2017年5月11日 星期四

牛仔屋麵食+怪獸與牠們的產地(Fantastic Beast and Where to Find Them)

星期二.......今日Chlo子不能作伴....驚到要聽3次Supper Moment既"飛"先夠膽行出街番工~~~~~(聽3次就覺得佢地鼓勵左我~~~)......然後晚上又聽到新消息~~公司既新政策真係一浪接一浪~~令人好興奮~~~~(又要搬d小朋友既名句:呢度真係好好玩呀~~~~~)....星期三...呢幾日中午食飽飯都不能入睡....心跳得好快.....因為中午太多野做......根本到中午放工個人都放鬆唔到.............下午無啦啦要過隔離坐機.......今日只有一個字:好攰.............好彩放工有媽媽既蕃茄薯仔煲魚湯...好好味~多謝媽媽的愛~星期四....中午同埋下午接更時間比較忙~中午仲有個媽媽向我發老脾...好啦..算啦...我原諒你啦~~下午過左隔離counter自己坐機....仲收漏野~~打番俾個客~~不過學習係咁架啦~~~有野錯先學到野嘛~~(拿~我又鼓勵自己喇~~).......聽日星期五喇~~番足5日工真係好攞命~~但好開心聽日有得睇普羅米修斯第二集~~即係異形:聖約~~第一集我係不同航班重睇過無數次~唔知第二集點呢~(點解唔改個同第一集一樣咁型既名?)



又完左一個旅行啦~等大家輕鬆一下先~你又以為我會花痴擺Supper Moment既blog出黎~~我又唔擺呀~~~~(係咪好想打x我~~很欠揍的樣子~~XD)



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~又完左一個遊記~又講下野食~呢間係之前Diana介紹我的~話佢食開呢間~好味~所以我又要衝去食~~就係牛仔屋麵食~地址:澳門亞利鴉架街14號A....都係三盞燈哥頭~同我好鐘意食既上海生煎王同一條街~




茶餐廳~~我最鐘意周末去食茶餐廳~~~好鐘意上網睇人地話邊度茶餐廳好食就會衝去食~~~






牛雜粥 $22.....ok~都算幾多料~




雖然牛仔屋既重點推介應該係牛~但係我隆重推介我次次去都點既豬扒蘿蔔撈米加咖哩(價錢不詳~因為餐牌無寫雙拼料幾錢~單餸都多數$22...算幾平~自己參考下上面餐牌~)......蘿蔔林林的~個豬扒醃得好好味~咖哩很香~不會死辣~係呢間鋪既咖哩我心中的No.1~(但我發現我今年唔係成日去食~成日食隔離街既園林)




魷魚蘿蔔撈米加咖哩......魷魚不錯吃...但我都係鐘意園林d魷魚多d~佢地d魷魚極度正~




哈哈~~我有一次仲癲到豬皮薯仔豬扒撈米~~~~3餸麵~講真豬皮認真麻麻...因為係豬皮還豬皮..汁還汁....豬皮完全無味的~




豬大腸麵 $22....記得好像不錯~好像的原因因為係麥公子食的~(不負責任報導~)




仲有牛雜啦~$43.....我覺得都唔錯~而且幾多~不過旭仔係香港黎澳門時有食過~話香港的好食d~




最開心係食食下麵~又可以打下邊爐喎~~~~~~淨魷魚 $37...淨蘿蔔 $35..........呢篇無我個樣係咪好失望呢~不負責任食記告一段落~拜拜~呢篇真係好慳水慳力~







知架喇~知架喇~知你地有一篇見唔到呢個可愛既Blogger個心實立立亂架喇~~好啦~~~今日發放粉絲福利~~~~~(真係好驚你地睇完呢兩行就調頭走左...番黎呀~~~~).....好喇~你知啦~之前人地去睇怪獸與牠們的產地(Fantastic Beast and Where to Find Them)可謂傾盡全力咁去睇~~~~~話哂羅琳媽媽繼哈波之後又再帶我地進入魔法世界嘛~我梗係睇之前要去日本USJ入入貨~~為我既打扮費費心思啦~咁呢~哥日呢~我就梗係約埋我個哈波忠粉貞公子一齊去啦~~去左觀光塔睇~~~~(因為哈波第七集下集大結局我地就係約埋係呢度睇既~)...睇之前梗係要同海報影影相啦~~~不過張海報真係無咩氣勢~係呢個位影相係對正觀光塔入口~我受盡無情的異樣眼光~貞公子帶埋細粒哈波黎~:P





連我d朋友都嫌棄我呀~但阻唔到我要著住入場睇戲既決心~




我覺得著住霍格華茲校服睇真係特別有feel架~~~我睇得勁投入~毛寶訓左~點呀~你地覺得我造型點呀~夠認真無?我覺得真係爭咁對黑皮鞋...我下次會再認真d架喇~除左件白恤衫...灰西褲...黑波鞋...其他都係Official架~我真係不得不佩服我自己....30歲人~仲係咁白痴~(但我開心喎~)






當年今日對比圖...影之前無睇番....但整完對比圖先發覺...企既地點一樣.....企既位置一樣....我又係0都咀...毛寶又係指住迷你哈波.....那是默契嗎?




