2017年5月15日 星期一

The Apron蠔吧扒房

星期五....算係無驚無險地收工...不過我係有d野有少少唔開心的..但仲未證實~放左工諗住去食狗場附近間日本野..點知無訂位無位...算囉~去附近既宏安大擦一餐都好開心架~點知行到去宏安無開囉.....於是就去雅廉訪附近一間毛寶好想食既cafe試下.....華.......好難食呀...我好難忘記哥碟係wasabi醬既綠色意粉....我形容哥隻綠色係失敗綠....街外cafe真係唔可以隨便試架.............夜晚睇左異形:聖約(Alien: Covenant)..其中有一幕嚇到我腳抽筋~~(係堅抽筋)......er..我都係鐘意普羅米修斯多d;]........星期六中午食左MO大堂間MO Express....食飽又要休息下~之後去左同小公子同埋小小公子玩~驚覺小公子真的長大了很多...甚是安慰~~~~之後行左venetian~買左條短褲去旅行時著~行完去百老匯華生堂飲個湯當晚飯~星期日....中午出門先去買旅行用既沖劑..蚊貼之類~再去食華星冰室~然後毛寶幫我又剪頭毛..(係呀我上星期先剪完~)....又衝出去買本書去旅行睇~再去MGM中菜食飯慶祝母親節~好忙呀今日~~....星期一落落大雨~好大雨~人係少左~但一到接更位都係咁多野做~~~~~~~~~不過算啦~~番多4日je~~~~



呀~你又以為我今日出Supper Moment呀~我又唔係今日出呀~我知你地好想睇架喇~(仍是欠揍樣~)....我要留番最特別既時候先出~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~今日講既呢間餐廳算係好新架喇~(對呢個blog黎講~)...就係開左唔算好耐既The Apron蠔吧扒房....地址:澳門銀河地下,G108........電話:8883 2221...強烈建議要訂枱先好去...切勿玩即興~呢間餐廳都幾過癮喎.....好似開係大街大巷咁......出面望到哂入面係點~仲有d枱櫈係坐到出左間鋪咁~




呢日我地即興諗住去食...點知勁多人食.....等左大半個鐘先有位.....等到好攰~(呢張係食到人地就黎關門我先影既~因為餐廳太多人唔係幾方便影相~)...當日我地係被安排坐吧枱位~如果再等普通枱我諗無多半個鐘都唔得~




烤牛扒個爐係開放式架~可以睇住佢烤牛扒~




個爐既後面就係放住Dry Aged肉既櫃...wow~巧靚話~




我地坐吧枱嘛~可以睇蠔吧上既蠔一清二楚~坐吧枱位都幾好丫~感覺都幾輕鬆~




餐牌..選擇唔算太多~不過有d係出面餐廳未見過~




焦點是這個生蠔的餐牌~望下...Oyster of the Day才$18?!?!!?(當時請自己好好努力記住係咩蠔...但我現在真的忘了~一個月都唔夠~)




仲有呢d汁可以揀黎同生蠔一齊食~




呢日咁開心~要飲少少酒既~(唔知開心d咩?其實我成日都咁開心~)....毛寶叫左一杯呢個紐西蘭紅酒2014 Schubert, Pinot Noir...$120/杯




我同我媽就叫左呢支澳洲既NV Chandon Brut...$330/支....食生蠔嘛~要飲少少汽酒既~(瘋婆子~)




叫左野食先來麵包~麵包好好吃唷~熱熱又鬆軟~




生蠔來了~先來拍一個照啦~(呀~係呀~唔記得講~呢餐係我媽補祝我生日~但我生日已經過左4個月~)




華~挺有氣勢的~~好彩我地3個都好鐘意食蠔既je~我地叫左每人半打生蠔開開胃先~6種都唔同~除左頭先講過既"Oyster of the Day $18/隻"之外...仲叫左"Bouzigues, Etang de Thau, Languedoc, France $28/隻"... "Belon No.3, Brittany, France $28/隻"...."d'Isigny, Bay of Veys, Normandy, France $38/隻"..."Irish Rock, North West Coast, County Donegal, Ireland $42/隻".....仲有"Tsarskaya, Cancale, Brittany, France $48/隻"




如果我無記錯(我真係唔擔保...)...我地應該係叫左法式香醋汁..辣根蕃茄醬同埋日本土佐醋(<-呢個我肯定有)...點解我咁記得~因為我覺得佢隻味最特別~




其實叫咩汁都無咩緊要~因為我根本係唔會落去隻蠔度~我只想用少許檸汁~我想食到蠔既新鮮~~~~好喇...我本身想每隻蠔都影...但有時食左先記得之下...影得3隻...好記得第一幅圖係Oyster of the Day......(但係邊款蠔唔好問我..我真係唔記得).....雖然Oyster of the Day係好平...$18/隻...但...就係勁瘦小...好似食緊佢塊皮咁....另外兩隻都係非常的袖珍和迷你~但幾鮮甜~(同埋佢係有食既順序...侍應會話俾你知)






