我地搭澳門航空NX856航班係08:15由澳門直飛關西空港~




派餐前先填填入境表~




今日我同毛寶都揀左食魚~係日式甜酸三文魚~但一般~有芝麻鋪飯面都救唔番~(但仍然好味過台灣線)...另一個飯係XO醬豬腩肉飯~係機上面睇左套反貪風暴3~




窗邊位乘客去左洗手間~~~~影一張啦~~~I know above the clouds the sun is shinning~~~~~~~~~~~~~~~~~~~things are looking up~~




12:30我地就到左關西空港啦~~~~~~~~~~~~~~~~~~過關有分流都幾快~行李又快出~讚~我地去攞車前司機話要去買d咖啡同野食先~~~~~~~~~~




梗係睇下有咩新杯麵先啦~~~~~~~~~~~~




華~~~~有呀~~~~~~~~~~(2018年12月時好新好潮好in架~)...海膽杯麵~點都入手一個先~~




第二樣就要睇有咩期間限定既肥薯條~但....得梅味....唔買~睇下其他有無唔同味先~我唔鐘意梅味~




買完就經過關西空港駅~(睇下我幾殘忍~為左影相我要一個咁細粒既人推哂兩個gip~)




經過左關西空港駅就會見到Aeroplaza~落下一層就係租車中心~強烈建議坐扶手電梯唔好搭lip~部lip係又細又慢.....假如有好多人等lip...你真係有可能10分鐘都未到你搭~




今次我地都係通過Tocoo!訂車....訂左Nissan~接待員工識普通話~易溝通~




點解揀Nissan?因為老爺其實好鍾情呢隻cube~就係鐘意佢夠方型~仲叫左佢做國字面既女仔好多年~佢終於揸到呢隻車喇~恭喜你~....租車5天44,280円=2,878.2hkd...每日係575.6hkd....每人每天287.8hkd~仲有免責補償保險tas同noc...5天6,750円=438.8hkd




俾多個特寫俾國字面女仔先~點解咁耐都無試過揀呢架車?因為呢架車只可兩位乘客加兩件行李~今次係我地第一次既二人日本自駕遊~所以今次先試到~(因為平時去大阪都係搭JR..之前既日本自駕遊都係同老夫人或毛寶爹娘一齊去~)




WOW~都幾好坐既~而且我覺得前面玻璃位幾大幾闊~視野幾好~我好鐘意佢個轉波條棍....毛寶成個的士佬咁~




如果以每個租客都揸1000KM黎講....呢架車已經俾人租左47次XXXXXXD....都好舊下~




好喇~千辛萬苦由空港停車場上到高速公路~~~~~~(已經係第三次...但都係上錯一次橋去左空港既Terminal 2~~~)





今次我地d円匯率抵....所以上高速公路俾公路錢都係用現金好了~無租到ETC卡~所以我地今次要行綠色一般通道~~(如果用ETC就行紫色通道)




過呢程俾左1,300円=84.5hkd....佢俾左呢張收據我地...到下一個收費站時...佢問我地攞黎睇...睇完就放行了~唔通一張收據可以直到我地既目的地鳥取?係就正喇~~~




行住高速公路時影下風景都唔錯~呢個時候我唔小心打瀉左頭先買哥杯熱啡落自己條褲XXXXD好狼狽~~~~




點知我屎忽痕指錯左毛寶出左高速公路XXXXXXD......呢頭好似係神戶.....同我地目的地有相當遠既距離~~~要想下辦法上番高速公路先~




行行下.....華!!!好靚呀!!!!!!!!!!!!!!!!!!!!仲有紅葉既?!?!12月喇喎!