拿~又再之後....我係人地d fb知道左UA有個咁靚既佈景版之後....就日日係咁發癲~~~~(其實我真係好煩~但我就最憎人話我煩架喇~).....發到應該毛寶頂我唔順...某一晚又"了"我:喂~今晚去UA睇戲咯~........因為怕尷尬...揀了深夜時段來~~~拿!!你地話係咪靚喇~~~~~




極度帥氣~~~~~~我勁鐘意呢張相~~好靚好靚~~好帥好帥~~~~~~~~影之前毛寶又驚:華..乜深夜都咁多人黎既~..........




感覺上UA的觀眾接受能力比觀光塔的強一點~無咩人白眼我~~~~~我梗係影多張從皮篋入面跑出黎既怪獸啦~~~影完之後毛寶同我媽都話唔好著住入場睇喇~~~(好明顯驚俾人笑~)不過呢套係第一套我入場睇兩次既戲~覺得好開心~聽講呢個系列有5集~我會好好的準備下一次~(好有可能玩到40歲~)










我知喇~我頭先一開頭提完Supper Moment既"飛"你地一定好想聽架喇~~我貼心~~我貼埋出黎~~~大家一齊欣賞~~聽完我個心就覺得再難既事都唔係咁大既事~~~來吧來吧~來看看4年前既Sunny bb~~~~勁後生~~勁可愛~~仲有暗瘡添~~~~
自我與自己不再連繫
青春之後接過又是無情的洗禮
重擔是別人的認為
難過是勇氣開始節制;[

生命或許可以 重頭來一遍
你會寫上甚麼價值? 甚麼意義? 甚麼的起點?
甚麼都可以~~~~~~~~~:]



2017/05/11的開心事:
哈~我中午放工等緊過馬路無啦啦見到你喎~
好開心~<3



報時:距離毛里裘斯渡假+馬達加斯加麵包樹之旅2017仲有---8日~
報時:距離與毛寶慶生快閃台北之旅2017仲有---139日~
報時:距離日本四國自駕遊之旅2017仲有---155日~
報時:距離新加坡熱辣辣聖誕節之旅2017仲有---224日~
下~~~~單位數喇~~~
番埋下個禮拜工我就是王~~~~~捱埋佢啦~

32 則留言:

  1. 真係好投入+極度認真,有無人眼望望你,有既話.....一定好羨慕你的戲服

    回覆刪除
    回覆
    1. 唉呀~~原來你都係咁諗呀~~~我都係呀~~~

      刪除
  2. 好友☁是時候瞓覺🌜甜夢🌛💤
    ✨我都要早睡早起🌟去睇神公🌙

    回覆刪除
  3. 哩間店舖,食物都好另類,香港真喺未見過,
    牛雜粥真喺未食過,咖哩撈米...好特別。
    有機會到澳門要試下。

    回覆刪除
    回覆
    1. 無d食食下都又有得打邊爐架??...好似澳門都有幾間~~我有食過兩間~都不錯的~
      佢地d咖哩唔錯呢~
      歡迎歡迎~

      刪除
  4. 唔駛理人地白眼啦自己影得過癮就ok...wakakaka!!
    成套著晒真係幾靚喎,下次買埋皮鞋就perfect,同埋同埋記得著返魔杖果盞燈,好似仲有氣勢仲靚!!
    今次喱間牛仔屋啱我,我鍾意喱類地道平民嘢:P

    回覆刪除
    回覆
    1. 係超~~過~~癮~~~~好開心~~~
      我有諗過去番以前買番學鞋哥度買...唉呀~我有支真係有燈架...但我哥日無電芯呀~~~~
      我都鐘意~我成日星期六日食茶餐廳~

      刪除
  5. D人望你係咪因為你著錯衫咋,今次部戲個主角唔係哈利波特喎 ...
    張對比圖好難得 ... 除左髮型變左、望落瘦左 ... 表情、動作都擺得咁似,位置、企位直情一樣