食完半打...哈哈~~唔係好夠喉呀~~~隨即襯其他野上枱前叫埋餐牌上最貴哥兩款試埋佢~~~"Perle Noire No.2, Utah Beach, Normandy, France $55/隻"....."Gillardeau No.3, Marennes Oleron, France $58/隻"




好好味呀~~~~~我唔知係咪價錢取決一切~但我覺得呢兩隻最好食~





經歷成版生蠔既洗禮~要食少少前菜定定驚~由於我地坐吧枱~隔離有兩個女仔~係極鐘意同人傾計哥種~佢向我地推介呢個腌帶子佐腌制檸檬沙沙醬及哈里薩辣醬 $158...咁梗係要試試啦~~帶子不錯吃~~~不過哥pat哈里薩辣醬有點點孜仔味......我個人不太喜歡孜仔味~好彩呢個又唔算好濃~其實不錯吃既~謝謝推介~




白酒蒸鮮青口配意式西紅柿醬 $148...好好味~~~勁鮮甜~推介~青口還嫩嫩的~





烤牛骨髓配爵巴塔多士及西梅乾醬 $138....超香超香!!將牛骨髓揸上麵包...香到不得了..一口油香...而西梅乾醬可中和哥種漏....大推介~





哈哈~由於我地食完前菜都好夜..好多枱都走左~所以佢一煎扒我就知呢舊扒係我地哥舊~趕緊衝出去影~




呢個就係我地既主菜帶骨肉眼扒,480克,38日熟成 $488....再睇介紹...安格斯牛,海岸黑麥草飼,160日谷飼,新西蘭....我地本身係叫其他既...有一隻牛腿肉係用特濃咖啡腌制既...不過侍應推介我地要呢個...咁咪試下囉~佢話我地3個人食剛剛好~華~好靚呀~~~跟牛扒可揀一個醬...揀左自制幸運8醬....跟牛扒很配呢~牛扒味濃~極適合我地口味~~好好味呀~~~~~~





另外叫左side dish炒雜菌 $48...炒得好好味~毛寶說很讚~




香草薑汁焦糖布甸配巧克力焦糖奶油酥餅及粉紅葡萄柚意大利雪葩佐伯恩斯夫人檸檬羅勒 $78...個名長到丫.....薑汁Creme Brulee~~好鐘意~上面個奶油酥餅好好味呢~




每日特制雪糕及雪葩配暖山毛櫸糖漿瑪德蓮蛋糕 $68...雪糕也做得不錯吃~但我個人認為叫上面哥個薑汁creme brulee就好了~因為佢上面都有一球雪糕~可以食到多d野嘛~




記得銀河張優越會有9折~呢晚食左$2,554....每人$851.3....er...哈哈....er......我本身想講d野食唔係太貴je......如果唔食咁多蠔既話............................其實食物不錯...但我覺得佢水準可能不穩...因為有人覺得好正....有人覺得一般....我就覺得平既d生蠔麻麻..瘦得可憐.....但有人食最平哥隻都話大隻好正.....我就覺得d牛好正~有人覺得佢地塊扒過左火~咁就要等你自己去體會下~~~不過呢個價....我就會番去星際酒店食兩打澳洲生蠔算喇~~~~~~~但呢間Apron既牛我係覺得幾好食既~最唔好既就係...點解個餐牌要用簡體字????????用簡體字都算.......點解個青口個醬要用埋內地叫法西紅柿????唔可以叫蕃茄???....迷思..........多謝媽媽請我食舊年的生日飯~愛你~








2017/05/15的開心事:
見到你兩次~<3



報時:距離毛里裘斯渡假+馬達加斯加麵包樹之旅2017仲有---4日~
報時:距離與毛寶慶生快閃台北之旅2017仲有---135日~
報時:距離日本四國自駕遊之旅2017仲有---151日~
報時:距離新加坡熱辣辣聖誕節之旅2017仲有---220日~
番多4日工!!!
頂住呀~~~~~~~~~~~~~~~~~~~
我幾乖呀..都執得5566喇個gip~

32 則留言:

  1. 嘩~咁耐冇返嚟,一返嚟竟然就立刻排到第一!真係lucky!✌我覺得今集異形其實可以被列作三級,因為真係幾血腥幾恐怖!

    回覆刪除
    回覆
    1. 勁勁呀你~~~你真係好耐無出現過喇~~~
      我其實睇到有少少胃反呀哥日~

      刪除
  2. 謝謝💞大家💕關心💗祝福
    好友☁是時候瞓覺🌜甜夢🌛💤
    ✨我都要早睡早起🌟去睇神公🌙
     O
       o
     .∧_∧・。◇
     ( ・ω・ )
     |⊃/(___♦°¨*★
    /└-(____/✬・゚☆🐈
    ✾๑۩۞۩*ღೋஜഐ❉

    回覆刪除
    回覆
    1. 乖~乖~
      早睡早起!
      神公好快會好番架喇!!!