好喇~安樂哂~上番高速公路喇~唔使俾人鬧喇~咦~出左高速公路又要重新攞飛仔俾錢添~~~~~~唉呀~~~~




揸多一陣已經差不多日落添~好驚出現番上次四國哥次咁黑既公路景呀~~加油呀毛寶~~~~






今次個GPS都ok~不過我都係自己有搵mapcode~我會提供埋俾大家~




除左睇gps之外仲有睇mapsme~....呢條中國自動車道超長~




經過岡山県~~~~差唔多到架喇~~~~加油呀~~~





好咯~~~~~經過3個鐘多少少....我地終於來到了鳥取県(とっとりけん)既鳥取市(とっとりし)~~~~~~~




感覺上呢度人煙比四國多~幾好~





我地到左酒店....5點左右~.....本身想去check左in先既~但係行到去大堂....一堆人等check in...而且...條隊無郁過.....當下決定......不如放番d行李入車先.....然後行去食飯先咯~因為今晚食飯哥間餐廳無得上網訂位...又係熱門店....早早地去食飯先唔怕無位~~~~行到去店才剛開...就已經話無位了~~~~~~~安排座位既姐姐話今晚已full dor~因為如果呢晚唔食...我地就會離開鳥取市唔會行回頭路~然後我一臉失意.....扮到好可憐：I can wait~please~~~~~~~~~~~~~~~~~~~~~~(諗到我個乞人憎樣嘛?)........然後姐姐可憐我話叫我8點半後黎啦~~~好野~~~~~~~~~~~~~~可憐蟲成功了~~



但家陣才5點幾喎...仲有成3小時先食飯....個肚又咕咕叫....到左關西空港時都唔覺架...黎到鳥取先覺得好凍~~~~回程路行番酒店有間Family Mart~~~~入去望望先~~~搞唔掂~食個熱辣辣既自選關東煮先~~~~好好味呀~~~~




食飽後睇左一陣~鳥取盛產梨~一種名為二十世紀梨~呢個係二十世紀啫"梨"(點呀...個笑話凍唔凍呀XXXXD)....有人禁止左我買~




咁就慢慢行番去酒店Check in先~我地呢晚既酒店係APA酒店-鳥取站前(APA Hotel Tottori-Ekimae)...地址：鳥取縣鳥取市富安2-138-2....Mapcode：125 552 616*21(係車入mapcode*後的數字可不入~)....食完下午茶才未夠6點~天已經咁黑~果然係冬天了~依家番轉頭check in係岩的~因為頭先批人已經無哂~個reception一般~黑黑地面~不過如果有得揀~我唔會揀APA~但附近真的沒有比佢好樣既酒店~




呢間房11,499円=747.4hkd....每人373.7hkd....因為我地d現金円平~所以揀左到付~都係哥種舊舊的日式廁所~不過算了~住一晚je~反正附近都無比佢更好既住宿~反正距離食飯仲有兩個鐘~不如沖涼先咯~(沖完涼先去食飯?!)





沖完涼我地就行去今晚既餐廳~餐廳叫炭火焼ジュジュアン...地址：鳥取県鳥取市末広温泉町751....Mapcode：125 582 055*21.....同APA酒店幾近...大約行5分鐘度就到~我地怕無位泊車~所以行過黎好了~車泊係酒店停車場啦~(事實亦真係無位泊~我太聰明了~)...另一樣點解要留架車係酒店唔出...除左因為無位泊....酒店有個露天附費停車場(好似泊一晚1,000円=65hkd).....而且位非常有限~我地怕出左車...再番黎會無位泊仲衰~




炭火燒喎~食咩呀~係食鳥取和牛呀今晚~~~~~~~~~~~~~~~~呢間好出名抵食又好食架~~~~所以點解我咁緊張好想食到~(同埋鳥取和牛都好出名的~~~)




姐姐安排左我地入房坐~多謝~...但係...我個人認為....坐外面好d~因為......炭火燒喎....仲屈係間房入面...又焗又煙~不過...人地肯俾位你食~就不要再多多聲氣好了~姐姐俾左英文餐牌我地睇~




硬係覺得英文唔識睇~唔得~我要睇下日文~(有時睇日文又覺得自己好明架~)....依家你對比下係咪明哂~




但望過隔離版又真係唔知講緊牛既邊part架XXXXXXD救命呀~~~




仲有個Special餐牌~有牛既稀少部位~我同毛寶研究左一陣~因為之後兩三日都有食海鮮機會~呢晚我地決定將所有Quota...留俾...鳥取和牛~~~~~~~~~~~~~~~~~~




叫左杯梅酒~我最鐘意飲梅酒~550円=35.8hkd~都幾抵~而且幾好飲~




飲杯~辛苦哂你喇司機大哥~又係關西空港揸成3個鐘車!