    回覆刪除
    回覆
    1. 續上回:唔係要打擊你,係驚畀人學左句野,以後會用黎窒你 ... 最多我用FB話你知(用Вай Еунг搵,應該搵唔到第二個,大頭相係隻粉紅色野)

      刪除
    2. 哈哈~~大家有所不知~今集既主角同哈利一樣係讀霍格華茲架~嚴格黎講哈利係佢學弟~
      係囉...唔知點解~但我地無夾定架喎~

      刪除
    3. 唔知點解fb搵唔到既~
      一係你搵我啦~我個名同呢度個名一樣~

      刪除
  6. 你真係好鬼死正嘅啫,又試著到咁樣去睇戲
    點解會"受盡無情的異樣眼光"?啲人以為你放學睇戲啫
    新舊照對比,以前你都可以走靚女路線,毛寶以前個頭咁似假髮?貞公子以前咁成熟嘅?

    回覆刪除
    回覆
    1. 哈哈~~我正你應該不嬲都知架~
      野~~~~~好衰架~~仲話人地係學生哥~~~~~~~~
      咩我以前呀..我依家都係~

      刪除
  7. 真係好迷呀!著全副武裝去睇戲。
    不個個佈景加埋你好正,成個主角咁!但爬出嚟一幕好似某恐怖片呢!wakakaka~

    回覆刪除
    回覆
    1. 仲有,你仲有8日,我都仲有20日咋!give me five, yeah~~~

      刪除
    2. 係呀~當我好鐘意一樣野哥時真係可以好迷架~好似Supper moment咁~
      我有個fd係fb睇哥時以為我係其中一個主角~~~望真d我係邊先見到~~哈哈~~~

      刪除
    3. 你係咪呢個時間去非洲呀~~~
      我就黎出發~~好緊張呀~~~~~~~應該我番黎哥時你就出發囉~~~

      刪除
    4. 我一睇你張相到以為你係主角呀🤣🤣🤣,差D比你呃到⋯
      我唔去非洲了,原先話想跟我去個攝影阿Sir放我✈️,因為我下年應承左帶姨生女去,唔去咁密,所以去第二度

      刪除
  8. 今個星期無假放真係勁辛苦,要返足5日工。最恐佈係香港嚟杖6-9月都無紅日放,7-8月仲要係有31日。我希望我捱得過呢幾個月。
    呢間D野食好似好正咁,仲要好平,香港好難搵到$22一碗麵。重點仲有得打邊爐,好正呀。

    回覆刪除
    回覆
    1. 係呀...澳門都係呀....6 7 8 9月一日假都無......有排番工喇~~~~~
      係?!?!我覺得香港d野食平d喎~

      刪除
  9. 其實寫食記不用理會別人聲音
    此終各人口味不同
    很喜歡當年今日兩幅對比
    時光流逝友情卻加深很難得
    若在戲院見到妳這裝扮
    飛一定跟妳來過合照
    哈哈

    回覆刪除
    回覆
    1. 都係架~但我寧願每篇咁寫~好過一唔寫d人又扮失憶又再話~
      哈哈~~我地真係好搞笑~
      真的嗎~~~咁希望下次會相見~~wakakaka~

      刪除
  10. 預祝你毛里裘斯,馬逵加斯加旅途愉快.

    回覆刪除
  11. 剛睇完 ALIENS - COVENANT 的片頭, 原來劇情唔跟 Prometheus 結尾 , 只交待了一點關於 Elizabeth Shaw 和 DAVID的結局, 套戲反而跟首部 ALIEN 和 2 前段講 殖民家庭很相似.

    回覆刪除
    回覆
    1. 係呀係呀..因為呢幾集係前傳呀...但無咩出過Elizabeth Shaw我又有少少失望....

      刪除
  12. 妳好投入呀.....妳好傻好可愛....跟自已內心世界去做....我欣賞妳...
    妳好似"我的野蠻女友"套戲咁......不過妳係穿晒服裝去睇戲.....我欣賞妳...

    回覆刪除
    回覆
    1. 好多謝你既欣賞~我會一直傻下去~~wakakakkaa~

      刪除
  13. 我真係好懷念澳門以前啲街道,看見妳啲相真係有啲感動<3,上次回澳門已經好難搵到這些古早味啦。
    做人最緊要開心,又唔傷害到其他人,GO FOR IT !!!! yeah !

    回覆刪除
    回覆
    1. 咁你得閒黎下澳門啦~~~~有d地方仲有哥種味架~~~~
      hehe~那我一直玩下去咯~~~

      刪除