      刪除
  3. 生蠔我真係食吾到,個陣味我聞到就.......>_< 

    回覆刪除
  4. 睇完妳一週行行食食,妳真喺勁...
    我見到都攰...我年紀大喇,
    妳今次哩間餐廳幾掂,
    有靚裝,又有靚牛扒,蠔吧多選擇...

    回覆刪除
    回覆
    1. 其實上個星期六日都真係幾攰~我自己都覺得~
      無計啦..去旅行之前係多少少野買同做~
      唔錯呀~我都覺得幾好味~

      刪除
  5. 可以大陸客多所以menu要就返佢地...:P
    坐吧台可以睇埋廚師表演!
    好快又出發了,心情如何?

    回覆刪除
    回覆
    1. 唔應該咁囉.....係自己地方都仲要睇簡體或英文.....
      吧台得開生蠔睇~~~哈哈~~
      好緊張呀~~~~第一次去咋呢兩個國家~~~

      刪除
  6. 今次咁遲食生日飯既 ... 下個生日都就快到,不過間野都幾多選擇
    用簡體字、大陸語法應該冇得避免,而家外國好多路牌、告示都用簡體字
    要準備出發了,祝旅途愉快~~

    回覆刪除
    回覆
    1. hehe~~無咩所謂啦~~有得食就得~~~哈哈~~
      但......係自己地方仲要睇簡體字同英文就好不是味兒
      多謝多謝~~

      刪除
  7. 頭個隻生蠔令我諗起喺德國食個隻,又係好細隻,但勝在味道都okay。
    牛扒好鬼正咁,仲要幫你哋切開唒,好適合我呢類懶人。
    今次呢個旅行會去幾日呀?

    回覆刪除
    回覆
    1. 生蠔真係好好味~~~
      哈哈...其實我都好鐘意~因為我都好懶~~
      會去16日~

      刪除
  8. 呢排忙忙地,因為忙住搞個新電話,上個星期睡醒覺見到個電話死咗,個人真係癲咗,返到工司週身唔聚財,覺得自己好似失踪人口咁,到咗lunch time捉咗個同事車我去買電話,有返個電話個覺得重生一樣,雖然要重新整過晒d app!

    回覆刪除
    回覆
    1. 華!!咁慘!!!!如果係我都會周身唔聚財囉....

      刪除
  9. 口味真係好個人,但睇相真係好想食,尤其係個牛,蠔我就普通,因為食得多就覺得頂住個胃唔舒服,所以每次食半打就算
    八佰幾蚊,ok喇,食蠔係貴架,食得開心就得喇
    好快你又飛喇,影多啲相返嚟呀,記住做好防蚊,防晒準備,小心飲食,have a nice trip

    回覆刪除
    回覆
    1. 我勁鐘意食蠔~~~牛又係好鐘意...我鐘意食既野太多了...真不應該~
      開心呀~~呢餐阿媽請~
      會架喇~~我依家好緊張呀~~~~~~~~

      刪除
  10. 蠔呀......我至愛呀
    好啦~~~妳又去旅行....提早"祝妳旅遊愉快、食得小心暢快、玩得痛快.安全回來....
    Good bye 6月後再見啦......Take Care

    回覆刪除
    回覆
    1. 茅錯~~我都好愛~~
      多謝多謝~~~
      係喎....我番黎就到你出發~~~~~~咁同你講定玩得開心~~~~

      刪除
  11. 食狗場<-- 乜野來???
    嘩!D蠔實睇到我個港女流晒口水呀!
    咁你返嚟再見啦~ 你返嚟應該到我出發了,呵呵~

    回覆刪除
    回覆
    1. 呢個又係兒子生性病母倍感安慰既例子~~~~~~其實我係想話...想去食(跑)狗場附近既一間日本野~~~~跑狗場我地講慣左就咁叫狗場~~~~令到銀兄不安我倍感抱歉~~~~~~
      咦~~~港女好有推屎~~~~
      我番黎又到你出發~咁我地有好耐不見了~~~(應該你都係去大旅行啦~~)

      刪除
    2. 食狗場原來係咁,係我睇得衰啫,wakakaka~~~ 唔使咁認真嘅傻妹~
      飲飲食食我個港女同你一樣咁醒!
      好耐不見<-- 應該係囉,快d返嚟匯報馬達加斯加同毛厘頭呀!掛死人咩! 我唔係乜大旅行,時間可能同你差不多啫,去兩星期

      刪除
    3. wakaka~我自己睇番都覺得原來有標點符號真係好重要~~~
      睇黎我係要識港女~~~唔係識你~~~~~~佢又同我一樣鐘意食蠔又鐘意supper moment(講笑咋~~)
      等你回來中~~

      刪除
  12. 我都再一次補祝您生日快樂啦!

    回覆刪除
  13. 雜箘好難炒得好食, 主要係用濃湯汁猛火先煮菌, 煮佢幾秒就要乾水加油, 再炒兩下就要上碟, 好考功夫咖.

    回覆刪除
    回覆
    1. 但我都成日係屋企自己整~~~~~~
      不過我係亂炒一通~

      刪除