叫左野食之後就幫我地準備好炭火~同埋醬汁~有一舊檸檬~




叫左個沙律季節のサラダ...880円=57.2hkd...菜好新鮮~但配哥個醬麻麻~情願就咁食~




先來的是我地單點既鳥取和牛ミ ス ヅ(稀少部位)...2,500円=162.5hkd....完全上網查都唔知係咩部位~~~~~~~稀少部位但單點價不貴呢!!而且d油花好靚靚!!!





華~~~真係一樂也~~~鳥取和牛都幾肥美架喎~一入口d油花飛哂出黎~呢d咁肥美既牛都係燒熟d香d~





姐姐就推介我地叫呢個拼盤...叫特上盛り....8,800円=572hkd....(仲係覺得好平).......呢個拼盤包括有1.上塩タン鳥取和牛(單點價1,480円=96.2hkd)....2.上バラ(單點價1,600円=104hkd)....3.特上ロース(單點價2,500円=162.5hkd)....4.ハラミ(單點價1,800円=117hkd)....5.仲有少少蔬菜~......華~~好靚靚呀牛肉d色~~真係想打橫又影一張~打直又影一張~





老實說...全部都好好食~但.....只限每樣野既頭兩舊~





講真~d牛肉油花係好食既~但係食得太多真係好漏呀喂~~~~~~又估唔到佢個點肉既汁又有少少解漏作用喎~因為成日覺得日式烤肉個汁得個甜字~呢個有少少甜甜又酸酸~唔錯~




仲叫左個燒飯團...焼きおにぎり....各450円=29.3hkd....30hkd都唔使超勁大個超勁多料~~~~有小魚啦...木魚啦...芝麻同紫蘇係入面~幾好味~不過我地太漏了~




本日の汁物...280円=18.2hkd....個麵豉湯超勁好飲!!!好甜~~~原來今日係加入白蘿蔔~~~好好味~~又夠熱~~~




呢餐食左15,910円=1,034.2hkd....每人517.1hkd.....華....抵到....食左咁多和牛喎.....其實呢間餐廳係勁抵食既.....而且鳥取和牛也棒棒的....重點係.....呢度叫既牛我覺得要4個人食先會食得享受....依家兩個人食....多得滯~毛寶食完仲驚左食牛話希望之後幾日唔好俾佢見到牛肉~XXXXXD





番酒店前梗係要巡巡便利店啦!頭先巡左Family Mart...依家巡埋我好愛既Lawson先~~~~喂!!見到上網推薦既Lawson麵包呀!!!買!!




巡埋雪糕先~(頭先唔係話好漏好飽既咩?)




喂!!!有呀!!!!網紅牛奶雪糕呀~~~~~~





呢個我都勁想試!!!!但今晚太飽~~我寄存係你度先~~我去到第二個地方再買丫~(然後....再沒有然後...............................因為我係其他便利店甚至番到大阪都無再見到佢.................)




我好鐘意食牛奶雪糕架!!!出發前期待左好耐!!!見好多人網上都話好好食~~~~~一番到酒店咩都唔搞開黎食左先.......er..........個質感好差喎.....牛奶味又唔夠香濃....比普通雪糕質感還要差.....點解我要放低哥個茶味糯米糍而揀左你?!?!?!!?!?!?!?(又一證明得唔到既野永遠都係最好既)




呢個芝士白松露味薯片也是不錯吃的~呢日好似好長~好啦~放過你地喇~我去訓喇~聽日又是一個早起天~








2019/07/11的開心事：
大單野好像真的七七八八..
我好似見到彼岸了~~~~~~~~~~~



報時：距離九州自駕遊之旅仲有---86日~
報時：距離宜蘭聖誕親子遊之旅仲有---161日~